1 ᑕᓴᓗᓂᔭᓇ 1:3 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³ ᓂ ᒋᔅᒋᓯᓇᓐ ᐊ ᐃᔨᒥᐃᒋᒡ ᒋᓴᒪᓂᑐᐤ ᑕᓐ ᐊ ᐃᓯ ᒥᔪ ᐊᑐᔅᑲᑐᔭᒄ ᐊ ᑕᑈᔭᔨᒪᒄ ᐅᑎᐸᔨᒋᒐᐤ᙮ ᓂ ᒋᔅᒋᓯᓇᓐ ᑕᓐ ᐊ ᐃᓯ ᒥᔪ ᐊᐱᑎᓯᔭᒄ ᐊ ᓴᒋᐊᒄ ᒋᓴᔅ᙮ ᓂ ᒋᔅᒋᓯᓇᓐ ᑭᔭ ᑕᓐ ᐊ ᐃᓯ ᓱᒋᑲᐳᐅᔭᒄ ᐊ ᐊᔅᐸᔨᒧᑐᑐᐛᒄ ᒋᑎᐸᔨᒋᒐᓯᒥᓄᐤ ᒋᓴᔅ ᙭᙮

1 ᑕᓴᓗᓂᔭᓇ 1:3 ပူးပေါင်းရင်းမြစ်များ

ᒐᓂᓯᔅ 29:20

ᐊᑯ ᓂᔄᐅᑕᒡ ᑕᑐᐳᓇ ᒋ ᐊᑐᔅᒐᐤ ᒐᑭᑉ ᒐᒋ ᐎᒋᒪᑦ ᕋᐃᒍᓚ, ᒥᒄ ᐛᐃᐱᔅᒋᔅ ᒋ ᐃᑕᔨᑎᒻ ᐛᔅ ᑲ ᐃᔅᐱ ᓴᒋᐊᑦ ᕋᐃᒍᓚ᙮

ᒠᓐ 14:15

“ᒧᔭᒻ ᓯᔭᒋᐃᐛᒂ ᒪᒃ ᒋᑭ ᓂᓇᐃᑕᓇᐛᐤ ᐛᔅ ᑕᓐ ᑲ ᐃᑎᓯᒥᑎᑯᒡ ᒐᒋ ᐃᑎᔭᒄ᙮

ᒠᓐ 15:10

ᐛᔅ ᓂᓇᐃᑎᒪᒂ ᓂᑦ ᐃᑎᓱᐛᐅᓇ ᒧᔅ ᒋᑭ ᒋᔅᒐᔨᑕᓇᐛᐤ ᐊ ᓴᒋᐃᑎᑯᒡ ᒧᔭᒻ ᓂᔾ ᑲ ᐃᓯ ᓂᓇᐃᑐᐅᒃ ᓄᑕᐎᔾ ᑕᓐ ᑲ ᐃᑎᓱᒥᑦ ᓂ ᒋᔅᒐᔨᑎᒺᓐ ᐊ ᓴᒋᐃᑦ᙮”

ᐊᑈᔅᑕᓇᒡ 10:31

ᐊᑯ ᒂ ᐃᓯᑦ, ‘ᑯᕐᓂᓕᔭᔅ, ᒋᓴᒪᓂᑐᐤ ᒋ ᐸᑎᒻ ᑕᓐ ᑲ ᐃᓯ ᐊᔭᒥᐊᔨᓐ ᑭᔭ ᒋ ᐛᐸᑎᒻ ᑕᓐ ᑲ ᐃᓯ ᐎᒋᐃᑥᐤ ᑯᑎᑭᒡ ᐊᐛᓐᒋ᙮’

ᐊᑈᔅᑕᓇᒡ 3:19

ᒂᔅᑲᑎᓯᒄ, ᒥᑕᒋᔨᐛᔨᑎᒧᒄ ᑕᓐ ᑲ ᐃᓯ ᒥᒋᑐᑎᒪᒄ᙮ ᓇᑎᐧᒄ ᒋᓴᒪᓂᑐᐤ ᒐᒋ ᐛᐸᔨᑎᒪᑕᒄ ᒋᒥᒋᑥᐅᓄᐛᐛ᙮ ᐊᑯ ᒪᒃ ᐅᑎᐸᔨᒋᒐᐤ ᒐ ᐃᑐᑕᑕᒄ ᒥᓐ ᒐᒋ ᓯᑭᒪᒋᐅᔭᒄ ᒋᑦ ᐊᒐᐧᑯᐛᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 12:12

ᒋᑦ ᐊᔅᐸᔨᒧᑐᑐᐛᐛᐤ ᒋᓴᒪᓂᑐᐤ ᒧᔅ ᒪᒃ ᒥᔽᔨᑎᒧᒄ᙮ ᓱᒃ ᐎ ᓱᒐᔨᒧᒄ ᓂᓇᐧᑲᑕᔨᒧᔭᑯ᙮ ᒧᔅ ᑭᔭ ᐊᔭᒥᐊᒄ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 15:13

ᒋᓴᒪᓂᑐᐤ, ᐊᓐ ᑲ ᐃᑐᑕᑕᒄ ᒐᒋ ᐊᔭᔭᒄ ᐊᔅᐸᔨᒧᐅᓐ ᐊᐅᑯᓐ ᐊᓐ ᓇᑐᑎᒧᐅᒄ ᓇᔅᒡ ᒐᒋ ᒥᔽᔨᑎᒥᐃᑕᒄ ᑭᔭ ᒐᒋ ᒋᔭᒪᔨᑎᒺᒄ ᐊ ᑕᑈᔭᔨᒪᒄ᙮ ᑭᔭ ᑲ ᐸᔭᒋᓯᑦ ᐊᒐᐧᒄ ᐅᓱᒐᔨᑕᑯᓱᐅᓐ ᒐᒋ ᑐᑕᑯᔭᒄ ᐊᑐᐎᔅ ᒐᒋ ᐊᔅᐸᔨᒧᑐᑕᐛᒄ ᒋᓴᒪᓂᑐᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 15:4

ᒥᓯᐛ ᑕᓐ ᑲ ᐸᒋ ᐃᑎᓯᓇᐃᑭᓄᐅᒡ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᔅᒋ ᐎ ᒋᔅᑯᑎᒪᑯᓇᓄᐤ ᐊᓐᑕ ᐅᒡ᙮ ᐊᑯᑕ ᐛᒋ ᓯᒋᒥᑯᐅᔭᐧᒄ ᑭᔭ ᐊᑯᑕ ᐛᒋ ᐊᔭᔭᐧᒄ ᓯᐱᔪᐛᓯᐅᓐ ᑭᔭ ᒐᒋ ᐊᔭᔭᐧᒄ ᐊᔅᐸᔨᒧᐅᓐ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 16:26

ᐊᓄᒡ ᒪᒃ ᓴᔅ ᒋ ᒋᔅᒐᔨᑕᓇᓄᐤ ᐅ ᒥᔽᒋᒧᐅᓐ᙮ ᒋᓴᒪᓂᑐᐤ ᑲᒋᒡ ᐊ ᑕᑦ ᒋ ᐃᑎᓱᒪᐤ ᐊᓂᔭᐧᑲ ᐅᒋᔅᒋᐛᐃᒐᓯᒪ ᒐᒋ ᐊᔨᒧᑎᒥᔨᒋ ᐅᔭ ᒥᔽᒋᒧᐅᓂᔪᐤ ᐊᓐᑕ ᐅᑦ ᐃᔨᒧᐅᓂᒡ ᐊᑎ ᒥᓯᐛ ᐊ ᐃᑎᔅᑲᓇᓯᒡ ᐊᐛᓐᒋ ᐅᑕ ᐊᔅᒋᒡ ᒐᒋ ᒋᔅᒐᔨᑎᒥᐊᑭᓄᐎᒡ ᐊᓂᔭ ᒥᔽᒋᒧᐅᓂᔪᐤ ᑭᔭ ᒐᒋ ᑕᑈᔭᔨᒪᒡ ᑭᔭ ᒐᒋ ᓂᓇᐃᑐᐛᒡ ᒋᓴᒪᓂᑐᐛ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 16:6

ᒪᕆ ᐊᓐ ᓇᔅᒡ ᑲ ᒥᔅᑎ ᐊᑐᔅᒐᑦ ᐊ ᐎᒋᐃᑕᒄ ᓂ ᐛᒋᔭᒪᐤ ᑭᔭ ᐎᔾ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 2:7

ᐊᓂᔭᔪᐛ ᐊᐛᔪᐛ ᒧᔅ ᑲ ᒥᔪᑐᑎᒥᔨᒋ ᐊ ᐱᑯᓴᔨᒧᔨᒋ ᒐᒋ ᒥᔪ ᑭᓄᐛᐱᒥᑯᔨᒋ ᒋᓴᒪᓂᑐᐛ ᑭᔭ ᒐᒋ ᒥᔽᒋᒥᑯᔨᒋ ᑭᔭ ᒐᒋ ᒥᔨᑯᔨᒋ ᑲᒋᒡ ᒐᒋ ᐱᒪᑎᓯᔨᒋ, ᒋᑭ ᒥᔭᐤ ᑲᒋᒡ ᒐᒋ ᐱᒪᑎᓯᔨᒋ᙮

1 ᑯᕆᓐᑎᔭᓇ 13:13

ᓂᔅᑐ ᒐᒂᔪᐛ ᓇᒪ ᓂᑕ ᒋᑭ ᐅᒋ ᐃᔎᐱᔪᐛ, ᐊᐅᒄ ᐅᔭ᙮ ᑕᑈᑎᒧᐅᓐ, ᐊᔅᐸᔨᒧᐅᓐ ᑭᔭ ᓴᒋᐃᐛᐅᓐ᙮ ᐊᓐ ᒪᒃ ᓇᔅᒡ ᒐᔅᑕᔨᑕᒂᒡ ᐊᐅᒄ ᓴᒋᐃᐛᐅᓐ᙮

1 ᑯᕆᓐᑎᔭᓇ 15:58

ᐊᐅᒄ ᒪᒃ ᐅ ᐛᒋ ᓯᒋᒥᑎᑯᒡ ᓂᐧᑲᓂᓯᑐᒄ ᑲ ᓴᒋᐃᑎᑯᒡ, ᐊᔨᒋᑲᐳᐅᒄ ᐊ ᐱᒪᑎᓯᔅᑐᐛᒄ ᐅᑎᐸᔨᒋᒐᐤ᙮ ᐊᑲᐎᔾ ᓄᑎᐳᓂᒄ᙮ ᓱᒃ ᒧᔅ ᐊᑐᔅᒐᔅᑐᐛᐧᒄ ᐅᑎᐸᔨᒋᒐᐤ᙮ ᐛᔅ ᒋ ᒋᔅᒐᔨᑕᓇᐛᐤ ᒐᔅᑎᓇᔅ ᐊᑲ ᒐᔅᑲ ᔭᐱᑎᓯᔅᑎᐛᒄ ᐅᑎᐸᔨᒋᒐᐤ᙮

2 ᑯᕆᓐᑎᔭᓇ 2:17

ᐱᔅᒐ ᐊᐛᓐᒋ ᑲ ᐱᐸ ᑭᒐᔅᒋᒧᒡ ᒧᔭᒻ ᐊ ᐱᐸ ᐊᑕᐛᐛᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ ᐊᐅᑯᓐ ᐊ ᐃᓯᓇᑯᓯᒡ, ᐊ ᐎ ᐅᓯᑎᒪᓱᒡ ᓱᓇᔭᔪᐤ ᐊ ᐃᑎᒡ᙮ ᓇᒪ ᐎ ᓂᔭᓐ ᐅ ᓂᑦ ᐃᓯᓇᑯᓯᓇᓐ᙮ ᓂ ᑯᐃᔅᑯᑕᐊᓇᓐ ᑭᔭ ᒋᒋᐛ ᓂᑦ ᐃᑕᔨᑕᓇᓐ ᑕᓐ ᐊ ᐃᑎᓱᒥᔨᒥᑦ ᙭ ᒐᒋ ᐃᓯ ᐊᑐᔅᑯᐅᒋᑦ ᐛᔅ ᓂ ᒋᔅᒐᔨᒥᑯᓇᓐ ᑕᓐ ᐊ ᐃᑐᐅᒋᒡ᙮

ᑲᓚᓯᔭᓇ 1:4

ᒋᓴᔅ ᓇᔅᒡ ᒋ ᐱᔅᑕᔨᒥᓱᐤ ᒐᒋ ᓂᐸᐊᑭᓄᐅᑦ ᒐᒋ ᐎᐧᑯᒋᐃᑕᐧᒄ ᑕᓐ ᐊ ᐃᓯ ᑎᐸᔨᒥᑯᐛᐧᒄ ᒥᒐᑎᓯᐅᓂᔪᐤ ᐊᓄᒡ ᑕᓐ ᐊ ᐃᓯ ᑎᑯᓂᔨᒡ ᐅᑕ ᐊᔅᒋᒡ᙮ ᐊᔪᐅᒄ ᐅᔭ ᑲ ᐃᓯ ᓂᑐᐛᔨᑎᒥᔨᒋ ᒍᑕᐎᓄᐛ ᒋᓴᒪᓂᑐᐛ ᒐᒋ ᐃᑎᑦ᙮

ᑲᓚᓯᔭᓇ 5:13

ᓂᐧᑲᓂᓯᑐᒄ᙮ ᔅᒋ ᐃᑕᔨᒥᑯᓇᐛᐤ ᒐᒋ ᐎᐧᑯᒋᐃᑯᔭᒄ ᑕᓐ ᐊ ᐃᓯ ᒪᒋᒂᐱᐧᑲᓱᔭᒄ᙮ ᐊᑲᐎᔾ ᒥᒄ ᒋᑭ ᐎᐅᓂᑕᓇᐛᐤ ᐅ ᐊᒋ ᐎᐧᑯᒋᐃᑯᔭᒄ ᒐᒋ ᐱᔅᑎᒪᒄ ᒐᒋ ᒥᒋᑐᑎᒪᒄ᙮ ᐃᔭᐱᒡ ᒋᐸ ᐛᐎᒋᐃᑐᓇᐛᐤ ᐊ ᓴᒋᐃᑐᔭᒄ᙮

ᑲᓚᓯᔭᓇ 5:6

ᓇᒪ ᐅᔭᔅ ᐊᓐ ᒐᔅᒋᓄᐛᒋᓱᑯᐛᒐ ᑭᔭ ᒪᒃ ᐊᑲ ᒐᔅᒋᓄᐛᒋᓱᑯᐛᒐ ᐊ ᐎᒐᐎᒋᑦ ᒋᓴᔅ ᙭᙮ ᐊᓐ ᒋᒋᐛ ᐊ ᐃᑕᔨᑕᒂᒡ ᐊᐅᒄ ᒐᒋ ᓴᒋᐃᑐᔭᐧᒄ ᐊ ᑕᑈᔭᔨᒪᒄ᙮

ᑲᓚᓯᔭᓇ 6:9

ᐊᑲᐎᔾ ᒋᑭ ᐅᒋ ᑕᔅᑎᑲᒋᓇᓄᐤ ᐊ ᒥᔪᑐᑎᒪᐧᒄ᙮ ᐛᔅ ᒋᑭ ᐅᑎᒋᐱᔪᐤ ᑕᓐᑕ ᒐ ᒥᔨᑯᐅᔭᐧᒄ ᒋᑎᐸᐊᒪᑯᓯᐅᓄᐛ ᐊᑲ ᐳᓂᔭᒂ ᐊ ᒥᔪᑐᑎᒪᐧᒄ᙮

1 ᑕᓴᓗᓂᔭᓇ 3:6

ᐊᑯ ᒪᒃ ᐊᒋ ᐸᒋ ᑎᑯᓯᐧᒃ ᑎᒧᑎ ᐊᓐᑕ ᐊ ᑕᐛᒄ ᐊ ᐅᑐᑕᑦ ᑭᔭ ᐊᒋ ᒥᔪ ᐊᔨᒧᑎᒧᔨᒥᑦ ᒋᑕᑈᑎᒧᐅᓄᐛᔪᐤ ᑭᔭ ᒋᓴᒋᐃᐛᐅᓄᐛᔪᐤ, ᐊᔪᐤ ᓂᒋ ᐎᑎᒪᑯᓇᓐ ᒧᔅ ᐊ ᒥᔪ ᒋᔅᒋᑐᐎᔭᒡ ᑭᔭ ᓇᔅᒡ ᐊ ᐎ ᐛᐱᒥᔭᒡ ᒧᔭᒻ ᓂᔭᓐ ᐛ ᐃᔅᐱᔅ ᐎ ᐛᐱᒥᑕᒡ᙮

2 ᑕᓴᓗᓂᔭᓇ 1:11

ᐊᐅᒄ ᒪᒃ ᐅ ᐛᒋ ᒧᔅ ᐊᔭᒥᐊᔅᑎᒪᑕᒡ᙮ ᓂ ᓂᑐᑎᒧᐛᓇᓐ ᒋᓴᒪᓂᑐᐤ ᒐᒋ ᒋᔅᑕᔨᑕᑯᓯᔭᒄ ᒐᒋ ᐃᓯ ᐱᒪᑎᓯᔭᒄ ᐊᓂᔭ ᑕᓐ ᑲ ᐃᓯ ᓂᑐᐛᔨᒥᑕᒄ ᒐᒋ ᐃᓯ ᐱᒪᑎᓯᐛᒄ᙮ ᓂ ᓂᑐᑎᒧᐛᓇᓐ ᒐᒋ ᒥᔨᑕᒄ ᓱᐧᑲᑎᓯᐅᓂᔪᐤ ᒐᒋ ᐃᑐᑎᒪᒄ ᒥᓯᐛ ᐊ ᐃᓯ ᐱᑯᓴᔨᒥᑯᐅᔭᒄ ᒐᒋ ᐃᓯ ᒥᔪᑐᑎᒪᒄ᙮ ᑭᔭ ᒐᒋ ᐎᒋᐃᑕᒄ ᒐᒋ ᒋᔅᑕᐛᒄ ᐊᓂᔭᔪᐛ ᒐᒂᔪᐛ ᑲ ᐃᑐᑎᒪᒄ ᐊ ᑕᑈᑎᒪᒄ᙮

2 ᑕᓴᓗᓂᔭᓇ 1:3

ᓂᐧᑲᓂᓯᑐᒄ, ᐃᑕᔨᑕᑯᓐ ᒧᔅ ᒐᒋ ᓂᓇᔅᑯᒥᒋᒡ ᒋᓴᒪᓂᑐᐤ ᒋᔨᐛᐤ ᐅᒋ ᐛᔅ ᐊᑐᐎᔅ ᒋᑦ ᐊᑎ ᑕᑈᐅᒐᔨᒪᐛᐤ ᙭ ᑭᔭ ᐊᔭᔅᒃ ᐊᑐᐎᔅ ᒋ ᓴᒋᐃᑐᓇᐛᐤ᙮

1 ᑎᒧᑎ 1:14

ᓇᔅᒡ ᓂᒋ ᐛᔪᐅᒡ ᓄᑯᑥᒄ ᐅᑎᐸᔨᒋᒐᐤ ᑕᓐ ᐊᔅᐱᔅ ᒋᓴᐛᑐᑐᐅᑦ ᒐᒋ ᐅᒋ ᐊᑎ ᑕᑈᔭᔨᒥᒃ ᑭᔭ ᒐᒋ ᐅᒋ ᐊᑎ ᓴᒋᐃᒃ ᙭᙮

1 ᑎᒧᑎ 2:3

ᐊᐅᒄ ᐅᔭ ᐊ ᐃᓯ ᒥᔪᓇᐧᒃ ᑭᔭ ᓂᐊᔨᑎᒥᐃᑯᑦ ᒋᓴᒪᓂᑐᐤ ᒋᐱᒪᒋᐃᐛᒥᓄᐤ,

ᐃᑉᕈᐛ 10:36

ᒋ ᓂᑐᐛᔨᑕᑯᓯᓇᐛᐤ ᒐᒋ ᓯᐱᔪᐛᓯᔭᒄ ᑭᔭ ᒐᒋ ᐃᑐᑎᒺᒄ ᒋᓴᒪᓂᑐᐤ ᐅᑦ ᐃᑕᔨᑎᒧᐅᓐ ᑭᔭ ᒐᒋ ᒥᔅᑭᒺᒄ ᐊᓂᔭ ᑲ ᐃᔅᒋᔄᑦ ᒐᔅᑎᓇᔅ ᒐ ᒥᔨᑕᒄ᙮

ᐃᑉᕈᐛ 11:17

ᒥᓐ ᒪ ᒪᒥᑐᓇᔨᒪᐧᒄ ᐊᑉᕋᐊᒻ᙮ ᐊᓂᔭ ᐊᒋ ᐃᔅᐱᔅ ᑕᑈᑕᐧᒃ ᓇᔅᒡ ᒋ ᐎ ᐃᑐᑎᒻ ᒐᒋ ᒥᑐᔅᑕᐊᒪᑦ ᐅᑯᓴ ᐊᐃᓯᑲ᙮ ᐊᐅᒄ ᐅᔭ ᑲ ᐎ ᐃᑎᑦ ᐊᑉᕋᐊᒻ ᐛᔅ ᐊᐅᑯᓐ ᑲ ᐃᑎᓱᒥᑯᑦ ᒋᓴᒪᓂᑐᐛ ᒐᒋ ᐃᑎᑦ ᐊᒋ ᐎ ᓂᑐ ᒋᔅᒐᔨᒥᑯᑦ ᑕᑈ ᒐ ᓂᓇᐃᑎᒧᒂ᙮ ᓇᔅᒡ ᒪᒃ ᒋ ᐊᔭᔅᑯᐎᔪᐤ ᐊᑉᕋᐊᒻ ᒐᒋ ᐃᑐᑎᒧᐛᑦ ᑕᓐ ᑲ ᐃᑎᓱᒥᑯᑦ ᒋᓴᒪᓂᑐᐛ, ᐊᑎ ᐊᒋ ᐎᑎᒧᐛᑭᓄᐅᑦ ᒐᔅᑎᓇᔅ ᒐ ᓱᐛᔨᒪᑭᓄᐅᑦ᙮

ᐃᑉᕈᐛ 13:21

ᒥᔅᑎ ᔅᒋ ᐃᑐᑎᒪᑯᐛᐤ ᒋᓴᒪᓂᑐᐤ ᒋᓴᓴ ᐅᒋ ᑭᔭ ᓂᑐᑎᒪᒄ ᒐᒋ ᒥᔨᑕᒄ ᒥᓯᐛ ᐊᓂᔭ ᑲ ᒥᔽᔨᒋ ᒐᒂᔪᐛ ᐊ ᐃᓯ ᓂᑐᐛᔨᑎᒪᒄ ᒐᒋ ᐃᑐᑎᒺᒄ ᐅᑦ ᐃᑕᔨᑎᒧᐅᓐ᙮ ᓂᑦ ᐊᔭᒥᐊᐤ ᑭᔭ ᒐᒋ ᐊᑐᔅᒐᑦ ᐊᓐᑕ ᒋᐱᒪᑎᓯᐅᓄᐛᒡ ᑭᔭ ᒐᒋ ᓂᓇᐊᔨᑎᒥᐃᑯᑦ ᐊᓂᔭ ᐊ ᐃᑕᑎᓯᐛᒄ᙮ ᒧᔅ ᒪᒃ ᒪᒥᒋᒪᑕᐤ ᒋᓴᔅ ᙭ ᑲᒋᒡ ᑭᔭ ᑲᒋᒡ᙮ ᐊᒥᓐ᙮

ᐃᑉᕈᐛ 4:11

ᐊᑯ ᒪᒃ ᓱᒃ ᑯᒋᑕᑕᐤ ᒐᒋ ᐱᒐᔭᐧᒄ ᐊᓐᑕ ᐊ ᑎᒂᒡ ᐊᔪᐛᐳᐅᓐ᙮ ᓱᒃ ᐃᔭᒂᒥᑕᐤ ᒐ ᐊᑲ ᒋ ᓄᑕᔅᑭᒪᐧᒄ ᒐᒋ ᐱᒐᔭᐧᒄ ᐊᓐᑕ ᐊ ᑎᒂᒡ ᐊᔪᐛᐳᐅᓐ᙮ ᐊᑲ ᓂᓇᐃᑐᐛᒂ ᒋᓴᒪᓂᑐᐤ ᒋᑭ ᓄᑕᔅᑲᓇᓄᐤ ᐊᓐᑕ ᒐᒋ ᐱᒐᔭᐧᒄ ᒧᔭᒻ ᐊᓂᔭᐧᑲ ᐃᔅᕋᐃᓪ ᐃᔪᒡ ᐊᓐᑕ ᐸᒋ ᐅᑕᒡ ᑲ ᐃᓯ ᓄᑕᔅᑲᒡ᙮

ᐃᑉᕈᐛ 6:15

ᒋ ᓯᐱᔪᐛᓯᐤ ᒪᒃ ᐊᑉᕋᐊᒻ ᐊ ᐊᓱᐛᐱᑦ ᒐ ᐃᔅᐱᔅ ᐃᑐᑎᒧᐛᑭᓄᐅᑦ ᐊᓂᔭ ᑲ ᐃᑕᑭᓄᐅᑦ ᒐᔅᑎᓇᔅ ᒐ ᐃᑐᑎᒧᐛᑭᓄᐅᑦ᙮ ᒐᒃ ᒥᒐᑐᐤ ᐱᐳᓇ ᑲ ᐊᓱᐛᐱᑦ᙮ ᐊᑯ ᑲ ᒥᔨᑯᑦ ᒋᓴᒪᓂᑐᐛ ᐊᓂᔭ ᑲ ᐃᔅᒋᔄᔨᒋ ᒐᔅᑎᓇᔅ ᒐ ᒥᔨᑯᑦ᙮

1 ᐱᑕᕐ 3:4

ᐃᐛᒃ ᐃᑕᔨᑕᑯᓐ ᑯᐃᔅᒄ ᒐᒋ ᐃᓯ ᐱᒪᑎᓯᔭᒄ ᑭᔭ ᒐᒋ ᒋᔭᒪᑎᓯᔭᒄ ᒐᒋ ᐅᒋ ᒥᔪᓇᑯᓯᔭᒄ᙮ ᐊᔪᐅᒄ ᐅᔭ ᓇᔅᒡ ᒪᔪᓇᑯᓯᑦ ᐃᔎᐤ ᐊ ᐃᓯ ᐱᒪᑎᓯᑦ ᑭᔭ ᐊᔪᐅᒄ ᐅᔭ ᐊ ᐃᑐᑕᑯᑦ ᒧᔅ ᒐᒋ ᒥᔪᓇᑯᓯᑦ᙮ ᐊᔪᐅᒄ ᐅᔭ ᒪᐅᒡ ᒪᔪᓇᐧᒃ ᒋᓴᒪᓂᑐᐤ ᐃᔎᐛ ᒐᒋ ᐃᓯ ᐱᒪᑎᓯᔨᒋ᙮

1 ᒠᓐ 3:18

ᓂᑦ ᐊᐛᓯᒥᑎᒄ, ᓇᒪ ᒥᒄ ᒋᐸ ᐅᒋ ᐃᔅᒋᔄᓇᓄᐤ ᐊ ᓴᒋᐃᐛᔭᐧᒄ᙮ ᒥᒄ ᑕᓐ ᐊ ᐃᑎᔭᐧᒄ ᐊᑯᑕ ᒋᐸ ᓄᑯᓐ ᑕᑈ ᐊ ᓴᒋᐃᐛᔭᐧᒄ᙮

1 ᒠᓐ 3:21

ᓂᐧᑲᓂᓯᑐᒄ ᑲ ᓴᒋᐃᑎᑯᒡ, ᒋᔭᒪᔨᑎᒪᐧᑯ ᒋᑕᐃᓇᒡ, ᓇᒪ ᒋᑭ ᐅᒋ ᓴᒋᓯᓇᓄᐤ ᒐᒋ ᓇᑕᐧᒄ ᒋᓴᒪᓂᑐᐤ᙮

1 ᒠᓐ 3:3

ᒥᓯᐛ ᒪᒃ ᐊᐛᓐ ᐅᔭᔪᐤ ᑲ ᐃᓯ ᐊᔅᐸᔨᒧᑦ, ᓂᓇᑭᑐᐛᔨᒥᓱᐤ ᒐᒋ ᐸᔭᒋᓯᑦ ᒧᔭᒻ ᙭ᑕ ᐊ ᐃᓯ ᐸᔭᒋᓯᔨᒋ᙮

1 ᒠᓐ 5:3

ᐊ ᐃᑐᑎᒺᐧᒄ ᒥᓯᐛ ᐊ ᐃᑎᓱᒥᑕᐧᒄ ᒋᓴᒪᓂᑐᐤ, ᐊᑯᑕ ᐛᒋ ᓄᒂᒡ ᐊ ᓴᒋᐊᐧᒄ᙮ ᓇᒪ ᒪᒃ ᐊᔨᒥᓂᔪᐤ ᒐᒋ ᐃᑐᑎᒺᐧᒄ ᐊᓂᔭ ᐊ ᐃᑎᓱᒥᑕᐧᒄ᙮

ᒋᔅᒐᔨᑕᑯᑕᒐᐅᓐ 2:19

ᓂ ᒋᔅᒐᔨᑕᓐ ᒥᓯᐛ ᑕᓐ ᐊ ᐃᑎᔭᒄ᙮ ᒋ ᒋᔅᒐᔨᒥᑎᓇᐛᐤ ᑕᓐ ᐊᔅᐱᔅ ᓴᒋᐃᑐᔭᒄ ᑭᔭ ᒧᔅ ᑯᐃᔅᒄ ᐊ ᐃᑎᔭᒄ᙮ ᒋ ᒋᔅᒐᔨᒥᑎᓇᐛᐤ ᐊ ᐛᐎᒋᐊᑯᒡ ᑯᑎᑭᒡ ᐊᐛᓐᒋ ᑭᔭ ᐊ ᓯᐱᔪᐛᓯᔭᒄ ᐊ ᓂᓇᐧᑲᑕᔨᒧᔭᒄ᙮ ᒋ ᒋᔅᒐᔨᒥᑎᓇᐛᐤ ᐊᑐᐎᔅ ᐊᓄᒡ ᒥᔅᑎ ᐊ ᐃᑐᑎᒪᒄ ᑕᓐ ᑲ ᐃᑎᔭᒄ ᐅᔅᑭᒡ᙮

ᒋᔅᒐᔨᑕᑯᑕᒐᐅᓐ 3:10

ᐊᓐ ᐊᒋ ᓯᐱᔪᐛᓯᔭᒄ ᑕᓐ ᐊ ᐃᓯ ᓂᒋᔅᑭᒪᒄ ᒧᔭᒻ ᑲ ᐃᑎᓱᒥᑎᑯᒡ ᒐᒋ ᐃᑎᔭᒄ, ᒋᑭ ᑭᓄᐛᔨᒥᑎᓇᐛᐤ ᐊᓐᑕ ᒪᒂᒡ ᐱᒥᐱᔨᒐ ᐊ ᐊᔨᒥᐅᒡ ᐊᐛᓐᒋ, ᐊᓐᑕ ᒪᒂᒡ ᒐ ᓂᑐ ᒋᔅᒐᔨᒪᑭᓄᐎᒡ ᒥᓯᐛ ᐊᐛᓐᒋ ᐅᑕ ᐊᔅᒋᒡ ᐊ ᑕᒡ᙮