1 ᐱᑕᕐ 1:12 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹² ᒋ ᒋᔅᒐᔨᑎᒥᐊᑭᓄᐅᒡ ᒪᒃ ᐊᓂᔭᐧᑲ ᐅᒋᔅᒋᐛᐃᒐᓱᒡ ᐊᑲ ᐎᔨᐛᐤ ᒪᒂᒡ ᐊ ᐱᒪᑎᓯᒡ ᒐ ᐃᔅᐱᔨᒡ ᐅᔭ᙮ ᒋᔨᐛᐤ ᒐᒋ ᒋᔅᒐᔨᑎᒺᒄ ᐊᐅᒄ ᐛᒋ ᐊᔨᒧᑕᒡ ᐊᓂᔭᔪᐛ ᒐᒂᔪᐛ ᐊᓄᒡ ᑕᓐ ᐊ ᐃᓯ ᐛᐎᑎᒪᑕᑯᒡ ᐊᓐᒡ ᑲ ᐛᐎᑕᒡ ᒥᔽᒋᒧᐅᓂᔪᐤ᙮ ᑲ ᐸᔭᒋᓯᑦ ᐊᒐᐧᒄ ᐊᓐ ᑲ ᐸᒋ ᐃᑎᓴᐛᑭᓄᐅᑦ ᒋᒋᒋᓯᑯᒡ ᐅᒡ, ᐊᐅᑯᓐ ᐊᓐ ᑲ ᒥᔭᑦ ᒐᒋ ᐛᐎᑎᒥᔨᒋ ᐅᔭ ᒥᔽᒋᒧᐅᓂᔪᐤ᙮ ᐊᔪᐅᒄ ᐅᔭ ᒐᒂᔪᐤ ᐛᐛᒡ ᐊᓐᒋᓐᒡ ᐎ ᒋᔅᒐᔨᑎᒧᒡ᙮

1 ᐱᑕᕐ 1:12 ပူးပေါင်းရင်းမြစ်များ

ᐊᒃᓱᑕᔅ 25:20

ᒐ ᐎᑎᒧᐅᑥᐤ ᒐ ᐎ ᑕᔅᑲᑐᐎᔨᒋ ᐊᐛᓯᓴ ᐊ ᐅᑎᑎᑭᓄᐎᒋ ᑭᔭ ᒐ ᒥᓯᑕᔅᑕᒡ ᐅᑎᑎᐧᑯᓇ ᒋᐸᐃᑭᓂᒡ᙮

ᒪᑎᔪᐤ 11:25

ᐊᑯᑕ ᒪᒃ ᒋᓴᔅ ᑲ ᐊᔭᒥᐊᑦ ᐊ ᐃᔅᒋᔄᑦ, “ᓄᑕ, ᒋ ᓂᓇᔅᑯᒥᑎᓐ ᐊᒋ ᐛᐸᑎᔨᑥᐤ ᐊᓐᒡ ᐊᐛᓐᒋ ᐊᑲ ᐅᒋ ᒋᔅᑯᑎᒧᐛᑭᓄᐎᒡ ᐊᓂᔭᔪᐛ ᒐᒂᔪᐛ ᑲ ᑲᑐᐅᑥᐤ ᑲ ᑭᒐᑕᐛᔨᑕᒡ᙮

ᒪᑎᔪᐤ 11:27

ᐊᑯ ᐃᔅᐱ ᑲᒋ ᐃᓯ ᐊᔭᒥᐊᑦ ᒋᓴᔅ ᒋ ᐃᑕᐤ, “ᓄᑕᐎᔾ ᒥᓯᐛ ᒐᒂᔪᐤ ᓂᒋ ᒥᔨᒄ ᒐᒋ ᓂᓇᑭᑐᐛᔨᑎᒧᒡ᙮ ᐛᔅ ᓇᒪ ᐊᐛᓐ ᒋᔅᒐᔨᒪᐤ ᐅᑯᓯᓯᒪᐛ, ᒥᒄ ᐅᑕᐎᒪᐤ ᒋᔅᒐᔨᒪᐤ᙮ ᑭᔭ ᓇᒪ ᐊᐛᓐ ᒋᔅᒐᔨᒪᐤ ᐅᑕᐎᒪᐛ, ᒥᒄ ᐅᑯᓯᓯᒪᐤ ᒋᔅᒐᔨᒪᐤ, ᑭᔭ ᒥᒄ ᐎᔾ ᐅᑯᓯᓯᒪᐤ ᒋᑭ ᐅᑎᓇᐤ ᐊᐛᔪᐛ ᐊᓂᔭᔪᐛ ᒐᒋ ᒋᔅᒐᔨᒪᔨᒋ ᐅᑕᐎᒪᐛ᙮”

ᒪᑎᔪᐤ 16:17

ᐊᑯ ᒋᓴᔅ ᐊᑕᑦ ᐊᓂᔭ ᐱᑕᕋ, “ᒋ ᓱᐛᔨᑕᑯᓯᓐ ᓴᐃᒥᓐ, ᒠᓐ ᐅᑯᓴ, ᐛᔅ ᐅ ᑲ ᐃᓯ ᒋᔅᒐᔨᒥᔨᓐ, ᓇᒪ ᐃᔪᐤ ᒋ ᐅᒋ ᐎᑎᒪᒄ, ᓄᑕᐎᔾ ᒋᒋᒋᓯᑯᒡ ᐊ ᑕᑦ ᐊᑯᑕ ᑲ ᐅᒋ ᒥᔨᑯᔨᓐ ᐅ ᒐᒋ ᐃᓯ ᒋᔅᒐᔨᒥᔨᓐ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 16:15

ᐊᑯ ᒂ ᐃᑕᑦ, “ᒪᒋᒄ ᒥᓯᐛ ᐊ ᐃᔅᐱᑎᔅᑭᒥᑲᒡ ᐅ ᐊᔅᒋᔾ ᒐ ᑭᒐᔅᒋᒧᔭᒄ ᐊ ᐛᐎᑎᒪᒄ ᐅ ᒥᔽᒋᒧᐅᓐ ᒥᓯᐛ ᐊᐛᓐ ᒐᒋ ᐸᑕᐧᒃ᙮

ᓗᒃ 15:10

ᐊᑯ ᒥᓐ ᒋᓴᔅ ᒂ ᐃᔅᒋᔄᑦ, “ᐊᓂᔭ ᒪᒃ ᑲ ᐃᔅᐱᔅ ᒥᔽᔨᑕᐧᒃ ᐊᓐ ᐃᔎᐤ ᐊᒋ ᒥᔅᑯᐛᑦ ᐊᓂᔭ ᑲ ᐅᓇᐊᑦ ᐅᓱᓇᔭᓂᒪ ᐊᐅᑯᓐ ᐊ ᐃᓯᓇᑯᓯᔨᒋ ᒋᓴᒪᓂᑐᐤ ᐅᑦ ᐊᓐᒋᓇᒪ, ᒥᔽᔨᑎᒥᔪᐛ ᐃᔅᐱᔅ ᐸᐃᒄ ᐅᒥᒋᑥᐛ ᐊ ᒂᔅᑲᑎᓯᔨᒋ᙮”

ᓗᒃ 2:26

ᒋ ᐃᑎᑯᑯᐱᓇ ᒪᒃ ᑲ ᐸᔭᒋᓯᔨᒋ ᐊᒐᒂ ᒐ ᐊᑲ ᐅᒋ ᓂᐱᑦ ᐸᑐᔅ ᒋ ᐛᐱᒪᒐ ᐅᔭᔪᐛ ᒋᓴᒪᓂᑐᐛ ᑲ ᐸᒋ ᐃᑎᓴᐛᔨᒋ, ᐊᓂᔭ ᑲ ᐅᑎᓇᑦ ᐅᑎᐸᔨᒋᒐᐤ, ᙭ᑕ ᒐ ᐃᑎᐱᔨᒋ᙮

ᓗᒃ 9:6

ᐊᑯ ᐊᓐᒡ ᒋᔅᒋᓄᐊᒧᐛᑭᓐᒡ ᒂ ᔅᑐᑕᒡ ᐊᓐᑕ ᓂᓇᐧᑯᐤ ᐅᑕᓇᒡ ᒂ ᐃᑐᑕᒡ ᐊ ᐛᐎᑕᒡ ᒥᔽᒋᒧᐅᓂᔪᐤ ᑭᔭ ᐊ ᒥᓏᒋᐊᒡ ᑲ ᐊᐧᑯᓯᔨᒋ᙮

ᒠᓐ 15:26

“ᒋᑭ ᐸᒋ ᑎᑯᓯᓐ ᐊᓐ ᐊᐛᓐ ᒐ ᐎᒋᐃᑕᐧᒄ, ᐊᐅᒄ ᑲ ᐸᔭᒋᓯᑦ ᐊᒐᐧᒄ᙮ ᓂᔾ ᓂᑭ ᐸᒋ ᐃᑎᓴᐛᐤ ᐊᓐᑕ ᐅᒋ ᐅᑕᐎᒪᐤ ᐊ ᑕᑦ᙮ ᒋᑭ ᐎᑎᒻ ᑕᑈᐅᓂᔪᐤ᙮ ᓂᔾ ᒪᒃ ᓂᑭ ᐊᔨᒧᒥᒄ᙮

ᐊᑈᔅᑕᓇᒡ 10:44

ᒪᒂᒡ ᒪᒃ ᐱᑕᕐ ᐊ ᐃᔨᒪᐊᑦ ᐊᓂᔭᔪᐛ ᐃᔪᐛ, ᑲ ᐸᔭᒋᓯᔨᒋ ᐊᒐᒂ ᒋ ᐸᒋ ᔭᓯᔪᐛ ᐊᓐᑕ ᐊ ᑕᒡ ᐊᓐᒡ ᒥᓯᐛ ᑲ ᓂᑐᑐᐛᒡ᙮

ᐊᑈᔅᑕᓇᒡ 16:10

ᐃᔅᐱ ᒪᒃ ᑲ ᐎᑎᒧᔨᒥᑦ ᑈᓪ ᐅᔭ ᑲ ᐃᓯᓇᐧᒃ, ᓂᒋ ᒐᔅᑎᓇᐅᓇᓐ ᒋᓴᒪᓂᑐᐤ ᐊ ᓂᑐᐛᔨᒥᔨᒥᑦ ᒐᒋ ᐎᑎᒧᐅᒋᒡ ᐊᓐᒡ ᐃᔪᒡ ᒥᔽᒋᒧᐅᓂᔪᐤ᙮ ᐊᑯ ᑎᐛᒡ ᑲ ᐊᔭᔅᑯᐎᔭᒡ ᒐ ᐃᑐᑕᔭᒡ ᐊᓐᑕ᙮

ᐊᑈᔅᑕᓇᒡ 2:33

“ᒋ ᐊᔭᑭᓄᐤ ᒋᓴᔅ ᐊᓐᑕ ᒋᓴᒪᓂᑐᐛ ᐅᒥᔪᓂᔨᒡ ᐃᑕᒐ ᐊ ᒋᔅᑕᔨᑕᑯᐊᑭᓄᐅᑦ᙮ ᐊᑯ ᐅᑕᐎᔭ ᒋᓴᒪᓂᑐᐛ ᑲ ᒥᔨᑯᑦ ᐊᓂᔭᔪᐤ ᒥᔨᐛᐅᓂᔪᐤ ᑲ ᐃᔅᒋᔄᔨᒋ ᒐᔅᑎᓇᔅ ᒐ ᒥᔨᐛᔨᒋ ᐊᐅᑯᓐ ᐊᓂᔭᔪᐛ ᑲ ᐸᔭᒋᓯᔨᒋ ᐊᒐᒂ᙮ ᐅ ᒪᒃ ᐊᓄᒡ ᑲ ᐃᓯ ᐛᐱᒥᔭᒡ ᐊ ᑎᔭᒡ ᑭᔭ ᑲ ᐃᓯ ᐸᑐᐅᔭᒡ ᐊ ᐃᓯ ᐃᔨᒥᔭᒡ ᒋᓴᔅ ᓂ ᓯᒋᓂᒪᑯᓇᓐ ᑲ ᐸᔭᒋᓯᔨᒋ ᐊᒐᒂ ᐅ ᒐᒋ ᑎᔭᒡ᙮ ᐎᔾ ᒋᓴᔅ ᐊᔭᐤ ᒋᓴᐅᒋᒪᐅᓂᔪᐤ ᐅᔭ ᒐᒋ ᐃᑎᑦ᙮

ᐊᑈᔅᑕᓇᒡ 4:31

ᐃᔅᐱ ᒪᒃ ᑲᒋ ᐃᓯ ᐊᔭᒥᐊᒡ, ᒋ ᐊᔭᒋᐱᔪᐤ ᐊᓂᔭᔪᐤ ᐊᓐᑕ ᑲ ᒪᒧᐎᒡ᙮ ᒥᓯᐛ ᒪᒃ ᒋ ᓴᑭᔅᒋᓇᔅᑲᑯᐅᒡ ᑲ ᐸᔭᒋᓯᔨᒋ ᐊᒐᒂ, ᐊᑯ ᒪᒃ ᑲ ᓱᒐᔨᒧᒡ ᑭᔭ ᓇᒪ ᐅᒋ ᑯᔅᑕᒍᐅᒡ ᐊ ᐛᐎᑕᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ᙮

ᐊᑈᔅᑕᓇᒡ 4:8

ᐊᑯ ᒪᒃ ᐱᑕᕐ ᐊ ᓴᑭᔅᒋᓇᔅᑲᑯᑦ ᑲ ᐸᔭᒋᓯᔨᒋ ᐊᒐᒂ, ᒋ ᐃᑕᐤ, “ᒋᔨᐛᐤ ᑲ ᓂᑲᓂᔅᑯᐛᑯᒡ ᐃᔪᒡ, ᑭᔭ ᑲ ᓂᑲᓇᔨᑕᑯᓯᔭᒄ,

ᐊᑈᔅᑕᓇᒡ 8:25

ᐃᔅᐱ ᒪᒃ ᐱᑕᕐ ᑭᔭ ᒠᓐ ᑲᒋ ᐃᓯ ᐛᐎᑎᒧᐛᒡ ᐊᓂᔭᔪᐛ ᐃᔪᐛ ᐊᓐᑕ ᐅᑕᓇᒡ ᑲ ᑕᔨᒋ ᑕᓐ ᐊ ᐃᓯ ᒋᔅᒐᔨᒪᒡ ᐅᑎᐸᔨᒋᒐᐛ ᒋᓴᓴ, ᑭᔭ ᐊ ᐛᐎᑎᒧᐛᒡ ᒥᔽᒋᒧᐅᓂᔪᐤ ᐊᑯ ᒂ ᒋᐛᒡ ᐊᓐᑕ ᒋᕈᓯᓕᒥᒡ᙮ ᒪᒂᒡ ᒪᒃ ᐊ ᐊᑎ ᐱᒧᑕᒡ ᒋ ᐛᐎᑎᒧᒡ ᒥᔽᒋᒧᐅᓂᔪᐤ ᐊᓐᑕ ᓂᓇᐧᑯᐤ ᐅᑕᓇᐛ ᐊᓐᑕ ᓴᒪᕆᔭ ᐊᔅᒋᒡ ᑲ ᑎᑯᓂᔨᒋ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:15

ᐊᐅᑯᓐ ᒪᒃ ᐛᒋ ᓂᑐᐛᔨᑎᒪᓐ ᒐᒋ ᐛᐎᑎᒪᑎᑯᒡ ᑭᔭ ᒋᔨᐛᐤ ᕈᒻ ᐊ ᑕᔭᒄ ᐅ ᒥᔽᒋᒧᐅᓐ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:17

ᐊᑯᑕ ᑭᔭ ᒥᔽᒋᒧᐅᓂᒡ ᐛᒋ ᒋᔅᒐᔨᑎᒥᐃᑯᔭᐧᒄ ᑕᓐᑕ ᐛᒋ ᑯᐃᔅᑯᓇᑯᐊᑦ ᒋᓴᒪᓂᑐᐤ ᐊᐛᔪᐛ ᐎᔾ ᐃᔅ ᐊ ᑕᑦ᙮ ᐊ ᑕᑈᔭᔨᒪᑦ ᐊᐛᓐ ᒋᓴᓴ ᐊᑯᑕ ᒥᒄ ᐛᒋ ᑯᐃᔅᑯᓇᑯᐊᑭᓄᐅᑦ ᒋᓴᒪᓂᑐᐛ ᐃᔅ ᐊ ᑕᔨᒋ᙮ ᑕᑈᑎᒧᐅᓂᔪᐤ ᐱᒪᒋᐃᑯᐤ ᐊᐛᓐ, ᑭᔭ ᐊᐅᒄ ᐅᔭ ᒐ ᒋᐛᑕᐃᑯᑦ᙮ ᒧᔭᒻ ᐊᑎᔅᑕᒡ ᒥᓯᓇᐃᑭᓂᒡ, ᐊᓐ ᑲ ᑯᐃᔅᑯᓇᑯᓯᑦ ᑕᑈᑎᒧᐅᓂᒡ ᐅᒡ ᐊᐅᒄ ᒐ ᐱᒪᑎᓯᑦ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 10:15

ᑕᓐᑕ ᒐᒋ ᐅᒋ ᑭᒐᔅᒋᒧᒡ ᐊᐛᓐᒋ ᐊᑲ ᒋᑎᓴᐛᑭᓄᑥᐛ᙮ ᐛᔅ ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ᓄᐛᒡ ᒥᔽᔨᑕᑯᓂᔪᐤ ᑕᑯᓯᒂᐎ ᐅᒡ ᒥᔽᒋᒧᐅᓂᔪᐤ ᑲ ᐸᑕᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 15:19

ᑕᓐ ᑲ ᐃᓯ ᐛᐸᑎᔭᑭᓄᐎᒡ ᐛᐸᑎᔨᐛᐅᓇ ᑭᔭ ᐊ ᒥᔅᑲᑕᔨᑕᑯᓂᔨᒋ ᒐᒂᔪᐛ ᐊ ᓱᒐᔨᑕᑯᓂᔨᒋ, ᑭᔭ ᐊᓂᔭ ᑕᓐ ᑲ ᐃᓯ ᒥᔨᑦ ᓱᐧᑲᑎᓯᐅᓂᔪᐤ ᑲ ᐸᔭᒋᓯᑦ ᐊᒐᐧᒄ ᐊᑯᑕ ᑲ ᐅᒋ ᐎᐧᑯᒋᐊᑭᓄᐎᒡ᙮ ᒥᓯᐛ ᐊᓐᑕ ᑲ ᐃᑐᑕᔭᓐ ᒋᕈᓯᓕᒥᒡ ᐊᓐᑕ ᒪᒃ ᐃᔅ ᐃᓕᕆᑲᒻ ᐊᔅᒋᒡ ᓂᒋ ᐛᐎᑎᒺᓐ ᒋᓴᔅ ᙭ ᐅᒥᔽᒋᒧᐅᓐ᙮

1 ᑯᕆᓐᑎᔭᓇ 2:10

ᒋᓴᒪᓂᑐᐤ ᒪᒃ ᔅᒋ ᒋᔅᒐᔨᑎᒥᐃᑯᓄᐤ ᐅᔭ ᐅᑦ ᐊᒐᒂ ᐅᒡ᙮ ᐛᔅ ᐅᑦ ᐊᒐᒂ ᒥᓯᐛ ᒐᒂᔪᐤ ᓇᓂᑐ ᒋᔅᒐᔨᑎᒥᔪᐛ, ᐛᐛᒡ ᐊᓂᔭ ᑕᓐ ᐊᓐ ᐊ ᐃᑕᔨᑕᑯᓯᔨᒋ ᒋᓴᒪᓂᑐᐛ᙮

2 ᑯᕆᓐᑎᔭᓇ 1:22

ᔅᒋ ᒥᔨᑯᓄᐤ ᑭᔭ ᐅᑦ ᐊᒐᒂ ᒋᑕᐃᓇᒡ ᒐᒋ ᑕᔨᒋ ᑭᔭ ᒐᒋ ᒐᔅᑎᓇᑕᔨᑎᒥᐃᑯᐛᐧᒄ ᑕᑈ ᐊ ᑎᐱᔨᐛᐅᓯᑐᑕᑕᐧᒄ᙮ ᐊᑯᑕ ᑭᔭ ᐛᒋ ᒐᔅᑎᓇᑕᔨᑎᒪᐧᒄ ᒐᔅᑎᓇᔅ ᒥᓯᐛ ᒐ ᒥᔅᑭᒪᐧᒄ ᑕᓐ ᐊ ᐃᓯ ᐊᔭᔅᑯᔅᑎᒪᑕᐧᒄ᙮

2 ᑯᕆᓐᑎᔭᓇ 6:6

ᓂᒋ ᓄᑯᑕᓇᓐ ᑕᑈ ᐊ ᐊᑐᔅᑯᐅᒋᒡ ᒋᓴᒪᓂᑐᐤ ᐊ ᒥᔽᑎᓯᔭᒡ, ᑕᓐ ᐊ ᐃᓯ ᒥᔪ ᓂᔅᑐᑎᒪᒡ ᑕᑈᐅᓐ, ᐊ ᓯᐱᔪᐛᓯᔭᒡ ᑕᓐ ᐊ ᐃᓯ ᓂᒋᔅᑲᒪᒡ, ᐊ ᒥᔪᑐᑐᐎᒋᒡ ᐊᐛᓐᒋ᙮ ᑲ ᐸᔭᒋᓯᑦ ᐊᒐᐧᒄ ᑭᔭ ᓂ ᐎᒋᐃᑯᐅᓇᓐ ᑭᔭ ᓂ ᓄᑯᑕᓇᓐ ᑕᑈ ᐊ ᓴᒋᐃᒋᒡ ᒥᓯᐛ ᐊᐛᓐ᙮

ᑲᓚᓯᔭᓇ 1:12

ᓇᒪ ᐎ ᓇᐸᐤ ᐊ ᑕᑦ ᓂ ᐅᒋ ᐅᑎᓇᓐ᙮ ᓇᒪ ᑭᔭ ᓇᐸᐤ ᓂ ᐅᒋ ᒋᔅᑯᑎᒪᒄ᙮ ᐎᔾ ᒋᓴᔅ ᙭ ᐛᒋᒡ ᓂᒋ ᒋᔅᒐᔨᑎᒥᐃᒄ ᐅᔭ ᒥᔽᒋᒧᐅᓂᔪᐤ᙮

ᑲᓚᓯᔭᓇ 1:16

ᐊᑯᑕ ᑲ ᐃᑐᑐᐅᑦ ᒐᒋ ᒋᔅᒐᔨᒥᒡ, ᐊᓐᑕ ᒐᒋ ᐅᒋ ᐊᑎ ᐛᐎᑎᒪᒥᒋ ᒥᔽᒋᒧᐅᓂᔪᐤ ᐊᓂᔭ ᐊᑲ ᒍᐤ ᐃᑎᔅᑲᓇᓯᔨᒋ ᐃᔪᐛ᙮ ᒪᒂᒡ ᒪᒃ ᐊᓐ ᑲ ᐃᔅᐱᔨᒡ ᓇᒪ ᐊᐛᓐ ᓂ ᐅᒋ ᑯᒂᒋᒪᐤ ᑕᓐ ᒐ ᐃᑐᐅᒡ᙮

ᐃᐱᓯᔭᓇ 3:10

ᐊᓄᒡ ᒪᒃ ᐊᑯ ᒐᔅᒐᔨᑕᑯᑕᑦ ᒋᓴᒪᓂᑐᐤ ᑕᓐ ᑲ ᐎ ᐃᑐᑕᐧᒃ, ᐊᔪᐅᒄ ᐅᔭ ᐊᓐᑕ ᐅᒪᒧᐊᔭᒥᐊᐛ ᐊ ᑕᔨᒋ ᒐᒋ ᐅᒋ ᒋᔅᒐᔨᑎᒥᐊᑦ ᐊᓂᔭ ᑲ ᑎᐸᔨᒋᒐᔨᒋ ᑭᔭ ᑲ ᓱᒐᔨᑕᑯᓯᔨᒋ ᐃᔅᐱᒥᒡ ᐊ ᑕᔨᒋ ᑕᓐ ᐊ ᐃᓯ ᓂᓇᐧᑯᐤ ᐃᑕᔨᑕᑯᓂᔨᒡ ᐅᑭᒐᑕᐛᔨᑎᒧᐅᓐ᙮

1 ᑕᓴᓗᓂᔭᓇ 2:9

ᓂᐧᑲᓂᓯᑐᒄ, ᒐᔅᑎᓇᔅ ᒋ ᒋᔅᒋᓯᓇᐛᒐ ᑕᓐ ᑲ ᐃᔅᐱᔅ ᒥᔅᑎ ᐊᑐᔅᒐᔭᒡ ᐊᓐᑕ ᐊ ᑕᔭᒄ᙮ ᓂᒋ ᐊᑐᔅᒐᓇᓐ ᐊ ᒋᓯᑲᒡ ᑭᔭ ᐊ ᑎᐱᔅᑲᒡ ᓂᔭᓐ ᒐᒋ ᐱᒥᐱᔨᐃᓱᔭᒡ ᒐ ᐊᑲ ᒋ ᑯᓯᑯᔅᑲᑯᔭᒄ ᐊ ᐃᑕᔨᑎᒪᒄ ᒐᒋ ᐸᒋ ᐱᒥᐱᔨᐃᔭᒡ ᒪᒂᒡ ᐊ ᐛᐎᑎᒪᑕᒡ ᒋᓴᒪᓂᑐᐤ ᐅᒥᔽᒋᒧᐅᓐ᙮

1 ᑎᒧᑎ 3:16

ᐊᔪᐛᒡ ᑭᑈ ᒋᔅᑕᔨᑕᑯᓐ ᐊᓐ ᑕᓐ ᐊ ᐃᓯ ᒥᔅᑲᑕᔨᑕᒂᒡ ᒋᑕᑈᑎᒧᐅᓄᐤ᙮ ᒋᓴᒪᓂᑐᐤ ᐎᔭᓱᐅᓂᒡ ᐊᒋ ᐃᓯ ᓄᑯᐃᓱᑦ᙮ ᒋ ᒐᔅᑎᓇᑕᔨᑕᑯᐃᑯᐤ ᑲ ᐸᔭᒋᓯᔨᒋ ᐊᒐᒂ ᑕᑈ ᒋᓴᒪᓂᑐᐛ ᐊᒋ ᐸᒋ ᐃᑎᓴᐅᑯᑦ᙮ ᒋ ᐛᐱᒥᑯᐤ ᐊᓐᒋᓇ᙮ ᒋ ᐊᔨᒧᒪᑭᓄᐤ ᐊ ᑭᒐᔅᒋᒧᓇᓄᐎᒡ ᐊᓐᑕ ᓂᓇᐧᑯᐤ ᐊ ᐃᑎᔅᑲᓇᓯᓇᓄᐎᒡ᙮ ᒋ ᑕᑈᔭᔨᒥᑯᐤ ᐊᐛᔪᐛ ᐅᑕ ᐊᔅᒋᒡ᙮ ᐊᑯ ᒪᒃ ᒋᒋᒋᓯᑯᒡ ᑲ ᐃᓯ ᐅᐱᔨᑦ ᒐᒋ ᒋᔅᑕᔨᑕᑯᐊᑭᓄᐅᑦ᙮

ᐃᑉᕈᐛ 11:13

ᐅᒡ ᒪᒃ ᒥᓯᐛ ᐊᐛᓐᒋ ᑲ ᐊᔨᒧᒥᒂᐤ, ᒥᓯᐛ ᒋ ᑕᑈᔭᔨᒪᐅᒡ ᒋᓴᒪᓂᑐᐛ ᐱᐃᒻ ᑲ ᐊᑎ ᐳᓂᐱᒪᑎᓯᒡ᙮ ᐊᐅᑯᓐ ᑲ ᐃᓯ ᐳᓂᐱᒪᑎᓯᒡ ᐊᔅᒄ ᐊ ᑕᑈᑕᒡ ᐊᓂᔭ ᑕᓐ ᑲ ᐃᔅᒋᔄᔨᒋ ᒋᓴᒪᓂᑐᐛ ᑕᑈ ᒐ ᐅᑎᒋᐱᔨᒡ᙮ ᐊᑎ ᐊᑲ ᐎᔨᐛᐤ ᓇᓂᑎᒻ ᐅᒋ ᐛᐸᑕᒡ ᒐᒋ ᐅᑎᒋᐱᔨᒡ ᐃᔭᐱᒡ ᒋ ᒐᔅᑎᓇᑕᔨᑎᒥᐃᑯᐅᒡ ᒐ ᐅᑎᒋᐱᔨᒡ ᐊᓐᑕ ᓂᔅᑕᒥᒡ᙮ ᑭᔭ ᒋ ᒋᔅᒐᔨᑎᒧᒡ ᐊᑲ ᓴᒐᔾ ᐃᓯᓇᑯᓂᔨᒡ ᐊᓂᔭ ᑕᓐ ᑲ ᐃᓯ ᑕᑈᔭᔨᒪᒡ ᒋᓴᒪᓂᑐᐛ᙮ ᑭᔭ ᒋ ᒋᔅᒐᔨᑎᒧᒡ ᐊᑲ ᐅᑕ ᐊᔅᒋᒡ ᒋᒋᐛ ᐅᒋ ᐅᒋᒡ ᑭᔭ ᐎᔨᐛᐤ ᓇᓂᑎᒻ ᒋ ᐃᔅᒋᔄᐅᒡ ᒥᒄ ᒪᓐᑕᐤ ᐊᒋ ᐃᓯ ᑭᓄᐛᐱᒥᓱᒡ᙮

ᐃᑉᕈᐛ 2:4

ᒋᓴᒪᓂᑐᐤ ᒪᒃ ᑭᔭ ᐎᔾ ᔅᒋ ᐛᐸᑎᔨᑯᓄᐤ ᐊ ᑕᑈᒥᑭᓂᔨᒡ ᐊᓂᔭ ᒥᔽᒋᒧᐅᓂᔪᐤ ᐊ ᒪᒥᔅᑲᒡ ᐃᑎᑦ ᑭᔭ ᒪᒥᔅᑲᒡ ᐛᐸᑎᔨᐛᐅᓇ ᐊ ᐛᐸᑎᔨᐛᑦ ᑭᔭ ᓂᓇᐧᑯᐤ ᐊ ᐃᓯ ᒪᒥᔅᑲᒡ ᐃᑐᑎᒪᒐᑦ᙮ ᑭᔭ ᒋ ᐃᑐᑐᐛᐤ ᑲ ᐸᔭᒋᓯᔨᒋ ᐊᒐᒂ ᒐᒋ ᒥᔭᔨᒋ ᐊᐛᔪᐛ ᓂᓇᐧᑯᐤ ᑭᔅᒋᐅᓇ, ᑕᓐ ᐊᓂᔭᔪᐛ ᐎᔾ ᒋᓴᒪᓂᑐᐤ ᐊ ᐃᑕᔨᑎᒥᐃᑯᑦ ᒐ ᐃᓯ ᒥᔨᐛᑦ᙮

ᐃᑉᕈᐛ 4:2

ᐊᑯ ᒪᒃ ᔅᒋ ᐸᑕᓇᓄᐤ ᐊᓐ ᒥᔽᒋᒧᐅᓐ ᐊᓐᑕ ᑲ ᐊᔨᒧᑕᒡ ᐊᓐᑕ ᒐ ᐊᔽᐱᔨᒋ ᒋᓴᒪᓂᑐᐤ ᐅᑦ ᐃᔨᒪ᙮ ᐊᔪᐅᒄ ᐅᔭ ᒥᔽᒋᒧᐅᓂᔪᐤ ᑲ ᐃᓯ ᐸᑕᒡ ᐊᓂᔭᐧᑲ ᒋᐛᐧᑯᒪᑭᓄᐎᒡ᙮ ᒥᒄ ᒪᒃ ᓇᒪ ᐅᒋ ᐱᒐᐅᒡ ᐊᓐᑕ ᐛᔅ ᓇᒪ ᐅᒋ ᑕᑈᑎᒧᒡ ᑕᓐ ᑲ ᐃᓯ ᐎᑎᒧᐛᑭᓄᐎᒡ᙮

1 ᐱᑕᕐ 1:25

ᒥᒄ ᒪᒃ ᐅᑎᐸᔨᒋᒐᐤ ᐅᑦ ᐃᔨᒧᐅᓐ ᑲᒋᒡ ᑎᑯᓂᔪᐤ᙮ ᐅ ᒪᒃ ᐃᔨᒧᐅᓐ ᐊᐅᒄ ᒥᔽᒋᒧᐅᓐ ᑲ ᐛᐎᑎᒪᑯᐅᔭᒄ᙮

1 ᐱᑕᕐ 4:6

ᐊᐅᒄ ᒪᒃ ᐅ ᐊᔪᐤ ᐊᓐᒡ ᑲ ᓂᐱᒡ ᐛᒋ ᐛᐎᑎᒧᐛᑭᓄᐅᒡ ᐅᔭ ᒥᔽᒋᒧᐅᓂᔪᐤ ᒐᒋ ᑎᐸᔅᑯᓇᑭᓄᐎᒡ ᐊᓂᔭ ᑕᓐ ᑲ ᐃᓯ ᐱᒪᑎᓯᒡ ᒥᓯᐛ ᐊᐛᔪᐛ ᑕᓐ ᐊ ᐃᓯ ᑎᐸᔅᑯᓇᑭᓄᔨᒋ, ᒋ ᐛᐎᑎᒥᒧᐛᑭᓄᐎᒡ ᐅᔭ ᒥᔽᒋᒧᐅᓂᔪᐤ ᒐᒋ ᐊᔭᒡ ᐊᒐᐧᒄ ᐱᒪᑎᓯᐅᓂᔪᐤ ᒋᓴᒪᓂᑐᐛ ᐃᔅ ᐊ ᑕᔨᒋ᙮

ᒋᔅᒐᔨᑕᑯᑕᒐᐅᓐ 5:11

ᐊᑯ ᒥᓐ ᒂ ᐃᑕᐱᔭᓐ, ᐊᑯ ᒂ ᐸᑐᐅᒂᐤ ᐊ ᒥᒐᑎᒡ ᐊᓐᒋᓐᒡ᙮ ᓇᒪ ᒋᐸ ᐅᒋ ᐊᒋᒪᑭᓄᐎᒡ ᑲ ᐃᔅᐱᔅ ᒋ ᒥᒐᑎᒡ᙮ ᒋ ᐛᔅᑲᑲᐳᐅᒡ ᐊᓂᔭ ᒋᓴᐅᒋᒪᐤ ᑕᑎᐳᐛᑭᓂᔪᐤ ᑭᔭ ᐊᓂᔭᔪᐛ ᓇᐤ ᑲ ᐱᒪᑎᓯᔨᒋ ᐊᐛᔪᐛ ᒋ ᐛᔅᑲᑲᐳᔅᑎᐛᐅᒡ ᑭᔭ ᐊᓂᔭᔪᐛ ᓂᓱᔪᐤ ᐊᓱ ᓇᐤ ᑲ ᒋᔅᑕᔨᑕᑯᓯᔨᒋ ᒋᓴᐃᔪᐛ᙮