1 ᒠᓐ 5:18 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁸ ᒋ ᒋᔅᒐᔨᒪᓄᐤ ᐊᐛᓐ ᐊᒋ ᐱᒪᒋᐃᑯᑦ ᒋᓴᒪᓂᑐᐛ ᓇᒪ ᒋᐸ ᐅᒋ ᒥᒋᑐᑎᒻ᙮ ᐛᔅ ᒋᓴᒪᓂᑐᐤ ᐅᑯᓯᔪᐛ ᑭᓄᐛᔨᒥᑯᐤ, ᓇᒪ ᒪᒃ ᒐᒂᔪᐤ ᒋ ᐃᑐᑕᑯᐤ ᒥᒋᒥᓂᑐᐛ᙮

1 ᒠᓐ 5:18 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 119:101

ᓂᒋ ᒋᐱᒋᑕᓐ ᓂᓯᑕ ᒥᓯᐛ ᑕᑐ ᒥᒋᑥᐅᓂᒡ ᐅᒡ, ᒐᒋ ᑭᓄᐛᔨᑎᒪᓐ ᒋᑦ ᐃᔨᒧᐅᓐ᙮

ᑎᐱᑦ ᐅᓂᑭᒧᐅᓇ 119:3

ᓇᒪ ᑭᔭ ᒥᒐᑎᓯᐅ-ᐃᑐᐅᒡ: ᐱᒧᑕᑎᒺᐅᒡ ᐅᑦ ᐃᓯᑥᐅᓂᔪᐛ᙮

ᑎᐱᑦ ᐅᓂᑭᒧᐅᓇ 17:4

ᐅᑦ ᐊᑐᔅᒐᐅᓄᐛᐛ ᐃᔪᒡ ᐅᒋ, ᒋᑦ ᐃᔨᒧᐅᓇ ᒋᑐᓂᒡ, ᓂᒋ ᐅᒋ ᑭᓄᐛᔨᒥᓱᓐ ᐅᒪᔅᑭᓇᒡ ᐅᒋ ᐅᓂᓱᐅᓇᒋᐃᐛᐤ᙮

ᑎᐱᑦ ᐅᓂᑭᒧᐅᓇ 18:23

ᓂᒋ ᑯᐃᔅᑯᑕᑎᓯᔅᑐᐛᐤ ᑭᔭ, ᐊᓯᒡ ᑭᔭ ᓂᒋ ᓇᑲᓂᑎᓱᓐ ᓂᒥᒐᑎᓯᐅᓂᒡ ᐅᒡ᙮

ᑎᐱᑦ ᐅᓂᑭᒧᐅᓇ 39:1

ᓂᒋ ᐃᔅᒋᔄᓐ, “ᓂᑭ ᐃᔭᒂᒥᓯᓐ ᐊ ᐃᑕᑎᓯᔭᓐ, ᒐ ᐊᑲ ᒋ ᒥᒋ ᐊᐃᑎᔭᓐ ᓂᑕᔨᔨᒡ: ᓂᑭ ᒋᐱᑐᓇᐱᑎᓱᓐ, ᒪᒂᒡ ᐅᒥᒋᑥᐅᒡ ᐊ ᐅᑎᔅᑲᐎᔅᑯᐅᒡ᙮”

ᒪᑎᔪᐤ 5:37

ᒥᒄ ᓂᐦᐃ ᑭᔭ ᒪᒃ ᓇᒪ ᒋᐸ ᐃᔅᒋᔄᓐ, ᑯᑎᒡ ᒪᒃ ᒐᒂᓐ ᐃᔅᒋᔄᔨᓇ ᐊ ᓂᑐᐛᔨᑎᒥᓐ ᒐᒋ ᑕᑈᑕᑯᔨᓐ, ᒥᒋᒥᓂᑐᐤ ᐊ ᑕᑦ ᐅᒋᐱᔪᐤ᙮”

ᒪᑎᔪᐤ 6:13

ᐊᑲᐎᔾ ᒪᒃ ᐃᑐᑕᐃᓇᓐ ᐊᓐᑕ ᒐᒋ ᐃᓯ ᑯᒂᒋᐃᑯᐅᔭᒡ᙮ ᒥᒄ ᐸᒋ ᒥᑕᒂᓇᒧᐅᓇᓐ ᐊᓐ ᑲ ᒪᔭᑎᒡ᙮ ᐛᔅ ᒋᔾ ᒋ ᑎᐱᔨᐛᐅᓯᓐ ᐅᒋᒪᐅᓐ ᑭᔭ ᑭᔅᒋᐅᓐ ᑭᔭ ᒋᔅᑕᔨᑕᑯᓱᐅᓐ ᒧᔅ ᑲᒋᒡ, ᐊᒥᓐ᙮” ᐊᐅᒄ ᒪᒃ ᐅᔭ ᒋᓴᔅ ᑲ ᐃᓯ ᒋᔅᑯᑎᒪᒐᑦ ᒐ ᐃᓯ ᐊᔭᒥᐊᓄᐎᒡ᙮

ᒠᓐ 1:13

ᐊᓂᔭᔪᐛ ᒪᒃ ᑲ ᑕᑈᔭᔨᒥᑯᑦ ᐅᔅᒋ ᐱᒪᑎᓯᔪᐛ ᒋᓴᒪᓂᑐᐛ ᐊ ᑕᔨᒋ ᐅᒋ, ᓇᒪ ᐎ ᑭᔭ ᐃᔎᐛ ᑭᔭ ᓇᐸᐛ ᐊ ᑕᔨᒋ ᐅᒋ ᐱᒪᑎᓯᐅᒡ ᓇᒪ ᑭᔭ ᐃᔪᐤ ᐅᑦ ᐃᑕᔨᑎᒧᐅᓂᔨᒡ ᐅᒡ᙮ ᑕᑈ ᒋᓴᒪᓂᑐᐛ ᐊ ᑕᔨᒋ ᒋ ᐅᒋ ᐅᔅᒋ ᐱᒪᑎᓯᐅᒡ᙮

ᒠᓐ 14:30

ᓇᒪ ᓴᔅ ᓇᔅᒡ ᓇᐅᔅ ᒋᑭ ᒋ ᐃᔨᒥᐃᑎᓇᐛᐤ, ᐛᔅ ᒥᒋᒥᓂᑐᐤ, ᐊᓐ ᑲ ᑎᐸᔨᒋᒐᑦ ᐅᑕ ᐊᔅᒋᒡ ᓴᔅ ᐸᒋ ᑎᑯᓯᓄᐤ᙮ ᒥᒄ ᒪᒃ ᓇᒪ ᓇᔅᒡ ᓂᑭ ᒋ ᐅᒋᒪᐧᑲᑎᒄ᙮

ᒠᓐ 15:4

ᓂᔾ ᐊ ᑕᔭᓐ ᒧᔅ ᐃᓯ ᐱᒪᑎᓯᒄ ᐊᑯ ᑭᔭ ᓂᔾ ᒧᔅ ᒐ ᑕᔭᓐ ᐊᓐᑕ ᐊ ᑕᔭᒄ᙮ ᒧᔭᒻ ᐊ ᐃᓯᓇᒂᒡ ᐅᑎᐧᑯᓐ ᓇᒪ ᒋᑭ ᒋ ᒥᓂᓱᐤ ᐊᑲ ᐊᓐᑕ ᓱᒥᓇᑎᑯᒡ ᐅᒋ ᓂᑕᐅᒋᒐ᙮ ᐊᐅᑯᓐ ᒪᒃ ᒧᔭᒻ ᐊ ᐃᓯᓇᑯᓯᔭᒄ᙮ ᓇᒪ ᒋᑭ ᒋ ᓂᑕᐅᒋᐃᓱᓇᐛᐤ ᒐᒋ ᒥᓂᓱᐅᔭᒄ ᒧᔭᒻ ᐊᑲ ᐱᒋᔅᑯᐅᔭᒂ᙮”

ᒠᓐ 15:7

ᓂᔾ ᒪᒃ ᐊ ᑕᔭᓐ ᒧᔅ ᐃᓯ ᐱᒪᑎᓯᔭᒂ ᑭᔭ ᓂᑦ ᐃᔅᒋᔄᐅᓇ ᐱᒋᔅᑲᑯᔭᒂ ᒥᒄ ᑕᓐ ᒐ ᐃᓯ ᓂᑐᑎᒪᔭᒄ ᒐᒂᓐ ᐊᐅᑯᓐ ᐊᓐ ᒐ ᐃᑐᑎᒪᑯᐅᔭᒄ᙮

ᒠᓐ 15:9

“ᒧᔭᒻ ᑲ ᐃᔅᐱᔅ ᓴᒋᐃᑦ ᐅᑕᐎᒪᐤ ᐊᐅᑯᓐ ᒧᔭᒻ ᐊ ᐃᔅᐱᔅ ᓴᒋᐃᑎᑯᒡ ᑭᔭ ᒋᔨᐛᐤ᙮ ᒧᔅ ᓂᔾ ᐊ ᑕᔭᓐ ᐃᓯ ᐱᒪᑎᓯᒄ ᑭᔭ ᒧᔅ ᒐ ᒋᔅᒐᔨᑎᒪᒄ ᐊ ᓴᒋᐃᑎᑯᒡ᙮

ᐊᑈᔅᑕᓇᒡ 11:23

ᐃᔅᐱ ᒪᒃ ᑕᑯᓯᐧᒃ ᐸᕐᓇᐸᔅ ᐊᓐᑕ, ᐎᔭᐸᑎᒧᐛᑦ ᒪᒃ ᒋᓴᒪᓂᑐᐤ ᑕᓐ ᐊ ᐃᓯ ᓱᐛᔨᒪᔨᒋ ᐊᓂᔭᔪᐛ ᐃᔪᐛ, ᒋ ᒥᔽᔨᑎᒻ᙮ ᒋ ᓯᒋᒪᐤ ᒪᒃ ᒐᒋ ᐊᔨᒋᑲᐳᔨᒋ ᑭᔭ ᓱᒃ ᒧᔅ ᒐ ᐎ ᓂᓇᐃᑎᒪᔨᒋ ᐅᑎᐸᔨᒋᒐᐛ᙮

ᒋᒥᔅ ᐅᒥᓯᓇᐊᒪᒐᐅᓐ 1:18

ᔅᒋ ᒥᔨᑯᓄᐤ ᐱᒪᑎᓯᐅᓂᔪᐤ ᐊᓐᑕ ᐅᒋ ᐊᓂᔭ ᐅᑦ ᐃᔨᒧᐅᓐ ᑲ ᑕᑈᒥᑭᓂᔨᒡ ᒋᔭᓄᐤ ᓂᔅᑎᒻ ᒐᒋ ᐎᐧᑯᒋᐃᑕᐧᒄ ᐅᑕ ᐅᔭ ᐊᔅᒋᔪᐤ᙮

ᒋᒥᔅ ᐅᒥᓯᓇᐊᒪᒐᐅᓐ 1:27

ᐊᓐ ᐊᔭᒥᐊᐅᓐ ᑲ ᐃᑕᔨᑕᐧᒃ ᒋᓴᒪᓂᑐᐤ ᑲ ᐅᑕᐎᒪᐅᑦ ᐊ ᑯᐃᔅᑯᓇᑯᓂᔨᒡ ᑭᔭ ᐊ ᐸᔭᒋᓇᑯᓂᔨᒡ ᒪᐅ ᐊ ᐃᓯᓇᒂᒡ, ᐃᑐᑕᑯᐤ ᐊᐛᓐ ᒐᒋ ᒥᔪ ᐎᒋᐊᑦ ᒋᐅᓴᓂᓴ ᑭᔭ ᑲ ᐸᐃᑯᓯᔨᒋ ᐃᔎᐛ ᒪᒂᒡ ᐊ ᐊᔨᒥᐅᔨᒋ ᑭᔭ ᐃᑐᑕᑯᐤ ᐊᐛᓐ ᐊᑲ ᓇᔅᒡ ᒐᒋ ᐎᓂᐃᑯᑦ ᒥᒐᑎᓯᐅᓂᔪᐤ ᑕᓐ ᐊ ᐃᓯ ᑎᑯᓂᔨᒡ ᐅᑕ ᐊᔅᒋᒡ᙮

1 ᐱᑕᕐ 1:23

ᐛᔅ ᐃᔅᐱ ᒥᓐ ᐊ ᐱᒪᑎᓯᔭᒄ ᑲ ᐃᓯᓇᑯᓯᔭᒄ ᑲᒋᒡ ᐱᒪᑎᓯᐅᓐ ᔅᒋ ᒥᔨᑯᓇᐛᐤ ᐛᔅ ᒋ ᐅᑦ ᐊᐛᓯᒥᑐᑕᑯᐛᐤ ᒋᓴᒪᓂᑐᐤ ᐅᑕᐎᒪᐤ ᐊᓐᑕ ᒐ ᐊᑲ ᓂᑕ ᐳᓂᐱᒪᑎᓯᑦ, ᒋᓴᒪᓂᑐᐤ ᐅᑦ ᐃᔨᒧᐅᓐ ᐊᓐ ᒐ ᐊᑲ ᓂᑕ ᐅᓂᑎᒡ ᑭᔭ ᒐ ᐊᑲ ᓂᑕ ᐃᔎᐱᔨᒡ, ᐊᑯᑕ ᑲ ᐅᒋ ᐃᓯᓇᑯᓯᔭᒄ ᒥᓐ ᐊ ᐱᒪᑎᓯᔭᒄ᙮

1 ᒠᓐ 2:29

ᒋ ᒋᔅᒐᔨᑕᓇᐛᐤ ᙭ ᐊ ᑯᐃᔅᑯᑕᑎᓯᑦ, ᑭᔭ ᒋᐸ ᒋᔅᒐᔨᑕᓇᐛᐤ ᐊᓐ ᐊᐛᓐ ᑲ ᑯᐃᔅᑯᑕᑎᓯᑦ ᐊ ᐅᑦ ᐊᐛᓯᒥᑐᑕᑯᑦ ᒋᓴᒪᓂᑐᐛ᙮

1 ᒠᓐ 3:12

ᓇᒪ ᒋᐸ ᐅᒋ ᓂᔅᐱᑐᐛᓄᐤ ᑲᐃᓐ᙮ ᒥᒋᒥᓂᑐᐛ ᒋ ᑎᐸᔨᒥᑯᐤ ᐊᓂᔭ ᑲ ᓂᐸᐊᑦ ᐎᐧᑲᓂᓴ᙮ ᒐᒂᔪᐤ ᒪᒃ ᐛᒋ ᓂᐸᐊᑦ ? ᒋ ᒪᔭᑎᓂᔪᐤ ᐊᓂᔭ ᑕᓐ ᐎᔾ ᑲ ᐃᑎᑦ, ᒋ ᑯᐃᔅᑯᓇᑯᓂᔪᐤ ᒪᒃ ᐎ ᐊᓂᔭ ᑕᓐ ᑲ ᐃᑎᔨᒋ ᐎᐧᑲᓂᓴ᙮

1 ᒠᓐ 3:3

ᒥᓯᐛ ᒪᒃ ᐊᐛᓐ ᐅᔭᔪᐤ ᑲ ᐃᓯ ᐊᔅᐸᔨᒧᑦ, ᓂᓇᑭᑐᐛᔨᒥᓱᐤ ᒐᒋ ᐸᔭᒋᓯᑦ ᒧᔭᒻ ᙭ᑕ ᐊ ᐃᓯ ᐸᔭᒋᓯᔨᒋ᙮

1 ᒠᓐ 3:9

ᐊᓐ ᐊᐛᓐ ᒋᓴᒪᓂᑐᐛ ᑲ ᐱᒪᒋᐃᑯᑦ, ᐳᓂᐤ ᐊ ᒥᒋᑐᑕᐧᒃ᙮ ᐛᔅ ᒋᓴᒪᓂᑐᐛ ᐃᑐᑕᑯᐤ ᒐᒋ ᐃᑕᔨᑕᑯᓯᑦ ᒋᓴᒪᓂᑐᐛ ᐊ ᐃᑕᔨᑕᑯᓯᔨᒋ᙮ ᓇᒪ ᒪᒃ ᒋ ᒥᒋᑐᑎᒻ ᒋᓴᒪᓂᑐᐛ ᐊᒋ ᐱᒪᒋᐃᑯᑦ᙮

1 ᒠᓐ 4:6

ᒋᔭᓄᐤ ᐎ ᒋᓴᒪᓂᑐᐤ ᔅᒋ ᐱᒪᒋᐃᑯᓄᐤ᙮ ᐊᓐ ᐊᐛᓐ ᑲ ᒋᔅᒐᔨᒪᑦ ᐊ ᐃᑕᔨᑕᑯᓯᔨᒋ ᒋᓴᒪᓂᑐᐛ ᒋ ᓂᑐᑕᑯᓄᐤ ᑕᓐ ᐊ ᐃᔅᒋᔄᐛᐧᒄ᙮ ᐊᑯ ᐊᓐ ᐊᐛᓐ ᐊᑲ ᒋᔅᒐᔨᒪᑦ ᒋᓴᒪᓂᑐᐛ, ᓇᒪ ᒋ ᓂᑐᑕᑯᓄᐤ᙮ ᐊᑯᑕ ᐛᒋ ᒋᔅᒐᔨᒪᐧᒄ ᑕᑈᐅ-ᐊᒐᐧᒄ ᑭᔭ ᑲ ᐎᔭᓯᒧᐛᑦ ᐊᒐᐧᒄ᙮

1 ᒠᓐ 5:1

ᒥᓯᐛ ᐊᐛᓐ ᑲ ᑕᑈᑕᐧᒃ ᒋᓴᓴ ᐊ ᐊᐎᔨᒡ ᙭ᑕ, ᒋᓴᒪᓂᑐᐛ ᐅᑦ ᐊᐛᓯᒥᑐᑕᑯᐤ᙮ ᐊ ᓴᒋᐊᐧᒄ ᒪᒃ ᐅᑕᐎᒪᐤ ᑭᔭ ᐊᓂᔭᔪᐛ ᐅᑦ ᐊᐛᓯᒪ ᒋ ᓴᒋᐃᒪᓄᐛ᙮

1 ᒠᓐ 5:15

ᒧᔭᒻ ᒪᒃ ᒋᔅᒐᔨᑎᒺᒂ ᐊ ᐸᑕᑕᐧᒄ ᒋᓴᒪᓂᑐᐤ ᒥᒄ ᑕᓐ ᐊ ᐃᓯ ᓂᑐᑎᒧᐛᐧᒄ ᒐᒂᔪᐤ, ᒋ ᒋᔅᒐᔨᑕᓇᓄᐤ ᑭᔭ ᐊ ᐊᔭᐛᐧᒄ ᐊᓂᔭ ᐊ ᐃᓯ ᓂᑐᑎᒧᐛᐧᒄ᙮

1 ᒠᓐ 5:19

ᒋ ᒋᔅᒐᔨᑕᓇᓄᐤ ᒋᓴᒪᓂᑐᐤ ᐊ ᐅᑦ ᐊᐛᓯᒥᑐᑕᑕᐧᒄ᙮ ᒥᓯᐛ ᐊᓐᒡ ᐅᑕ ᐊᔅᒋᒡ ᐊ ᑕᒡ ᑎᐸᔨᒥᑯᐅᒡ ᒥᒋᒥᓂᑐᐛ᙮

1 ᒠᓐ 5:20

ᒋ ᒋᔅᒐᔨᑕᓇᓄᐤ ᒋᓴᒪᓂᑐᐤ ᐅᑯᓴ ᐊᒋ ᐸᒋ ᑎᑯᓯᓂᔨᒋ ᐅᑕ ᐊᔅᒋᒡ, ᒐᒋ ᒋᔅᑯᑎᒪᑕᐧᒄ ᒐᒋ ᒋᔅᒐᔨᒪᐧᑯ ᐊᓂᔭ ᒋᒋᐛ ᒐᓴᒪᓂᑐᐎᔨᒋ᙮ ᒋ ᐎᒐᐛᓄᐤ ᐊᓐ ᑕᑈ ᒐᓴᒪᓂᑐᐅᑦ ᐊ ᐎᒐᐅᒪᐧᑯ ᐅᑯᓴ ᒋᓴᔅ ᙭ᑕ᙮ ᐊᐅᒄ ᐅ ᑕᑈ ᒐᓴᒪᓂᑐᐅᑦ, ᐊᓐ ᑲ ᒥᔨᐛᑦ ᑲᒋᒡ ᐱᒪᑎᓯᐅᓂᔪᐤ᙮

1 ᒠᓐ 5:21

ᐊᐛᓯᑐᒄ, ᐃᔭᒂᒥᒄ ᒐ ᐊᑲ ᒋ ᐊᔭᒥᐊᔅᑐᐛᑯᒡ ᒥᓂᑐᐧᑲᓐᒡ᙮

1 ᒠᓐ 5:4

ᐛᔅ ᐊᓐ ᐊᐛᓐ ᑲ ᐱᒪᒋᐃᑯᑦ ᒋᓴᒪᓂᑐᐛ, ᓇᒪ ᒋ ᓴᐧᑯᒋᐃᑯᐤ ᒥᒋᑥᐅᓂᔪᐤ ᐅᑕ ᐊᔅᒋᒡ᙮ ᒋᑕᑈᑎᒧᐅᓄᐤ ᐊᐅᒄ ᐛᒋᐃᑯᔭᐧᒄ ᒐᒋ ᓴᐧᑯᒋᑕᔭᐧᒄ ᒥᒋᑥᐅᓐ ᐅᑕ ᐊᔅᒋᒡ᙮

ᒍᑦ 1:21

ᑭᓄᐛᔨᒥᓱᒄ ᒋᓴᒪᓂᑐᐤ ᐅᓴᒋᐃᐛᐅᓂᒡ ᐊ ᐊᓱᐛᐱᒪᒄ ᒋᓴᔅ ᙭ ᒐᒋ ᒥᔨᑕᒄ ᑲᒋᒡ ᐱᒪᑎᓯᐅᓂᔪᐤ ᐊᓂᔭ ᐊ ᓱᐛᔨᒧᐛᑦ ᐅᒡ᙮

ᒍᑦ 1:24

ᐊᑯ ᒪᒃ ᐊᓐ ᑲ ᐸᐃᑯᓯᑦ ᒋᓴᒪᓂᑐᐤ ᒋᐱᒪᒋᐃᐛᒥᓄᐤ, ᐊᓐ ᑲ ᑭᔅᒋᐅᑦ ᒐᒋ ᑭᓄᐛᔨᒥᑕᒄ ᒐ ᐊᑲ ᒋ ᐸᒋᓯᓄᐛᒄ ᑭᔭ ᑲ ᑭᔅᒋᐅᑦ ᒐᒋ ᐃᑐᑕᐃᑕᒄ ᐊᓐᑕ ᐊ ᒋᔅᑕᔨᑕᑯᓂᔨᒡ ᐊ ᑕᑦ ᐊᑲ ᒐᒂᔪᐤ ᐊᑕᒪᔨᑕᑯᓱᐛᒄ ᑭᔭ ᐊ ᒥᔽᔨᑎᒺᒄ,

ᒋᔅᒐᔨᑕᑯᑕᒐᐅᓐ 2:13

ᓂ ᒋᔅᒐᔨᑕᓐ ᐊᓐᑕ ᐛᒋᔭᒄ, ᐊᓐᑕ ᐊ ᐅᒋᒪᐅᑦ ᒥᒋᒥᓂᑐᐤ᙮ ᐊᑎ ᒪᒃ ᐊᓐᑕ ᐊ ᐎᒋᔭᒄ ᐃᔭᐱᒡ, ᓇᒪ ᒋ ᐳᓂᓇᐛᐤ ᐊ ᑕᑈᔭᔨᒥᔭᒄ᙮ ᓇᒪ ᒋ ᐅᒋ ᒋᐛᑲᐳᔅᑐᓇᐛᐤ ᐊᑎ ᐊᓐᑕ ᒪᒂᒡ ᑲ ᓂᐸᐊᑭᓄᐅᑦ ᐊᓂᔭ ᑲ ᓇᓴᐅᑦ ᐊᓐᑎᐸᔅ, ᐊᓐ ᑯᐃᔅᒄ ᑲᒋ ᐃᓯ ᑎᐸᒋᒥᑦ᙮ ᐊᓐᑕ ᐛᒋᔭᒄ, ᐊᑯᑕ ᑲ ᓂᐸᐊᑭᓄᐅᑦ, ᐊᓐᑕ ᒥᒋᒥᓂᑐᐤ ᐛᒋᑦ᙮