1 ᑕᓴᓗᓂᔭᓇ 1:6 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁶ ᑕᓐ ᑲ ᐃᓯ ᐛᐱᒥᔭᒡ ᐊ ᐃᑕᑎᓯᔭᒡ ᐊᐅᑯᓐ ᑭᔭ ᒋᔨᐛᐤ ᒂ ᐊᑎ ᐃᑕᑎᓯᔭᒄ᙮ ᐊᑯ ᒪᒃ ᐊᔪᐤ ᐅᑎᐸᔨᒋᒐᐤ ᒂ ᐊᑎ ᓂᔅᐱᑐᐛᒄ᙮ ᐊᑎ ᒪᒃ ᓇᔅᒡ ᐊᒋ ᓂᓇᐧᑲᒋᐃᑯᔭᒄ ᐃᔭᐱᒡ ᔅᒋ ᐃᑐᑕᑯᐛᐤ ᑲ ᐸᔭᒋᓯᑦ ᐊᒐᐧᒄ ᒐᒋ ᒧᒋᒐᔨᑎᒪᒄ ᐊ ᐅᑎᓂᒪᓱᔭᒄ ᒥᔽᒋᒧᐅᓐ᙮

1 ᑕᓴᓗᓂᔭᓇ 1:6 ပူးပေါင်းရင်းမြစ်များ

ᒪᑎᔪᐤ 16:24

ᐊᑯ ᒋᓴᔅ ᐊᑕᑦ ᐊᓂᔭ ᐅᒋᔅᒋᓄᐊᒧᐛᑭᓇ, “ᐊᐛᓐ ᐛ ᓇᓴᐅᒂ ᐊᑯᔅ ᒋᑭ ᐱᔅᑎᓂᒻ ᐊᓂᔭ ᐎᔾ ᑕᓐ ᐛ ᐃᓯ ᓂᓇᐊᔨᑎᒥᐃᓱᑦ, ᒋᑭ ᐅᑎᓇᐤ ᐅᒋᐱᔭᑎᑯᒪ ᑭᔭ ᓂᑭ ᐸᒋ ᐎᒐᐅᒄ᙮

ᒠᓐ 8:12

ᐃᔅᐱᔅ ᒋᓴᔅ ᒥᓐ ᐊ ᐃᔨᒪᐊᑦ ᐊᓂᔭ ᐃᔪᐛ ᒋ ᐃᑕᐤ, “ᓂᔾ ᐊᐅᒄ ᑲ ᒥᔨᒂᐤ ᐃᔪᒡ ᐛᔅᑕᐅᓂᔪᐤ ᐅᑕ ᐊᔅᒋᒡ᙮ ᐊᓐ ᐊᐛᓐ ᑲ ᓇᓴᐅᑦ ᒋᑭ ᐊᔭᐤ ᐱᒪᑎᓯᐅᓂᔪᐤ ᐛᔅᑕᐅᓂᒡ ᐅᒡ ᑭᔭ ᓇᒪ ᒋᑭ ᐅᒋ ᐱᒧᑕᐤ ᐅᓂᑎᐱᔅᒋᓯᐅᓂᒡ᙮”

ᐊᑈᔅᑕᓇᒡ 13:52

ᐊᓐᒡ ᒪᒃ ᑲ ᑕᑈᔭᔨᒪᒡ ᒋᓴᓴ ᐊᓐᑕ ᐊᓐᑎᔭᑭᒡ ᑲ ᑕᒡ ᓇᔅᒡ ᑕᑈ ᒋ ᒥᔽᔨᑎᒧᒡ ᑭᔭ ᒋ ᓴᑭᔅᒋᓇᔅᑲᑯᐅᒡ ᑲ ᐸᔭᒋᓯᔨᒋ ᐊᒐᒂ᙮

ᐊᑈᔅᑕᓇᒡ 5:41

ᐊᓐᒡ ᒪᒃ ᐊᑈᔅᑕᓇᒡ ᒋ ᔅᑐᑕᐅᒡ ᐊᓐᑕ ᑲ ᒪᒧᐎᔨᒋ ᐊᓂᔭᔪᐛ ᑲ ᒪᒧᐱᔅᑎᒥᔨᒋ ᑎᐸᔅᑯᓂᒐᐅᓂᔪᐤ ᐊ ᓯᒋᔭᓯᒡ ᐊᒋ ᑕᐱᒐᔨᒥᑯᒡ ᒋᓴᒪᓂᑐᐛ ᒐᒋ ᓂᓇᐧᑲᑕᔨᒧᒡ ᒋᓴᓴ ᐅᑦ ᐃᓯᓂᐧᑲᓱᐅᓂᔪᐤ ᐅᒡ᙮

ᐊᑈᔅᑕᓇᒡ 9:31

ᐊᓐᒡ ᒪᒃ ᑲᒪᒧᐊᔭᒥᐊᐛᑎᓯᒡ ᒥᓯᐛ ᐊᓐᑕ ᐊᓂᔭ ᐊᔅᒋᒡ ᑲ ᑕᒡ ᒍᑎᔭ ᑭᔭ ᑲᓕᓕ ᑭᔭ ᓴᒪᕆᔭ ᑲ ᐃᓯᓂᐧᑲᑕᔨᒋ, ᐛᐃᐱᔅᒋᔅ ᓇᒪ ᐅᒋ ᓂᓇᐧᑲᒋᐊᑭᓄᐅᒡ᙮ ᒋ ᒋᔅᑕᔨᒪᐅᒡ ᐅᑎᐸᔨᒋᒐᐛ ᐅᒡ ᐃᔪᒡ ᑭᔭ ᐊᔭᔅᒃ ᒋ ᐊᑎ ᐊᔨᒋᑲᐳᐅᒡ ᑭᔭ ᐊᔭᔅᒃ ᒋ ᐊᑎ ᒥᒐᑐᐅᒡ ᐛᔅ ᑲ ᐸᔭᒋᓯᔨᒋ ᐊᒐᒂ ᒋ ᐎᒋᐃᑯᐅᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 15:13

ᒋᓴᒪᓂᑐᐤ, ᐊᓐ ᑲ ᐃᑐᑕᑕᒄ ᒐᒋ ᐊᔭᔭᒄ ᐊᔅᐸᔨᒧᐅᓐ ᐊᐅᑯᓐ ᐊᓐ ᓇᑐᑎᒧᐅᒄ ᓇᔅᒡ ᒐᒋ ᒥᔽᔨᑎᒥᐃᑕᒄ ᑭᔭ ᒐᒋ ᒋᔭᒪᔨᑎᒺᒄ ᐊ ᑕᑈᔭᔨᒪᒄ᙮ ᑭᔭ ᑲ ᐸᔭᒋᓯᑦ ᐊᒐᐧᒄ ᐅᓱᒐᔨᑕᑯᓱᐅᓐ ᒐᒋ ᑐᑕᑯᔭᒄ ᐊᑐᐎᔅ ᒐᒋ ᐊᔅᐸᔨᒧᑐᑕᐛᒄ ᒋᓴᒪᓂᑐᐤ᙮

1 ᑯᕆᓐᑎᔭᓇ 11:1

ᐅ ᑲ ᐃᓯ ᐛᐱᒥᔭᒄ ᐊ ᐃᓯ ᐱᒪᑎᓯᔭᓐ ᐊ ᒂᔅᑲᑎᓯᔭᓐ, ᐊᐅᑯᓐ ᑭᔭ ᒋᔨᐛᐤ ᐃᓯ ᐱᒪᑎᓯᒄ᙮

1 ᑯᕆᓐᑎᔭᓇ 11:2

ᓂ ᒥᔽᔨᑕᓐ ᒧᔅ ᐊ ᒋᔅᒋᓯᑐᐅᔭᒄ ᑭᔭ ᐊ ᐃᑐᑎᒪᒄ ᑕᓐ ᑲ ᐃᓯ ᒋᔅᑯᑎᒪᑎᑯᒡ ᒐ ᐃᑎᔭᒄ᙮

1 ᑯᕆᓐᑎᔭᓇ 4:16

ᐊᐅᒄ ᒪᒃ ᐛᒋ ᓇᔅᒡ ᐱᑯᓴᔨᒥᑎᑯᒡ ᒐᒋ ᒋᔅᒋᓄᐛᐱᒥᔭᒄ᙮

2 ᑯᕆᓐᑎᔭᓇ 6:10

ᑎᑯᓐ ᐊ ᐃᓯ ᒥᓯᒪᔨᑎᒪᒡ᙮ ᐃᔭᐱᒡ ᒪᒃ ᓂ ᒥᔽᔨᑕᓇᓐ᙮ ᓇᒪ ᓂ ᐛᔪᑎᓯᓇᓐ᙮ ᐃᔭᐱᒡ ᒪᒃ ᓂ ᐃᑐᑐᐛᓇᓂᒡ ᐊᐛᓐᒋ ᒐᒋ ᐊᔭᒡ ᒋᒋᐛ ᐛᔪᑎᓯᐅᓂᔪᐤ᙮ ᐊᑎ ᐊᑲ ᒐᒂᓐ ᑎᐱᔨᐛᐅᓯᔭᒡ, ᐃᔭᐱᒡ ᒥᓯᐛ ᒐᒂᓐ ᐊ ᑎᐱᔨᐛᐅᓯᔭᒡ ᓂᑦ ᐃᓯᓇᑯᓯᓇᓐ᙮

2 ᑯᕆᓐᑎᔭᓇ 8:5

ᐊᑐᐎᔅ ᒪᒃ ᒋ ᐃᑐᑎᒧᒡ ᑕᓐ ᑲ ᐃᑕᔨᒥᒋᒡ ᒐ ᐃᑎᒡ᙮ ᓂᔅᑎᒻ ᒋᓴᒪᓂᑐᐛ ᒋ ᐱᔅᑕᔨᒥᑎᓱᔅᑐᐛᐅᒡ ᐊᑯ ᓂᔭᓐ ᑲ ᐱᔅᑕᔨᒥᑎᓱᔅᑐᐎᒥᒡ ᒧᔭᒻ ᑕᓐ ᑲ ᐃᓯ ᓂᑐᐛᔨᒥᑯᒡ ᒋᓴᒪᓂᑐᐛ ᒐᒋ ᐃᑎᒡ᙮

ᑲᓚᓯᔭᓇ 5:22

ᐊᑯ ᒪᒃ ᐊᓐᒡ ᑲ ᐸᔭᒋᓯᔨᒋ ᐊᒐᒂ ᑲ ᐱᔅᑎᓂᒧᐛᒡ ᒐᒋ ᑎᐸᔨᑎᒥᔨᒋ ᐊ ᐃᓯ ᐱᒪᑎᓯᒡ ᑭᔭ ᐎᔨᐛᐤ ᒋᐧᑲᓇᑯᓂᔪᐤ ᑕᓐ ᐊᓐ ᐊ ᐃᓯ ᐱᒪᑎᓯᒡ᙮ ᓴᒋᐃᐛᐅᒡ, ᒧᒋᒐᔨᑎᒧᒡ, ᒋᔭᒪᔨᑕᑯᓱᐅᒡ, ᓯᐱᔪᐛᓱᐅᒡ, ᒥᔽᔨᑕᑯᓱᐅᒡ, ᒥᔪᑐᑎᒧᒡ, ᑕᑈᐅᒐᔨᑕᑯᓱᐅᒡ,

ᐃᐱᓯᔭᓇ 5:1

ᓱᒃ ᐎ ᓂᔅᐱᑐᐛᐧᒄ ᒋᓴᒪᓂᑐᐤ ᑕᓐ ᐊ ᐃᑕᔨᑕᑯᓯᑦ, ᐛᔅ ᐊᐅᒄ ᒋᔨᐛᐤ ᐅᑦ ᐊᐛᓯᒪ ᑲ ᓴᒋᐊᑦ᙮

ᐱᓕᐱᔭᓇ 3:17

ᓂᐧᑲᓂᓯᑐᒄ, ᓱᒃ ᐎ ᒋᔅᒋᓄᐛᐱᒧᒄ ᐊ ᐃᓯ ᐱᒪᑎᓯᔭᓐ᙮ ᔅᒋ ᐛᐸᑎᔨᑎᓇᓐ ᑕᓐ ᐊᓐ ᒋᐸ ᐃᓯ ᐱᒪᑎᓯᓇᐛᐤ᙮ ᓱᒃ ᒪᒃ ᒋᔅᒋᓄᐛᐱᒪᐧᑯᒡ ᐊᓐᒡ ᑲ ᒋᔅᒋᓄᐛᐱᒥᔨᒥᒡ ᐊ ᐃᓯ ᐱᒪᑎᓯᐅᒋᒡ᙮

2 ᑕᓴᓗᓂᔭᓇ 1:4

ᐊᐅᒄ ᒪᒃ ᐅ ᐛᒋ ᒪᒥᔽᔨᑎᒥᔨᔭᒡ ᑭᔭ ᐊᔨᒧᒥᑕᒡ ᐊᓐᑕ ᑯᑎᑭᒡ ᒪᒧᐤ ᑲ ᐊᔭᒥᐊᐛᑎᓯᒡ ᐊ ᑕᒡ᙮ ᓂ ᒪᒥᒋᔨᓱᓇᓐ ᐊ ᐊᔨᒧᑎᒪᒡ ᐊᑲ ᐳᓂᔭᒄ ᑭᔭ ᐊᔅᒄ ᐃᔭᐱᒡ ᐊ ᑕᑈᐅᒐᔨᒪᒄ ᙭ ᐊᑎ ᐃᔅᐱᔅ ᓂᓇᐧᑲᑕᔨᒧᐃᑯᐅᔭᒄ ᑭᔭ ᐊᔅᐱᔅ ᐊᔨᒥᐅᔭᒄ᙮

2 ᑕᓴᓗᓂᔭᓇ 3:7

ᒋ ᒥᔪ ᒋᔅᒐᔨᑕᓇᐛᐤ ᑭᔭ ᒋᔨᐛᐤ ᒐᒋ ᐃᑎᔭᒄ ᑕᓐ ᑲ ᑎᔭᒡ ᐊᓐᑕ ᐊ ᑕᔭᒄ ᑲᒋ ᑕᔭᒡ᙮ ᓇᒪ ᓂ ᐅᒋ ᒋᑎᒥᓇᓐ᙮

2 ᑕᓴᓗᓂᔭᓇ 3:9

ᐊᐅᒄ ᑲ ᑎᔭᒡ᙮ ᐊᑎ ᐃᓯᓇᒂᒡ ᒐᒋ ᓂᑐᑎᒪᑕᒡ ᒐᒋ ᐱᒥᐱᔨᐃᔨᐊᒡ ᓇᒪ ᒋ ᐅᒋ ᓂᑐᐛᔨᑎᒪᑎᓇᓐ ᒐᒂᓐ᙮ ᐛᔅ ᔅᒋ ᐎ ᐛᐸᑎᔨᑎᓇᓐ ᑕᓐ ᒋᐸ ᐃᑕᑎᓯᓇᐛᐤ ᑭᔭ ᒋᔨᐛᐤ᙮

2 ᑎᒧᑎ 4:2

ᒐ ᐛᐎᑎᒥᓐ ᒋᓴᒪᓂᑐᐤ ᐅᑦ ᐃᔨᒧᐅᓐ, ᓱᐧᒃ ᐛᐎᑕ ᐊᑎ ᐊᓐᑕ ᐊᑲ ᐊ ᓇᐃᐱᔨᒡ ᒐᒋ ᓂᑐᑕᑭᓄᐅᒡ, ᒪᒃ ᐊᓐᑕ ᐊ ᓇᐃᐱᔨᒡ ᒐᒋ ᓂᑐᑕᑭᓄᐅᒡ, ᒋᔅᒐᔨᑕᑯᑕ ᑕᑈᐅᓐ, ᒋᑕᐊᒪᒐ ᐊ ᐅᓂᑐᑕᑭᓄᐅᒡ, ᑭᔭ ᐛᐎᑎᒪᒐ ᑭᔭ ᒧᔅ ᐎ ᓯᐱᔪᐛᓯ ᑭᔭ ᒧᔅ ᒋᔅᑯᑎᒪᒐ᙮

ᐃᑉᕈᐛ 10:34

ᔅᒋ ᒋᔅᑎᒪᒐᔨᒪᐛᐅᒡ ᐊᓐᒡ ᑲᒪᑯᓄᐛᓯᐅᒋᐛᐱᒡ ᑲ ᑕᒡ ᐊᓐᒡ ᑲ ᑕᑈᑕᒡ ᐛᔅ ᑭᔭ ᒋᔨᐛᐤ ᐊᐅᑯᓐ ᒧᔭᒻ ᑲ ᐃᓯ ᓂᒋᔅᑭᒪᒄ᙮ ᐃᔅᐱᔅ ᑲ ᒪᑯᓂᑭᓄᐅᒋ ᒋᑦ ᐊᐱᒋᑕᐅᓄᐛᐛ ᐊ ᒪᔭᔨᒥᑯᔭᒄ ᔅᒋ ᒥᔽᔨᑕᓇᐛᐤ ᐛᔅ ᔅᒋ ᒋᔅᒐᔨᑕᓇᐛᐤ ᐊᑐᐎᔅ ᐊ ᒥᔽᒡ ᐊᓐ ᒐᒂᓐ ᑲ ᐃᓯ ᐊᔭᔭᒄ, ᑭᔭ ᑲᒋᒡ ᒐ ᑎᒂᒡ᙮

1 ᐱᑕᕐ 1:6

ᐊᑎ ᐊ ᐃᑕᔨᑕᒂᒡ ᐛᐃᐱᔅᒋᔅ ᒐᒋ ᓂᒋᔅᑭᒪᒄ ᓂᓇᐧᑯᐤ ᒐᒂᓐ ᓇᔅᒡ ᐊ ᐊᔨᒪᒡ, ᓄᐛᒡ ᒋᑭ ᒥᔽᔨᑕᓇᐛᐤ ᐊᓐ ᒪᔅᑕᔾ ᒋᓯᑲᒐ᙮

1 ᐱᑕᕐ 1:8

ᐊᑎ ᐊᑲ ᓂᑕ ᐅᒋ ᐛᐱᒪᒄ ᒋᓴᔅ, ᐃᔭᐱᒡ ᒋᓴᒋᐊᐛᐤ ᑭᔭ ᐊᑎ ᐊᑲ ᐛᐱᒪᒄ ᐊᓄᒡ, ᐃᔭᐱᒡ ᔅᒋ ᑕᑈᔭᔨᒪᐛᐤ᙮ ᔅᒋ ᒧᒋᒐᔨᑕᓇᐛᐤ, ᐊᓐ ᒪᒃ ᐊ ᐃᔅᐱᔅ ᒧᒋᒐᔨᑎᒪᒄ, ᓇᒪ ᐊᓐ ᔅᒋ ᐎᑕᓇᐛᐤ ᑕᓐ ᐊᔅᐱᔅ ᒥᔽᔨᑎᒪᒄ᙮

1 ᐱᑕᕐ 3:13

ᐊᐛᓐ ᒪᒃ ᒐᒂᔪᐤ ᒐᒋ ᐃᑐᑕᑕᒄ ᐊᓐ ᐅᒋ ᓱᒃ ᐊ ᐃᑕᔨᑎᒥᐃᑯᔭᒄ ᒐᒋ ᒥᔪᑐᑎᒪᒄ᙮

3 ᒠᓐ 1:11

ᓂᐎᒐᐛᑭᓐ ᑲ ᓴᒋᐃᑕᓐ, ᐊᑲᐎᔾ ᒋᔅᒋᓄᐛᐸᑕ ᒥᒐᑎᓯᐅᓐ, ᑯᐃᔅᑯᑕᑎᓯᐅᓐ ᐊᐅᒄ ᒋᔅᒋᓄᐛᐸᑕ᙮ ᐊᓐ ᐊᐛᓐ ᑲ ᑯᐃᔅᑯᑕᑎᓯᑦ ᒋᓴᒪᓂᑐᐛ ᑎᐱᔨᐛᐅᓯᑐᑕᑯᐤ, ᐊᑯ ᐊᓐ ᐊᐛᓐ ᑲ ᒥᒐᑎᓯᑦ ᓇᒪ ᐅᒋ ᐛᐱᒪᐤ ᒋᓴᒪᓂᑐᐛ᙮