1 ᑯᕆᓐᑎᔭᓇ 9:12 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹² ᓇᒪᐎᔾ ᒐᒂᓐ ᒋᑦ ᐃᑕᔨᑕᓇᓄᐤ ᑯᑎᑭᒡ ᐊᐛᓐᒋ ᐊ ᐱᒪᒋᐊᑯᒡ᙮ ᐊᑐᐎᔅ ᒪᒃ ᐃᑕᔨᑕᑯᓐ ᓂᔭᓐ ᒐᒋ ᐱᒪᒋᐃᔭᒡ᙮ ᐊᑎ ᐊ ᐃᑕᔨᑕᒂᒡ ᒐᒋ ᓂᑐᑎᒪᑕᒡ ᒐᒋ ᐎᒋᐃᔨᐊᒡ ᓇᒪ ᐃᔭᐱᒡ ᒋ ᐅᒋ ᑯᒂᒋᒥᑎᓇᓐ᙮ ᐊᑯ ᒪᒃ ᓂᔭᓐ ᐸᒥᐱᔨᐃᓱᔭᒡ ᐛᔅ ᑕᐸ ᓇᓂᑐᐛᔨᑕᓇᓐ ᒐᒂᓐ ᒐᒋ ᒋᐱᔅᑲᑯᔭᒡ ᐊ ᐎ ᐛᐎᑎᒪᒡ ᒥᔽᒋᒧᐅᓐ᙮

1 ᑯᕆᓐᑎᔭᓇ 9:12 ပူးပေါင်းရင်းမြစ်များ

ᒐᓂᓯᔅ 24:56

ᒥᒄ ᒋ ᐃᑕᐤ, “ᐊᑲ ᑐᑐᐅᒄ ᒐᒋ ᑕᔭᓐ ᐅᑕ, ᒋ ᒥᔪᐱᔨᑕᐤ ᓂᑦ ᐊᑐᔅᒐᐅᓂᔪᐤ ᑎᐸᔨᒋᒐᓱᐤ, ᓇᐃᒥᒄ ᑲᐤ ᒐᒋ ᓂᑐᐛᐱᒥᒃ ᓄᒋᒪᒻ᙮”

ᓗᒃ 11:52

“ᒐᒂᓐ ᒋᑭ ᐃᓯ ᒥᒋᐱᔨᓇᐛᐤ ᒋᔨᐛᐤ ᑲ ᒋᔅᑯᑎᒪᒐᔭᒄ ᐎᓱᐛᐅᓐ᙮ ᒋ ᓂᑲᐛᐛᐅᒡ ᐊᐛᓐᒋ ᒐᒋ ᒋᔅᒐᔨᒪᒡ ᑭᔭ ᒐᒋ ᑕᑈᔭᔨᒪᒡ ᒋᓴᒪᓂᑐᐛ᙮ ᒋᔨᐛᐤ ᓇᒪ ᒋ ᐎ ᐱᒐᓇᐛᐤ ᒋᓴᒪᓂᑐᐤ ᐅᒋᓴᐅᒋᒪᐅᓂᒡ ᑭᔭ ᒋ ᓂᑲᐛᐛᐅᒡ ᐊᓐᒡ ᐊᐛᓐᒋ ᑲ ᐎ ᐱᒐᒡ᙮ ᒧᔭᒻ ᐊᐛᓐ ᐊ ᐅᑎᓇᐧᒃ ᐊᓂᔭ ᐊᐸᐃᑭᓂᔪᐤ ᒐ ᐊᑲ ᒋ ᐱᒐᔨᒋ ᐊᐛᔪᐛ ᐊᓐᑕ ᒋᓴᒪᓂᑐᐛ ᐊ ᐅᒋᒪᐎᔨᒋ ᐊᐅᒄ ᐊ ᐃᓯᓇᑯᓯᔭᒄ᙮”

ᐊᑈᔅᑕᓇᒡ 18:3

ᒂ ᐎᒋᒪᑦ ᑭᔭ ᒂ ᐎᒋ ᐊᐱᑎᓯᒪᑦ ᐊ ᐅᓯᑕᔨᒋ ᒥᒋᐛᐸ ᐛᔅ ᐊᐅᑯᓐ ᑲ ᐃᑕᐱᑎᓯᔨᒋ ᒧᔭᒻ ᐎᔾ ᑲ ᐃᑕᐱᑎᓯᑦ ᐊᓐᑕ ᒐᒋ ᐅᒋ ᐎᒋᐃᓱᑦ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 15:22

ᐅᒡ ᒪᒃ ᐊᒋ ᐛᐎᑎᒧᐅᒂᐤ ᒥᔽᒋᒧᐅᓂᔪᐤ ᐊᐅᒄ ᐅ ᒥᒐᑥᐤ ᑲ ᐃᑐᑕᑯᔭᓐ ᐛᒋ ᐊᑲ ᐅᒋ ᓇᐃᐱᔭᓐ ᒐᒋ ᓂᑐᐛᐱᒥᑎᑯᒡ᙮

1 ᑯᕆᓐᑎᔭᓇ 13:7

ᐊ ᓴᒋᐊᑦ ᐊᐛᓐ ᐊᐛᔪᐛ ᒧᔅ ᒥᔽᔨᑕᑯᓯᔅᑐᐛᐤ ᒥᒄ ᑕᓐ ᐊ ᐃᑎᒂᓂᔨ᙮ ᑭᔭ ᒧᔅ ᑕᑈᐅᒐᔨᒪᐤ ᐊᓂᔭᔪᐛ ᐊᐛᔪᐛ ᑭᔭ ᒧᔅ ᑎᑯᓂᔪᐤ ᐊ ᐃᓯ ᐊᔅᐸᔨᒧᑦ ᒐᒋ ᒥᔪᐱᔨᒋ᙮ ᓇᒪ ᐳᓂᐤ ᐊ ᒥᔽᔨᑕᑯᓯᔅᑐᐛᑦ ᐊᓂᔭᔪᐛ ᐊᐛᔪᐛ᙮

1 ᑯᕆᓐᑎᔭᓇ 6:7

ᐅ ᐊ ᐃᑎᔭᒄ ᓄᒂᓐ ᓇᔅᒡ ᐊ ᐅᓂᐱᔭᒄ᙮ ᐃᐛᒃ ᒋᐸ ᒥᔽᐤ ᒐᒋ ᐅᓂᑐᑕᑯᐅᔭᒄ ᒪᒃ ᒐᒋ ᒋᒧᑎᒪᑯᐅᔭᒄ, ᐃᔅᐱᔅ ᐎ ᒐᒋ ᐅᓂᑐᑐᐛᒄ ᒋᐧᑲᓂᓱᐛᐤ ᑎᐸᔅᑯᓂᒐᐅᒋᐛᐱᒡ ᐊ ᐱᑎᑲᐊᒄ᙮

1 ᑯᕆᓐᑎᔭᓇ 9:14

ᐊᐅᑯᓐ ᒪᒃ ᒧᔭᒻ ᑲ ᐃᔅᒋᔄᑦ ᐅᑎᐸᔨᒋᒐᐤ ᒐ ᐃᑐᑐᐛᑭᓄᔨᒋ ᐊᓂᔭᔪᐛ ᑲ ᐛᐎᑎᒥᔨᒋ ᒥᔽᒋᒧᐅᓂᔪᐤ᙮ ᒋ ᐃᑎᓱᐛᐤ ᒐᒋ ᒥᔭᑭᓄᔨᒋ ᒐᒂᔪᐤ ᒐᒋ ᐅᒋ ᐱᒪᒋᐃᓱᔨᒋ᙮

1 ᑯᕆᓐᑎᔭᓇ 9:15

ᐊᑎ ᒪᒃ ᐊ ᐃᓯᓇᒂᒡ ᒐᒋ ᑎᐸᐊᒪᑯᐅᔭᓐ ᓇᒪ ᒋ ᐅᒋ ᐃᑎᑎᓇᐛᐤ ᒐᒋ ᑎᐸᐊᒧᐅᔭᒄ᙮ ᑭᔭ ᒪᒃ ᓇᒪ ᒋ ᒥᓯᓇᐊᒪᑎᓇᐛᐤ ᒐᒋ ᐃᑎᑎᑯᒡ ᒐᒋ ᑎᐸᐊᒧᐅᔭᒄ᙮ ᓂᑦ ᐃᑕᔨᑕᓐ ᐃᐛᒃ ᒋᐸ ᒥᔽᐤ ᒐᒋ ᓂᐱᔭᓐ ᐃᔅᐱᔅ ᐎ ᒐᒋ ᐃᑎᑎᑯᒡ ᒐᒋ ᑎᐸᐊᒧᐅᔭᒄ᙮ ᐛᔅ ᓂ ᒥᔽᔨᑕᓐ ᐊ ᐛᐎᑎᒪᑎᑯᒡ ᒥᔽᒋᒧᐅᓐ ᐊᑲ ᑎᐸᐊᒧᐅᔭᒄ᙮

1 ᑯᕆᓐᑎᔭᓇ 9:16

ᓇᒪ ᒪᒃ ᐃᓯᓇᑯᓐ ᒐᒋ ᓴᒂᔨᒧᔭᓐ ᐊ ᑭᒐᔅᒋᒧᔭᓐ ᐊ ᐛᐎᑎᒪᓐ ᒥᔽᒋᒧᐅᓐ᙮ ᐛᔅ ᐊᐅᑯᓐ ᑲ ᐃᑎᓱᒥᑯᐅᔭᓐ ᒐᒋ ᐃᑎᔭᓐ᙮ ᒋᑭ ᑎᑯᓐ ᐛᔅ ᐊᓐ ᒐ ᐃᓯ ᐊᒂᒡ ᒥᒋᐱᔨᔭᓐ ᐊᑲ ᐛᐎᑎᒪᓇ ᒥᔽᒋᒧᐅᓐ᙮

1 ᑯᕆᓐᑎᔭᓇ 9:18

ᒐᒄ ᑎᐸᐊᒪᑯᓯᐅᓐ ᒪᒃ ᒪᔨᑯᐅᔭᓐ᙮ ᐊᓐ ᓴᒐᔾ ᐊ ᑭᒐᔅᒋᒧᔭᓐ ᐊ ᐛᐎᑎᒪᓐ ᒥᔽᒋᒧᐅᓐ ᐊᐅᑯᓐ ᐊᓐ ᓂᑎᐸᐊᒪᑯᓯᐅᓐ᙮ ᐊᑎ ᐊ ᐃᑕᔨᑕᒂᒡ ᒐᒋ ᓂᑐᑎᒪᑎᑯᒡ ᒐᒋ ᐱᒪᒋᐃᔭᒄ ᐊ ᐛᐎᑎᒪᓐ ᒥᔽᒋᒧᐅᓐ ᓇᒪ ᒋ ᑯᒂᒋᒥᑎᓇᐛᐤ ᒐᒋ ᐛᐎᒋᐃᔭᒄ᙮

1 ᑯᕆᓐᑎᔭᓇ 9:2

ᐊᑎ ᑯᑎᑭᒡ ᐊᑲ ᐊᑈᔅᑕᓐ ᐃᑕᔨᒥᑥᐛ, ᐊᑈᔅᑕᓐ ᒋᐸ ᐃᑕᔨᒥᓇᐛᐤ ᒋᔨᐛᐤ᙮ ᐊᓐ ᒪᒃ ᐊ ᐃᓯ ᐱᒪᑎᓯᔅᑐᐛᒄ ᐅᑎᐸᔨᒋᒐᐤ ᐊᑯᑕ ᐛᒋ ᓄᒂᒡ ᑕᑈ ᐊᑈᔅᑕᓐ ᐊ ᑕᔭᓐ᙮

2 ᑯᕆᓐᑎᔭᓇ 11:12

ᐃᔭᐱᒡ ᒧᔅ ᓂᑭ ᑐᑕᓐ ᑕᓐ ᐊ ᐃᑎᔭᓐ ᐊᓄᒡ ᒐ ᐊᑲ ᒋ ᑎᑯᓂᔨᒡ ᑕᓐ ᒐ ᐃᓯ ᓂᓇᐸᐅᒧᒡ ᐊᓐᒡ ᓂᑎᒥᒄ ᑲ ᐃᓯ ᒋᔅᑯᑎᒪᒐᒡ ᑭᔭ ᒐ ᐊᑲ ᒋ ᐃᔅᒋᔄᒡ ᒧᔭᒻ ᓂᔭᓐ ᐊ ᐃᑕᐱᑎᓱᒋᑦ ᐊ ᐃᑕᐱᑎᓯᒡ᙮

2 ᑯᕆᓐᑎᔭᓇ 11:20

ᒋ ᐱᔅᑎᓇᐛᐅᒡ ᐅᒡ ᓂᑎᒥᒄ ᑲ ᐃᓯ ᒋᔅᑯᑎᒪᒐᒡ ᒐᒋ ᐅᒋᒪᐧᑲᑕᑕᑯᒡ ᑭᔭ ᒐᒋ ᒥᓂᓱᓇᔭᐛᑐᑕᑕᑯᒡ᙮ ᒋ ᐱᔅᑎᓇᐛᐅᒡ ᒐᒋ ᑭᒐᒧᑎᒪᑕᑯᒡ ᑭᔭ ᒐᒋ ᒪᔭᔨᒥᑕᑯᒡ ᑭᔭ ᒐᒋ ᐅᑕᒥᒂᐅᑕᑯᒡ᙮

2 ᑯᕆᓐᑎᔭᓇ 2:12

ᑐᕈᐊᔅ ᐊ ᐃᓯᓂᐧᑲᑕᒡ ᐅᑕᓇᐤ ᐊᑯᑕ ᑲ ᐛᐎᑎᒧᒡ ᙭ ᐅᒥᔽᒋᒧᐅᓐ᙮ ᑲ ᐸᐱᔭᓐ ᒪᒃ ᐊᓐᑕ ᓇᔅᒡ ᒋ ᓂᔅᑐᓇᑯᓐ ᐅᑎᐸᔨᒋᒐᐤ ᓴᔅ ᐊᒋ ᐊᔭᔅᑯᔅᑕᑯᐱᓇ ᐊᓐᑕ ᒐᒋ ᑭᒐᔅᒋᒧᐅᒡ᙮

2 ᑯᕆᓐᑎᔭᓇ 6:3

ᓇᒪ ᓂᑐᐛᔨᑕᓇᓐ ᓂᑎᒥᒄ ᒐᒋ ᐃᓯ ᐱᔅᑎᓇᑭᓄᐅᒡ ᑕᓐ ᐊ ᐃᓯ ᐊᑐᔅᑯᐅᒋᒡ ᒋᓴᒪᓂᑐᐤ ᑭᔭ ᓱᒃ ᒂᒋᑕᔭᒡ ᒐ ᐊᑲ ᒋ ᐃᓯ ᐱᒪᑎᓯᔭᒡ ᒐᒋ ᒋᐱᔅᑲᑯᑦ ᐊᐛᓐ ᒐᒋ ᐱᒪᒋᐅᑦ᙮