1 ᑕᓴᓗᓂᔭᓇ 2:12 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹² ᓱᒃ ᔅᒋ ᐊᓯᒋᒥᑎᓇᓐ᙮ ᔅᒋ ᒥᔽᔨᒧᐃᑎᓇᓐ ᑭᔭ ᔅᒋ ᓯᒋᒥᑎᓇᓐ ᒐᒋ ᐃᓯ ᐱᒪᑎᓯᔭᒄ ᑕᓐ ᐊ ᐃᓯ ᓇᐊᔨᑎᒥᐃᑯᑦ ᒋᓴᒪᓂᑐᐤ ᐊ ᐃᓯ ᐱᒪᑎᓯᓇᓄᐎᒡ᙮ ᐛᔅ ᐎᔾ ᒋᓴᒪᓂᑐᐤ ᒋ ᐎᓴᒥᑯᐛᐤ ᒐᒋ ᐎᒋᐃᐛᔭᒄ ᐊᓐᑕ ᑲ ᒋᔅᑕᔨᑕᑯᓂᔨᒡ ᐅᒋᓴᐅᒋᒪᐅᓂᒡ᙮

1 ᑕᓴᓗᓂᔭᓇ 2:12 ပူးပေါင်းရင်းမြစ်များ

ᒐᓂᓯᔅ 5:22

ᑲᒋ ᐃᔪᔨᒋ ᐅᑯᓴ ᐃᓄᒃ, ᓂᔅᑐ ᒥᑕᓯᒥᑎᓄᐤ ᑕᑐᐤ ᐱᐳᓇ ᒋ ᐎᒐᐛᐤ ᒋᓴᒪᓂᑐᐛ, ᑭᔭ ᒋ ᑕᔪᐛ ᑯᑎᑲ ᐅᑯᓴ ᑭᔭ ᐅᑕᓂᓴ,

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:28

ᒋ ᒋᔅᒐᔨᑕᓇᓄᐤ ᒪᒃ ᒥᓯᐛ ᒐᒂᔪᐛ ᐊ ᐃᔅᐱᔨᒋ ᐅᐱᒪᑎᓯᐅᓂᔨᒡ ᐊᓂᔭᔪᐛ ᑲ ᓴᒋᐃᑯᑦ ᒋᓴᒪᓂᑐᐤ, ᐃᑐᑎᒧᐛᐤ ᒥᓯᐛ ᒐᒋ ᒥᔪᑐᑕᑯᔨᒋ᙮ ᐊᐅᑯᓐ ᐊ ᐃᑐᑎᒧᐛᑦ ᐊᓂᔭᔪᐛ ᐎᔾ ᑲ ᐃᑕᔨᑕᐧᒃ ᒐᒋ ᐅᑎᓇᑦ ᒐᒋ ᐅᑦ ᐃᔨᒥᑦ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:30

ᐊᓂᔭᔪᐛ ᒪᒃ ᓂᑲᓐ ᑲ ᐎᔭᔨᒪᑦ ᐊᐛᔪᐛ ᒋ ᑕᑈᑕᐤ᙮ ᐅᔭ ᒪᒃ ᑲ ᑕᑈᑕᑦ ᒋ ᑯᐃᔅᑯᓇᑯᐊᐤ ᐎᔾ ᐃᔅ ᐊ ᑕᑦ᙮ ᐅᔭ ᒪ ᑲ ᑯᐃᔅᑯᓇᑯᐊᑦ ᒋ ᒋᔅᑕᔨᑕᑯᐊᐤ᙮

1 ᑯᕆᓐᑎᔭᓇ 1:9

ᑯᐃᔅᒄ ᐃᑐᐤ ᒋᓴᒪᓂᑐᐤ᙮ ᐊᐅᒄ ᒪᒃ ᐅ ᑲ ᑕᑈᑎᑕᒄ ᒐᒋ ᐎᒐᐅᒪᑯ ᐅᑯᓴ ᐊᐅᑯᔪᐛ ᐅᔭ ᒋᑎᐸᔨᒋᒐᓯᒥᓄᐛ ᒋᓴᔅ ᙭ᑕ᙮

2 ᑯᕆᓐᑎᔭᓇ 4:6

ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᐊᒋ ᐃᔅᒋᔄᑦ ᒋᓴᒪᓂᑐᐤ, “ᒋᑭ ᐛᔅᑕᐤ ᐊᓐᑕ ᐅᒋ ᐅᓂᑎᐱᔅᒋᓯᐅᓂᒡ᙮” ᐊᔪᐅᒄ ᐅᔭ ᐃᔭᐱᒡ ᒋᓴᒪᓂᑐᐤ ᑲ ᐃᑐᑕᐧᒃ ᒐᒋ ᐛᔅᑕᔨᒡ ᒋᑕᐃᓇᒡ᙮ ᐊᑯᑕ ᒪᒃ ᐛᒋ ᑭᔅᒋᐅᐱᔨᒡ ᒐᒋ ᐎᒋᐃᑯᒡ ᑯᑎᑭᒡ ᐊᐛᓐᒋ ᒐᒋ ᐛᐸᑕᒡ ᐅᔭ ᐛᔅᑕᐅᓂᔪᐤ᙮ ᐅ ᒪᒃ ᐛᔅᑕᐅᓐ ᐊᔪᐅᒄ ᐊᓂᔭ ᒋᓴᒪᓂᑐᐤ ᐅᒋᔅᑕᔨᑕᑯᓱᐅᓐ᙮ ᒋᓴᔅ ᙭ ᒪᒃ ᐊ ᑕᑦ ᐊᑯᑕ ᐛᒋ ᓄᑯᓂᔨᒡ ᐊᓂᔭ ᐅᒋᔅᑕᔨᑕᑯᓱᐅᓐ᙮

ᑲᓚᓯᔭᓇ 5:16

ᐅ ᒪᒃ ᒥᓐ ᒋ ᐎᑎᒪᑎᓇᐛᐤ᙮ ᐱᔅᑎᓐ ᑲ ᐸᔭᒋᓯᑦ ᐊᒐᐧᒄ ᒐᒋ ᐛᐸᑎᔨᔅᒃ ᑕᓐ ᒐ ᐃᓯ ᐱᒪᑎᓯᔨᓐ, ᐊᑯ ᑭᔭ ᓇᒪ ᒋᑭ ᐅᒋ ᐃᑐᑕᓐ ᐊᓐ ᒥᒋᑥᐅᓐ ᐛ ᐃᑐᑎᒥᓐ᙮

ᐃᐱᓯᔭᓇ 4:1

ᐊᒋ ᐱᐸᐎᑎᒧᒡ ᐅᑎᐸᔨᒋᒐᐤ ᐅᒥᔽᒋᒧᐅᓐ ᐊᐅᑯᐤ ᐛᒋ ᒋᐸᐅᑯᔭᓐ᙮ ᐊᐅᒄ ᒪᒃ ᐛᒋ ᓯᒋᒥᑎᑯᒡ ᐊᓂᔭ ᐊ ᐃᓯ ᓂᑐᐛᔨᒥᑕᒄ ᒋᓴᒪᓂᑐᐤ ᒐᒋ ᐃᓯ ᐱᒪᑎᓯᐛᒄ ᒐᒋ ᐃᓯ ᐱᒪᑎᓯᔭᒄ᙮

ᐃᐱᓯᔭᓇ 5:2

ᓴᒋᐊᐧᑯᒡ ᐊᐛᓐᒋ, ᒧᔭᒻ ᑕᓐ ᑲ ᐃᔅᐱᔅ ᓴᒋᐃᑕᒄ ᙭᙮ ᑲ ᐱᔅᑎᓇᐧᒃ ᐅᐱᒪᑎᓯᐅᓐ ᒋᔭᓄᐤ ᐅᒋ ᒧᔭᒻ ᐊ ᐎᒋᒪᔅᑕᔨᒡ ᐱᔅᑎᓂᒐᐅᓂᔪᐤ ᑭᔭ ᒥᑐᔅᑕᐊᒪᒐᐅᓂᔪᐤ ᐊᐅᑯᓐ ᑲ ᐃᑕᔨᑎᒥᐃᑯᔨᒋ ᒋᓴᒪᓂᑐᐛ᙮ ᒋ ᓇᐊᔨᑎᒥᐃᑯᔪᐛ ᒪᒃ᙮

ᐃᐱᓯᔭᓇ 5:8

ᐛᔅ ᑭᔭ ᒋᔨᐛᐤ ᐅᓂᑎᐱᔅᒋᓯᐅᓂᒡ ᔅᒋ ᑕᓇᐛᐤ ᐊᓐᑕ ᐅᑕᒡ, ᒥᒄ ᒪᒃ ᐊᓄᒡ ᐊᑯ ᐛᔅᑕᐅᓂᒡ ᐊ ᑕᔭᒄ ᐊᓐ ᐅᒋ ᐊ ᑕᑈᔭᔨᒪᒄ ᒋᓴᒪᓂᑐᐤ᙮ ᐊᑯᑕ ᒪᒃ ᓱᐧᒃ ᐎᓯ ᐱᒪᑎᓯᒄ ᐊᑯ᙮

ᐱᓕᐱᔭᓇ 1:27

ᒥᒄ ᒪᒃ, ᐊᐅᒄ ᐅ ᐛᒋ ᔭᐃᑕᔾ ᓇᑐᐛᔨᑕᑯᓯᔭᒄ ᒐᒋ ᐃᓯ ᐱᒪᑎᓯᔭᒄ ᑕᓐ ᐊ ᐃᑎᓱᒧᑯᔭᒄ ᒥᔽᒋᒧᐅᓐ ᒋᐸ ᐃᓯ ᐱᒪᑎᓯᓇᐛᐤ᙮ ᐊᑯ ᒪᒃ ᐊᑎ ᐊᑲ ᒥᓐ ᒋ ᐛᐱᒥᑎᑯᒐ ᒪᒃ ᓇᐃᐱᔨᒐ ᒥᓐ ᒐᒋ ᐛᐱᒥᑎᑯᒡ ᒐ ᒋᔅᒐᔨᒥᑎᑯᒡ ᐊᑲ ᒥᑐᓐ ᒐᒂᓐ ᒋ ᐊᑎᓂᑯᔭᒄ ᒥᓯᐛ ᐸᐃᑯᓄᒡ ᐊ ᐃᑕᔨᑎᒪᒄ ᑕᓐ ᐛ ᐃᑎᔭᒄ ᑭᔭ ᑕᑈ ᐸᐃᑯᓄᒡ ᐊ ᐃᓯ ᐱᑯᓴᔨᑎᒪᒄ ᐊ ᒪᒧᐤ ᐊᒋᔅᑎᒪᒄ ᐊ ᐛᐎᑎᒪᒄ ᒥᔽᒋᒧᐅᓐ᙮

ᑯᓚᓯᔭᓇ 1:10

ᐊᑯ ᒪᒃ ᒐᒋ ᐃᓯ ᐱᒪᑎᓯᔭᒄ ᑕᓐ ᐊ ᐃᓯ ᓂᑐᐛᔨᒥᑕᒄ ᒋᓴᒪᓂᑐᐤ ᒐᒋ ᐃᓯ ᐱᒪᑎᓯᐛᒄ᙮ ᒧᔅ ᒋᑭ ᐃᑐᑎᒺᓇᐛᐤ ᑕᓐ ᐊᓂᔭᔪᐛ ᐊ ᐃᓯ ᓇᐊᔨᑎᒥᐃᑯᑦ᙮ ᓂᓇᐧᑯᐤ ᒋᑭ ᐃᓯ ᒪᒥᔪᑐᑎᒧᐛᐛᐅᒡ ᐊᐛᓐᒋ ᑭᔭ ᐊᔭᔅᒃ ᒋᑭ ᒥᔪ ᒋᔅᒐᔨᒪᐛᐤ ᒋᓴᒪᓂᑐᐤ ᑕᓐ ᐊ ᐃᑕᔨᑕᑯᓯᑦ᙮

ᑯᓚᓯᔭᓇ 2:6

ᓴᔅ ᐊᒋ ᐱᔅᑕᔨᒥᑎᓱᔭᒄ ᐅᑎᐸᔨᒋᒐᐤ ᙭ ᒐᒋ ᑎᐸᔨᒥᑕᒄ ᓱᒃ ᒋᑭ ᐎ ᓂᔅᑐᓇᑯᓐ ᑕᑈ ᐊ ᐎᒐᐛᒄ᙮

1 ᑕᓴᓗᓂᔭᓇ 4:1

ᒪᔅᑕᔾ ᒪᒃ ᓂᐧᑲᓂᓯᑐᒄ, ᔅᒋ ᒋᔅᑯᑎᒪᑎᓇᓐ ᑕᓐ ᒋᐸ ᐃᓯ ᐱᒪᑎᓯᓇᐛᐤ ᒐᒋ ᓇᐊᔨᑎᒥᐊᒄ ᒋᓴᒪᓂᑐᐤ᙮ ᐊᐅᒄ ᒪᒃ ᑕᑈ ᐊ ᐃᓯ ᐱᒪᑎᓯᔭᒄ᙮ ᒋ ᐱᑯᓴᔨᒥᑎᓇᓐ ᒪᒃ ᑭᔭ ᒋ ᓯᒋᒥᑎᓇᓐ ᓱᒃ ᐊᑐᐎᔅ ᐅ ᒐᒋ ᐃᑎᔭᒄ ᐊ ᓇᓴᐛᒄ ᑭᔭ ᒋᔨᐛᐤ ᐅᑎᐸᔨᒋᒐᐤ ᒋᓴᔅ᙮

1 ᑕᓴᓗᓂᔭᓇ 4:12

ᐊᑯ ᒪᒃ ᓇᒪ ᒋᑭ ᐅᒋ ᐱᑯᓴᔨᒪᐛᐅᒡ ᑯᑎᑭᒡ ᐊᐛᓐᒋ ᒐᒋ ᐅᑎᓂᒪᑕᑯᒡ ᑕᓐ ᐊ ᐃᓯ ᓄᑕᐱᔪᐛᒄ ᒐᒂᔪᐤ᙮ ᐅ ᐃᓯ ᐱᒪᑎᓯᔭᒂ ᐊᑯ ᐊᓐᒡ ᐊᐛᓐᒋ ᐊᑲ ᑕᑈᑕᒡ ᒐ ᒋᔅᑕᔨᒥᑕᑯᒡ᙮

1 ᑕᓴᓗᓂᔭᓇ 5:24

ᒋᓴᒪᓂᑐᐤ ᐊᓐ ᑲ ᑕᑈᑎᑕᒄ ᒋᑭ ᐃᑐᑎᒻ ᑕᑈ ᒥᓯᐛ ᑕᓐ ᑲ ᐃᔅᒋᔄᑦ ᒐ ᐃᑐᑕᐧᒃ, ᐛᔅ ᑕᑈᐅᒐᔨᑕᑯᓱᐤ᙮

2 ᑕᓴᓗᓂᔭᓇ 1:10

ᒋᑭ ᐛᐛᓯᐊᐤ ᐅᑎᐸᔨᒋᒐᐤ ᐅᔭ ᐊᓂᔭ ᐊ ᒋᓯᑲᔨᒡ ᑎᑯᓯᒐ ᒐᒋ ᒋᔅᑕᔨᑕᑯᐃᑯᑦ ᑲ ᑕᑈᑎᒥᔨᒋ ᑭᔭ ᒐᒋ ᒋᔅᑕᔨᒥᑯᑦ ᒥᓯᐛ ᐊᓂᔭ ᐊᐛᔪᐛ ᑲ ᑕᑈᔭᔨᒥᑯᑦ᙮ ᐊᑯᑕ ᒪᒃ ᒐ ᐎᒋᐃᐛᔭᒄ ᑭᔭ ᒋᔨᐛᐤ ᒋᔅᑕᔨᑕᑯᐊᑭᓄᒐ ᐅᑎᐸᔨᒋᒐᐤ ᐛᔅ ᔅᒋ ᑕᑈᑕᓇᐛᐤ ᐊᓐ ᒥᔽᒋᒧᐅᓐ ᑲ ᐎᑎᒪᑕᒡ᙮

2 ᑎᒧᑎ 1:9

ᒋᓴᒪᓂᑐᐤ ᔅᒋ ᐱᒪᒋᐃᑯᓄᐤ ᑭᔭ ᔅᒋ ᑕᑈᑎᑯᓄᐤ ᒐᒋ ᐸᔭᒋᓯᔭᐧᒄ ᐊ ᐅᑦ ᐃᔨᒥᑕᑕᐧᒄ᙮ ᓇᒪ ᐎ ᐊᓂᔭ ᑕᓐ ᑲ ᐃᓯ ᐊᑐᔅᒐᐛᐧᒄ ᐅᔭ ᐛᒋ ᐃᑐᑕᑕᐧᒄ᙮ ᐊᔅᒄ ᐊᑲ ᐅᒋ ᑎᑯᓂᔨᒡ ᐅᔭ ᐊᔅᒋᔪᐤ ᓴᔅ ᒋ ᐎᔭᔨᑎᒻ ᐅᔭ ᒐ ᐃᑐᑕᑕᐧᒄ ᒋᓴᒪᓂᑐᐤ᙮ ᔅᒋ ᐎ ᐛᐸᑎᔨᑯᓄᐤ ᐅᒋᓴᐛᑎᓯᐅᓐ ᙭ᑕ ᐊ ᑕᔨᒋ ᐅᒡ᙮

1 ᐱᑕᕐ 2:9

ᒋᔨᐛᐤ ᐊᓐ ᑲ ᐃᑎᔅᑲᓇᓯᔭᒄ ᔅᒋ ᐅᑎᓂᑯᐛᐤ ᒋᓴᒪᓂᑐᐤ ᑭᔭ ᐊᐅᒄ ᒋᔨᐛᐤ ᒪᐅᒡ ᑲ ᓂᑲᓇᔨᑕᑯᓯᑦ ᒋᓴᐅᒋᒪᐤ ᐅᑦ ᐊᔭᒥᐊᐅᒋᒪᒪ᙮ ᐊᐅᒄ ᒋᔨᐛᐤ ᑲ ᐸᔭᒋᓯᒡ ᑲ ᐃᑎᔅᑲᓇᓯᒡ ᐃᔪᒡ, ᐊᐅᒄ ᒋᔨᐛᐤ ᒋᓴᒪᓂᑐᐤ ᑎᐱᔨᐛ ᐅᑦ ᐃᔨᒪ᙮ ᒋᔨᐛᐤ ᔅᒋ ᐅᑎᓂᑯᓇᐛᐤ ᒐᒋ ᐛᐎᑎᒺᒄ ᑕᓐ ᐊ ᐃᓯ ᒋᔅᑕᔨᑕᑯᓂᔨᒋ ᐅᑦ ᐃᑐᐅᓇ ᐊᓐ ᑲ ᐎᓴᒥᑕᒄ ᐅᓂᑎᐱᔅᒋᓯᐅᓂᒡ ᐅᒡ ᐊᓐᑕ ᐃᔅ ᐅᒪᒥᔅᑲᒡ-ᐛᔅᑕᐅᓂᒡ᙮

1 ᐱᑕᕐ 3:9

ᐊᑲᐎᔾ ᔭᐃᑕᔾ ᐎ ᑎᐸᐊᒪᓱ ᐊᐛᓐ ᐊ ᐅᓂᑐᑕᔅᒃ ᒪᒃ ᐊ ᒪᒥᐊᔭᔨᒥᔅᒃ᙮ ᐃᔭᐱᒡ ᐅᔅᑕ ᒥᔪᑐᑎᒧᐤ ᑭᔭ ᐊᔭᒥᑐᐤ ᒐᒋ ᓱᐛᔨᒥᑯᑦ ᒋᓴᒪᓂᑐᐛ, ᐛᔅ ᐊᐅᒄ ᐅ ᑲ ᐃᓯ ᐃᑕᔨᑕᑭᓄᐅᒡ ᒋᐱᒪᑎᓯᐅᓐ ᒐᒋ ᐃᓯᓇᒂᒡ᙮ ᐊᑯᑕ ᒐᒋ ᐅᒋ ᐊᓂᔅᒐ ᒥᑭᐎᔨᓐ ᓱᐛᔨᒋᒐᐅᓐ᙮

1 ᐱᑕᕐ 5:10

ᐃᔅᐱ ᒪᒃ ᒋ ᐃᓯ ᓂᓇᐧᑲᑕᔨᒧᔭᒂ, ᒋᑭ ᐃᑐᑕᑯᐛᐤ ᒋᓴᒪᓂᑐᐤ ᒥᓐ ᒐᒋ ᐎᔨᑲᐳᐅᐛᒄ, ᒋᑭ ᒥᔨᑯᐛᐤ ᒥᔅᑯᓯᐅᓂᔪᐤ, ᒋᑭ ᐊᔨᒋᑲᐳᐃᑯᐛᐤ, ᑭᔭ ᒋᑭ ᓯᑭᔅᒐᔨᒧᐃᑯᐛᐤ᙮ ᒋᓴᒪᓂᑐᐤ ᐊᓐ ᑲ ᐊᔭᑦ ᒥᓯᐛ ᓱᐛᔨᒋᒐᐅᓂᔪᐤ ᒋ ᐎᓴᒥᑯᓄᐤ ᒐᒋ ᐎᒋᐃᐛᔭᐧᒄ ᐊᓐᑕ ᑲᒋᒡ ᐅᒋᔅᑕᔨᑕᑯᓱᐅᓂᒡ ᙭ᑕ ᐊ ᑕᔨᒋ ᐅᒡ᙮

2 ᐱᑕᕐ 1:3

ᒋ ᒋᔅᒐᔨᒪᓄᐤ ᐊᑯ ᒋᓴᔅ ᙭ ᒋᐱᒪᑎᓯᐅᓇᒡ, ᐊᓐ ᐊᐛᓐ ᑲ ᑕᑈᑎᑕᒄ ᒐᒋ ᒋᔅᒐᔨᑎᒥᐃᑕᒄ ᐎᔾ ᑎᐱᔨᐛ ᐅᒋᔅᑕᔨᑕᑯᓱᐅᓐ ᑭᔭ ᐅᒋᓴᒪᓂᑐᐛᑎᓯᐅᓐ᙮ ᐊᑯᑕ ᒪᒃ ᐅ ᐅᒋ, ᐅᔭ ᐊ ᒋᔅᒐᔨᒪᐧᒄ ᒋᓴᔅ, ᒋᓴᒪᓂᑐᐤ ᐎᔾ ᐅᓱᐧᑲᑎᓯᐅᓂᒡ ᐅᒡ ᓴᔅ ᒥᓯᐛ ᔅᒋ ᒥᔨᑯᓄᐤ ᑕᓐ ᐊ ᐃᓯ ᓂᑐᐛᔨᑕᑯᓂᔨᒡ ᒋᐱᒪᑎᓯᐅᓇᒡ ᑕᑈ ᐎᔾ ᐊ ᑕᑦ ᒐᒋ ᐃᓯ ᐱᒪᑎᓯᔭᐧᒄ᙮

1 ᒠᓐ 2:6

ᐊᓐ ᐊᐛᓐ ᑲ ᐃᔅᒋᔄᑦ ᐊ ᐎᒐᐛᑦ ᒋᓴᒪᓂᑐᐛ, ᒧᔭᒻ ᒋᓴᔅ ᙭ᑕ ᑲ ᐃᓯ ᐱᒧᑕᔨᒋ ᒋᐸ ᐃᓯ ᐱᒧᑕᐤ᙮

3 ᒠᓐ 1:6

ᒋ ᐊᔨᒧᑎᒧᒡ ᐅᒡ ᐊᓐᑕ ᐅᒪᒧᐊᔭᒥᐊᐛ ᐊ ᑕᔨᒋ ᑕᓐ ᑲ ᐃᔅᐱᔅ ᒥᔪᑐᑐᐅᑥᐤ᙮ ᒋᑭ ᒥᔪᑐᑕᓐ ᒪᒃ ᒐᒋ ᒥᔨᑥᐤ ᒐᒂᔪᐤ ᑕᓐ ᒐ ᐃᓯ ᓂᑐᐛᔨᑕᒡ ᐊ ᐱᐸᒧᑕᒡ ᒥᔽᒋᒧᐅᓂᔪᐤ᙮ ᐛᔅ ᐊᐅᑯᓐ ᐊ ᐃᓯ ᒥᔽᒡ ᒐᒋ ᐃᑐᑐᐛᑯᒡ ᐊᓐᒡ ᒋᓴᒪᓂᑐᐛ ᑲ ᐊᑐᔅᑯᐛᒡ᙮