1 ᐱᑕᕐ 3:16 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁶ ᓱᒃ ᒧᔅ ᑯᐃᔅᒄ ᐎ ᐃᓯ ᐱᒪᑎᓯᒄ ᓇᔅᒡ ᒐᒋ ᒐᔅᑎᓇᐅᔭᒄ ᐊᑲ ᒥᒋᑐᑎᒪᒄ᙮ ᐅ ᐃᓯᓇᑯᓯᔭᒂ, ᐊᑯᑕ ᒐ ᐅᒋ ᓯᓴᒂᔨᒧᒡ ᐊᓐᒡ ᑲ ᒪᔭᔨᒥᑕᑯᒡ, ᐊᓐᒡ ᑲ ᒥᒋ ᐊᔨᒧᒥᑕᑯᒡ ᐊ ᑯᐃᔅᑯᐱᒪᑎᓯᐛᒄ ᙭ᑕ ᐊ ᓇᓴᐅᒪᑯ᙮

1 ᐱᑕᕐ 3:16 ပူးပေါင်းရင်းမြစ်များ

ᒪᑎᔪᐤ 5:11

“ᒋ ᓱᐛᔨᑕᑯᓯᓇᐛᐤ ᐊ ᒪᔭᔨᒥᑯᐅᔭᒄ, ᒪᒃ ᐊ ᓂᓇᐧᑲᒋᐃᑯᐅᔭᒄ ᑭᔭ ᐊ ᑭᑭᒋᔭᐛᑕᒋᒥᑯᐅᔭᒄ ᓂᔾ ᐅᒋ ᐊ ᐸᒋ ᓇᓴᐅᔭᒄ᙮

ᐊᑈᔅᑕᓇᒡ 24:16

ᓱᒃ ᒪᒃ ᓂᓇᑭᑐᐛᔨᒥᓱᓐ ᒐ ᐊᑲ ᒋ ᒪᔭᔨᒥᒃ ᒋᓴᒪᓂᑐᐤ ᑭᔭ ᐃᔪᒡ ᒐᒋ ᐅᒋ ᒐᔅᑎᓇᐅᔭᓐ ᑯᐃᔅᒄ ᐊ ᐃᑎᔭᓐ᙮”

ᐊᑈᔅᑕᓇᒡ 28:22

ᒥᒄ ᒪᒃ ᒋ ᐎ ᒋᔅᒐᔨᒥᑎᓇᓐ ᑕᓐ ᐊ ᐃᑕᔨᑎᒥᐃᑯᔨᓐ ᒋᔾ, ᐛᔅ ᒥᒐᑦ ᐊᐛᓐᒋ ᒥᓯᑕ ᐅ ᐊᔅᒋᔾ ᓇᒪ ᒥᔪᓯᓇᐊᒧᒡ ᐅᔭ ᑲ ᐃᓯ ᑕᑈᑎᒺᒄ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 9:1

ᓂ ᑕᑈᓐ ᐅ ᒐ ᐃᔅᒋᔄᔭᓐ᙮ ᓇᒪ ᓂ ᑭᑭᒋᔭᓐ ᐛᔅ ᙭ ᓂ ᑎᐱᔨᐛᐅᓯᑐᑕᒄ᙮ ᓂ ᒐᔅᑎᓇᑕᔨᑕᓐ ᐊ ᑕᑈᔭᓐ ᑭᔭ ᑲ ᐸᔭᒋᓯᑦ ᐊᒐᐧᒄ ᓂ ᒋᔅᒐᔨᑎᒥᐃᒄ ᐊ ᑕᑈᐅᒡ᙮

2 ᑯᕆᓐᑎᔭᓇ 1:12

ᒪᐅ ᒪᒃ ᐊ ᐃᓯ ᐊᔅᐸᔨᒧᔭᒡ, ᓇᔅᒡ ᓂᒐᔅᑎᓇᐅᓇᓐ ᒧᔅ ᑯᐃᔅᒄ ᐊᒋ ᑎᔭᒡ ᑕᓐᑕ ᒥᒄ ᑲ ᐊᑎ ᑕᔭᒡ, ᐊᑐᐎᔅ ᒪᒃ ᒪᒂᒡ ᐊᓐᑕ ᐊ ᑕᔭᒄ ᑲ ᑕᔭᒡ᙮ ᑭᔭ ᒧᔅ ᐊᒋ ᑕᑈᐅᒐᔨᑕᑯᓯᔭᒡ᙮ ᒋᓴᒪᓂᑐᐤ ᓂᒋ ᒥᔨᑯᓇᓐ ᐅᓱᐛᔨᒋᒐᐅᓐ ᐅ ᒐᒋ ᑎᔭᒡ᙮ ᓇᒪ ᓂᔭᓐ ᓂᑭᒐᑕᐛᔨᑎᒧᐅᓇᒡ ᐅᒋᐱᔪᐤ᙮

2 ᑯᕆᓐᑎᔭᓇ 4:2

ᐊ ᐛᐎᑎᒪᒡ ᐅ ᒥᔽᒋᒧᐅᓐ ᓇᒪ ᒐᒂᓐ ᓂ ᒋᒧᒡ ᐃᑎᓇᓐ᙮ ᒧᔅ ᑯᐃᔅᒄ ᑭᔭ ᒧᓴ ᓂ ᐎᑕᓇᓐ ᒐᒂᓐ᙮ ᓇᒪ ᓂ ᐎ ᐎᔭᓯᒪᓇᓐ ᐊᐛᓐ ᒐᒋ ᐅᒋ ᑕᑈᑕᐧᒃ᙮ ᓇᒪ ᑭᔭ ᓂ ᒪᒧᐱᔨᑕᓇᓐ ᑯᑎᒡ ᒐᒂᓐ ᐊ ᐛᐎᑎᒪᒡ ᒋᓴᒪᓂᑐᐤ ᐅᑦ ᐃᔨᒧᐅᓐ᙮ ᑯᐃᔅᒄ ᓂ ᐎᑎᒧᐛᓇᓐ ᒥᓯᐛ ᐊᐛᓐ ᑕᑈᐅᓂᔪᐤ ᑭᔭ ᒐ ᒋᔅᒐᔨᑕᒡ ᑕᑈ ᒐᒋ ᑕᑈᑕᒡ ᑕᓐ ᐊ ᐃᓯ ᐛᐎᑎᒧᐅᒋᑦ᙮ ᓂ ᒋᔅᒐᔨᒥᑯᓇᓐ ᒪᒃ ᒋᓴᒪᓂᑐᐤ ᐊ ᑕᑈᐅᒋᑦ᙮

1 ᑎᒧᑎ 1:19

ᓱᐧᒃ ᒧᓯᓇᐤ ᑕᑈᑕ ᑭᔭ ᓱᐧᒃ ᒧᔅ ᑯᐃᔅᒄ ᐃᑎᔾ ᑭᔭ ᓇᒪ ᒋᑭ ᐅᒋ ᒪᒥᓯᒪᔨᑕᓐ ᐊᑲ ᒥᒋᑐᑎᒥᓇ᙮ ᐛᔅ ᑕᐅᒡ ᐊᓐᒡ ᓇᔅᒡ ᐊᑲ ᐊᔨᒪᔨᑎᒥᐃᑯᒡ ᑕᓐ ᒋᐸ ᐃᓯ ᐱᒪᑎᓯᐅᒡ ᑭᔭ ᒂ ᐊᑎ ᓂᓱᐅᓇᒋᑕᒡ ᐅᑕᑈᑎᒧᐅᓄᐛᐤ᙮

1 ᑎᒧᑎ 1:5

ᐛᔅ ᐅᔭ ᐃᑎᓱᒥᑥᐛ ᐊᑯᑕ ᒐᒋ ᐅᒋ ᓴᒋᐊᒡ ᐊᐛᔪᐛ ᐊ ᐸᔭᐧᑭᓂᔨᒋ ᐅᑕᐃᐛᐛ ᑭᔭ ᐊ ᒋᔅᒐᔨᑕᒡ ᑯᐃᔅᒄ ᐊᒋ ᐃᑎᒡ ᑭᔭ ᐊ ᓱᒐᔨᑕᑯᓂᔨᒡ ᐅᑕᑈᑎᒧᐅᓄᐛᐤ᙮ ᐛᔅ ᐅ ᐃᓯ ᓂᓇᑭᑐᐛᔨᑎᒥᐃᑯᔨᓇ ᒐᒋ ᐃᓯ ᐎᑎᒧᐅᑥᐤ ᐊᑯᑕ ᒐᒋ ᐅᒋ ᓇᔅᒡ ᓴᒋᐊᒡ ᐊᐛᔪᐛ ᐅᑕᐃᐛᒡ᙮

2 ᑎᒧᑎ 1:3

ᓂᓇᔅᑯᒪᐤ ᒋᓴᒪᓂᑐᐤ ᐊ ᒐᔅᑎᓇᑕᔨᒧᔭᓐ ᐊ ᑯᐃᔅᑯᐱᒪᑎᓯᔭᓐ ᐊ ᐊᑐᔅᑯᐅᒃ, ᒧᔭᒻ ᐊᓂᔭᐧᑲ ᐊᓂᔅᒐ ᓂᐛᐧᑯᒪᑭᓂᒡ ᑲ ᐃᓯ ᐊᑐᔅᑯᐛᒡ᙮ ᑭᔭ ᓂᓇᔅᑯᒪᐤ ᒋᓴᒪᓂᑐᐤ ᐊ ᒋᔅᒋᓯᑐᑕᑕᓐ ᑕᑥᐤ ᐊ ᐊᔭᒥᐊᔭᓂ ᐊ ᒋᓯᑲᒡ ᑭᔭ ᐊ ᑎᐱᔅᑲᒡ᙮

ᑕᐃᑕᔅ 2:8

ᑯᐃᔅᒄ ᐃᓯ ᐃᔨᒥ, ᑭᔭ ᐊᓐᒡ ᑲ ᐊᑐᐛᔨᒥᔅᒡ ᓇᒪ ᒋᑭ ᐅᒋ ᒥᔅᑭᒧᒡ ᑕᓐ ᒐᒋ ᐃᓯ ᓂᑐᐎᔾ ᐃᑕᒋᒥᑕᐧᑯᒡ ᑭᔭ ᒐ ᓴᒂᔨᒧᐃᓱᒡ᙮

ᐃᑉᕈᐛ 13:18

ᒋ ᐱᑯᓴᔨᒥᑎᓇᓐ ᒐᒋ ᐸᒋ ᐊᔭᒥᐊᔅᑎᒧᐅᔭᒡ᙮ ᒧᔅ ᓂ ᐎ ᐃᑐᑎᒺᓇᓐ ᐊᓂᔭ ᐊ ᐃᑕᔨᑎᒥᐃᑯᑦ ᒋᓴᒪᓂᑐᐤ ᐊ ᑯᐃᔅᑯᓇᑯᓂᔨᒡ᙮ ᐛᔅ ᐊᑯᑕ ᒐ ᐅᒋ ᒋᔅᒐᔨᑎᒪᒡ ᐊᑲ ᒐᒂᓐ ᑎᒂᒡ ᒐᒋ ᒥᒐᔨᑎᒥᐃᑯᔭᒡ᙮

ᐃᑉᕈᐛ 9:14

ᒧᔭᒻ ᒪᒃ ᐊᐛᓯᔅ ᐅᒥᐧᒄ ᐊ ᐸᔭᒋᑕᒐᒥᑭᓂᔨᒡ ᒪᒥᑐᓇᔨᑎᒧᒄ ᑕᓐ ᐊᔅᐱᔅ ᐊᑐᐎᔅ ᒐᒋ ᐃᓯ ᐎᒋᐃᑯᐛᐧᒄ ᙭ ᐅᒥᐧᒄ᙮ ᒋ ᐱᒪᑎᓯᐤ ᐅᑕ ᐊᔅᒋᒡ ᐊᑲ ᐛᐛᒡ ᐅᒋ ᒥᒋᑐᑕᐧᒃ᙮ ᑲ ᐸᔭᒋᓯᔨᒋ ᐊᒐᒂ ᑲᒋᒡ ᐊ ᑕᔨᒋ ᒋ ᐎᒋᐃᑯᐤ ᐃᔅᐱ ᑲ ᐱᔅᑕᔨᒥᑎᓱᑦ ᒋᓴᒪᓂᑐᐛ ᐃᔅ ᐊ ᑕᔨᒋ᙮ ᐅᒥᐧᒄ ᐊᐅᒄ ᒐ ᐸᔭᒋᐃᑯᐛᐧᒄ᙮ ᓇᒪ ᐎ ᐊᓂᔭᔪᐛ ᐊᑲ ᐅᔭᔅ ᐃᑕᐱᑎᓂᔨᒋ ᒐᒂᔪᐛ ᑲᒋ ᐃᑐᑎᒪᐧᒄ ᒋᑭ ᐅᒋ ᐱᒪᒋᐃᑯᓇᓄᐤ᙮ ᐊᑯ ᒪᒃ ᑲᒋᒡ ᒐᒋ ᐊᑐᔅᑯᐛᐧᒄ ᒋᓴᒪᓂᑐᐤ᙮

1 ᐱᑕᕐ 2:12

ᓱᒃ ᐎ ᑯᐃᔅᑯᐱᒪᑎᓯᒄ ᒪᒂᒡ ᐊᓐᒡ ᐊᑲ ᑕᑈᑕᒡ ᐊ ᑕᒡ᙮ ᐊᑯᑕ ᒐᒋ ᓂᔅᑐᓇᒡ ᒋᒥᔪᑐᑎᒧᐅᓄᐛᐛ ᑭᔭ ᒐ ᒪᒥᒋᒪᒡ ᒋᓴᒪᓂᑐᐛ ᐃᔅᐱ ᑎᑯᓯᓂᔨᒐᓂ᙮ ᐊᐅᑯᓐ ᒐ ᐃᑎᒡ ᐊᑎ ᐊᓄᒡ ᓂᑎᒥᒄ ᐊ ᐃᓯ ᒪᒥᓯᒥᑕᑯᒡ ᒧᔭᒻ ᐊ ᒥᒋᑐᑎᒺᒄ᙮

1 ᐱᑕᕐ 2:15

ᐛᔅ ᐊᔪᐅᒄ ᐅᔭ ᒋᓴᒪᓂᑐᐤ ᐅᑦ ᐃᑕᔨᑎᒧᐅᓐ, ᓇᔅᒡ ᒐᒋ ᒥᔪᓇᒂᒋ ᒋᐱᒪᑎᓯᐅᓄᐛᐛ ᐊᑲ ᓇᔅᒡ ᓂᑎᒥᒄ ᒐᒋ ᐃᓯ ᐊᔨᒧᑕᒡ ᒥᔽᒋᒧᐅᓂᔪᐤ ᐊᓐᒡ ᐊᑲ ᒋᔅᒐᔨᑕᒡ ᑕᓐ ᐊ ᐃᓯ ᒋᔎᐤ ᐃᔨᒥᒡ᙮

1 ᐱᑕᕐ 2:19

ᒋᓴᒪᓂᑐᐤ ᒋᑭ ᓇᐊᔨᑎᒪᐊᐤ ᓯᐱᔪᐛᓯᔅᑎᒥᓇ ᓯᔅᒋᑯᒡ ᐊ ᐎᓯᒐᔨᑎᒥᐃᑯᔨᓐ ᐊ ᒋᔅᒐᔨᑎᒥᓐ, ᐊᔪᐅᒄ ᐅᔭ ᒋᓴᒪᓂᑐᐤ ᐅᑦ ᐃᑕᔨᑎᒧᐅᓐ᙮

1 ᐱᑕᕐ 3:21

ᐊᓐ ᒪᒃ ᓂᐱᔾ, ᒧᔭᒻ ᓯᑲᐃᑕᒐᐅᓐ ᒋ ᐃᓯᓇᑯᓐ, ᓯᑲᐃᑕᒐᐅᓂᔪᐤ ᒪᒃ ᐊᔪᐅᒄ ᐸᒪᒋᐃᑯᑦ ᐊᐛᓐ ᑲ ᑕᑈᑕᐧᒃ᙮ ᒥᒄ ᒪᒃ ᐊ ᓯᑲᐃᑐᐛᑭᓄᐅᑦ ᐊᐛᓐ ᓇᒪ ᐎᔪᐤ ᒋᔅᑕᐸᐅᑕᑭᓄᐅᔪᐤ᙮ ᓄᑯᑕᐤ ᒋᓴᒪᓂᑐᐛ ᐊ ᐃᑕᑦ ᑕᑈ ᙭ᑕ ᒐ ᓇᓴᐛᑦ᙮ ᐱᒪᒋᐃᑯᐤ ᐊ ᓯᑲᐃᑐᐛᑭᓄᐅᑦ ᐊᓂᔭ ᐅᒋ ᒋᓴᔅ ᙭ᑕ ᐊᒋ ᐅᓂᔅᑲᓇᑭᓄᔨᒋ ᓂᐳᐅᓂᒡ ᐅᒡ᙮

1 ᐱᑕᕐ 4:4

ᓇᔅᒡ ᒪᒃ ᒋᒥᔅᑲᑕᔨᒥᑯᐛᐅᒡ ᐊᓐᒡ ᐊᑲ ᑕᑈᑕᒡ ᐊᑲ ᐎᒐᐛᑯᒡ ᐊᓂᔭ ᐊ ᐊᒂᑕᔨᑕᑯᓯᒡ ᐊ ᐃᓯ ᐱᒪᑎᓯᒡ ᑭᔭ ᓇᔅᒡ ᐛ ᒪᒪᔭᔨᒥᑕᑯᒡ᙮