1 ᑕᓴᓗᓂᔭᓇ 4:8 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁸ ᐊᐛᓐ ᒪᒃ ᐊᑲ ᐊᐱᑕᔨᑎᒧᒂ ᐅᔭ ᒋᔅᑯᑎᒪᒐᐅᓂᔪᐤ ᓇᒪᔭᔪᐛ ᓇᐸᐛ ᐊᑲ ᐊᐱᑕᔨᒪᑦ᙮ ᒋᓴᒪᓂᑐᐛ, ᐊᓂᔭᔪᐛ ᑲ ᒥᔨᑯᑦ ᑲ ᐸᔭᒋᓯᔨᒋ ᐊᒐᒂ ᐊᐅᑯᓐ ᐊᓂᔭᔪᐛ ᓇᒪ ᐊᐱᑕᔨᒪᐤ᙮

1 ᑕᓴᓗᓂᔭᓇ 4:8 ပူးပေါင်းရင်းမြစ်များ

ᐊᒃᓱᑕᔅ 16:8

ᒧᓱᔅ ᐃᔭᐱᒡ ᒋ ᐃᔅᒋᔄᐤ, “ᐎᔾ ᐊᓐ ᑎᐸᔨᒋᒐᓱᐤ ᒐ ᒥᔨᑕᒄ ᐎᔭᓯᔪᐤ ᒐ ᒥᒍᐛᒄ ᐛᑕᑯᓯᔨᒋ ᑭᔭ ᒪᒃ ᐊᔅᐱᔅ ᓂᑐᐛᔨᑎᒺᒄ ᒥᒋᒥᔪᐤ ᒋᔭᒋᓴᐸᔭᔨᒋ, ᐛᔅ ᒋ ᐸᑎᒻ ᑕᓐ ᑲ ᐃᔅᐱᔅ ᐊᓏᔨᒐᔭᒄ, ᐎᔾ ᐊᓐ ᑕᑈ ᑎᐸᔨᒋᒐᓱᐤ ᔅᒋ ᐊᓏᔨᒪᐛᐤ, ᓇᒪᔭᐤ ᓂᔭᓐ᙮”

ᓗᒃ 10:16

ᐊᑯ ᒋᓴᔅ ᒂ ᐃᑕᑦ ᐅᒋᔅᒋᓄᐊᒧᐛᑭᓇ, “ᐊᐛᓐ ᑲ ᓂᑐᑕᑕᒄ ᒧᔭᒻ ᓂᔾ ᐊ ᐸᒋ ᓂᑐᑐᐅᑦ ᐊᐅᑯᓐ ᐊ ᐃᓯᓇᑯᓯᑦ᙮ ᐊᐛᓐ ᒪᒃ ᑲ ᐊᑐᐛᔨᒥᑕᒄ ᒧᔭᒻ ᓂᔾ ᐊ ᐊᑐᐛᔨᒥᑦ ᐊᐅᑯᓐ ᐊ ᐃᓯᓇᑯᓯᑦ᙮ ᐊᑯ ᐊᐛᓐ ᑲ ᐊᑐᐛᔨᒥᑦ ᒧᔭᒻ ᐊ ᐊᑐᐛᔨᒪᑦ ᒋᓴᒪᓂᑐᐛ, ᐊᓂᔭ ᑲ ᐸᒋ ᐃᑎᓴᐅᔨᒋ, ᐊᐅᑯᓐ ᐊ ᐃᓯᓇᑯᓯᑦ᙮”

ᒠᓐ 12:48

ᐊᓐ ᐊᐛᓐ ᔭᑐᐛᔨᒥᒂ, ᑭᔭ ᐊᑲ ᓂᓇᐃᑎᒧᒂ ᓂᒥᔽᒋᒧᐅᓂᔪᐤ, ᒋᑭ ᑎᐸᔅᑯᓇᑭᓄᐤ᙮ ᐊᓂᔭ ᐅᒋ ᑕᓐ ᑲ ᐃᔅᒋᔄᔭᓐ ᐊᔪᐅᒄ ᐊᓂᔭ ᒐ ᐅᒋ ᑎᐸᔅᑯᓇᑭᓄᐅᑦ ᒪᔅᑕᔾ ᒋᓯᑲᔨᒐ᙮

ᐊᑈᔅᑕᓇᒡ 13:41

ᓂᑐᑎᒧᒄ ᒪ, ᒋᔨᐛᐤ ᓇᓂᑎᒻ ᑲ ᒥᒪᔭᔨᒐᔭᒄ, ᒪᒥᔅᑲᑕᔨᑎᒧᒄ ᑭᔭ ᓂᓱᐅᓇᑎᓯᒄ᙮ ᐛᔅ ᒐᒂᓐ ᓂᑭ ᑐᑕᓐ ᐅᑕ ᒪᒂᒡ ᐊᔅᒄ ᐊ ᐱᒪᑎᓯᔭᒄ ᐊᓐ ᒐ ᐊᑲ ᐅᒋ ᑕᑈᑎᒥᐃᑯᔭᒄ ᐊᑎ ᐊᐛᓐ ᐎ ᐎᑎᒪᑯᔭᒂ᙮” ᐊᔪᐅᒄ ᒪᒃ ᐅᔭ ᑲ ᐃᓯ ᐃᔨᒪᐊᑦ ᑈᓪ ᐊᓂᔭ ᐃᔪᐛ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 5:5

ᐊ ᒋᔅᒐᔨᑎᒪᐧᒄ ᒪᒃ ᐊᔅᒄ ᓇᔅᒡ ᒐ ᒋᔅᒐᔨᑎᒥᐃᑕᐧᒄ ᒋᓴᒪᓂᑐᐤ ᐅᒋᔅᑕᔨᑕᑯᓱᐅᓐ, ᒋᑭ ᒋ ᒐᔅᑎᓇᑕᔨᑕᓇᓄᐤ ᑕᑈ ᐊᔅᒄ ᒐ ᐃᔅᐱᔨᒡ, ᐛᔅ ᒋᓴᒪᓂᑐᐤ ᑕᑈ ᔅᒋ ᒋᔅᒐᔨᑎᒥᐃᑯᓄᐤ ᒋᑕᐃᓇᒡ ᐅ ᐸᔭᒋ ᐊᒐᒂ ᐅᒋ, ᑕᓐ ᐊᔅᐱᔅ ᓴᒋᐃᑕᐧᒄ᙮ ᐎᔾ ᒪᒃ ᒋᓴᒪᓂᑐᐤ ᔅᒋ ᒥᔨᑯᓄᐤ ᐅᐸᔭᒋ ᐊᒐᒂ᙮

1 ᑯᕆᓐᑎᔭᓇ 2:10

ᒋᓴᒪᓂᑐᐤ ᒪᒃ ᔅᒋ ᒋᔅᒐᔨᑎᒥᐃᑯᓄᐤ ᐅᔭ ᐅᑦ ᐊᒐᒂ ᐅᒡ᙮ ᐛᔅ ᐅᑦ ᐊᒐᒂ ᒥᓯᐛ ᒐᒂᔪᐤ ᓇᓂᑐ ᒋᔅᒐᔨᑎᒥᔪᐛ, ᐛᐛᒡ ᐊᓂᔭ ᑕᓐ ᐊᓐ ᐊ ᐃᑕᔨᑕᑯᓯᔨᒋ ᒋᓴᒪᓂᑐᐛ᙮

1 ᑯᕆᓐᑎᔭᓇ 7:40

ᓂᔾ ᒪᒃ ᐎ ᐊ ᐃᑕᔨᑎᒪᓐ ᐅᔅᑕ ᒋᐸ ᒥᔽᔨᑎᒻ ᐊᑲ ᒥᓐ ᓂᐳᐅᑦ ᐃᔎᐤ ᐊ ᐸᐃᑯᓯᑦ᙮ ᓇᒪ ᒋ ᐎ ᐎᓱᐛᑎᑎᓇᐛᐤ ᒥᒄ ᒪᒃ ᐊᐅᑯᓐ ᐊ ᐃᑕᔨᑎᒪᓐ ᒋᐸ ᐃᓯ ᒥᔽᐤ ᐃᑎᔭᒄ ᑭᔭ ᓂᑦ ᐃᑕᔨᑕᓐ ᐊ ᐊᔭᐅᒥᒋ ᒋᓴᒪᓂᑐᐤ ᐅᑦ ᐊᒐᒂ ᐅ ᑲ ᐃᔅᒋᔄᔭᓐ᙮

2 ᑯᕆᓐᑎᔭᓇ 1:22

ᔅᒋ ᒥᔨᑯᓄᐤ ᑭᔭ ᐅᑦ ᐊᒐᒂ ᒋᑕᐃᓇᒡ ᒐᒋ ᑕᔨᒋ ᑭᔭ ᒐᒋ ᒐᔅᑎᓇᑕᔨᑎᒥᐃᑯᐛᐧᒄ ᑕᑈ ᐊ ᑎᐱᔨᐛᐅᓯᑐᑕᑕᐧᒄ᙮ ᐊᑯᑕ ᑭᔭ ᐛᒋ ᒐᔅᑎᓇᑕᔨᑎᒪᐧᒄ ᒐᔅᑎᓇᔅ ᒥᓯᐛ ᒐ ᒥᔅᑭᒪᐧᒄ ᑕᓐ ᐊ ᐃᓯ ᐊᔭᔅᑯᔅᑎᒪᑕᐧᒄ᙮

ᑲᓚᓯᔭᓇ 4:6

ᐊ ᐅᑦ ᐊᐛᓯᒥᑐᑕᑕᐧᒄ ᒪᒃ ᒋᓴᒪᓂᑐᐤ, ᒋ ᐸᒋ ᐃᑎᓴᐛᐤ ᐅᑯᓴ ᐅᑦ ᐊᒐᐧᑯᔪᐛ ᒋᑕᐃᓇᒡ᙮ ᐊᓐ ᒪᒃ ᐊᒐᐧᒄ ᐊᐅᒄ ᐊ ᐃᑐᑕᑕᐧᒄ, “ᓄᑕ, ᓄᑕᐎᔾ,” ᒐᒋ ᐃᓯ ᑕᑈᑕᐧᒄ ᒋᓴᒪᓂᑐᐤ᙮

1 ᐱᑕᕐ 1:12

ᒋ ᒋᔅᒐᔨᑎᒥᐊᑭᓄᐅᒡ ᒪᒃ ᐊᓂᔭᐧᑲ ᐅᒋᔅᒋᐛᐃᒐᓱᒡ ᐊᑲ ᐎᔨᐛᐤ ᒪᒂᒡ ᐊ ᐱᒪᑎᓯᒡ ᒐ ᐃᔅᐱᔨᒡ ᐅᔭ᙮ ᒋᔨᐛᐤ ᒐᒋ ᒋᔅᒐᔨᑎᒺᒄ ᐊᐅᒄ ᐛᒋ ᐊᔨᒧᑕᒡ ᐊᓂᔭᔪᐛ ᒐᒂᔪᐛ ᐊᓄᒡ ᑕᓐ ᐊ ᐃᓯ ᐛᐎᑎᒪᑕᑯᒡ ᐊᓐᒡ ᑲ ᐛᐎᑕᒡ ᒥᔽᒋᒧᐅᓂᔪᐤ᙮ ᑲ ᐸᔭᒋᓯᑦ ᐊᒐᐧᒄ ᐊᓐ ᑲ ᐸᒋ ᐃᑎᓴᐛᑭᓄᐅᑦ ᒋᒋᒋᓯᑯᒡ ᐅᒡ, ᐊᐅᑯᓐ ᐊᓐ ᑲ ᒥᔭᑦ ᒐᒋ ᐛᐎᑎᒥᔨᒋ ᐅᔭ ᒥᔽᒋᒧᐅᓂᔪᐤ᙮ ᐊᔪᐅᒄ ᐅᔭ ᒐᒂᔪᐤ ᐛᐛᒡ ᐊᓐᒋᓐᒡ ᐎ ᒋᔅᒐᔨᑎᒧᒡ᙮

2 ᐱᑕᕐ 1:21

ᐛᔅ ᑕᐸ ᐛᒋ ᐸᐃᒄ ᒋᔅᒋᐛᐃᒐᐅᓐ ᓇᐸᐤ ᐅᑦ ᐃᑕᔨᑎᒧᐅᓂᒡ ᐅᒋ ᐅᒋᐱᔪᐤ᙮ ᑲ ᐸᔭᒋᓯᔨᒋ ᐊᒐᒂ ᒋ ᐃᑐᑕᑯᐅᒡ ᐅᒡ ᓇᐸᐅᒡ ᒐᒋ ᐎᑕᒡ ᑕᓐ ᑲ ᐃᓯ ᓂᑐᐛᔨᒥᑯᒡ ᒋᓴᒪᓂᑐᐛ ᒐᒋ ᐃᓯ ᐎᑕᒡ᙮

1 ᒠᓐ 3:24

ᒥᓯᐛ ᐊᓐᒡ ᑲ ᐃᑐᑎᒺᒡ ᑕᓐ ᐊ ᐃᑎᓱᒥᑯᒡ ᒋᓴᒪᓂᑐᐛ ᒧᔅ ᐎᒐᐛᐅᒡ ᒋᓴᒪᓂᑐᐛ ᑭᔭ ᐎᔨᐛᐤ ᒪᒃ ᒧᔅ ᐎᒐᐅᑯᐅᒡ᙮ ᐊᓂᔭᔪᐛ ᒪᒃ ᐅᑦ ᐊᒐᒂ ᑲ ᒥᔨᑕᐧᒄ, ᐊᑯᑕ ᐛᒋ ᒋᔅᒐᔨᑎᒪᐧᒄ ᐊ ᐎᒐᐅᑕᐧᒄ ᒋᓴᒪᓂᑐᐤ᙮

ᒍᑦ 1:8

ᐊᐅᑯᓐ ᒪᒃ ᒧᔭᒻ ᐊ ᐃᑎᒡ ᐅᒡ ᓇᐸᐅᒡ᙮ ᐎᓂᓱᐤ ᐱᒪᑎᓯᐅᒡ ᑭᔭ ᐎᓂᓱᐤ ᐳᐛᒧᐅᒡ᙮ ᓇᔅᒡ ᓇᒪ ᐊᐱᑕᔨᑎᒧᒡ ᑎᐸᔨᒋᒐᐅᓂᔪᐤ ᑭᔭ ᒪᒪᔭᔨᒪᐅᒡ ᐊᓂᔭᔪᐛ ᑲ ᒋᔅᑕᔨᑕᑯᓯᔨᒋ ᐃᔅᐱᒥᒡ ᐊ ᑕᔨᒋ᙮