1 ᑕᓴᓗᓂᔭᓇ 5:12 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹² ᓂᐧᑲᓂᓯᑐᒄ, ᒋ ᐱᑯᓴᔨᒥᑎᓇᓐ ᒐᒋ ᒋᔅᑕᔨᒪᑯᒡ ᐊᓐᒡ ᑲ ᓂᑲᓂᔅᑲᑕᑯᒡ᙮ ᐛᔅ ᐅᑎᐸᔨᒋᒐᐛ ᒋ ᐅᑎᓂᑯᐅᒡ ᒐᒋ ᒋᔅᒋᓄᑕᐃᑕᑯᒡ ᑭᔭ ᒐᒋ ᒋᔅᑯᑎᒪᑕᑯᒡ ᒋᓴᒪᓂᑐᐛ ᐊ ᑕᔨᒋ ᒐᒋ ᐃᓯ ᐱᒪᑎᓯᐛᒄ᙮

1 ᑕᓴᓗᓂᔭᓇ 5:12 ပူးပေါင်းရင်းမြစ်များ

ᓗᒃ 10:7

ᐊᑯᑕ ᒪᒃ ᒐ ᑕᔭᒄ ᐊᓐᑕ ᐊᓐ ᒥᒋᐛᑉ ᐊ ᑕᒡ ᐊᓐᒡ ᐊ ᐎ ᐊᔭᒡ ᒋᔭᒪᔨᑎᒧᐅᓂᔪᐤ᙮ ᐊᑯᑕ ᒐ ᒥᒋᓱᔭᒄ ᑭᔭ ᒐ ᒥᓂᔭᒄ ᑕᓐ ᒐ ᐃᓯ ᒥᔨᑯᐅᔭᒄ, ᐛᔅ ᐊᐛᓐ ᑲ ᐊᑐᔅᒐᑦ ᑕᑈ ᐃᑕᔨᑕᑯᓱᐤ ᒐᒋ ᑎᐸᐊᒧᐛᑭᓄᐅᑦ᙮ ᐊᑲᐎᔾ ᐊᓱᐱᒐᒄ ᒥᒋᐛᑉ, ᐊᑯᑕ ᒥᒄ ᑕᒄ ᐊᓐᑕ ᑲ ᐱᑎᑲᐃᑯᐅᔭᒄ᙮”

ᒠᓐ 4:38

ᓴᔅ ᑯᑎᑭᒡ ᒋ ᓂᑕᐅᒋᑕᐅᒡ ᑭᔭ ᒋ ᒥᔅᑎ ᐊᑐᔅᒐᐅᒡ ᐊᓐᑕ ᑲ ᓂᑕᐅᒋᑕᑲᓄᐎᒡ᙮ ᐊᑯ ᒪᒃ ᐊ ᐃᑎᓴᐅᑎᑯᒡ ᒐᒋ ᒪᒧᓴᒋᓂᒪᒄ ᐊᓂᔭ ᓂᑕᐅᒋᑕᑭᓇ᙮ ᓇᒪᔭᐤ ᒋᔾ ᑲ ᓂᑕᐅᒋᑕᔨᓐ ᒥᒄ ᒪᒃ ᐃᔭᐱᒡ ᒋ ᐎᒋᐃᑯᐛᓐ ᐊᓂᔭ ᑲ ᐃᑕᐱᑎᓯᒡ᙮” ᐊᐅᑯᓐ ᑲ ᐃᑕᑦ ᒋᓴᔅ ᐅᒋᔅᒋᓄᐊᒧᐛᑭᓇ᙮

ᐊᑈᔅᑕᓇᒡ 20:28

ᓱᒃ ᒪᒃ ᓂᓇᑭᑐᐛᔨᒥᓱᒄ ᑭᔭ ᓱᒃ ᐎ ᒥᔪ ᑭᓄᐛᔨᒪᐧᑯᒡ ᐊᓂᔭᔪᐛ ᑲ ᐸᔭᒋᓯᑦ ᐊᒐᐧᒄ ᑲ ᒥᔨᑕᒄ ᒐᒋ ᓂᓇᑭᑐᐛᔨᒥᒪᑯ᙮ ᐃᔭᒂ ᐃᓯ ᑭᓄᐛᔨᒪᐧᑯᒡ ᒪᒧᐤ ᑲ ᐊᔭᒥᐊᐛᑎᓯᒡ, ᐛᔅ ᒋᓴᒪᓂᑐᐤ ᐎᔾ ᒋ ᑎᐸᐊᐛᐤ ᐅᔭ ᐃᔅᐱᔅ ᐅᑯᓴ ᑲ ᐱᔅᑎᓇᑦ ᒐᒋ ᓂᐸᐊᑭᓄᔨᒋ᙮

ᐊᑈᔅᑕᓇᒡ 20:35

ᐊᓐ ᒪᒃ ᒥᓯᐛ ᑲ ᐊᑎ ᐊᐃᑎᔭᓐ ᑭᔭ ᑲ ᐃᔅᐱᔅ ᒋ ᒥᔅᑎ ᐊᐱᑎᓯᔭᓐ ᒧᔅ ᔅᒋ ᐎ ᐛᐸᑎᔨᑎᓇᐛᐤ ᑕᓐ ᒋᐸ ᐎ ᐃᓯ ᐎᒋᐊᓄᒡ ᐊᓐᒡ ᑲ ᒋᔅᑎᒪᑎᓯᒡ ᑭᔭ ᒐᒋ ᒋᔅᒋᓯᔭᐧᒄ ᑕᓐ ᑲ ᐃᔅᒋᔄᑦ ᒋᑎᐸᔨᒋᒐᓯᒥᓄᐤ, ᐊᑐᐎᔅ ᐊᓐ ᐊᐛᓐ ᑲ ᒥᔨᐛᑦ ᒐᒂᔪᐤ ᓱᐛᔨᑕᑯᓱᐤ ᐃᔅᐱᔅ ᐊᓐ ᐊᐛᓐ ᑲ ᒥᔭᑭᓄᐅᑦ ᒐᒂᔪᐤ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 16:12

ᐊᓐᒡ ᐃᔎᐅᒡ ᑐᕋᐃᐱᓇ ᑭᔭ ᑐᕋᐃᐳᓴ ᐅᑎᐸᔨᒋᒐᐛ ᑲ ᐊᑐᔅᑯᐛᒡ, ᓂ ᐛᒋᔭᒪᐅᒡ ᑭᔭ᙮ ᓂᐎᒐᐛᑭᓐ ᐸᕐᓯᔅ, ᐊᐅᒄ ᒥᓐ ᐎᔭᒋᔭᒥᒃ, ᓇᔅᒡ ᑕᑈ ᓂ ᓴᒋᐊᐤ᙮ ᓇᔅᒡ ᑕᑈ ᒋ ᒥᔅᑎ ᐊᑐᔅᒐᐤ ᐅ ᐃᔎᐤ ᐅᑎᐸᔨᒋᒐᐛ ᐊ ᐊᑐᔅᑯᐛᑦ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 16:6

ᒪᕆ ᐊᓐ ᓇᔅᒡ ᑲ ᒥᔅᑎ ᐊᑐᔅᒐᑦ ᐊ ᐎᒋᐃᑕᒄ ᓂ ᐛᒋᔭᒪᐤ ᑭᔭ ᐎᔾ᙮

1 ᑯᕆᓐᑎᔭᓇ 12:28

ᑕᔪᐛ ᒪᒃ ᐅᒪᒧᐊᔭᒥᐊᐛ ᒋᓴᒪᓂᑐᐤ ᐊᒋ ᐅᑎᓇᑦ ᑕᓐ ᒐ ᐃᑕᐱᑎᓯᔨᒋ᙮ ᐊᓂᔭᔪᐛ ᓂᔅᑎᒻ ᑲ ᐅᑎᓇᑦ ᐊᐅᒄ ᐅᔭ ᐊᑈᔅᑕᓇ ᐊᑯ ᒥᓐ ᐅᒋᔅᒋᐛᐃᒐᓱᐛ, ᐊᑯ ᒥᓐ ᒋᔅᑯᑎᒪᒐᓱᐛ, ᑭᔭ ᐊᐛᔪᐛ ᒪᒥᔅᑲᒡ ᒐᒂᔪᐤ ᒐ ᐃᑐᑎᒥᔨᒋ᙮ ᒋ ᐅᑎᓇᐤ ᑭᔭ ᐊᐛᔪᐛ ᒐ ᒥᓏᒋᐃᐛᔨᒋ, ᑭᔭ ᐊᓂᔭᔪᐛ ᓂᓇᐧᑯᐤ ᒐ ᐃᓯ ᐎᒋᐊᔨᒋ ᐊᐛᔪᐛ᙮ ᒋ ᐅᑎᓇᐤ ᑭᔭ ᐊᐛᔪᐛ ᐊ ᐛᐎᐱᔨᑕᔨᒋ ᒐᒂᔪᐤ ᒐ ᐃᑕᐱᑎᓯᔨᒋ, ᑭᔭ ᐊᐛᔪᐛ ᒐ ᒂᔅᒋᐃᔨᒥᔨᒋ᙮

1 ᑯᕆᓐᑎᔭᓇ 15:10

ᒥᒄ ᒪᒃ ᒋᓴᒪᓂᑐᐤ ᓴᒐᔾ ᐊ ᒥᔪᑐᑎᒧᐛᑦ ᐊᐛᔪᐛ ᐊᑯᑕ ᐛᒋ ᐃᓯᓇᑯᓯᔭᓐ ᑕᓐ ᐊ ᐃᓯᓇᑯᓯᔭᓐ ᐊᓄᒡ᙮ ᓇᒪ ᒪᒃ ᒐᔅᑲ ᐊᓂᔭ ᑲ ᐃᓯ ᓴᒐᔾ ᒥᔪᑐᑎᒧᐅᑦ᙮ ᓂᔾ ᒪᒃ ᐎ, ᐊᑐᐎᔅ ᓱᒃ ᓂᒋ ᐊᑐᔅᒐᓐ ᐃᔅᐱᔅ ᒥᓯᐛ ᐊ ᑕᑎᓯᒡ ᐊᓐᒡ ᑯᑎᑭᒡ ᐊᑈᔅᑕᓇᒡ᙮ ᓇᒪᐎᔾ ᒪᒃ ᓂᔾ ᑎᐱᔨᐛ ᑲ ᐃᑎᔭᓐ᙮ ᒋᓴᒪᓂᑐᐤ ᐎᔾ ᓴᒐᔾ ᐊᒋ ᒥᔪᑐᑎᒧᐅᑦ ᐛᒋ ᐃᑐᑎᒪᓐ ᐅ ᑲ ᐃᓯ ᐊᔨᒧᑎᒪᓐ᙮

1 ᑯᕆᓐᑎᔭᓇ 16:16

ᓂᐧᑲᓂᓯᑐᒄ, ᓇᔅᒡ ᑕᑈ ᒋ ᓯᒋᒥᑎᓇᐛᐤ ᒐᒋ ᐱᔅᑕᔨᒥᑎᓱᔅᑐᐛᑯᒡ ᐊᓐᒡ ᐊᐛᓐᒋ ᐅᔭ ᑲ ᐃᑕᔨᑕᑯᓯᒡ᙮ ᐱᔅᑕᔨᒥᑎᓱᔅᑎᒪᑯ ᑭᔭ ᒥᓯᐛ ᐊᓂᔭᔪᐛ ᑲ ᐎᒋᐃᑯᒡ ᐊᓂᔭ ᐅᑦ ᐊᑐᔅᒐᐅᓄᐛᐤ ᑭᔭ ᓱᒃ ᑲ ᐊᒋᔅᑎᒥᔨᒋ ᐊᓂᔭ ᐊ ᐃᓯ ᐎᒋᐃᑯᒡ᙮

1 ᑯᕆᓐᑎᔭᓇ 16:18

ᐛᔅ ᒋ ᑎᑯᓂᔪᐤ ᑲ ᐃᓯ ᒥᔽᔨᑎᒥᔨᒡ ᒧᔭᒻ ᑲ ᐃᓯ ᑎᑯᓂᔨᒡ ᑲ ᐃᓯ ᒋ ᒥᔽᔨᑎᒥᐃᑕᑯᒡ ᑭᔭ ᒋᔨᐛᐤ᙮ ᒋᐸ ᒋᔅᑕᔨᒪᑭᓄᐎᒡ ᓇᐸᐅᒡ ᐅᔭ ᐊ ᐃᑕᔨᑕᑯᓯᒡ᙮

1 ᑯᕆᓐᑎᔭᓇ 3:9

ᑕᐱᔅᑯᓐ ᓂ ᐎᒋ ᐊᑐᔅᒐᒪᓇᓐ ᒋᓴᒪᓂᑐᐤ᙮ ᒋᔨᐛᐤ ᒪᒃ ᒧᔭᒻ ᓂᑕᐅᒋᑕᑭᓐ ᐊᔅᒋᔾ ᒋᑦ ᐃᓯᓇᑯᓯᓇᐛᐤ᙮ ᒪᒃ ᐅᑕ ᒋᐸ ᒋ ᐃᓯ ᑭᓄᐛᐸᑕᓇᐛᐤ᙮ ᒧᔭᒻ ᒋᓴᒪᓂᑐᐤ ᐅᐛᔅᑲᐃᑭᓂᒻ ᒋᑦ ᐃᓯᓇᑯᓯᓇᐛᐤ᙮

2 ᑯᕆᓐᑎᔭᓇ 11:23

ᐃᑕᔨᑎᒧᒡ ᐊ ᐊ ᐊᑐᔅᑯᐛᒡ ᙭ᑕ ? ᐊᑐᐎᔅ ᓂᔾ ᓂᑦ ᐊᑐᔅᑯᒪᔪᐛ᙮ ᓴᔅ ᐊᑐᐎᔅ ᓂ ᒋᔎ ᐃᔨᒥᓐ᙮ ᓇᒪ ᓂ ᒥᔽᔨᑕᓐ ᒧᔭᒻ ᐎᔨᐛᐤ ᐊ ᐃᓯ ᐊᔨᒧᒥᓱᒡ ᐊ ᐃᓯ ᐊᔨᒧᒥᓱᔭᓐ᙮ ᐊᑐᐎᔅ ᓂᔾ ᓂᒋ ᒥᔅᑎ ᐊᐱᑎᓯᓐ ᐃᔅᐱᔅ ᐎᔨᐛᐤ᙮ ᐊᑐᐎᔅ ᓂᔾ ᒥᒐᑥᐤ ᓂᒋ ᒋᐸᐅᑯᓐ᙮ ᐊᑐᐎᔅ ᓂᔾ ᒥᒐᑥᐤ ᓂᒋ ᐱᓯᔅᑕᐅᑯᓐ ᐃᔅᐱᔅ ᐎᔨᐛᐤ᙮ ᐊᑐᐎᔅ ᓂᔾ ᒥᒐᑥᐤ ᓂᒋ ᐸᓱᐛᐸᑕᓐ ᓂᐳᐅᓐ ᐃᔅᐱᔅ ᐎᔨᐛᐤ᙮

2 ᑯᕆᓐᑎᔭᓇ 5:9

ᐊᑯ ᒪᒃ ᒥᒄ ᐊ ᐃᑎᔭᐧᒄ ᒋᑦ ᐃᑎᓇᓄᐤ ᒐᒋ ᓇᐊᔨᑎᒪᐊᐧᒄ ᐅᑎᐸᔨᒋᒐᐤ ᒪᒂᒡ ᐅᑕ ᐊ ᐱᒪᑎᓯᔭᐧᒄ ᒪᒃ ᐊᓐᑕ ᐊ ᑕᑦ ᑕᔭᒂ᙮

2 ᑯᕆᓐᑎᔭᓇ 6:1

ᐊᓐ ᒪᒃ ᐊ ᒪᒧᐤ ᐊᑐᔅᑯᐅᒋᒡ ᒋᓴᒪᓂᑐᐤ ᒋ ᓂᑐᑎᒪᑎᓇᓐ ᒐ ᐊᑲ ᒋ ᐃᓯᓇᑯᓯᔭᒄ ᐊᑲ ᐊ ᐊᐱᑕᔨᑎᒪᒄ ᑕᓐ ᐊ ᐃᓯ ᒋᓴᐛᑐᑕᑕᒄ ᒋᓴᒪᓂᑐᐤ᙮

ᑲᓚᓯᔭᓇ 4:11

ᒋ ᒥᑯᔅᑲᑕᔨᑎᒥᐃᓇᐛᐤ ᐊ ᒪᒥᑐᓇᔨᒥᑎᑯᒡ᙮ ᒐᔅᑲ ᑲᑭᔭ ᐊᓐ ᑲ ᐃᔅᐱᔅ ᒋ ᒥᔅᑎ ᐊᑐᔅᒐᔭᓐ ᐊ ᐎ ᐎᒋᐃᑎᑯᒡ᙮

ᐱᓕᐱᔭᓇ 2:16

ᐊᐅᑯᓐ ᐅ ᒋᐸ ᐃᓯ ᐱᒪᑎᓯᓇᐛᐤ ᐊ ᐛᐎᑎᒧᐛᑯᒡ ᐊᐛᓐᒋ ᒋᓴᒪᓂᑐᐛ ᐊ ᐱᒪᒋᐃᐛᔨᒋ᙮ ᐊᑯ ᒪᒃ ᐃᔅᐱ ᐅᑎᒋᐱᔨᒐ ᙭ ᒐ ᑎᑯᓯᐧᒃ, ᐊᑯ ᒐ ᒪᒥᒋᐛᐃᔭᓐ᙮ ᐊᑯ ᒐ ᓄᒂᒡ ᐊᑲ ᓴᒐᐃ ᐅᒋ ᐊᑐᔅᒐᔭᓐ᙮

ᐱᓕᐱᔭᓇ 2:19

ᓂᑐᐛᔨᑕᒐ ᐅᑎᐸᔨᒋᒐᐤ ᒋᓴᔅ, ᓂ ᐱᑯᓴᔨᑕᓐ ᒐᒋ ᐃᑎᓴᐅᒃ ᑎᒧᑎ ᐊᓐᑕ ᐊ ᑕᐛᒄ᙮ ᐊᑯ ᒪᒃ ᒐ ᒥᔽᔨᑎᒪᓐ ᐸᑎᒪᓇ ᑕᓐ ᐊ ᐃᑕᒋᒥᑯᐅᔭᒄ᙮

ᑯᓚᓯᔭᓇ 1:29

ᒐᒋ ᐃᑐᑎᒪᓐ ᒪᒃ ᐅ ᓂ ᐅᔅᑯᐎᓐ ᑕᓐ ᐊᔅᐱᔅ ᓱᒃ ᐊᑐᔅᒐᔭᓐ᙮ ᐊᓂᔭ ᓱᒐᔨᑕᑯᓱᐅᓂᔪᐤ ᐊ ᐃᓯ ᒥᔨᑦ ᙭ ᓄᑕᐱᒋᐅᓐ᙮ ᓇᔅᒡ ᒪᒃ ᐛᔅ ᓄᑯᓂᔪᐤ ᐊᓂᔭ ᓱᒐᔨᑕᑯᓱᐅᓂᔪᐤ ᒪᒂᒡ ᐊᓐᑕ ᐊ ᐊᑐᔅᒐᐅᒡ᙮

1 ᑕᓴᓗᓂᔭᓇ 2:9

ᓂᐧᑲᓂᓯᑐᒄ, ᒐᔅᑎᓇᔅ ᒋ ᒋᔅᒋᓯᓇᐛᒐ ᑕᓐ ᑲ ᐃᔅᐱᔅ ᒥᔅᑎ ᐊᑐᔅᒐᔭᒡ ᐊᓐᑕ ᐊ ᑕᔭᒄ᙮ ᓂᒋ ᐊᑐᔅᒐᓇᓐ ᐊ ᒋᓯᑲᒡ ᑭᔭ ᐊ ᑎᐱᔅᑲᒡ ᓂᔭᓐ ᒐᒋ ᐱᒥᐱᔨᐃᓱᔭᒡ ᒐ ᐊᑲ ᒋ ᑯᓯᑯᔅᑲᑯᔭᒄ ᐊ ᐃᑕᔨᑎᒪᒄ ᒐᒋ ᐸᒋ ᐱᒥᐱᔨᐃᔭᒡ ᒪᒂᒡ ᐊ ᐛᐎᑎᒪᑕᒡ ᒋᓴᒪᓂᑐᐤ ᐅᒥᔽᒋᒧᐅᓐ᙮

1 ᑕᓴᓗᓂᔭᓇ 4:1

ᒪᔅᑕᔾ ᒪᒃ ᓂᐧᑲᓂᓯᑐᒄ, ᔅᒋ ᒋᔅᑯᑎᒪᑎᓇᓐ ᑕᓐ ᒋᐸ ᐃᓯ ᐱᒪᑎᓯᓇᐛᐤ ᒐᒋ ᓇᐊᔨᑎᒥᐊᒄ ᒋᓴᒪᓂᑐᐤ᙮ ᐊᐅᒄ ᒪᒃ ᑕᑈ ᐊ ᐃᓯ ᐱᒪᑎᓯᔭᒄ᙮ ᒋ ᐱᑯᓴᔨᒥᑎᓇᓐ ᒪᒃ ᑭᔭ ᒋ ᓯᒋᒥᑎᓇᓐ ᓱᒃ ᐊᑐᐎᔅ ᐅ ᒐᒋ ᐃᑎᔭᒄ ᐊ ᓇᓴᐛᒄ ᑭᔭ ᒋᔨᐛᐤ ᐅᑎᐸᔨᒋᒐᐤ ᒋᓴᔅ᙮

1 ᑕᓴᓗᓂᔭᓇ 5:14

ᓂᐧᑲᓂᓯᑐᒄ, ᒋ ᓯᒋᒥᑎᓇᓐ ᒐᒋ ᐃᔭᒂᒥᒪᑯᒡ ᐊᓐᒡ ᐊᑲ ᐎ ᐊᑐᔅᒐᒡ᙮ ᐎᒋᐊᐧᑯᒡ ᐊᓐᒡ ᑲ ᑯᔅᑕᒋᒡ ᒐ ᐊᑲ ᒋ ᑯᔅᑕᒋᒡ ᑭᔭ ᐎᒋᐊᐧᑯᒡ ᐊᓐᒡ ᐊᑲ ᓴᐸᔨᑕᒡ, ᑭᔭ ᐊᓐᒡ ᑲ ᓄᑕᐱᔨᒡ ᒐᒂᔪᐤ᙮ ᒥᓯᐛ ᐊᐛᓐ ᓯᐱᔪᐛᓯᔅᑐᐛᐧᒄ᙮

1 ᑎᒧᑎ 5:1

ᐊᑲᐎᔾ ᒋᑕᐊᒧᐤ ᐊᐛᓐ ᑲ ᒋᓴᐃᔪᐅᑦ᙮ ᐊ ᐃᑕᔨᑕᑯᓂᒂ ᒪᒃ ᒐᒋ ᒋᑕᐊᒧᐛᑭᓄᐅᑦ ᒐᒂᔪᐤ ᐃᔭᒂ ᐃᓯ ᐃᔨᒥᐃ ᒧᔭᒻ ᑕᓐ ᒋᐸ ᐃᑐᑐᐛᐤ ᑎᐱᔨᐛ ᒍᑕᐎᔾ᙮ ᐊᓐᒡ ᑲ ᐅᔅᒋᓂᒋᓱᐅᒡ ᒧᔭᒻ ᑎᐱᔨᐛ ᐊ ᐎᐧᑲᓂᓯᔨᓐ ᒋᐸ ᐃᑐᑐᐛᐅᒡ,

1 ᑎᒧᑎ 5:20

ᐊ ᑕᒂ ᒪᒃ ᐊᐛᓐ ᐊ ᓂᑲᓂᔅᑲᐧᒃ ᐊᔭᒥᐊᐅᒋᐛᐱᔪᐤ ᑕᑈ ᐊ ᐊᑕᒪᔨᑕᑯᓯᑦ ᐊ ᒥᒋᑐᑕᐧᒃ ᑯᐃᔅᒄ ᒋᐸ ᐎᑎᒧᐛᑭᓄᐤ ᑕᓐ ᐊ ᐃᓯ ᐅᓂᑐᑎᐧᒃ ᐅᑎᔅᑯᐤ ᒥᓯᐛ ᐅᒪᒧᐊᔭᒥᐊᐛ ᐊ ᑕᔨᒋ ᑭᔭ ᒥᓯᐛ ᐊᐛᓐ ᐊᓐᑕ ᒐᒋ ᐅᒋ ᐃᔭᒂᒥᑦ᙮

2 ᑎᒧᑎ 2:6

ᑭᔭ ᓂᑕᐅᒋᒐᓱᐤ ᓱᒃ ᑲ ᐊᑐᔅᒐᑦ ᐃᑕᔨᑕᑯᓂᔪᐤ ᐎᔾ ᓂᔅᑎᒻ ᒐᒋ ᐸᒂᓂᒪᓱᑦ ᐊᓂᔭ ᑕᓐ ᑲ ᐃᓯ ᓂᑕᐅᒋᑕᑦ᙮

ᑕᐃᑕᔅ 1:3

ᐊᐅᑯᐤ ᒪᒃ ᐛᑎᒋᐱᔨᒡ ᐊᓐᑕ ᐎᔾ ᒋᓴᒪᓂᑐᐤ ᑲ ᐃᑕᔨᑎᒥᐃᑯᑦ ᒐᒋ ᒋᔅᒐᔨᑕᑭᓄᐎᒡ ᒥᔽᒋᒧᐅᓂᔪᐤ᙮ ᐊᑯ ᒪᒃ ᒥᓯᐛ ᐊᐛᓐ ᐎᔭᐎᑎᒧᐅᒃ ᐅᔭ ᒥᔽᒋᒧᐅᓂᔪᐤ᙮ ᓂᔾ ᓂᒋ ᒥᔨᒄ ᒋᓴᒪᓂᑐᐤ ᒋᐱᒪᒋᐃᐛᒥᓄᐤ ᒐᒋ ᐊᑐᔅᒐᔅᑎᒪᓐ ᐅ᙮

ᑕᐃᑕᔅ 1:5

ᔅᒋ ᓂᑭᑎᑎᓐ ᐊᓐᑕ ᐊᓐ ᒥᓂᔅᑎᒄ ᑯᕆᑦ ᐊ ᐃᓯᓂᐧᑲᑕᒡ ᒐᒋ ᐎᒋᐃᑥᐤ ᐊᓐᒡ ᒪᒧᐤ ᑲ ᐊᔭᒥᐊᐛᑎᓯᒡ ᑕᓐᑕ ᐛᐅᔅᑕᐱᔨᒡ ᐅᑕᑈᑎᒧᐅᓄᐛᒡ᙮ ᔅᒋ ᐃᑎᑎᓐ ᒥᓯᐛ ᐊ ᑕᑎᒋ ᐅᑕᓇᐛ ᒐᒋ ᐅᑎᓂᑥᐤ ᐊᓐᑕ ᐊᐛᓐᒋ ᒐ ᓂᑲᓂᔅᑯᐛᒡ ᐊᓂᔭ ᐅᒪᒧᐊᔭᒥᐊᐛ᙮ ᒋᔅᒋᓯ ᑕᓐ ᑲ ᐃᑎᑕᓐ ᒋᐸ ᐃᑕᔨᑕᑯᓱᐤ ᐊᐛᓐ ᐊ ᓂᑲᓂᔅᑯᐛᑦ ᐅᒪᒧᐊᔭᒥᐊᐛ᙮

ᑕᐃᑕᔅ 2:15

ᒋᔅᑯᑎᒧᐅᒡ ᐅᔭ ᒐᒂᔪᐤ ᑭᔭ ᐊᐱᒋᑕ ᐊᓐ ᑎᐸᔨᒋᒐᐅᓐ ᑲ ᒥᔨᑯᔨᓐ ᒐᒋ ᓯᒋᒥᑥᐤ, ᑭᔭ ᒐᒋ ᐎᑎᒧᐅᑥᐤ ᑕᓐᑕ ᐊ ᐅᓂᐱᔨᒡ᙮ ᐊᑲᐎᔾ ᐊᐛᓐ ᒋᑭ ᐅᒋ ᐎ ᐊᑐᐛᔨᒧᒄ᙮

ᐃᑉᕈᐛ 13:17

ᓂᓇᐃᑐᐛᐧᑯᒡ ᐊᓐᒡ ᑲ ᓂᑲᓂᔅᑲᑕᑯᒡ ᐊᔭᒥᐊᐅᒋᐛᐱᒡ᙮ ᐛᔅ ᒋᐛᐎᒋᐃᑯᐛᐅᒡ ᒋᑕᑈᑎᒧᐅᓄᐛᒡ᙮ ᐊᐅᒄ ᐅᔭ ᐅᑦ ᐊᑐᔅᒐᐅᓄᐛᐤ᙮ ᐛᔅ ᒋᑭ ᓂᑐᐛᔨᑕᑯᓱᐅᒡ ᒐᒋ ᐎᑎᒧᐛᒡ ᒋᓴᒪᓂᑐᐛ ᑕᓐ ᑲ ᐃᑐᐛᒄ᙮ ᒋᑭ ᒥᔽᔨᑎᒧᒡ ᒪᒃ ᒐᒋ ᐃᑐᑕᒡ ᐅᔭ ᐅᑦ ᐊᑐᔅᒐᐅᓄᐛᐤ ᒧᔭᒻ ᒋᔨᐛᐤ ᓂᓇᐃᑐᐛᒂᐛ ᑭᔭ ᒋᔅᑕᔨᑎᒧᐛᒂ ᑕᓐ ᑲ ᐃᓯ ᒥᔭᑭᓄᐎᒡ ᒐᒋ ᓂᑲᓂᔅᑲᑕᑯᒡ᙮ ᐊᑲ ᒪᒃ ᐅ ᑎᔭᒂ ᒋᑭ ᒥᒐᔨᑎᒧᒡ ᑭᔭ ᓇᒪ ᒋᑭ ᒋ ᒥᔪ ᐎᒋᐃᑯᐛᐅᒡ᙮

ᐃᑉᕈᐛ 13:7

ᒥᓐ ᑯᑎᒡ ᒐᒂᓐ, ᒪᒥᑐᓇᔨᒪᐧᑯᒡ ᒪ ᐊᓐᒡ ᒪᐅᒡ ᓂᔅᑎᒻ ᑲ ᐛᐎᑎᒪᑕᑯᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ, ᐊᓐᒡ ᑲ ᓂᑲᓂᔅᑲᒡ ᐊᔭᒥᐊᐅᒋᐛᐱᔪᐤ᙮ ᒪᒥᑐᓇᔨᒪᐧᑯᒡ ᑕᓐ ᑲ ᐃᑕᑎᓯᒡ ᑭᔭ ᑲ ᐃᓯ ᐳᓂᐱᒪᑎᓯᒡ ᐊᔅᒄ ᐊ ᑕᑈᔭᔨᒪᒡ ᒋᓴᓴ᙮ ᐊᐅᑯᓐ ᐊᓐ ᒐ ᐎ ᐎᒋᐃᑯᔭᒄ ᒐᒋ ᑕᑈᑎᒪᒄ ᑕᓐ ᑲ ᐃᓯ ᑕᑈᑕᒡ᙮

ᒋᔅᒐᔨᑕᑯᑕᒐᐅᓐ 1:20

ᐊᓐᒡ ᒪᒃ ᓂᔄᐅᑕᒡ ᐅᒐᑭᑕᐧᑯᒡ ᑲ ᐛᐱᒥᑥᐤ ᓂᒥᔪᐅᓂᒡ ᐊ ᑕᐧᑯᓂᒂᐤ ᑭᔭ ᐊᓂᔭᔪᐛ ᓂᔄᐅᑕᒡ ᑲ ᐎᔄᐅᓱᓇᔭᐱᔅᑯᐅᒋ ᐛᔅᑕᓂᐱᒪᑭᓇᑎᒂ, ᐊᐅᒄ ᐅ ᐊ ᐃᓯ ᐎᑎᒪᒐᒥᑲᒋ᙮ ᐊᓐᒡ ᓂᔄᐅᑕᒡ ᐅᒐᑭᑕᐧᑯᒡ, ᐊᐅᒄ ᐊᓐᒡ ᐊᓐᒋᓐᒡ ᑲ ᓂᑲᓂᔅᑯᐛᒡ ᐅᒪᒧᐊᔭᒥᐊᐛ ᐊᓐᑕ ᐊᓂᔭ ᓂᔄᐅᑕᒡ ᐊᔭᒥᐊᐅᒋᐛᐱᒡ ᐊ ᑕᒡ᙮ ᐊᑯ ᐊᓂᔭᔪᐛ ᓂᔄᐅᑕᒡ ᑲ ᐎᔄᐅᓱᓇᔭᐱᔅᑯᐅᒋ ᐛᔅᑕᓂᐱᒪᑭᓇᑎᒂ ᐊᐅᒄ ᐊᓂᔭᔪᐛ ᓂᔄᐅᑕᒡ ᐊᔭᒥᐊᐅᒋᐛᐸ ᑲ ᐊᔨᒧᑕᒋ᙮”

ᒋᔅᒐᔨᑕᑯᑕᒐᐅᓐ 2:12

“ᒪᐅ ᐃᑎᓯᓇᐊᒧᐤ ᐊᓐ ᐊᓐᒋᓐ ᑲ ᓂᓇᑭᑐᐛᔨᒪᑦ ᐅᒪᒧᐊᔭᒥᐊᐛ ᐊᓐᑕ ᐸᕐᑲᒪᒻ ᐊ ᑕᔨᒋ, ᐊᐅᒄ ᐅᔭ ᐊ ᐃᔅᒋᔄᑦ ᐊᓐ ᑲ ᐊᔭᑦ ᐃᑐᐤ ᑲ ᐃᓯ ᑲᓴᔨᒡ ᓂᑐᐱᔪᐅ-ᒧᐧᑯᒪᓂᔪᐤ᙮

ᒋᔅᒐᔨᑕᑯᑕᒐᐅᓐ 2:18

“ᐊᑯ ᒥᓐ ᒂ ᐃᑎᑯᔭᓐ, ᐊᐅᒄ ᐅᔭ ᐃᑎᓯᓇᐊᒧᐤ ᐊᓐ ᐊᓐᒋᓐ ᑲ ᓂᓇᑭᑐᐛᔨᒪᑦ ᐅᒪᒧᐊᔭᒥᐊᐛ ᐊᓐᑕ ᑕᔭᑕᐃᕋ ᐊ ᐃᑕᔨᒡ, ᐊᐅᒄ ᐅᔭ ᐊ ᐃᔅᒋᔄᔨᒋ ᒋᓴᒪᓂᑐᐤ ᐅᑯᓴ, ᐅᔅᒋᓯᒂ ᒧᔭᒻ ᐃᔅᑯᑕᐤ ᐊ ᐃᓯᓇᑯᓂᔨᒋ, ᑭᔭ ᐅᓯᑎᔪᐛ ᒧᔭᒻ ᑲ ᐛᐸᐱᔅᒋᓯᑦ ᓱᓇᔭᐱᔅᒄ ᐊ ᐛᔅᑕᔭᐱᔅᒋᓯᑦ ᐊ ᐃᓯᓇᑯᓂᔨᒋ,

ᒋᔅᒐᔨᑕᑯᑕᒐᐅᓐ 2:3

ᒧᔅ ᔅᒋ ᓯᐱᔪᐛᓯᓇᐛᐤ ᐊ ᓂᒋᔅᑭᒪᒄ ᒐᒂᓐ᙮ ᔅᒋ ᐊᔨᒥᐅᓇᐛᐤ ᑭᔭ ᐊ ᓇᓴᐅᔭᒄ᙮ ᓇᒪ ᒪᒃ ᒋ ᐅᒋ ᓄᑎᐳᓂᓇᐛᐤ ᐊ ᑕᑈᑎᒪᒄ᙮

ᒋᔅᒐᔨᑕᑯᑕᒐᐅᓐ 2:8

“ᐊᐅᒄ ᐅ ᐃᑎᓯᓇᐊᒧᐤ ᐊᓐ ᐊᓐᒋᓐ ᑲ ᓂᓇᑭᑐᐛᔨᒪᑦ ᐅᒪᒧᐊᔭᒥᐊᐛ ᐊᓐᑕ ᓯᒥᕆᓇ ᐊ ᑕᔨᒋ, ᐊᐅᒄ ᐅᔭ ᐊ ᐃᔅᒋᔄᑦ ᐊᓐ ᓂᔅᑎᒻ ᑲ ᑕᑦ ᑭᔭ ᒪᔅᑕᔾ ᒐ ᑕᑦ, ᐊᓐ ᑲ ᓂᐱᑦ ᑭᔭ ᑲᐤ ᑲ ᐅᓂᔅᑲᑦ᙮

ᒋᔅᒐᔨᑕᑯᑕᒐᐅᓐ 3:1

“ᐊᑯ ᒥᓐ ᒂ ᐃᑎᑯᔭᓐ, ᐊᐅᒄ ᐅᔭ ᐃᑎᓯᓇᐊᒧᐤ ᐊᓐ ᐊᓐᒋᓐ ᑲ ᓂᓇᑭᑐᐛᔨᒪᑦ ᐅᒪᒧᐊᔭᒥᐊᐛ ᐊᓐᑕ ᓴᕐᑎᔅ ᐊ ᑕᔨᒋ, ᐊᐅᒄ ᐅᔭ ᐊ ᐃᔅᒋᔄᑦ ᐊᓐ ᑲ ᑎᐸᔨᒪᑦ ᐊᓂᔭᔪᐛ ᓂᔄᐅᑕᒡ ᐊᒐᒂ ᑲ ᐊᑐᔅᑯᐛᔨᒋ ᒋᓴᒪᓂᑐᐛ, ᐊᓐ ᑲ ᑕᐧᑯᓇᑦ ᓂᔄᐅᑕᒡ ᐅᒐᑭᑕᒂ᙮ ᒋ ᒋᔅᒐᔨᒥᑎᓇᐛᐤ ᒥᓯᐛ ᑕᓐ ᐊ ᐃᑎᔭᒄ, ᐃᑕᐤ᙮ ᒋ ᒋᔅᒐᔨᒥᑎᓇᐛᐤ ᐊ ᐃᑕᔨᒥᑯᔭᒄ ᑕᑈ ᐊᒐᐧᑯᐅᓂᒡ ᐊ ᐃᓯ ᐱᒪᑎᓯᔭᒄ, ᒥᒄ ᒪᒃ ᒋ ᓂᐱᓇᐛᐤ᙮

ᒋᔅᒐᔨᑕᑯᑕᒐᐅᓐ 3:14

“ᒥᓐ ᒪᒃ ᓂᒋ ᐃᑎᑯᓐ᙮ ᐊᐅᒄ ᐅᔭ ᐃᑎᓯᓇᐊᒧᐤ ᐊᓐ ᐊᓐᒋᓐ ᑲ ᓂᓇᑭᑐᐛᔨᒪᑦ ᐅᒪᒧᐊᔭᒥᐊᐛ ᓚᐅᑎᓯᔭᒡ ᐊ ᑕᔨᒋ, ᐊᐅᒄ ᐅᔭ ᐊ ᐃᔅᒋᔄᑦ ᐊᓐ ᐊᓐᑕ ᐛᒋ ᒐᔅᑎᓇᑕᔨᑕᑯᓂᔨᒡ ᒥᓯᐛ ᑕᓐ ᐊ ᐃᔅᒋᔄᑦ ᒋᓴᒪᓂᑐᐤ ᒐ ᐃᑐᑎᒪᒐᑦ ᑭᔭ ᒐ ᐃᑎᑦ, ᐊᓐ ᑯᐃᔅᒄ ᑲ ᐃᑎᑦ ᐊ ᐎᑕᐧᒃ ᑕᓐ ᐊᓐ ᐊ ᐃᑕᔨᑕᑯᓯᔨᒋ ᒋᓴᒪᓂᑐᐛ, ᐊᓂᔭᔪᐛ ᑲ ᐊᐱᒋᐊᑦ ᒋᓴᒪᓂᑐᐤ ᒥᓯᐛ ᒐᒂᔪᐤ ᑲ ᐅᓯᑕᑦ᙮

ᒋᔅᒐᔨᑕᑯᑕᒐᐅᓐ 3:7

“ᒥᓐ ᓂᒋ ᐃᑎᑯᓐ, ᐊᐅᒄ ᐅᔭ ᐃᑎᓯᓇᐊᒧᐤ ᐊᓐ ᐊᓐᒋᓐ ᑲ ᓂᓇᑭᑐᐛᔨᒪᑦ ᐅᒪᒧᐊᔭᒥᐊᐛ ᐱᓚᑕᓪᐱᔭᒡ ᐊ ᑕᔨᒋ, ᐊᐅᒄ ᐅᔭ ᐊ ᐃᔅᒋᔄᑦ ᐊᓐ ᑲ ᐸᔭᒋᓯᑦ, ᐊᓐ ᒧᔅ ᑯᐃᔅᒄ ᑲ ᐃᑎᑦ ᐊ ᐊᑐᔅᑯᐛᑦ ᒋᓴᒪᓂᑐᐛ᙮ ᑕᐧᑯᓂᒺᐤ ᑎᐱᑕ ᐅᑦ ᐊᐸᐃᑭᓂᔪᐤ᙮ ᔪᑕᓇᒐ ᔅᑐᐧᑭᓇ, ᓇᒪ ᐊᐛᔪᐛ ᒋᑭ ᒋ ᒋᐸᐛᔪᐛ᙮ ᒋᐸᐛᒐ ᔅᑐᐧᑭᓇ, ᓇᒪ ᐊᐛᔪᐛ ᒋᑭ ᒋ ᔪᑕᓇᔪᐛ᙮