1 ᒠᓐ 4:9 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁹ ᐊᑯᑕ ᑲ ᓄᑯᑥᑕᐧᒄ ᒋᓴᒪᓂᑐᐤ ᑕᓐ ᐊ ᐃᓯ ᓴᒋᐃᑕᐧᒄ ᑲ ᐸᒋ ᐃᑎᓴᐛᑦ ᑲ ᐸᐃᑯᓯᔨᒋ ᐅᑯᓴ ᐅᑕ ᐊᔅᒋᒡ ᒐᒋ ᐅᒋ ᐊᔭᐛᐧᒄ ᑲᒋᒡ ᐱᒪᑎᓯᐅᓂᔪᐤ᙮

1 ᒠᓐ 4:9 ပူးပေါင်းရင်းမြစ်များ

ᒐᓂᓯᔅ 22:2

ᐊᑯ ᒋᓴᒪᓂᑐᐛ ᐊᑎᑯᑦ, “ᐅᑎᓐ ᒋᑯᔅ, ᑲ ᐸᐃᑯᓯᑦ ᒥᒄ ᒋᑯᔅ ᐊᐃᓯᒃ ᐊᓐ ᒪᐅᒡ ᑲ ᓴᒋᐃᑦ ᑭᔭ ᒐ ᐃᑐᑕᔭᒄ ᐊᓐ ᐱᔅᑯᑎᓇᐤ ᒐ ᐛᐸᑎᔨᑕᓐ ᐊᓐᑕ ᒧᕋᔭ ᐊᔅᒋᒡ᙮ ᒐ ᐱᔅᑎᓂᒐᔨᓐ ᒋᑯᔅ ᐊᓐᑕ ᐱᔅᑎᓂᒐᐅᓇᐱᔅᑯᒡ ᒧᔭᒻ ᒥᑐᔅᑕᐊᒪᒐᐅᓐ᙮”

ᑎᐱᑦ ᐅᓂᑭᒧᐅᓇ 2:7

ᓂᑭ ᐎᑕᓐ ᐃᑎᓱᐛᐅᓐ: “ᑎᐸᔨᒋᒐᓱᐤ ᓂᒋ ᐃᑎᒄ, ᒋᔾ ᓂᑯᔅ; ᐊᓄᒡ ᑲᓯᑲᒡ ᔅᒋ ᓂᑕᐅᒋᐃᑎᓐ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 12:6

“ᒐᒃ ᒥᒄ ᐸᐃᒄ ᓇᐸᐛ ᒂ ᑕᔨᒋ ᐊᓐᑕ ᐊ ᑕᑦ ᐊᓐ ᐅᒋᒪᐤ, ᐊᔪᐅᒄ ᐅᔭ ᑎᐱᔨᐛ ᐅᑯᓴ᙮ ᐊᔪᐅᒄ ᐅᔭ ᒂ ᐃᑎᓴᐛᑦ, ᒐᒃ ᐊ ᐃᑕᔨᑕᐧᒃ, ‘ᒋᑭ ᒋᔅᑕᔨᒪᐅᒡ ᐅᔭ ᓂᑯᓴ᙮’ ”

ᓗᒃ 4:18

“ᐅᑎᐸᔨᒋᒐᐤ ᐅᑦ ᐊᒐᒂ ᓂ ᐱᒋᔅᑲᑯᔪᐛ, ᐛᔅ ᐎᔾ ᓂᒋ ᐅᑎᓂᒄ ᒐᒋ ᐎᑎᒧᐅᒂᐤ ᑲ ᒋᔅᑎᒪᑎᓯᒡ ᒥᔽᒋᒧᐅᓂᔪᐤ᙮ ᓂᒋ ᐸᒋ ᐃᑎᓴᐅᒄ ᒐᒋ ᐎᑎᒧᐅᒂᐤ ᑲ ᒪᒋᒂᐱᐧᑲᓱᒡ ᒐᒋ ᐊᐱᐧᑯᓇᑭᓄᐎᒡ ᑭᔭ ᐊᓐᒡ ᐊᑲ ᐛᐸᑕᒡ ᒐ ᐛᐸᑕᒡ᙮ ᑭᔭ ᐊᓐᒡ ᑲ ᓂᓇᐧᑲᑕᔨᒧᐊᑭᓄᒡ ᒐᒋ ᐱᔅᑎᓇᑭᓄᐅᒡ᙮

ᒠᓐ 10:10

ᑲᒋᒧᑎᑦ ᑎᑯᓯᓄᐤ ᒥᒄ ᒐᒋ ᒋᒧᑎᑦ ᒪᒃ ᒐᒋ ᓂᐸᐃᐛᑦ ᒪᒃ ᒐᒋ ᓂᓱᐅᓇᒋᐃᐛᑦ᙮ ᓂᔾ ᒪᒃ ᐎ ᓂᒋ ᑎᑯᓯᓐ ᒐᒋ ᒥᔨᐛᔭᓐ ᐊᓐ ᐱᒪᑎᓯᐅᓐ ᐊᓐᑕ ᐊᑲ ᓂᑕ ᓄᑕᐱᔨᒡ ᒐᒂᓐ᙮”

ᒠᓐ 14:6

ᒋᓴᔅ ᒋ ᐃᓯ ᐎᑎᒧᐛᐤ ᐊ ᐃᑕᑦ, “ᓂᔾ ᐊᐅᒄ ᒪᔅᑭᓄᐤ ᑭᔭ ᑕᑈᐅᓐ ᑭᔭ ᐱᒪᑎᓯᐅᓐ, ᓇᒪ ᐊᐛᓐ ᒋᑭ ᒋ ᓇᑕᐤ ᐅᑕᐎᒪᐛ ᒥᒄ ᓂᔾ ᐅᒋ᙮

ᒠᓐ 3:16

ᐛᔅ ᒋᓴᒪᓂᑐᐤ ᐊ ᐃᔅᐱᔅ ᒋ ᓴᒋᐊᑦ ᒥᓯᐛ ᐊᐛᔪᐛ ᐅᑕ ᐊᔅᒋᒡ ᒋ ᒥᔨᐛᐤ ᑲ ᐸᐃᑯᓯᔨᒋ ᐅᑯᓴ, ᒥᓯᐛ ᐊᐛᔪᐛ ᑲ ᑕᑈᔭᔨᒪᔨᒋ ᒐ ᐊᑲ ᒋ ᓂᓱᐅᓇᑎᓯᔨᒋ ᒪᒃ ᒐᒋ ᐊᔭᔨᒋ ᑲᒋᒡ ᐱᒪᑎᓯᐅᓂᔪᐤ᙮

ᒠᓐ 3:18

ᐊᓐ ᒪᒃ ᐊᐛᓐ ᒐ ᑕᑈᔭᔨᒪᒂ ᐅᑯᓯᓯᒪᐛ ᓇᒪ ᒋᑭ ᐅᒋ ᓂᓱᐅᓇᒋᒪᑭᓄᐤ, ᐊᓐ ᒪᒃ ᐊᐛᓐ ᒐ ᐊᑲ ᑕᑈᔭᔨᒪᒂ ᓴᔅ ᓂᓱᐅᓇᒋᒪᑭᓄᐤ ᐛᔅ ᓇᒪ ᑕᑈᔭᔨᒪᐤ ᐊᓂᔭ ᒋᓴᒪᓂᑐᐛ ᑲ ᐸᐃᑯᓯᔨᒋ ᐅᑯᓯᔪᐛ᙮

ᒠᓐ 5:23

ᐊᑯ ᒪᒃ ᒥᓯᐛ ᐊᐛᓐ ᒐ ᒋᔅᑕᔨᒪᑦ ᐅᑯᓯᓯᒪᐛ ᒧᔭᒻ ᐊ ᐃᓯ ᒋᔅᑕᔨᒪᑦ ᐅᑕᐎᒪᐛ᙮ ᐊᓐ ᐊᐛᓐ ᐊᑲ ᒋᔅᑕᔨᒪᑦ ᐅᑯᓯᓯᒪᐛ ᓇᒪ ᒋᔅᑕᔨᒪᐤ ᑭᔭ ᐅᑕᐎᒪᐛ ᐊᓂᔭ ᑲ ᐸᒋ ᐃᑎᓴᐅᑯᔨᒋ᙮”

ᒠᓐ 6:29

ᒋᓴᔅ ᒂ ᐎᑎᒧᐛᑦ ᐊ ᐃᑕᑦ, “ᐊᐅᒄ ᐅᔭ ᐊ ᐃᓯ ᓂᑐᐛᔨᑕᐧᒃ ᒋᓴᒪᓂᑐᐤ ᒐᒋ ᐃᓯ ᐊᑐᔅᑯᐛᑭᓄᐅᑦ, ᒐᒋ ᑕᑈᔭᔨᒪᑯ ᐊᓂᔭ ᑲ ᐸᒋ ᐃᑎᓴᐛᑦ᙮”

ᒠᓐ 6:51

“ᓂᔾ ᒪᒃ ᐊᓐ ᐱᒪᒋᐃᐛᐤ ᐸᒂᓯᑭᓐ ᒋᒋᒋᓯᑯᒡ ᑲ ᐅᒋ ᐱᔅᑎᓇᑭᓄᐅᑦ᙮ ᐊᐛᓐ ᒪᒃ ᒐ ᒧᐛᒂ ᐅᔭ ᐸᒂᓯᑭᓇ ᑲᒋᒡ ᐱᒪᑎᓯᐅᓂᔪᐤ ᒋᑭ ᐊᔭᐤ᙮ ᐊᓐ ᒪᒃ ᐸᒂᓯᑭᓐ ᒐ ᒥᔨᐛᔭᓐ ᐊᐅᒄ ᐅ ᓂᔭᔅ ᐊᓐᑕ ᒐᒋ ᐅᒋ ᐊᔭᒡ ᐊᐛᓐᒋ ᐱᒪᑎᓯᐅᓂᔪᐤ᙮” ᐊᔪᐅᒄ ᐅᔭ ᒋᓴᔅ ᑲ ᐃᔅᒋᔄᑦ᙮

ᒠᓐ 6:57

ᓄᑕᐎᔾ ᐊᓐ ᑲ ᒥᔨᐛᑦ ᐱᒪᑎᓯᐅᓂᔪᐤ ᓂᒋ ᐸᒋ ᐃᑎᓴᐅᒄ ᑭᔭ ᓂ ᒥᔨᒄ ᐱᒪᑎᓯᐅᓂᔪᐤ᙮ ᐊᐅᑯᓐ ᒪᒃ ᒧᔭᒻ ᑭᔭ ᐎᔾ ᐊᓐ ᐊᐛᓐ ᑲ ᒥᒋᑦ ᓂᔭᓯᔪᐤ, ᓂᑭ ᒥᔭᐤ ᒐᒋ ᐱᒪᑎᓯᑦ᙮

ᒠᓐ 8:29

ᐊᓐ ᒪᒃ ᑲ ᐸᒋ ᐃᑎᓴᐅᑦ, ᓂ ᐎᒐᐅᒄ, ᓇᒪ ᓂ ᐅᒋ ᓂᑭᑎᒄ ᒥᒄ ᒐᒋ ᐸᐃᑯᓱᐅᒡ ᐛᔅ ᒧᔅ ᓂ ᐃᑐᑎᒺᓐ ᐎᔾ ᑕᓐ ᐊ ᐃᓯ ᓇᐊᔨᑎᒥᐃᑯᑦ᙮”

ᒠᓐ 8:42

ᐊᑯ ᒋᓴᔅ ᒂ ᐃᑕᑦ, “ᑕᑈ ᒋᓴᒪᓂᑐᐤ ᐛᑕᐎᐛᒂ, ᒋᐸ ᓴᒋᐃᓇᐛᐤ ᐛᔅ ᒋᓴᒪᓂᑐᐤ ᐊ ᑕᑦ ᓂ ᐅᒋᓐ ᑭᔭ ᐅᑕ ᐱᔭᒋ ᑕᔭᓐ᙮ ᓇᒪ ᓂᔾ ᓂ ᐅᒋ ᐸᒋ ᐃᑎᓴᐅᓱᓐ, ᐎᔾ ᒋᓴᒪᓂᑐᐤ ᓂᒋ ᐸᒋ ᐃᑎᓴᐅᒄ᙮

ᒠᓐ 9:3

ᒋᓴᔅ ᒂ ᐎᑎᒧᐛᑦ, “ᓇᒪᔭᔪᐤ ᐎᔾ ᐅᒥᒋᑥᐅᓐ ᑭᔭ ᒪᒃ ᐅᓂᒋᐃᒂ ᐅᒥᒋᑐᑎᒧᐅᓂᔪᐤ ᑲ ᐃᑐᑕᑯᑦ ᐛᒋ ᐊᑲ ᒋ ᐛᐸᑕᐧᒃ᙮ ᒐᒋ ᐛᐸᑕᑭᓄᐎᔨᒡ ᒋᓴᒪᓂᑐᐤ ᐅᓱᐧᑲᑎᓯᐅᓐ ᐊᐅᑯᓐ ᐛᒋ ᐊᑲ ᒋ ᐛᐸᑕᐧᒃ ᐅ ᓇᐸᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:32

ᓇᒪ ᐛᐛᒡ ᐅᑯᓴ ᒋ ᐅᒋ ᒥᓇᑎᓂᒪᑭᓄᐤ᙮ ᒋ ᐱᔅᑎᓇᐤ ᒐᒋ ᓂᐱᔅᑎᒪᑎᑕᐧᑯᐤ᙮ ᐊᓂᔭ ᒪᒃ ᐛᐛᒡ ᑎᐱᔨᐛ ᐅᑯᓴ ᐊᒋ ᐱᔅᑎᓇᑦ ᒐᒋ ᓂᐸᐊᑭᓄᔨᒋ ᒋᔭᓄᐤ ᐅᒋ ᐊᑯᑕ ᒐ ᐅᒋ ᒐᔅᑎᓇᐅᔭᐧᒄ ᒥᒄ ᒐ ᐃᓯ ᒥᔨᑯᐅᔭᐧᒄ ᑯᑎᑲ ᒐᒂᔪᐛ᙮

ᐃᑉᕈᐛ 1:5

ᒋᓴᒪᓂᑐᐤ ᓇᒪ ᓂᑕ ᐅᒋ ᐃᑕᐤ ᐊᓐᒋᓇ ᐊ ᐃᔨᒪᐊᑦ, “ᒋᔾ ᓂᑯᔅ, ᐊᓄᒡ ᐅ ᑲ ᒋᓯᑲᒡ ᓂᔾ ᒍᑕᐎᑐᑕᐅᓐ᙮” ᑭᔭ ᓇᒪ ᓂᑕ ᐅᒋ ᐃᑕᐤ ᐊᓐᒋᓇ ᐊ ᐊᔨᒧᒪᑦ, “ᓂᔾ ᓂᑭ ᐅᑕᐎᑐᑕᒄ ᑭᔭ ᐎᔾ ᒐ ᐅᑯᓯᔭᓐ᙮”

1 ᒠᓐ 3:16

᙭ ᓇᔅᒡ ᑲ ᐱᔅᑕᔨᒧᑦ ᒐᒋ ᓂᐱᔅᑎᒪᑕᐧᒄ, ᐊᑯᑕ ᑲ ᐅᒋ ᒋᔅᒐᔨᑎᒥᐃᑕᐧᒄ ᓴᒋᐃᐛᐅᓂᔪᐤ᙮ ᐊᑯ ᒪᒃ ᑭᔭ ᒋᔭᓄᐤ ᓇᑐᐛᔨᑕᑯᓯᔭᐧᒄ ᒐᒋ ᐱᔅᑕᔨᒥᑎᓱᔭᐧᒄ ᒋᐧᑲᓂᓯᓄᐅᒡ ᒐᒋ ᐎᒋᐃᐧᑯᒡ᙮

1 ᒠᓐ 4:10

ᒪᐅ ᒪᒃ ᐅ ᓴᒋᐃᐛᐅᓐ, ᓇᒪ ᐎ ᒋᔭᓄᐤ ᐊᒋ ᓴᒋᐊᐧᒄ ᒋᓴᒪᓂᑐᐤ, ᒪᒃ ᐎᔾ ᐊᒋ ᓴᒋᐃᑕᐧᒄ ᐊᒋ ᐸᒋ ᐃᑎᓴᐛᑦ ᐅᑯᓴ ᐊᓐᑕ ᒐᒋ ᑎᐸᒪᒐᔅᑎᒪᑕᐧᒄ ᒋᒥᒋᑐᑎᒧᐅᓄᐛ᙮

1 ᒠᓐ 4:16

ᐊᑯ ᒪᒃ ᒋᔅᒐᔨᑕᓇᓄᐤ ᑭᔭ ᒋ ᑕᑈᑕᓇᓄᐤ ᑕᑈ ᐊ ᓴᒋᐃᑕᐧᒄ ᒋᓴᒪᓂᑐᐤ᙮ ᒋᓴᒪᓂᑐᐤ ᐊᐅᒄ ᓴᒋᐃᐛᐅᓐ᙮ ᐊᓐ ᒪᒃ ᑲ ᑕᑦ ᓴᒋᐃᐛᐅᓂᒡ, ᐱᒋᔅᑯᐛᐤ ᒋᓴᒪᓂᑐᐛ ᑭᔭ ᐱᒋᔅᑲᑯᐤ ᒋᓴᒪᓂᑐᐛ᙮

1 ᒠᓐ 5:11

ᒪᐅᔭ ᒪᒃ ᐊ ᐃᑕᒋᒪᑦ ᒋᓴᒪᓂᑐᐤ ᐅᑯᓴ, ᒋᓴᒪᓂᑐᐤ ᔅᒋ ᒥᔨᑯᓄᐤ ᑲᒋᒡ ᐱᒪᑎᓯᐅᓂᔪᐤ, ᐊᓐ ᒪᒃ ᑲᒋᒡ ᐱᒪᑎᓯᐅᓐ ᐊᓐᑕ ᐅᑯᓴ ᐊ ᑕᔨᒋ ᐅᒋᐱᔪᐤ᙮

1 ᒠᓐ 5:13

ᒋ ᒥᓯᓇᐊᒪᑎᓇᐛᐤ ᒋᔨᐛᐤ ᑲ ᑕᑈᔭᔨᒪᒄ ᒋᓴᒪᓂᑐᐤ ᐅᑯᓴ ᒐᒋ ᒋᔅᒐᔨᑎᒪᒄ ᐊ ᐊᔭᔭᒄ ᑲᒋᒡ ᐱᒪᑎᓯᐅᓐ᙮