1 ᑯᕆᓐᑎᔭᓇ 6:19 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁹ ᑭᔭ ᓇᒪᐎᔾ ᐊ ᒋ ᒋᔅᒐᔨᑕᓇᐛᐤ ᑲ ᐸᔭᒋᓯᑦ ᐊᒐᐧᒄ ᐊ ᐅᑦ ᐊᔭᒥᐊᐅᒋᐛᐱᑦ ᒋᔪᐛᐛ᙮ ᐊᔪᐅᒄ ᐅᔭ ᐊᒐᒂ ᒋᓴᒪᓂᑐᐤ ᑲ ᒥᔨᑕᒄ᙮ ᓇᒪ ᒋᔾ ᒋ ᑎᐱᔨᐛᐅᓯᓐ ᒋᔪᐤ᙮ ᒋᓴᒪᓂᑐᐤ ᑎᐱᔨᐛᐅᓯᐤ ᒋᔭᔪᐤ᙮

1 ᑯᕆᓐᑎᔭᓇ 6:19 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 100:3

ᒋᔅᒐᔨᒥᐧᒄ ᑎᐸᔨᒋᒐᓱᐤ ᐎᔾ ᐊᐅᒄ ᒐᓴᒪᓂᑐᐅᑦ: ᐎᔾ ᐊᐅᒄ ᑲ ᐅᓯᐃᑕᐧᒄ, ᓇᒪᔭᐤ ᒋᔭᓄᐤ; ᒋᑦ ᐅᑦ ᐃᔨᒥᑕᑯᓄᐤ ᑭᔭ ᒋᑦ ᐅᒪᔭᑕᓂᓯᒥᑕᑭᓄᐤ ᑲᓄᐛᔨᒥᑕᐧᒄ᙮

ᑎᐱᑦ ᐅᓂᑭᒧᐅᓇ 12:4

ᑲᒋ ᐃᔅᒋᔄᒡ, “ᓂᑕᔨᔨᓇᓇ ᓂᑭ ᐅᒋ ᓴᐧᑯᒋᐃᐛᓇᓐ; ᓂᑐᓂᓇᓇ ᓂ ᑎᐸᔨᑕᓇᓐ: ᐊᐛᓐ ᑕᐸᔨᒥᔨᒥᑦ ?”

ᒠᓐ 2:21

ᐎᔪᐤ ᐊᓂᔭ ᑲ ᐊᔨᒧᑕᐧᒃ ᒋᓴᔅ ᐊᓂᔭ ᑲ ᐃᔅᒋᔄᑦ ᒐᒋ ᐎᔨᑲᐳᐅᑕᑦ ᐊᔭᒥᐊᐅᒋᐛᐱᔪᐤ ᓂᔅᑐ ᒋᓯᑲᐛ ᐃᔅᐱᔅ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:9

ᒋᔨᐛᐤ ᒪᒃ ᐎ, ᓇᒪ ᒋ ᑎᐸᔨᒥᑯᓇᐛᐤ ᓂᑎᒥᒄ ᐊ ᐎ ᐃᓯ ᓇᐊᔨᑎᒥᐃᓱᔭᒄ᙮ ᑲ ᐸᔭᒋᓯᑦ ᐊᒐᐧᒄ ᐊᐅᒄ ᑕᐸᔨᒥᑕᒄ ᒧᔭᒻ ᑕᑈ ᐸᒋᔅᑲᑕᒂ᙮ ᐊᐛᓐ ᒪᒃ ᐊᑲ ᐸᒋᔅᑲᑯᒂ ᑲ ᐸᔭᒋᓯᔨᒋ ᐊᒐᒂ ᓇᒪ ᑎᐱᔨᐛᐅᓯᑐᑕᑯᐤ ᒋᓴᓴ᙮

1 ᑯᕆᓐᑎᔭᓇ 3:16

ᓇᒪ ᓇ ᐊ ᒋ ᒋᔅᒐᔨᑕᓇᐛᐤ ᒧᔭᒻ ᒋᓴᒪᓂᑐᐤ ᐅᒋᓴᐊᔭᒥᐊᐅᒋᐛᑉ ᐊ ᐃᓯᓇᑯᓯᔭᒄ, ᑭᔭ ᒋᓴᒪᓂᑐᐤ ᐅᑦ ᐊᒐᒂ ᐊ ᐱᒋᔅᑲᑎᑕᑯ᙮

1 ᑯᕆᓐᑎᔭᓇ 6:13

ᓂᑭ ᒋ ᐃᑎᒄ ᐊᐛᓐ, “ᒋ ᐅᓯᑕᑭᓄᐤ ᒥᒋᒻ ᒥᔅᑭᑕᒡ ᒐᒋ ᑎᒂᒡ᙮ ᐊᑯ ᒥᔅᑭᑎᔾ ᑲ ᐅᓯᑕᑭᓄᐅᒡ ᒐᒋ ᐅᑎᓂᒧᒥᑲᒡ ᒥᒋᒻ᙮” ᑕᑈ ᑭᑈ᙮ ᒥᒄ ᒪᒃ ᑕᐱᔅᑯᓐ ᐅᔭ ᒋᑭ ᓂᓱᐅᓇᒋᑕᐤ ᒋᓴᒪᓂᑐᐤ᙮ ᑕᐸ ᐎᓂᓱᐅᓂᒡ ᒋᐸ ᐅᒋ ᐃᓯ ᐊᐱᒋᑕᓇᓄᐤ ᒋᔭᓄᐛ᙮ ᐅᑎᐸᔨᒋᒐᐤ ᐊ ᐊᑐᔅᑯᐛᐧᒄ ᒋᐸ ᐃᑕᐱᒋᑕᓇᓄᐤ ᐛᔅ ᐎᔾ ᑎᐸᔨᑎᒻ ᒋᔭᓄᐛ᙮

1 ᑯᕆᓐᑎᔭᓇ 6:3

ᑭᔭ ᓇᒪᐎᔾ ᐊ ᒋ ᒋᔅᒐᔨᑕᓇᐛᐤ, ᐛᐛᒡ ᐊᓐᒋᓐᒡ ᒐ ᑎᐸᔅᑯᓇᐧᑯᒡ ? ᐊᑯ ᒪᒃ ᐊᓐ ᐛᐛᒡ ᐊᓐᒋᓐᒡ ᒐ ᑎᐸᔅᑯᓇᒂᓂᒋ ᐊᑐᐎᔅ ᒋᐸ ᒋᔅᒐᔨᑕᓇᓄᐤ ᑕᓐ ᒐ ᐃᓯ ᓇᐃᐱᔨᑕᔭᐧᒄ ᐊᓂᔭᔪᐛ ᒐᒂᔪᐛ ᐊᑎ ᐛᒋ ᒥᒋᐱᔨᓇᓄᐅᒡ ᒪᒂᒡ ᐅᑕ ᐊᔅᒋᒡ ᐊ ᐱᒪᑎᓯᔭᐧᒄ᙮

2 ᑯᕆᓐᑎᔭᓇ 5:15

ᒥᓯᐛ ᐊᐛᔪᐛ ᒋ ᓂᐱᔅᑎᒧᐛᐤ ᙭᙮ ᐊᑯᑕ ᒪᒃ ᐛᒋ ᐱᑯᓴᔨᑕᒂᒡ ᐊᓐᒡ ᑲ ᐱᒪᑎᓯᒡ ᐊᑲ ᐊᑯ ᒥᒄ ᐎᔨᐛᐤ ᐊ ᐃᓯ ᓇᐊᔨᑕᒡ ᒐᒋ ᐃᓯ ᐱᒪᑎᓯᒡ ᒪᒃ ᒐᒋ ᐱᒪᑎᓯᒡ ᒐᒋ ᓇᐊᔨᑎᒥᐊᒡ ᐊᓂᔭᔪᐛ ᑲ ᓂᐸᐊᑭᓄᔨᒋ ᑭᔭ ᑲ ᐅᓂᔅᑲᓇᑭᓄᔨᒋ ᓂᐳᐅᓂᒡ ᐅᒡ᙮

2 ᑯᕆᓐᑎᔭᓇ 6:16

ᓇᒪ ᒋᑭ ᒋ ᑎᔭᑭᓄᐎᒡ ᒥᓂᑐᐧᑲᓐᒡ ᐊᓐᑕ ᒋᓴᒪᓂᑐᐤ ᐅᑦ ᐊᔭᒥᐊᐅᒋᐛᐱᒡ᙮ ᒋᔭᓄᐤ ᐛᔅ ᒋᓴᒪᓂᑐᐤ ᑲ ᐱᒪᑎᓯᑦ ᐅᑦ ᐊᔭᒥᐊᐅᒋᐛᑉ᙮ ᒧᔭᒻ ᒋᓴᒪᓂᑐᐤ ᑲ ᐃᔅᒋᔄᑦ, “ᓂᑭ ᐱᒋᔅᑯᐛᐅᒡ ᑭᔭ ᒧᔅ ᓂᑭ ᐎᒐᐛᐅᒡ᙮ ᓂᔾ ᓂᑭ ᐅᒋᓴᒪᓂᑐᒥᑐᑕᑯᒡ᙮ ᐎᔨᐛᐤ ᓂᑭ ᐅᑦ ᐃᔨᒥᑐᑐᐛᐅᒡ᙮”

ᑕᐃᑕᔅ 2:14

ᒋ ᐱᔅᑕᔨᒥᑎᓱᐤ ᙭ ᒋᔭᓄᐤ ᐅᒋ, ᒐᒋ ᐛᐸᔨᑎᒪᑯᐅᔭᐧᒄ ᒥᓯᐛ ᒋᒥᒋᑥᐅᓄᐛ ᑭᔭ ᒐᒋ ᐸᔭᒋᐃᑕᐧᒄ ᒥᒄ ᐎᔾ ᒐᒋ ᐊᔭᐅᑕᐧᒄ᙮ ᒋ ᓂᑐᐛᔨᒥᑯᓄᐤ ᓱᒃ ᒐᒋ ᐃᑕᔨᑎᒥᐃᑯᐅᔭᐧᒄ ᑯᐃᔅᒄ ᒐᒋ ᐃᑎᔭᐧᒄ᙮

ᒋᒥᔅ ᐅᒥᓯᓇᐊᒪᒐᐅᓐ 4:5

ᒋᑦ ᐃᑕᔨᑕᓇᐛᐤ ᐊ ᐊᑲ ᑕᑈᒥᑲᒡ ᐊᓐ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᑲ ᐃᑎᔅᑕᒡ, “ᐊᓂᔭ ᑲ ᐸᔭᒋᓯᔨᒋ ᐊᒐᒂ ᒋᓴᒪᓂᑐᐤ ᑲ ᒥᔨᑕᐧᒄ ᒐᒋ ᑕᔨᒋ ᐊᓐᑕ ᒋᐱᒪᑎᓯᐅᓇᒡ ᐃᔭᒂ ᒋ ᓂᓇᑭᑐᐛᔨᒥᑭᓄᐤ ᒥᒄ ᒋᓴᒪᓂᑐᐛ ᐊ ᑕᔨᒋ ᒐᒋ ᐃᓯ ᐱᒪᑎᓯᔭᐧᒄ᙮” ᐊᓐ ᐊᒐᐧᒄ ᐅᑕᔨᑎᒻ ᐊᑲ ᐃᑐᑎᒪᐧᒄ ᑕᓐ ᐊ ᐃᓯ ᓂᑐᐛᔨᒥᑕᐧᒃ ᒋᓴᒪᓂᑐᐤ ᒐᒋ ᐃᑐᑎᒪᐧᒄ᙮

1 ᐱᑕᕐ 2:5

ᒧᔭᒻ ᐊ ᐱᒪᑎᓯᒡ ᐊᓯᓂᔨᒡ ᒋᑦ ᐃᓯᓇᑯᓯᓇᐛᐤ ᐊᓐᑕ ᐛᒋ ᐎᔨᑲᐳᐅᑕᑦ ᒋᓴᒪᓂᑐᐤ ᐎᒡ, ᐊᓐᑕ ᐊ ᑕᑦ ᑲ ᐸᔭᒋᓯᑦ ᐊᒐᐧᒄ᙮ ᐊᑯᑕ ᒪᒃ ᐊᓐᑕ ᒧᔭᒻ ᐊᔭᒥᐊᐅᒋᒪᐅᒡ ᐊ ᐸᔭᒋ ᐱᒪᑎᓯᒡ ᐊ ᐃᑕᐱᒋᔨᑕᒄ᙮ ᒥᓯᐛ ᑕᓐ ᒐ ᐃᓯ ᐱᔅᑎᓂᒧᐛᒂ ᒐᒂᓐ ᒋᓴᔅ ᙭ ᐊ ᑕᑦ, ᒋᑭ ᓇᐊᔨᑎᒥᐃᑯᐤ ᒋᓴᒪᓂᑐᐤ᙮