1 ᒠᓐ 5:16 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁶ ᐊᐛᓐ ᐛᐱᒪᒐ ᐎᐧᑲᓂᓴ ᐊ ᒥᒋᑐᑎᒥᔨᒋ ᐊᑲ ᒪᒃ ᓂᐳᐅᓂᒡ ᐃᑐᑕᐃᑯᔨᒋ ᐊᓂᔭ ᑲ ᐃᓯ ᒥᒋᑐᑎᒥᔨᒋ, ᒋᐸ ᐊᔭᒥᐊᔅᑎᒧᐛᐤ, ᑭᔭ ᒐ ᒥᔨᑯᔨᒋ ᒋᓴᒪᓂᑐᐛ ᐱᒪᑎᓯᐅᓂᔪᐤ᙮ ᐊᐅᑯᓐ ᒐ ᐃᔅᐱᔨᒋ ᐊᓂᔭᔪᐛ ᐊᑲ ᓂᐳᐅᓂᒡ ᐃᑐᑕᐃᑯᔨᒋ ᐊᓂᔭ ᑲ ᐃᓯ ᐅᓂᑐᑎᒥᔨᒋ᙮ ᒥᒄ ᒪᒃ ᑎᑯᓐ ᒥᒋᑥᐅᓐ ᒐ ᐃᑐᑕᐃᑯᑦ ᐊᐛᓐ ᓂᐳᐅᓂᒡ᙮ ᐅᔭ ᒪᒃ ᐃᓯ ᒥᒋᑐᑕᒐ ᐊᐛᓐ, ᐊᑯᔅ ᐊᑲ ᐊᔭᒥᐊᔅᑎᒧᐤ᙮

1 ᒠᓐ 5:16 ပူးပေါင်းရင်းမြစ်များ

ᒐᓂᓯᔅ 20:17

ᐊᑯ ᐊᑉᕋᐊᒻ ᓇᑐᑕᒧᐛᑦ ᒋᓴᒪᓂᑐᐛ ᑭᔭ ᒋᓴᒪᓂᑐᐤ ᒋ ᒥᓏᒋᐊᐤ ᐊᐱᒪᓕᑲ, ᒋᒡ ᐎᒋᒪᑭᓂᔪᐛ ᑭᔭ ᐅᑦ ᐃᔎᐤ ᐊᐱᒋᐊᑭᓂᔪᐛ, ᐊᑯ ᒪᒃ ᒐᒋ ᒥᓐ ᐅᑦ ᐊᐛᓯᒥᔨᒋ᙮

ᒐᓂᓯᔅ 20:7

ᑲᐤ ᒐ ᒥᔨᑦ ᐅ ᓇᐸᐤ ᐎᐛ, ᐛᔅ ᐎᔾ ᐅᒋᔅᒋᐛᐃᒐᓱᐤ ᑭᔭ ᒋᑭ ᐃᔨᒥᑥᒄ ᐊᑯ ᒪᒃ ᒐ ᐊᑲ ᐳᓂᐱᒪᑎᓯᓐ᙮ ᒥᒄ ᐊᑲ ᒋᐛᑎᓴᐅᑕ ᓴᕋ, ᑕᐱᔅᑯᓐ ᒋᔾ ᑭᔭ ᒋᑦ ᐃᔨᒥᒡ ᒋᑭ ᐳᓂᐱᒪᑎᓯᓇᐛᐤ᙮”

ᑎᐱᑦ ᐅᓂᑭᒧᐅᓇ 106:23

ᐊᔪᐅᒄ ᐛᒋ ᐃᔅᒋᔄᑦ ᒐᒋ ᓂᓱᐅᓇᒋᐊᑦ, ᒥᓱᐧᒄ ᒧᓱᓴ ᐅᐛᔭᐱᒪᑭᓇ, ᐊᑲ ᐅᒋ ᐅᑎᔅᑯᑲᐳᔅᑕᑯᑯᐱᓇ ᐊᓐᑕ ᐊ ᐱᑯᐱᑕᑭᓄᐎᔨᒡ, ᒐᒋ ᐳᓂ ᐊᐧᑯᔪᐛᓯᐃᑯᑦ, ᒐ ᐊᑲ ᒋ ᓂᓱᐅᓇᒋᐊᑦ᙮

ᐊᒃᓱᑕᔅ 34:9

ᒂ ᐃᑕᑦ ᒧᓱᔅ, “ᑎᐸᔨᒋᒐᓱᐤ, ᓇᔅᒡ ᒪᔽᔨᑎᒥᑐᐛᓇ, ᓂ ᐱᑯᓴᔨᑕᓐ ᒐᒋ ᐎᒐᐎᔭᒡ᙮ ᒋ ᑕᑈᓐ ᐊᓐ ᐊ ᐃᔅᒋᔄᔨᓐ ᐊ ᒥᒋᑐᑕᒡ ᐅᒡ ᐃᔪᒡ ᑭᔭ ᐊ ᐊᑲ ᓇᐃᑕᒡ ᒐᒂᔪᐤ ᑲ ᐃᑎᓱᐛᔨᓐ, ᒥᒄ ᐛᐸᔨᑎᒧᐅᓇᓐ ᓂᒥᒋᑥᐅᓇᓇ ᑭᔭ ᐅᑎᓂᓇᓐ ᒋᔾ ᒐ ᐅᑦ ᐃᔨᒥᑐᐅᔭᒡ ᒧᔅ ᑲᒋᒡ᙮”

ᓗᒃ 12:10

ᒥᓯᐛ ᐊᐛᓐ ᑲ ᒥᒋ ᐊᔨᒧᒪᑦ ᐃᔪᐤ ᐅᑯᓯᓴᓐ ᒋᑭ ᒋ ᐛᐸᔨᑎᒧᐛᑭᓄᐤ᙮ ᐊᑯ ᒪᒃ ᐊᓐ ᐊᐛᓐ ᑲ ᐸᔅᑕᒪᑦ ᑲ ᐸᔭᒋᓯᔨᒋ ᐊᒐᒂ ᓇᒪ ᒋᑭ ᐅᒋ ᐛᐸᔨᑎᒧᐎᑭᓄᐤ᙮”

ᒠᓐ 17:9

“ᓂᑦ ᐊᔭᒥᐊᔅᑎᒧᐛᐅᒡ, ᓇᒪ ᐎ ᐊᓐᒡ ᐊᑲ ᒋᔅᒐᔨᒥᔅᒡ ᐅᐱᒪᑎᓯᐅᓄᐛᒡ ᓂᑦ ᐊᔭᒥᐊᔅᑎᒧᐛᐅᒡ᙮ ᐅᒡ ᐊᐅᒄ ᑲ ᐸᒋ ᒥᔨᓐ ᓂᑦ ᐊᔭᒥᐊᔅᑎᒧᐛᐅᒡ ᐛᔅ ᒋᔾ ᒋ ᑎᐱᔨᐛᐅᓯᓐ ᐅᒡ ᑲ ᐸᒋ ᒥᔨᓐ᙮

2 ᑎᒧᑎ 4:14

ᐊᓐ ᓇᐸᐤ ᑲᒋ ᐛᐛᔭᐱᔅᒋᓴᐧᒃ ᐃᓴᑯᔪᐤ, ᐊᓕᒃᓴᓐᑕᕐ ᑲ ᐃᓯᓂᐧᑲᓱᑦ ᓇᔅᒡ ᑕᑈ ᒋ ᑎᑯᓂᔪᐤ ᑕᓐ ᑲ ᐃᓯ ᓂᓇᐧᑲᑕᔨᒧᐃᑦ, ᒥᒄ ᒪᒃ ᒋᑭ ᑎᑯᓂᔪᐤ ᑕᓐ ᒐ ᐃᓯ ᐃᑐᑕᑯᑦ ᐅᑎᐸᔨᒋᒐᐛ ᐅᔭ ᑕᓐ ᑲ ᐃᓯ ᐃᑐᑐᐅᑦ᙮

1 ᒠᓐ 5:17

ᒥᓯᐛ ᐅᓂᑐᑎᒧᐅᓐ, ᒥᒋᑥᐅᓐ ᐊᓐ, ᒥᒄ ᒪᒃ ᑎᑯᓐ ᒥᒋᑥᐅᓐ ᐊᑲ ᓂᐳᐅᓂᒡ ᐃᑐᑕᐃᐛᒡ᙮