1 ᑯᕆᓐᑎᔭᓇ 6:15 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁵ ᓇᒪᐎᔾ ᐊ ᒋ ᒋᔅᒐᔨᑕᓇᐛᐤ ᐅᔭ ᒋᔭᓄᐛ ᙭ ᐊ ᑕᑦ ᐊ ᐃᓯ ᑎᐸᔨᑕᒂᒋ᙮ ᐊᐅᒄ ᐅ ᒐ ᐅᒋ ᐊᑲ ᓂᑕ ᐊᐱᒋᑕᔭᓐ ᓂᔪᐤ ᒐᒋ ᐎᐸᒥᒃ ᐃᔎᔅ ᑲ ᒋᓯᐧᑯᐛᑭᓄᐅᑦ ᐊ ᐎᐸᒪᑭᓄᐅᑦ᙮

1 ᑯᕆᓐᑎᔭᓇ 6:15 ပူးပေါင်းရင်းမြစ်များ

ᒐᓂᓯᔅ 44:17

ᒥᒄ ᒍᓯᑉ ᒂ ᐃᑕᑦ, “ᓇᒪ, ᓇᒪ ᓂᒋ ᑐᑕᓐ᙮ ᒥᒄ ᐊᓐ ᐊᐛᓐ ᑲ ᐊᔭᑦ ᒥᓂᒂᑭᓂᔪᐤ ᓂᑭ ᐅᑦ ᐊᑐᔅᒐᔭᑭᓂᒥᓐ᙮ ᒥᒄ ᒋᔨᐛᐤ ᒥᓯᐛ ᐊᑎᓯᔭᒄ ᒋᔭᒪᔨᐃᑎᒧᐅᓂᒡ ᒐ ᒋᐛᔭᒄ ᒐ ᓂᑐᐛᐱᒪᒄ ᒍᑕᐎᐛᐤ᙮”

ᓗᒃ 20:16

ᑭᑈ ᒐ ᒋᐛᑦ ᐊᓐ ᐅᒋᒪᐤ ᒐ ᓂᐸᐊᑦ ᐊᓂᔭᔪᐛ ᓇᐸᐛ ᐊᑯ ᒐ ᒥᔭᑦ ᑯᑎᑲ ᐊᐛᔪᐛ ᒐᒋ ᓂᓇᑭᑐᐛᐸᑎᒥᔨᒋ ᐊᓂᔭ ᓂᑕᐅᒋᑕᑭᓇ᙮” ᐃᔅᐱ ᒪᒃ ᐊᓐᒡ ᐃᔪᒡ ᐱᔭᑕᒡ ᐅᔭ, ᒋ ᐃᑕᐅᒡ, “ᑭᒪ ᐊᑲ ᓂᑕ ᒋᑦ ᐃᔅᐱᔨᒡ ᐅ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 12:5

ᐊᐅᑯᓐ ᒪᒃ ᑕᑈ ᐊ ᐃᓯᓇᑯᓯᔭᐧᒄ᙮ ᒥᓯᐛ ᒋ ᐸᐃᑯᓇᓄᐤ ᒋᓴᔅ ᙭ ᐊ ᑕᑦ᙮ ᐊᑎ ᒪᒃ ᐊ ᒥᒐᑎᔭᐧᒄ ᐃᔭᐱᒡ ᐸᐃᒄ ᒥᔪᐤ ᒋᑦ ᐃᓯᓇᑯᓯᓇᓄᐤ᙮ ᒥᓯᐛ ᒪᒃ ᐊ ᑎᓯᔭᐧᒄ ᐊᑯᑕ ᐊ ᐃᓯ ᐎᒋᐃᐛᔭᐧᒄ ᐅ ᒥᔪᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 3:31

ᐊᑯ ᐊ ᒪᒃ ᐎᔭᐱᓂᒪᐧᒄ ᐎᓱᐛᐅᓐ ᐊ ᐃᔅᒋᔄᔭᐧᒄ ᒥᒄ ᐊ ᑕᑈᔭᔨᒪᑦ ᐊᐛᓐ ᒋᓴᓴ ᐊ ᐅᒋ ᑯᐃᔅᑯᓇᑯᐊᑭᓄᐅᑦ ᒋᓴᒪᓂᑐᐛ ᐃᔅ ᐊ ᑕᔨᒋ ? ᓇᒪᐎᔾ ᑭᑈ᙮ ᐃᔭᐱᒡ ᒋ ᒋᐧᑲᔭᔨᑕᑯᑕᓇᓄᐤ ᑕᓐ ᒋᒋᐛ ᐊ ᐃᑕᐱᑎᒡ ᐊᓐ ᐎᓱᐛᐅᓐ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 3:6

ᓇᒪ ᒪᒃ ᐛᐛᒡ ᐅ ᒋᐸ ᐅᒋ ᐃᓯ ᐃᔨᒥᓇᓄᐤ᙮ ᐊᑲ ᐛᐛᓯᐊᒐ ᒋᓴᒪᓂᑐᐤ ᐊᐛᔪᐛ ᐊ ᒥᒋᑐᑎᒥᔨᒋ ᒋᑭ ᒋ ᐊ ᑎᐸᔅᑯᓂᒻ ᐅᔭ ᐊᔅᒋᔪᐤ ?

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 6:15

ᑕᓐ ᒪᒃ ᒐᒋ ᐃᑎᔭᐧᒄ᙮ ᐃᔭᐱᒡ ᐊ ᒋᑭ ᒥᒋᑐᑕᓇᓄᐤ ᐎ ᒥᒋᑐᑎᒪᒂ ᐊ ᒋᔅᒐᔨᑎᒪᐧᒄ ᐊᑲ ᐎᓱᐛᐅᓐ ᑎᐸᔨᒥᑯᔭᐧᒄ, ᐃᔭᐱᒡ ᒋᓴᒪᓂᑐᐤ ᐅᓱᐛᔨᒋᒐᐅᓂᒡ ᐊ ᐃᓯ ᑭᓄᐛᔨᑕᑯᓯᔭᐧᒄ᙮ ᓇᒪᐎᔾ ᑭᑈ ᐃᓯᓇᑯᓐ ᐅ ᒐᒋ ᐃᑎᔭᐧᒄ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 6:2

ᓇᒪ ᒋᑭ ᒋ ᐃᓯᓇᑯᓐ ᐅ᙮ ᓇᒪ ᐛᐛᒡ ᒋᐸ ᐅᒋ ᐃᓯ ᒪᒥᑐᓇᔨᑎᒻ ᐊᐛᓐ᙮ ᒋᐸ ᐃᓯ ᑭᓄᐛᐱᒥᓱᓇᓄᐤ ᒧᔭᒻ ᐊᒋ ᓂᐱᔅᑎᒪᐧᒄ ᑕᓐ ᑲ ᐃᓯ ᑎᐸᔨᒥᑯᔭᐧᒄ ᒥᒋᑥᐅᓐ᙮ ᓇᒪ ᐊᑯ ᒥᒋᑥᐅᓂᒡ ᒋᐸ ᐅᒋ ᐃᓯ ᐱᒪᑎᓯᓇᓄᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 7:13

ᐊᐅ ᐊ ᒪᒃ ᐊ ᐃᓯᓇᒂᒡ ᐊᓐ ᑲ ᒥᔽᓯᒡ ᓂᐳᐅᓂᒡ ᒐᒋ ᐃᑐᑕᐃᑯᔭᓐ ? ᓇᒪᐎᔾ ᑭᑈ᙮ ᒥᒋᑥᐅᓐ ᐊᐅᒄ ᓂᐳᐅᓂᒡ ᑲ ᐃᑐᑕᐃᑯᔭᓐ᙮ ᐊᓐ ᒐᒂᓐ ᐊ ᒥᔽᓯᒡ ᐊᑯᑕ ᑲ ᐅᒋᐱᔪᐅᒥᑲᒡ ᒥᒋᑥᐅᓐ ᓂᐳᐅᓂᒡ ᒐᒋ ᐃᑐᑕᐃᑯᔭᓐ᙮ ᐊᑯᑕ ᒪᒃ ᑲ ᐅᒋ ᓄᑯᑕᑭᓄᐅᒡ ᑕᓐ ᐊᓐ ᐊ ᐃᑕᔨᑕᒂᒡ ᒥᒋᑥᐅᓐ᙮ ᐎᓱᐛᐅᓂᒡ ᐊᑯᑕ ᑲ ᐅᒋ ᓄᑯᑕᑭᓄᐅᒡ ᑕᓐ ᐊᔅᐱᔅ ᐊᑐᐎᔅ ᒪᔭᑎᒡ ᒥᒋᑥᐅᓐ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 7:7

ᐊ ᐃᔅᒋᔄᑦ ᐊᓐ ᐊᐛᓐ, ᒪᔭᑎᓄᒐ ᐊᓐ ᐎᓱᐛᐅᓐ ᐛᔅ ᐊᑯᑕ ᑲ ᐅᒋᐱᔨᒡ ᐊᓐ ᒐᒋ ᒥᒋᑐᑎᒪᓐ᙮ ᒪᐅ ᓂᐸ ᐃᓯ ᐎᑎᒧᐊᐤ ᐅ ᐊᐛᓐ, ᑕᐸ ᓇᒪᔭᐤ ᐊᓐ ᐎᓱᐛᐅᓐ ᑲ ᐃᑐᑕᑯᔭᓐ ᒐᒋ ᒥᒋᑐᑎᒪᓐ᙮ ᒥᒄ ᒪᒃ ᐊᑯᑕ ᑲ ᐅᒋ ᒋᔅᒐᔨᑎᒪᓐ ᑕᑈ ᐊ ᒥᒋᑐᑎᒪᓐ ᐊᓐᑕ ᐅᒋ ᑕᓐ ᐊ ᐃᑎᓱᐛᒥᑲᒡ ᐊᓐ ᐎᓱᐛᐅᓐ᙮ ᒧᔭᒻ ᐊᓐᑕ ᐊᓐ ᑲ ᐃᑎᔅᑕᒡ, “ᐊᑲᐎᔾ ᒥᒋ ᒧᔅᑕᓇᒪᒐ,” ᐊᑯᑕ ᑲ ᐅᒋ ᒋᔅᒐᔨᑎᒪᓐ ᐊ ᒥᒋᑐᑎᒪᓐ ᐊ ᒥᒋ ᒧᔅᑕᓇᒪᒐᔭᓐ᙮

1 ᑯᕆᓐᑎᔭᓇ 11:3

ᒥᒄ ᒪᒃ ᒪᐅ ᓇᑐᐛᔨᒥᑎᑯᒡ ᒐᒋ ᒋᔅᒐᔨᑎᒪᒄ᙮ ᙭ ᓂᑲᓂᔅᑯᐛᐤ ᒥᓯᐛ ᓇᐸᐛ᙮ ᓇᐸᐤ ᒪᒃ ᐎᐛ ᓂᑲᓂᔅᑯᐛᐤ, ᐊᑯ ᒋᓴᒪᓂᑐᐤ ᙭ᑕ ᓂᑲᓂᔅᑯᐛᐤ᙮

1 ᑯᕆᓐᑎᔭᓇ 12:27

ᒋᔨᐛᐤ ᒪᒃ ᐊᐅᒄ ᙭ ᐎᔪᐤ᙮ ᒥᓯᐛ ᐸᐸᐃᒄ ᒋ ᐎᒋᐃᐛᓇᐛᐤ ᐊᓐᑕ ᐃᔅ᙮

1 ᑯᕆᓐᑎᔭᓇ 6:13

ᓂᑭ ᒋ ᐃᑎᒄ ᐊᐛᓐ, “ᒋ ᐅᓯᑕᑭᓄᐤ ᒥᒋᒻ ᒥᔅᑭᑕᒡ ᒐᒋ ᑎᒂᒡ᙮ ᐊᑯ ᒥᔅᑭᑎᔾ ᑲ ᐅᓯᑕᑭᓄᐅᒡ ᒐᒋ ᐅᑎᓂᒧᒥᑲᒡ ᒥᒋᒻ᙮” ᑕᑈ ᑭᑈ᙮ ᒥᒄ ᒪᒃ ᑕᐱᔅᑯᓐ ᐅᔭ ᒋᑭ ᓂᓱᐅᓇᒋᑕᐤ ᒋᓴᒪᓂᑐᐤ᙮ ᑕᐸ ᐎᓂᓱᐅᓂᒡ ᒋᐸ ᐅᒋ ᐃᓯ ᐊᐱᒋᑕᓇᓄᐤ ᒋᔭᓄᐛ᙮ ᐅᑎᐸᔨᒋᒐᐤ ᐊ ᐊᑐᔅᑯᐛᐧᒄ ᒋᐸ ᐃᑕᐱᒋᑕᓇᓄᐤ ᐛᔅ ᐎᔾ ᑎᐸᔨᑎᒻ ᒋᔭᓄᐛ᙮

1 ᑯᕆᓐᑎᔭᓇ 6:17

ᐊᑯ ᒪᒃ ᐊᐛᓐ ᐊ ᐎᒐᐛᑦ ᐅᑎᐸᔨᒋᒐᐛ, ᐸᐃᒄ ᐊᒐᐧᒄ ᐃᓯᓇᑯᓱᐅᒡ᙮

1 ᑯᕆᓐᑎᔭᓇ 6:19

ᑭᔭ ᓇᒪᐎᔾ ᐊ ᒋ ᒋᔅᒐᔨᑕᓇᐛᐤ ᑲ ᐸᔭᒋᓯᑦ ᐊᒐᐧᒄ ᐊ ᐅᑦ ᐊᔭᒥᐊᐅᒋᐛᐱᑦ ᒋᔪᐛᐛ᙮ ᐊᔪᐅᒄ ᐅᔭ ᐊᒐᒂ ᒋᓴᒪᓂᑐᐤ ᑲ ᒥᔨᑕᒄ᙮ ᓇᒪ ᒋᔾ ᒋ ᑎᐱᔨᐛᐅᓯᓐ ᒋᔪᐤ᙮ ᒋᓴᒪᓂᑐᐤ ᑎᐱᔨᐛᐅᓯᐤ ᒋᔭᔪᐤ᙮

1 ᑯᕆᓐᑎᔭᓇ 6:3

ᑭᔭ ᓇᒪᐎᔾ ᐊ ᒋ ᒋᔅᒐᔨᑕᓇᐛᐤ, ᐛᐛᒡ ᐊᓐᒋᓐᒡ ᒐ ᑎᐸᔅᑯᓇᐧᑯᒡ ? ᐊᑯ ᒪᒃ ᐊᓐ ᐛᐛᒡ ᐊᓐᒋᓐᒡ ᒐ ᑎᐸᔅᑯᓇᒂᓂᒋ ᐊᑐᐎᔅ ᒋᐸ ᒋᔅᒐᔨᑕᓇᓄᐤ ᑕᓐ ᒐ ᐃᓯ ᓇᐃᐱᔨᑕᔭᐧᒄ ᐊᓂᔭᔪᐛ ᒐᒂᔪᐛ ᐊᑎ ᐛᒋ ᒥᒋᐱᔨᓇᓄᐅᒡ ᒪᒂᒡ ᐅᑕ ᐊᔅᒋᒡ ᐊ ᐱᒪᑎᓯᔭᐧᒄ᙮

ᑲᓚᓯᔭᓇ 2:17

ᒪᒂᒡ ᑲ ᓇᓂᑐᐛᔨᑎᒪᒡ ᑕᓐᑕ ᒐᒋ ᐅᒋ ᓂᓇᐊᔨᑎᒥᐃᒋᑦ ᒋᓴᒪᓂᑐᐤ, ᐃᔅᐱ ᑎᔭᑈᔭᔨᒥᒋᒡ ᙭, ᐊᑯᑕ ᑲ ᐅᒋ ᒋᔅᒐᔨᑎᒪᒡ ᑭᔭ ᓂᔭᓐ ᐊ ᒥᒐᑎᓯᔭᒡ ᒧᔭᒻ ᑕᓐ ᐊ ᐃᓯ ᒥᒐᑎᓯᒡ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ᙮ ᙭ ᐊ ᒪᒃ ᐃᑐᑐᐛᐤ ᐊᐛᔪᐛ ᒐᒋ ᒥᒐᑎᓯᔨᒋ ? ᓇᒪᐎᔾ ᑭᑈ᙮

ᑲᓚᓯᔭᓇ 3:21

ᐃᔭᒡ ᐊ ᒪᒃ ᐃᔅᒋᔄᒥᑭᓇ ᐊᓂᔭ ᒍᐤ ᐊᔭᒥᐊᐅ ᐎᓱᐛᐅᓇ ᑕᓐ ᑲ ᐃᔅᒋᔄᑦ ᒋᓴᒪᓂᑐᐤ ᒐ ᐃᑎᑦ ᐃᔅᐱ ᑲ ᐎᑕᐧᒃ ᒐ ᐃᓯ ᓂᔅᑯᒧᑦ ? ᓇᒪ ᓇᔅᒡ ᐃᔭᒡ ᐃᔅᒋᔄᒥᑭᓇ᙮ ᒧᔭᒻ ᐊ ᐃᑕᑭᓄᐛᑯᐱᓇᓂ ᐎᓱᐛᐅᓇ ᐊᓐᑕ ᒐᒋ ᐅᒋ ᐱᒪᒋᐅᒡ ᐊᐛᓐᒋ ᑭᑈ ᐅᑯᐃᔅᑯᑕᑎᓯᐤ ᒋᐸ ᐃᓯ ᑭᓄᐛᐱᒪᐤ ᒋᓴᒪᓂᑐᐤ ᐊᓂᔭᔪᐛ ᐊᐛᔪᐛ ᑲ ᓂᓇᐊᔨᑎᒥᔨᒋ ᐊᓂᔭᔪᐛ ᐎᓱᐛᐅᓇ᙮

ᑲᓚᓯᔭᓇ 6:14

ᓂᔾ ᒪᒃ ᐎ ᒥᒄ ᐸᐃᒄ ᒐᒂᓐ ᓂ ᒪᒥᒋᐃᑯᓐ, ᐊᐅᒄ ᐅᑎᐸᔨᒋᒐᐤ ᒋᓴᔅ ᙭ ᐅᒋᐱᔭᑎᑯᒪ᙮ ᐛᔅ ᐊᓂᔭ ᑕᓐ ᑲ ᐃᑎᑦ ᙭ ᒋᐱᔭᑎᑯᒡ ᐊᐅᒄ ᐛᒋ ᐊᑲ ᐊᐱᑕᔨᑎᒥᐃᑯᔭᓐ ᐊᓂᔭᔪᐛ ᒐᒂᔪᐛ ᐊᓐᒡ ᐊᑲ ᑕᑈᐅᒐᔨᒪᒡ ᒋᓴᓴ ᓇᔅᒡ ᒋᒋᐛ ᑲ ᐃᑕᔨᑎᒥᐃᑯᒡ᙮ ᑭᔭ ᐎᔨᐛᐤ ᒪᒃ ᓇᒪ ᓇᔅᒡ ᐊᐱᑕᔨᑎᒧᒡ ᐊᓂᔭᔪᐛ ᒐᒂᔪᐛ ᓇᔅᒡ ᒋᒋᐛ ᑲ ᐃᑕᔨᑎᒥᐃᑯᒡ᙮

ᐃᐱᓯᔭᓇ 4:12

ᐊᐅᒄ ᐊᓐᒡ ᒪᒃ ᐅᒡ ᒋᐸ ᒋᔅᑯᑎᒧᐛᐅᒡ ᐊᓂᔭᔪᐛ ᑲ ᑕᑈᑎᒥᔨᒋ ᑕᓐ ᒐᒋ ᐃᓯ ᐊᑐᔅᑯᐛᔨᒋ ᒋᓴᒪᓂᑐᐛ ᑭᔭ ᒪᒧᐤ ᒐᒋ ᐊᑎ ᓱᒋᑲᐳᔨᒋ᙮

ᐃᐱᓯᔭᓇ 5:23

ᐛᔅ ᓇᐸᐤ ᒋ ᒥᔭᑭᓄᐤ ᒐᒋ ᓂᑲᓂᔅᑯᐛᑦ ᐎᐛ ᒧᔭᒻ ᙭ ᐊ ᐃᓯ ᓂᑲᓂᔅᑯᐛᑦ ᐅᒪᒧᐊᔭᒥᐊᐛ᙮ ᐎᔾ ᙭ ᐅᐱᒪᒋᐃᐛᒥᑐᑕᑯᐤ ᐅᒪᒧᐊᔭᒥᐊᐛ, ᐊᔪᐅᒄ ᒪᒃ ᐅᔭ ᐎᔪᐛ ᐊᓂᔭᔪᐛ ᐅᒪᒧᐊᔭᒥᐊᐛ᙮

ᐃᐱᓯᔭᓇ 5:30

ᒋᔭᓄᐤ ᑲ ᑕᑈᔭᔨᒪᐧᒄ ᒋᓴᒪᓂᑐᐤ ᒥᓯᐛ ᙭ ᐊ ᑕᑦ ᒋ ᐊᑎ ᐃᓯ ᒪᒧᓯᓇᓱᓇᓄᐤ᙮

ᑯᓚᓯᔭᓇ 2:19

ᓇᒪ ᐊᑯ ᐊᐱᑕᔨᒪᐅᒡ ᙭ᑕ, ᐊᓂᔭᔪᐛ ᓇᑲᓂᔅᑯᐛᔨᒋ ᒥᓯᐛ ᐅᒪᒧᐊᔭᒥᐊᐛ᙮ ᙭ ᒥᔅᑯᐊᐤ ᐅᒪᒧᐊᔭᒥᐊᐛ ᑭᔭ ᐊᓂᔭ ᒥᓯᐛ ᐊ ᐊᐱᒋᐊᑦ ᒐᒋ ᒪᒧᐤ ᐎᒐᐅᑐᔨᒋ, ᐊᔭᔅᒃ ᐊᑎ ᒥᒐᑎᔨᐛ, ᒋᓴᒪᓂᑐᐛ ᐊ ᐃᑐᑕᑯᔨᒋ ᒐᒋ ᐊᑎ ᒥᒐᑎᔨᒋ᙮