1 ᐱᑕᕐ 4:6 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁶ ᐊᐅᒄ ᒪᒃ ᐅ ᐊᔪᐤ ᐊᓐᒡ ᑲ ᓂᐱᒡ ᐛᒋ ᐛᐎᑎᒧᐛᑭᓄᐅᒡ ᐅᔭ ᒥᔽᒋᒧᐅᓂᔪᐤ ᒐᒋ ᑎᐸᔅᑯᓇᑭᓄᐎᒡ ᐊᓂᔭ ᑕᓐ ᑲ ᐃᓯ ᐱᒪᑎᓯᒡ ᒥᓯᐛ ᐊᐛᔪᐛ ᑕᓐ ᐊ ᐃᓯ ᑎᐸᔅᑯᓇᑭᓄᔨᒋ, ᒋ ᐛᐎᑎᒥᒧᐛᑭᓄᐎᒡ ᐅᔭ ᒥᔽᒋᒧᐅᓂᔪᐤ ᒐᒋ ᐊᔭᒡ ᐊᒐᐧᒄ ᐱᒪᑎᓯᐅᓂᔪᐤ ᒋᓴᒪᓂᑐᐛ ᐃᔅ ᐊ ᑕᔨᒋ᙮

1 ᐱᑕᕐ 4:6 ပူးပေါင်းရင်းမြစ်များ

ᒪᑎᔪᐤ 24:9

“ᑭᔭ ᒐ ᒪᑯᓂᑯᔭᒄ ᑭᔭ ᒋᑭ ᓂᓇᐧᑲᒋᐃᑯᓇᐛᐤ᙮ ᐛᐛᒡ ᒋᑭ ᓂᐸᐃᑯᓇᐛᐤ᙮ ᒥᓯᐛ ᐊ ᐃᑎᔅᑲᓇᓯᒡ ᐊᐛᓐᒋ ᒋᑭ ᐛᐧᑲᑎᑯᐛᐅᒡ ᐊ ᓇᓴᐅᔭᒄ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:2

ᐛᔅ ᒋᓴᒪᓂᑐᐤ ᐅᑦ ᐊᒐᒂ ᒋᑦ ᐃᑐᑕᑭᓄᐤ ᒐᒋ ᐱᒪᑎᓯᔭᐧᒄ ᙭ ᒋᓴᓴ ᐅᒡ᙮ ᐊᐅᒄ ᑲ ᐊᐱᐧᑯᓂᑦ ᑕᓐ ᑲ ᐃᓯ ᑎᐸᔨᒥᑯᐅᒡ ᒥᒐᑎᓯᐅᓂᔪᐤ ᑭᔭ ᓂᐳᐅᓂᔪᐤ᙮

ᑲᓚᓯᔭᓇ 2:19

ᒪᒂᒡ ᓱᒃ ᑲ ᐎ ᓂᓇᐃᑎᒪᓐ ᒍᐤ ᐊᔭᒥᐊᐅ ᐎᓱᐛᐅᓇ ᒐᒃ ᓂᒋ ᓂᔅᑐᑕᓐ ᐊᑲ ᐊᓐ ᒍᐤ ᐊᔭᒥᐊᐅ ᐎᓱᐛᐅᓐ ᐊ ᓂᓇᐃᑎᒪᓐ ᒐ ᐅᒋ ᐅᑯᐃᔅᑯᑕᑎᓯᐤ ᐸᒋ ᐃᓯ ᑭᓄᐛᐱᒥᑦ ᒋᓴᒪᓂᑐᐤ᙮ ᐊᑯ ᒪᒃ ᐊᓄᒡ ᒧᔭᒻ ᐊ ᓂᐱᔭᓐ ᑭᔭ ᐊᑲ ᐊᑯ ᒪᑎᑯᔅᑲᑯᔭᓐ ᐊᓂᔭᔪᐛ ᐎᓱᐛᐅᓇ ᓂᑦ ᐃᓯᓇᑯᓯᓐ᙮ ᐊᑯ ᒪᒃ ᑕᑈ ᒐᒋ ᐱᒪᑎᓯᔅᑐᐅᒃ ᒋᓴᒪᓂᑐᐤ᙮

ᑲᓚᓯᔭᓇ 5:25

ᓴᔅ ᔅᒋ ᒥᔨᑯᓄᐤ ᐱᒪᑎᓯᐅᓂᔪᐤ ᑲ ᐸᔭᒋᓯᑦ ᐊᒐᐧᒄ, ᐱᒪᑎᓯᑕᐤ ᒪᒃ ᑕᓐ ᐊ ᐃᓯ ᓂᑐᐛᔨᒥᑕᐧᒄ ᒐᒋ ᐃᓯ ᐱᒪᑎᓯᐛᐧᒄ᙮

1 ᐱᑕᕐ 1:12

ᒋ ᒋᔅᒐᔨᑎᒥᐊᑭᓄᐅᒡ ᒪᒃ ᐊᓂᔭᐧᑲ ᐅᒋᔅᒋᐛᐃᒐᓱᒡ ᐊᑲ ᐎᔨᐛᐤ ᒪᒂᒡ ᐊ ᐱᒪᑎᓯᒡ ᒐ ᐃᔅᐱᔨᒡ ᐅᔭ᙮ ᒋᔨᐛᐤ ᒐᒋ ᒋᔅᒐᔨᑎᒺᒄ ᐊᐅᒄ ᐛᒋ ᐊᔨᒧᑕᒡ ᐊᓂᔭᔪᐛ ᒐᒂᔪᐛ ᐊᓄᒡ ᑕᓐ ᐊ ᐃᓯ ᐛᐎᑎᒪᑕᑯᒡ ᐊᓐᒡ ᑲ ᐛᐎᑕᒡ ᒥᔽᒋᒧᐅᓂᔪᐤ᙮ ᑲ ᐸᔭᒋᓯᑦ ᐊᒐᐧᒄ ᐊᓐ ᑲ ᐸᒋ ᐃᑎᓴᐛᑭᓄᐅᑦ ᒋᒋᒋᓯᑯᒡ ᐅᒡ, ᐊᐅᑯᓐ ᐊᓐ ᑲ ᒥᔭᑦ ᒐᒋ ᐛᐎᑎᒥᔨᒋ ᐅᔭ ᒥᔽᒋᒧᐅᓂᔪᐤ᙮ ᐊᔪᐅᒄ ᐅᔭ ᒐᒂᔪᐤ ᐛᐛᒡ ᐊᓐᒋᓐᒡ ᐎ ᒋᔅᒐᔨᑎᒧᒡ᙮

1 ᐱᑕᕐ 3:18

ᐛᔅ ᙭ ᐸᐃᒂᐤ ᔅᒋ ᓂᐱᔅᑎᒪᑭᓄᐤ ᒥᒋᑥᐅᓂᒡ ᐅᒡ ᒐᒋ ᐅᒋ ᐸᓱᐅᑕᐧᒄ ᒋᓴᒪᓂᑐᐛ ᐊ ᑕᔨᒋ᙮ ᐊᓐ ᑲ ᑯᐃᔅᑯᑕᑎᓯᑦ ᒋ ᓂᐱᔅᑎᒧᐛᐤ ᐊᓂᔭ ᐊᑲ ᑯᐃᔅᑯᑕᑎᓯᔨᒋ᙮ ᑕᑈ ᑭᑈ ᒋ ᓂᐸᑕᑭᓄᐅᔪᐤ ᐎᔪᐤ ᒥᒄ ᒪᒃ ᒋ ᐃᑐᑐᐛᑭᓄᐅᔪᐛ ᐅᑦ ᐊᒐᒂ ᐃᔭᐱᒡ ᒐᒋ ᐱᒪᑎᓯᔨᒋ᙮

1 ᐱᑕᕐ 3:19

ᐊᒐᐧᑯᒡ ᒪᒃ ᒋ ᐃᓯ ᑭᒐᔅᒋᒪᐤ ᐊᓂᔭᔪᐛ ᐊᒐᒂ ᑲ ᒋᐸᐛᑭᓄᔨᒋ᙮

ᒋᔅᒐᔨᑕᑯᑕᒐᐅᓐ 14:18

ᐃᔅᐱ ᒪᒃ ᑲ ᐸᒋ ᐎᐎᑦ ᐅ ᐊᓐᒋᓐ, ᐊᑯ ᒥᓐ ᑯᑎᒃ ᐊᓐᒋᓐ ᒂ ᐛᐱᒥᒃ ᐊᓐᑕ ᐊᓂᔭ ᐱᔅᑎᓂᒐᐅᓇᐱᔅᑯᔪᐤ ᐊ ᑎᑯᓂᔨᒡ ᐊ ᐅᑐᑕᑦ᙮ ᐊᐅᒄ ᐅ ᐊᓐᒋᓐ ᑕᐸᔨᑕᐧᒃ ᐃᔅᑯᑕᔪᐤ᙮ ᐊᑯ ᐅ ᐊᓐᒋᓐ ᒂ ᑕᑈᑕᑦ ᐊᓂᔭᔪᐛ ᐊᓐᒋᓇ ᑲ ᑕᐧᑯᓂᒥᔨᒋ ᐊ ᑲᓴᔨᒡ ᒥᔅᑯᓯᐅ-ᒧᐧᑯᒪᓂᔪᐤ᙮ ᒋ ᒋᔄᐛᐤ ᐊᓂᔭ ᐊ ᑕᑈᑕᑦ᙮ ᒋ ᐃᑕᐤ ᒪᒃ ᐊᓂᔭᔪᐛ ᐊᓐᒋᓇ, “ᐅᑎᓇ ᐊᓐ ᒋᒥᔅᑯᓯᐅ-ᒧᐧᑯᒪᓐ ᒐ ᒪᒧᓴᒋᓂᒥᓐ ᐊᓂᔭᔪᐛ ᐊ ᒪᒧᐅᒥᒋ ᒥᓂᓴ᙮ ᐛᔅ ᓴᔅ ᐅᑎᒋᐱᔪᐤ ᒐᒋ ᒪᒧᓴᒋᓂᑭᓄᐅᒋ᙮ ᓴᔅ ᒥᔽᐛ ᒐᒋ ᒪᒧᓴᒋᓂᑭᓄᐅᒋ᙮”