1 ᐱᑕᕐ 1:8 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁸ ᐊᑎ ᐊᑲ ᓂᑕ ᐅᒋ ᐛᐱᒪᒄ ᒋᓴᔅ, ᐃᔭᐱᒡ ᒋᓴᒋᐊᐛᐤ ᑭᔭ ᐊᑎ ᐊᑲ ᐛᐱᒪᒄ ᐊᓄᒡ, ᐃᔭᐱᒡ ᔅᒋ ᑕᑈᔭᔨᒪᐛᐤ᙮ ᔅᒋ ᒧᒋᒐᔨᑕᓇᐛᐤ, ᐊᓐ ᒪᒃ ᐊ ᐃᔅᐱᔅ ᒧᒋᒐᔨᑎᒪᒄ, ᓇᒪ ᐊᓐ ᔅᒋ ᐎᑕᓇᐛᐤ ᑕᓐ ᐊᔅᐱᔅ ᒥᔽᔨᑎᒪᒄ᙮

1 ᐱᑕᕐ 1:8 ပူးပေါင်းရင်းမြစ်များ

ᒪᑎᔪᐤ 10:37

“ᐊᐛᓐ ᐅᔅᑕ ᐅᑕᐎᔭ ᑭᔭ ᒪᒃ ᐅᑲᐎᔭ ᓴᒋᐊᒐ ᐃᔅᐱᔅ ᓂᔾ, ᓇᒪ ᑕᐱᒐᔨᑕᑯᓱᐤ ᒐᒋ ᐸᒋ ᓇᓴᐅᑦ᙮ ᑭᔭ ᐊᐛᓐ ᐅᔅᑕ ᓴᒋᐊᒐ ᐅᑯᓴ ᑭᔭ ᒪᒃ ᐅᑕᓂᓴ ᐃᔅᐱᔅ ᓂᔾ, ᓇᒪ ᑕᐱᒐᔨᑕᑯᓱᐤ ᒐᒋ ᐸᒋ ᓇᓴᐅᑦ᙮

ᒠᓐ 14:15

“ᒧᔭᒻ ᓯᔭᒋᐃᐛᒂ ᒪᒃ ᒋᑭ ᓂᓇᐃᑕᓇᐛᐤ ᐛᔅ ᑕᓐ ᑲ ᐃᑎᓯᒥᑎᑯᒡ ᒐᒋ ᐃᑎᔭᒄ᙮

ᒠᓐ 14:21

“ᐊᓐ ᐊᐛᓐ ᒐ ᑕᑈᑎᒧᒂ ᑭᔭ ᒐ ᓂᓇᐃᑎᒧᒂ ᑕᓐ ᐊ ᐃᑎᓱᐛᔭᓐ ᐊᐅᒄ ᐊᓐ ᐊᐛᓐ ᑲ ᓴᒋᐃᑦ᙮ ᒋᑭ ᓴᒋᐊᐤ ᓄᑕᐎᔾ ᐊᓂᔭ ᐊᐛᔪᐛ ᑲ ᓴᒋᐃᔨᒋ, ᑭᔭ ᓂᔾ ᒪᒃ ᓂᑭ ᓴᒋᐊᐤ ᐊᓐ ᐊᐛᓐ ᑭᔭ ᓂᑭ ᐃᑐᑐᐛᐤ ᒐᒋ ᒥᔪ ᒋᔅᒐᔨᒥᑦ᙮”

ᒠᓐ 14:24

ᐊᓐ ᐊᐛᓐ ᐊᑲ ᐸᒋ ᓴᒋᐃᑦ ᓇᒪ ᓂᓇᐃᑎᒻ ᓂᑦ ᐃᔨᒧᐅᓂᔪᐤ᙮ ᐅ ᑲ ᐃᓯ ᐸᑎᒪᒄ ᓇᒪ ᓂᔾ ᐊ ᑕᔭᓐ ᐅᒋᐱᔪᐤ ᒪᒃ ᓄᑕᐎᔾ ᐊ ᑕᑦ ᐅᒋᐱᔪᐤ, ᐊᓐ ᑲ ᐸᒋ ᐃᑎᓴᐅᑦ᙮”

ᒠᓐ 16:22

ᐊᐅᑯᓐ ᒪᒃ ᒧᔭᒻ ᑭᔭ ᒋᔨᐛᐤ, ᐊᓄᒡ ᒋ ᒥᓯᒪᔨᑕᓇᐛᐤ᙮ ᒥᒄ ᒪᒃ ᐃᔅᐱᔅ ᒥᓐ ᐛᐱᒥᑎᑯᒐ ᓇᔅᒡ ᑕᑈ ᒋᑭ ᒥᔽᔨᑕᓇᐛᐤ᙮ ᓇᒪ ᒪᒃ ᐊᐛᓐ ᒋᑭ ᐅᒋ ᐃᑐᑕᑯᐛᐤ ᒐᒋ ᒥᔅᑭᒥᑕᒄ ᒋᒧᒋᒐᔨᑎᒧᐅᓄᐛᔪᐤ᙮”

ᒠᓐ 20:29

ᒋᓴᔅ ᒂ ᐃᑕᑦ, “ᒋ ᑕᑈᑕᓐ ᐊ ᒥᒄ ᐊ ᐸᒋ ᐛᐱᒥᔨᓐ᙮ ᓱᐛᔨᑕᑯᓱᐅᒡ ᐊᓐᒡ ᑲ ᑕᑈᑕᒡ ᐊᑎ ᐊᑲ ᐅᒋ ᐛᐱᒥᒡ᙮”

ᒠᓐ 8:42

ᐊᑯ ᒋᓴᔅ ᒂ ᐃᑕᑦ, “ᑕᑈ ᒋᓴᒪᓂᑐᐤ ᐛᑕᐎᐛᒂ, ᒋᐸ ᓴᒋᐃᓇᐛᐤ ᐛᔅ ᒋᓴᒪᓂᑐᐤ ᐊ ᑕᑦ ᓂ ᐅᒋᓐ ᑭᔭ ᐅᑕ ᐱᔭᒋ ᑕᔭᓐ᙮ ᓇᒪ ᓂᔾ ᓂ ᐅᒋ ᐸᒋ ᐃᑎᓴᐅᓱᓐ, ᐎᔾ ᒋᓴᒪᓂᑐᐤ ᓂᒋ ᐸᒋ ᐃᑎᓴᐅᒄ᙮

ᐊᑈᔅᑕᓇᒡ 16:34

ᐊᑯ ᐊᓐᑕ ᐎᒋᒡ ᒂ ᐃᑐᑕᐊᑦ ᐊᓂᔭ ᑈᓚ ᑭᔭ ᓴᓂᓴ, ᒂ ᒥᔭᑦ ᒥᒋᒥᔪᐤ ᒐᒋ ᒥᒋᓱᔨᒋ᙮ ᓇᔅᒡ ᒪᒃ ᒋ ᒥᔽᔨᑎᒻ ᑭᔭ ᐊᓂᔭ ᐊᓐᑕ ᐊ ᐸᐃᑯᔅᑲᓇᓯᑦ ᒋ ᒧᒋᒐᔨᑎᒥᔪᐛ ᐊ ᑕᑈᐅᒐᔨᒪᒡ ᒋᓴᒪᓂᑐᐛ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 14:17

ᐛᔅ ᐊᓐᑕ ᒋᓴᒪᓂᑐᐤ ᐅᒋᓴᐅᒋᒪᐅᓂᒡ ᑕᐸ ᓇᒪᔭᔪᐤ ᑕᓐ ᐊ ᐃᓯ ᒥᒋᓱᑦ ᐊᐛᓐ ᒪᒃ ᒐᒂᔪᐤ ᐊ ᒥᓐᑦ ᓇᔅᒡ ᑲᓄᐛᐸᑕᑭᓄᐅᒡ᙮ ᐊ ᑯᐃᔅᑯᑕᑎᓯᔭᐧᒄ ᑭᔭ ᐊ ᒥᔪ ᐎᒐᐛᐧᑯᒡ ᐊᐛᓐᒋ ᑭᔭ ᐊ ᒥᔽᔨᑎᒪᐧᒄ ᒋᑕᐃᓇᒡ ᐊᐅᒄ ᒋᒋᐛ ᐊ ᐃᑕᔨᑕᒂᒡ ᒋᓴᒪᓂᑐᐤ ᐅᒋᓴᐅᒋᒪᐅᓂᒡ᙮ ᑲ ᐸᔭᒋᓯᑦ ᐊᒐᐧᒄ ᒪᒃ ᒥᔨᐛᐤ ᐅᔭ ᒐᒋ ᐃᓯ ᐱᒪᑎᓯᓇᓄᐎᔨᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 15:13

ᒋᓴᒪᓂᑐᐤ, ᐊᓐ ᑲ ᐃᑐᑕᑕᒄ ᒐᒋ ᐊᔭᔭᒄ ᐊᔅᐸᔨᒧᐅᓐ ᐊᐅᑯᓐ ᐊᓐ ᓇᑐᑎᒧᐅᒄ ᓇᔅᒡ ᒐᒋ ᒥᔽᔨᑎᒥᐃᑕᒄ ᑭᔭ ᒐᒋ ᒋᔭᒪᔨᑎᒺᒄ ᐊ ᑕᑈᔭᔨᒪᒄ᙮ ᑭᔭ ᑲ ᐸᔭᒋᓯᑦ ᐊᒐᐧᒄ ᐅᓱᒐᔨᑕᑯᓱᐅᓐ ᒐᒋ ᑐᑕᑯᔭᒄ ᐊᑐᐎᔅ ᒐᒋ ᐊᔅᐸᔨᒧᑐᑕᐛᒄ ᒋᓴᒪᓂᑐᐤ᙮

1 ᑯᕆᓐᑎᔭᓇ 16:22

ᐊᐛᓐ ᐊᑲ ᓴᒋᐊᒐ ᐅᑎᐸᔨᒋᒐᐛ, ᐊᑯᔅ ᒋᑭ ᐛᐛᓯᐃᑯᐤ ᒋᓴᒪᓂᑐᐛ᙮ ᑎᑯᓯᓂ ᒪ, ᐅᑎᐸᔨᒋᒐᐤ᙮

2 ᑯᕆᓐᑎᔭᓇ 1:22

ᔅᒋ ᒥᔨᑯᓄᐤ ᑭᔭ ᐅᑦ ᐊᒐᒂ ᒋᑕᐃᓇᒡ ᒐᒋ ᑕᔨᒋ ᑭᔭ ᒐᒋ ᒐᔅᑎᓇᑕᔨᑎᒥᐃᑯᐛᐧᒄ ᑕᑈ ᐊ ᑎᐱᔨᐛᐅᓯᑐᑕᑕᐧᒄ᙮ ᐊᑯᑕ ᑭᔭ ᐛᒋ ᒐᔅᑎᓇᑕᔨᑎᒪᐧᒄ ᒐᔅᑎᓇᔅ ᒥᓯᐛ ᒐ ᒥᔅᑭᒪᐧᒄ ᑕᓐ ᐊ ᐃᓯ ᐊᔭᔅᑯᔅᑎᒪᑕᐧᒄ᙮

2 ᑯᕆᓐᑎᔭᓇ 12:4

ᐊᑯᑕ ᑲ ᐸᑕᐧᒃ ᐃᔅᒋᔄᐅᓇ ᐊᑲ ᑭᔅᒋᐅᐱᔨᒡ ᒧᒡ ᒐᒋ ᐎᑕᑭᓄᐅᒋ ᑭᔭ ᐊᑲ ᐱᔅᑎᓂᑭᓄᐅᒋ ᒐᒋ ᐎᑕᑭᓄᐅᒋ᙮

2 ᑯᕆᓐᑎᔭᓇ 4:18

ᐛᔅ ᑕᐸ ᐊᓂᔭᔪᐛ ᐊᓄᒡ ᑲ ᓄᐧᑯᒂᒋ ᒐᒂᔪᐛ ᒋ ᑭᓄᐛᐸᑕᓇᓄᐤ᙮ ᐊᓂᔭ ᐊᑲ ᓄᐧᑯᒂᒋ ᐊᐅᑯᓂ ᐊᓂᔭᔪᐛ ᑲᓄᐛᐸᑎᒪᐧᒄ᙮ ᐊᓐ ᐊᓄᒡ ᑲ ᓄᒂᒡ ᐛᐃᐱᔅᒋᔅ ᒥᒄ ᑎᑯᓐ᙮ ᐊᑯ ᐊᓐ ᐊᑲ ᓄᒂᒡ ᐊᐅᒄ ᑲᒋᒡ ᐊ ᑎᒂᒡ᙮

2 ᑯᕆᓐᑎᔭᓇ 5:7

ᐛᔅ ᐅᑕ ᐊ ᐱᒪᑎᓯᔭᐧᒄ ᐊᓐ ᑕᓐ ᐊ ᐃᓯ ᑕᑈᑎᒪᐧᒄ ᒋᑦ ᐊᔅᐸᔨᒧᑐᑕᓇᓄᐤ ᐊᑎ ᐊᔅᒄ ᐊᑲ ᐛᐸᑎᒪᐧᒄ ᑕᓐ ᒐ ᐃᓯ ᒥᔨᑕᐧᒄ ᒋᓴᒪᓂᑐᐤ᙮

2 ᑯᕆᓐᑎᔭᓇ 9:15

ᓂᓇᔅᑯᒪᑕᐤ ᒋᓴᒪᓂᑐᐤ ᐊᓂᔭ ᐅᒥᔨᐛᐅᓐ᙮ ᓇᒪ ᐊᓐ ᒋ ᐎᑕᑭᓄᐅᔪᐤ ᐊ ᐃᔅᐱᔅ ᒥᔽᔨᑕᑯᓂᔨᒡ᙮

ᑲᓚᓯᔭᓇ 5:22

ᐊᑯ ᒪᒃ ᐊᓐᒡ ᑲ ᐸᔭᒋᓯᔨᒋ ᐊᒐᒂ ᑲ ᐱᔅᑎᓂᒧᐛᒡ ᒐᒋ ᑎᐸᔨᑎᒥᔨᒋ ᐊ ᐃᓯ ᐱᒪᑎᓯᒡ ᑭᔭ ᐎᔨᐛᐤ ᒋᐧᑲᓇᑯᓂᔪᐤ ᑕᓐ ᐊᓐ ᐊ ᐃᓯ ᐱᒪᑎᓯᒡ᙮ ᓴᒋᐃᐛᐅᒡ, ᒧᒋᒐᔨᑎᒧᒡ, ᒋᔭᒪᔨᑕᑯᓱᐅᒡ, ᓯᐱᔪᐛᓱᐅᒡ, ᒥᔽᔨᑕᑯᓱᐅᒡ, ᒥᔪᑐᑎᒧᒡ, ᑕᑈᐅᒐᔨᑕᑯᓱᐅᒡ,

ᑲᓚᓯᔭᓇ 5:6

ᓇᒪ ᐅᔭᔅ ᐊᓐ ᒐᔅᒋᓄᐛᒋᓱᑯᐛᒐ ᑭᔭ ᒪᒃ ᐊᑲ ᒐᔅᒋᓄᐛᒋᓱᑯᐛᒐ ᐊ ᐎᒐᐎᒋᑦ ᒋᓴᔅ ᙭᙮ ᐊᓐ ᒋᒋᐛ ᐊ ᐃᑕᔨᑕᒂᒡ ᐊᐅᒄ ᒐᒋ ᓴᒋᐃᑐᔭᐧᒄ ᐊ ᑕᑈᔭᔨᒪᒄ᙮

ᐃᐱᓯᔭᓇ 3:19

ᓂ ᓂᑐᑎᒪᓐ ᒐᒋ ᒋᔅᒐᔨᑎᒺᒄ ᐅᓴᒋᐃᐛᐅᓐ, ᐊᑎ ᐊ ᐃᓯᓇᑯᓂᔨᒡ ᐊᑲ ᓂᑕ ᓇᔅᒡ ᒐᒋ ᒋᔅᒐᔨᑕᑯᓂᔨᒡ᙮ ᒋᔅᒐᔨᑎᒧᐛᒂ ᙭ ᐅᓴᒋᐃᐛᐅᓐ ᐊᑯ ᒐ ᓴᑭᔅᒋᓇᔅᑲᑯᐛᒄ ᒋᓴᒪᓂᑐᐤ ᐅᑦ ᐃᑕᔨᑕᑯᓱᐅᓐ᙮

ᐃᐱᓯᔭᓇ 6:24

ᒋᔨᐛᐤ ᑲᒋᒡ ᒐ ᓴᒋᐊᒄ ᒋᑎᐸᔨᒋᒐᓯᒥᓄᐤ ᒋᓴᔅ ᙭ ᒋᑭ ᓱᐛᔨᒥᑯᐛᐤ᙮

ᐱᓕᐱᔭᓇ 1:25

ᓂ ᒐᔅᑎᓇᐅᓐ ᒪᒃ ᑕᑈ ᐊ ᓂᑐᐛᔨᑕᑯᓯᔭᓐ ᐊᔅᒄ ᐊᑎᑐᐤ ᒐᒋ ᐱᒪᑎᓯᔭᓐ ᐅᑕ ᐊᔅᒋᒡ ᒋᔨᐛᐤ ᐅᒡ᙮ ᓂ ᒋᔅᒐᔨᑕᓐ ᒪᒃ ᒐ ᑕᔭᓐ ᐊᓐᑕ ᐊ ᑕᔭᒄ ᒐᒋ ᐎᒋᐃᑎᑯᒡ ᐊᐛᓯᑕ ᒐᒋ ᓱᒋᑲᐳᔭᒄ ᐊ ᑕᑈᔭᔨᒪᒄ ᙭ ᑭᔭ ᒐᒋ ᒧᒋᒐᔨᑎᒪᒄ ᐊᓐ ᐅᒡ᙮

ᐱᓕᐱᔭᓇ 3:3

ᒋᔭᓄᐤ, ᐊᐅᒄ ᑕᑈ ᐛ ᐅᑦ ᐃᔨᒥᑐᑕᑕᐧᒄ ᒋᓴᒪᓂᑐᐤ, ᒋᔭᓄᐤ ᐅᑦ ᐊᒐᒂ ᑲ ᐎᒋᐃᑎᑕᐧᑯ ᐊ ᐊᔭᒥᐊᔅᑐᐛᐧᒄ ᑭᔭ ᒋ ᒋᔅᑕᔨᑕᑯᐊᓄᐤ ᙭ ᒋᓴᔅ ᐎᔾ ᐊᒋ ᐃᑐᑕᑕᐧᒄ ᒐᒋ ᐅᑦ ᐃᔨᒥᑐᑕᑕᐧᒄ ᒋᓴᒪᓂᑐᐤ᙮ ᓇᒪᐎᔾ ᐅᔅᒋᒡ ᒥᔭᒡ ᑕᓐ ᐊ ᐃᑐᑕᓱᔭᐧᒄ ᒋᑭ ᒋ ᐅᒋ ᒪᒥᒋᒧᓇᓄᐤ᙮

ᐱᓕᐱᔭᓇ 4:4

ᒧᔅ ᒥᔽᔨᑎᒧᒄ ᐊ ᑕᑈᔭᔨᒪᒄ ᐅᑎᐸᔨᒋᒐᐤ᙮ ᒥᓐ ᒪᒃ ᒋᑦ ᐃᑎᓇᐛᐤ, “ᒥᔽᔨᑎᒧᒄ !”

ᐃᑉᕈᐛ 11:1

ᐊ ᑕᑈᔭᔨᒪᐧᒄ ᒋᓴᒪᓂᑐᐤ ᒋ ᒐᔅᑎᓇᐅᓇᓄᐤ ᒐ ᐃᔅᐱᔨᒡ ᑕᓐ ᐊ ᐃᓯ ᐊᔅᐸᔨᒧᔭᐧᒄ, ᒋ ᒐᔅᑎᓇᐅᓇᓄᐤ ᐊ ᑎᒂᒋ ᐊᓂᔭ ᒐᒂᔪᐛ ᐊᑲ ᐛᐸᑎᒪᐧᒄ᙮

ᐃᑉᕈᐛ 11:27

ᒧᓱᔅ ᒪᒃ ᐊᒋ ᑕᑈᔭᔨᒪᑦ ᒋᓴᒪᓂᑐᐛ ᒋ ᐃᑕᔨᑎᒻ ᒐᒋ ᓂᑭᑕᐧᒃ ᐃᒋᑉᑦ ᐊᔅᒋᔪᐤ ᐊᑲ ᐅᒋ ᑯᔅᑕᒋᑦ, ᐊᑎ ᐊᒋ ᒥᔅᑎ ᒋᔄᓯᔨᒋ ᒋᓴᐅᒋᒪᐛ᙮ ᒧᓱᔅ ᓇᔅᒡ ᑕᑈ ᒋ ᓯᐱᔪᐛᓱᐤ ᒧᔭᒻ ᓇᔅᒡ ᐊ ᐛᐱᒪᑦ ᒋᓴᒪᓂᑐᐛ, ᐊᓂᔭ ᐊᑲ ᓂᑕ ᐅᒋ ᐛᐱᒥᑯᔨᒋ ᓇᐸᐛ ᐊᐅᑯᓐ ᑲ ᐃᓯ ᐱᒪᑎᓯᑦ ᒧᓱᔅ᙮

1 ᐱᑕᕐ 1:6

ᐊᑎ ᐊ ᐃᑕᔨᑕᒂᒡ ᐛᐃᐱᔅᒋᔅ ᒐᒋ ᓂᒋᔅᑭᒪᒄ ᓂᓇᐧᑯᐤ ᒐᒂᓐ ᓇᔅᒡ ᐊ ᐊᔨᒪᒡ, ᓄᐛᒡ ᒋᑭ ᒥᔽᔨᑕᓇᐛᐤ ᐊᓐ ᒪᔅᑕᔾ ᒋᓯᑲᒐ᙮

1 ᐱᑕᕐ 2:7

ᒋᔨᐛᐤ ᒪᒃ ᑲ ᑕᑈᑎᒪᒄ ᒋᒋᐛ ᒋᑦ ᐃᑕᔨᒪᐛᐤ ᐅ ᐊᓯᓂᔾ᙮ ᐊᑯ ᒪᒃ ᐊᓐᒡ ᐊᑲ ᑕᑈᔭᔨᒪᒡ ᒐ ᐎ ᒋᔅᒋᓯᒡ ᐅᔭ ᑲ ᐃᑎᔅᑕᔨᒡ ᐊᓐᑕ ᒥᓯᓇᐃᑭᓂᒡ ᐅᔭ ᐊᓯᓂᔭ ᐊ ᐊᔨᒧᒪᑭᓄᔨᒋ, ᐊᓂᔭ ᐊᓯᓂᔭ ᑲ ᐊᑐᐛᔨᒪᒡ ᐊᓐᒡ ᑲ ᒥᒋᐛᐱᒐᒡ, ᐊᐅᒄ ᐊᓂᔭ ᒪᐅᒡ ᓂᑲᓐ ᑲ ᐃᑕᔨᑕᑯᓯᔨᒂᓂ᙮

1 ᐱᑕᕐ 5:4

ᐊᑯ ᒪᒃ ᐃᔅᐱᔅ ᐸᒋ ᓄᑯᓯᒐ ᐊᓐ ᒪᐅᒡ ᑲ ᓂᑲᓇᔨᑕᑯᓯᑦ ᒪᔭᑕᓂᓯᐅ-ᐃᔪᐤ, ᒐ ᒥᔨᑯᐅᔭᒄ ᐊᓐ ᒪᐅᒡ ᐊ ᒋᔅᑕᔨᑕᒂᒡ ᑲᓂᔪᐅᓐ ᐊᓐ ᒐ ᐊᑲ ᓂᑕ ᐅᒋ ᐸᓯᑯᓇᒂᒡ᙮