1 ᑯᕆᓐᑎᔭᓇ 5:11 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹¹ ᒥᓐ ᒪᒃ ᐸᐃᒂᐤ ᓂᑭ ᒥᓯᓇᐊᓐ ᒐᔅᑎᓇᔅ ᒐᒋ ᓂᔅᑐᑎᒪᒄ ᐊᐛᓐᒋ ᑲ ᐊᔨᒧᒥᒂᐤ᙮ ᐊᑲᐎᔾ ᐎᒐᐛᑭᓂᒄ ᐊᐛᓐ ᐊ ᐃᔅᒋᔄᑦ ᐊ ᑕᑈᔭᔨᒪᑦ ᒋᓴᓴ, ᒥᓯᐛ ᓂᓇᐧᑯᐤ ᐎᓂᓱᐅᓂᒡ ᐊ ᐃᓯ ᐱᒪᑎᓯᒂ, ᐊ ᒧᔅᑕᓂᒪᒐᒂ ᒐᒂᔪᐛ ᑭᔭ ᒪᒃ ᐊ ᐊᔭᒥᐊᔅᑐᐛᒂ ᒥᓂᑐᐧᑲᓇ ᑭᔭ ᒪᒃ ᓂᑎᒥᒄ ᐊ ᐃᑕᒋᒪᒂ ᐊᐛᔪᐛ, ᑭᔭ ᒪᒃ ᐊ ᐎᒋᐸᒂ ᑭᔭ ᒪᒃ ᐊ ᐎᒋ ᑲᒐᒧᑎᒂ᙮ ᐊᑲᐎᔾ ᐛᐛᒡ ᐎᒋᒥᒋᓱᒪᐧᒃ ᐊᐛᓐ ᐅᔭ ᐊ ᐃᑕᑎᓯᑦ᙮

1 ᑯᕆᓐᑎᔭᓇ 5:11 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 10:3

ᐛᔅ ᐅᒥᒋᑥᐤ ᒪᒪᑕᑯᒧᐤ ᐊ ᐃᓯ ᐱᑯᓴᔨᒧᑦ ᐅᑕᐃᒡ, ᑭᔭ ᒥᔽᒋᒪᐤ ᑲ ᐊᔅᐳᓂᓯᔨᒋ, ᐛᐧᑲᑕᐤ ᑎᐸᔨᒋᒐᓱᐛ᙮

ᑎᐱᑦ ᐅᓂᑭᒧᐅᓇ 101:5

ᐊᐛᓐ ᒋᒧᑦ ᑲ ᐸᒂᓄᒪᑦ ᐎᒡ ᐃᔪᐛ, ᐊᐅᒄ ᒐ ᒋᒥᓱᒄ: ᐊᓐ ᑲ ᐃᔅᐸᔨᒥᓱᑦ ᑭᔭ ᑲ ᒋᔅᑕᔨᒧᑦ ᐅᑕᐃᒡ, ᓇᒪᐎᔾ ᓂᑭ ᒥᔽᐱᒪᐤ᙮

ᒪᑎᔪᐤ 18:17

ᐊᑲ ᒪᒃ ᓂᑐᑕᒐ ᑭᔭ ᐊᑲ ᓂᑐᑐᐛᒐ ᐊᓂᔭ ᑯᑎᑲ ᐊᐛᔪᐛ, ᐊᑯ ᒐ ᐎᑎᒧᒥᑎ ᐅᒪᒧᐊᔭᒥᐊᐛ ᑕᓐ ᑲ ᐃᓯ ᒥᒋᑐᑕᔅᒃ, ᐊᑲ ᒪᒃ ᓂᑐᑐᐛᒐ ᑭᔭ ᐊᓂᔭ ᐅᒪᒧᐊᔭᒥᐊᐛ ᐊᑲ ᐎ ᒋᑭ ᐅᒋ ᐊᐱᑕᔨᒪᑭᓄᐤ ᒧᔭᒻ ᐊᐛᓐ ᐊᑲ ᒋᔅᒐᔨᒪᑦ ᒋᓴᒪᓂᑐᐛ ᐊᑯᓐ ᒐ ᐃᓯ ᑭᓄᐛᐱᒪᑭᓄᐅᑦ ᑭᔭ ᒪᒃ ᐊᐛᓐ ᐊᑲ ᐎ ᒂᔅᑲᑎᓯᑦ ᐊᑯᓐ ᒐ ᐃᓯ ᑭᓄᐛᐱᒪᑭᓄᐅᑦ᙮”

ᒪᑎᔪᐤ 23:25

“ᒐᒂᓐ ᒋᑭ ᐃᓯ ᒥᒋᐱᔨᓇᐛᐤ ᒋᔨᐛᐤ ᑲ ᒋᔅᑯᑎᒪᒐᔭᒄ ᐎᓱᐛᐅᓐ ᑭᔭ ᒋᔨᐛᐤ ᐸᕆᓯᔨᒡ ᑲ ᐊᔭᒥᐊᐧᑲᓱᔭᒄ᙮ ᓇᔅᒡ ᐃᔭᒂ ᐊ ᐃᓯ ᐸᔭᒋᑕᔭᒄ ᐅᔅᒡ ᒋᐎᔭᑭᓄᐛᐤ ᑭᔭ ᒋᒥᓂᒂᑭᓄᐛᐤ ᐊᑲ ᒪᒃ ᐸᔭᒋᑕᔭᒄ ᐊᓐᑕ ᐱᒡ᙮ ᐊᑯᓐ ᐊ ᐃᓯᓇᑯᐃᓱᔭᒄ ᑭᔭ ᒋᔨᐛᐤ ᓇᔅᒡ ᐊ ᒥᔪᓇᑯᐃᓱᔭᒄ ᐊᓐᑕ ᐅᔅᒡ ᒥᒄ ᒪᒃ ᐊᓐᑕ ᐱᒡ ᒋᑦ ᐃᑕᑎᓯᐅᓄᐛᒡ ᓇᒪ ᒋ ᒥᔪᓇᑯᓯᓇᐛᐤ ᐊ ᐃᔅᐱᔅ ᐛᓴ ᐛᔪᒋᐱᔨᒡ ᑕᓐ ᐛ ᐃᓯ ᓂᓇᑭᑐᐛᔨᒥᓱᔭᒄ᙮

ᓗᒃ 18:11

ᐊᑯ ᐊᓐ ᐸᕆᓯ ᒋ ᐸᐃᑯᑲᐳᐤ ᐊ ᐃᓯ ᐊᔭᒥᐊᑦ, ‘ᒋᓴᒪᓂᑐᐤ, ᒋ ᓂᓇᔅᑯᒥᑎᓐ ᐊᑲ ᐃᓯᓇᑯᓯᔭᓐ ᑯᑎᑭᒡ ᐊ ᐃᓯᓇᑯᓯᒡ ᐊᐛᓐᒋ ᑭᔭ ᐊᑲ ᒥᔅᑎᒪᐅᒋᑎᒪᓱᔭᓐ ᓱᓇᔭᐤ ᑭᔭ ᐊᑲ ᓂᑎᒥᒄ ᐃᑐᑐᐅᒂᐤ ᐊᐛᓐᒋ ᑭᔭ ᐊᑲ ᐱᓯᒂᑎᓯᔭᓐ᙮ ᒋ ᓂᓇᔅᑯᒥᑎᓐ ᐊᑲ ᐃᓯᓇᑯᓯᔭᓐ ᑕᓐ ᐊ ᐃᓯᓇᑯᓯᑦ ᐊᓇ ᑲ ᒪᒧᓴᒋᓇᐧᒃ ᒋᓴᐅᒋᒪᐤ ᓱᓇᔭᔪᐤ ᑲ ᐃᑕᐱᑎᓯᑦ᙮

ᓗᒃ 21:34

“ᐃᔭᒂᒥᒄ ᑕᓐ ᐊ ᐃᓯ ᐱᒪᑎᓯᔭᒄ᙮ ᐊᑲᐎᔾ ᐱᔅᑎᓂᑎᓱᒄ ᐱᓯᒄ ᒐᒋ ᒥᓂᔭᒄ ᒪᒃ ᐱᓯᒄ ᒐᒋ ᒥᒋᓱᔭᒄ ᒪᒃ ᐱᓯᒄ ᒐᒋ ᐊᔨᒪᔨᑎᒪᒄ ᑕᓐ ᐊ ᐃᓯ ᐱᒪᑎᓯᓇᓄᐅᒡ, ᐛᔅ ᐊᔪᐅᒄ ᐊ ᐃᑎᒡ ᑯᑎᑭᒡ ᐊᐛᓐᒋ᙮ ᐊᓐ ᑎᔭᒂ ᒋᑭ ᒋ ᐃᓯᓇᑯᓐ ᓯᔅᒋᑯᒡ ᒐᒋ ᑎᑯᓯᓂᔭᓐ ᒪᒂᒡ ᐊᓐᑕ ᐊᑲ ᐃᑕᔨᑎᒪᒄ᙮ ᐊᓐ ᒪᒃ ᓯᔅᒋᑯᒡ ᑎᑯᓯᓂᔭᓇ, ᒧᔭᒻ ᑕᐱᒂᓐ ᐊᑲ ᐸᓱᐛᔨᑕᐧᒃ ᐊᐛᓯᔅ ᒐ ᑕᐱᒂᓱᑦ ᐊᐅᑯᓐ ᒐ ᐃᑕᔨᑕᒂᒡ᙮

ᐊᑈᔅᑕᓇᒡ 1:15

ᐸᐃᒂᐤ ᒪᒃ ᐊ ᒪᒧᐎᒡ ᐊᓐᒡ ᑲ ᑕᑈᑕᒡ, ᐱᑕᕐ ᒋ ᐱᓯᑯᐤ ᐊᑯ ᒂ ᐃᔨᒪᐊᑦ ᐊᓂᔭᔪᐛ ᑲ ᐸᒋ ᒪᒧᐎᔨᒋ᙮ ᓴᓯᑲᓐ ᐸᐃᑯ ᒥᑕᓯᒥᑎᓄᐤ ᒥᓐ ᓂᓱᔪᐤ ᒋ ᑕᑎᓯᒐᓂᒋ᙮

ᐊᑈᔅᑕᓇᒡ 9:17

ᐊᓇᓇᔭᔅ ᒪᒃ ᒋ ᐃᑐᑕᐤ ᐊᓐᑕ, ᒂ ᐱᒐᑦ ᐊᓂᔭ ᒥᒋᐛᐱᔪᐤ ᐊᓐᑕ ᑲ ᐃᑎᓴᐛᑭᓄᐅᑦ᙮ ᐃᔅᐱ ᒪᒃ ᐎᔭᐱᒪᑦ ᐊᓂᔭ ᓴᓚ, ᐊᑯ ᒂ ᑕᒋᓇᑦ ᐊ ᐃᑕᑦ, “ᓂᐧᑲᓂᔅ ᓴᓪ, ᐅᑎᐸᔨᒋᒐᐤ ᒋᓴᔅ ᓂᒋ ᐸᒋ ᐃᑎᓴᐅᒄ, ᐊᓐ ᑲ ᓂᒋᔅᑲᔅᒃ ᓇᑕ ᒪᔅᑭᓇᒡ ᒪᒂᒡ ᑲ ᐸᒋ ᐃᑐᑕᔨᓐ ᐅᑕ᙮ ᓂᒋ ᐸᒋ ᐃᑎᓴᐅᒄ ᒥᓐ ᑲᐤ ᒐᒋ ᐛᐸᑎᒥᓐ, ᑭᔭ ᒐᒋ ᓴᑭᔅᒋᓇᔅᑲᔅᒃ ᑲ ᐸᔭᒋᓯᑦ ᐊᒐᐧᒄ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 13:13

ᑯᐃᔅᒄ ᐃᓯ ᐱᒪᑎᓯᑕᐤ ᒐ ᓄᒂᒡ ᒪᒃ ᑕᑈ ᐛᔅᑕᐅᓂᒡ ᐊ ᐃᓯ ᐱᒪᑎᓯᔭᐧᒄ᙮ ᐊᑲᐎᔾ ᒋᑭ ᐅᒋ ᐎᒋᐃᐛᓇᓄᐤ ᐊ ᒥᔪᐧᑭᓱᓇᓄᐅᒡ, ᐊ ᐎᓂᓱᐤ ᐃᑎᓇᓄᐅᒡ ᑭᔭ ᐊᑲᐎᔾ ᐎᒋᐃᐛᑕᐤ ᐊᓐᑕ ᐊ ᒥᓇᓄᐅᒡ᙮ ᐊᑲᐎᔾ ᓂᓇᐧᑯᐤ ᒋᑭ ᐅᒋ ᐃᓯ ᐎᓂᓱᐤ ᐱᒪᑎᓯᓇᓄᐤ᙮ ᐊᑲᐎᔾ ᒋᑭ ᐅᒋ ᒋᐧᑲᒥᑐᓇᓄᐤ᙮ ᐊᑲᐎᔾ ᑭᔭ ᒋᑭ ᐅᒋ ᐅᑕᔨᒥᑐᓇᓄᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 16:17

ᓂᐧᑲᓂᓯᑐᒄ, ᒋ ᐎ ᐃᔭᒂᒥᑎᓇᐛᐤ᙮ ᐃᔭᒂᒥᔅᑐᐛᐧᑯᒡ ᐊᓐᒡ ᑲ ᐃᑐᑐᐛᒡ ᐊᐛᔪᐛ ᒐᒋ ᑕᑎᐸᓂᐱᔨᒋ ᑭᔭ ᐃᔭᒡ ᒐᒋ ᐃᑕᔨᒥᑐᔨᒋ ᑭᔭ ᑲ ᓂᓱᐅᓇᒋᑕᐛᒡ ᑕᓐ ᐊ ᐃᓯ ᑕᑈᑎᒥᔨᒋ᙮ ᐃᔭᒡ ᐃᓯ ᒋᔅᑯᑎᒪᒐᐅᒡ ᑕᓐ ᓴᔅ ᑲ ᐃᓯ ᒋᔅᑯᑎᒪᑯᐛᒄ᙮ ᐊᑲᐎᔾ ᐊᐱᑕᔨᒪᐧᑯᒡ ᐅᒡ᙮

1 ᑯᕆᓐᑎᔭᓇ 10:14

ᐊᑯ ᒪᒃ ᓂᐎᒐᐛᑭᓂᑎᒄ ᑲ ᓴᒋᐃᑎᑯᒡ, ᐊᑲᐎᔾ ᓂᑕ ᐊᔭᒥᐊᔅᑐᐛᐧᑯᒡ ᒥᓂᑐᐧᑲᓐᒡ᙮

1 ᑯᕆᓐᑎᔭᓇ 11:21

ᐃᔅᐱ ᐊ ᒋᒋ ᒥᒋᓱᔭᒄ, ᒥᒄ ᒋ ᐊᑎ ᐃᓯ ᒋᒋᒋᐳᓇᐛᐤ ᐊᑲ ᐛᐛᒡ ᐊᓱᐛᐱᒪᑯᒡ ᑯᑎᑭᒡ᙮ ᐊᑯ ᒪᒃ ᐱᔅᒐ ᐊᓐᒡ ᑯᑎᑭᒡ ᓇᒪ ᑎᑯᓂᔪᐤ ᒐᒂᔪᐤ ᒐ ᒥᒋᒡ᙮ ᐊᑯ ᒪᒃ ᐊ ᑕᒡ ᐊᓐᒡ ᐊ ᓯᐛᔨᒡ ᑭᔭ ᑕᐅᒡ ᐊᓐᒡ ᑲ ᒥᔪᐧᑭᓱᒡ᙮

1 ᑯᕆᓐᑎᔭᓇ 5:13

ᒋᓴᒪᓂᑐᐤ ᐊᐅᒄ ᑕᐸᔅᑯᓇᑦ ᐊᓂᔭᔪᐛ ᐊᑲ ᑕᑈᑎᒥᔨᒋ᙮ ᐃᑎᔅᑕᐤ ᐊᓐᑕ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, “ᐃᒐᓇᐧᒄ ᐊᓐ ᓇᐸᐤ ᑲ ᒥᒐᑎᓯᑦ ᐊᓐᑕ ᐊ ᑕᔭᒄ ᐊ ᑕᑦ᙮”

1 ᑯᕆᓐᑎᔭᓇ 6:10

ᑭᔭ ᒪᒃ ᐊᓐᒡ ᑲᓂᑕᐅᒋᒧᑎᒡ, ᑭᔭ ᒪᒃ ᐊᓐᒡ ᒧᔅ ᑲ ᒧᔅᑕᓇᔨᑕᒡ ᒐᒂᔪᐛ, ᑭᔭ ᒪᒃ ᐊᓐᒡ ᑲ ᐎᒋᐸᒡ, ᑭᔭ ᒪᒃ ᐊᓐᒡ ᓂᑎᒥᒄ ᑲ ᐃᑕᒋᒪᒡ ᑯᑎᑲ ᐊᐛᔪᐛ, ᑭᔭ ᒪᒃ ᑲᒋᒧᑎᒡ, ᓇᒪ ᐛᒋ ᐸᐃᒄ ᐅᒡ ᒋᑭ ᐅᒋ ᐊᓂᔅᒐ ᐊᔭᐅᒡ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ᙮

1 ᑯᕆᓐᑎᔭᓇ 6:6

ᐃᔭᐱᒡ ᑎᐸᔅᑯᓂᒐᐅᒋᐛᐱᒡ ᐊ ᐃᑐᑕᐊᑦ ᐊᐛᓐ ᐎᐧᑲᓂᓴ ᒐᒋ ᑎᐸᔅᑯᓂᑯᔨᒋ ᐊᑲ ᑕᑈᑎᒥᔨᒋ ᑎᐸᔅᑯᓂᒐᓱᐛ᙮

1 ᑯᕆᓐᑎᔭᓇ 6:9

ᐊᑲᐎᔾ ᐎᔭᓯᐃᓱᒄ᙮ ᒋ ᒋᔅᒐᔨᑕᓇᐛᒐ ᐊᓐᒡ ᐊᐛᓐᒋ ᑲ ᒥᒐᑎᓯᒡ ᓇᒪ ᒋᑭ ᐅᒋ ᒥᔨᑯᐅᒡ ᒋᓴᒪᓂᑐᐛ ᐊᓐᑕ ᐅᒋᓴᐅᒋᒪᐅᓂᔨᒡ ᒐᒋ ᑕᒡ᙮ ᒪᒃ ᐊᓐᒡ ᐊᐛᓐᒋ ᒥᓯᐛ ᐎᓂᓱᐅᓂᒡ ᑲ ᐃᓯ ᐱᒪᑎᓯᒡ, ᑭᔭ ᒪᒃ ᐊᓐᒡ ᑲ ᐊᔭᒥᐊᔅᑐᐛᒡ ᒥᓂᑐᐧᑲᓇ, ᑭᔭ ᒪᒃ ᐊᓐᒡ ᑲ ᐅᓂᑐᑐᐛᒡ ᐅᐎᒋᒪᑭᓄᐛᐛ ᑭᔭ ᒪᒃ ᐊᓐᒡ ᑲ ᒋᓯᐧᑯᐛᑭᓄᐎᒡ ᓇᐸᐅᒡ ᐊ ᐎᐸᒪᑭᓄᐎᒡ ᑭᔭ ᒪᒃ ᐊᓐᒡ ᓇᐸᐅᒡ ᑲ ᐎᐸᒥᑐᒡ, ᑭᔭ ᐃᔎᐅᒡ ᑲ ᐎᐸᒥᑐᒡ᙮

1 ᑯᕆᓐᑎᔭᓇ 7:12

ᐊᑯ ᒪᒃ ᑯᑎᑭᒡ ᐊᐛᓐᒋ ᒐ ᐃᔨᒥᐃᒂᐤ᙮ ᐅ ᒪᒃ ᒐ ᐃᓯ ᐊᔨᒧᑎᒪᓐ ᐊᓄᒡ ᓇᒪᐎᔾ ᐅᑎᐸᔨᒋᒐᐤ ᑲ ᐃᑎᓱᐛᑦ᙮ ᓂᔾ ᐅ ᐊ ᐃᑕᔨᑎᒪᓐ ᒋᐸ ᐃᑎᑎᓇᐛᐤ᙮ ᐊ ᑕᒂ ᒋᐧᑲᓂᓯᓄᐤ ᐊ ᑕᑈᑕᐧᒃ ᐎᐛ ᒪᒃ ᐊᑲ ᑕᑈᑎᒥᔨᒋ ᓇᒪ ᒋᐸ ᐅᒋ ᐛᐱᓇᐤ ᐊᓂᔭ ᐃᔭᐱᒡ ᐛ ᐎᒋᒥᑯᒂ᙮

1 ᑯᕆᓐᑎᔭᓇ 7:15

ᐛ ᐛᐱᓇᒂ ᒪᒃ ᐎᒋᒪᑭᓇ ᐊᓐ ᐊᐛᓐ ᐊᑲ ᑕᑈᑕᐧᒃ ᐊᐅᑯᓐ ᑭᑈ ᒐ ᐃᓯᓇᑯᓂᔨᒡ᙮ ᐅ ᒪᒃ ᐃᔅᐱᔨᒐ, ᐊᓐ ᒋᐧᑲᓂᓯᓄᐤ ᑲ ᑕᑈᑕᐧᒃ ᒋᑭ ᒋ ᐱᔅᑎᓇᐤ ᒐᒋ ᓂᑭᑎᑯᑦ ᐊᓂᔭᔪᐛ ᐎᒋᒪᑭᓇ᙮ ᐛᔅ ᒋᓴᒪᓂᑐᐤ ᒋ ᓂᑐᐛᔨᒥᑯᓄᐤ ᒋᔭᒪᔨᑎᒧᐅᓂᒡ ᒐᒋ ᐃᓯ ᐱᒪᑎᓯᔭᐧᒄ᙮

1 ᑯᕆᓐᑎᔭᓇ 8:11

ᐛᔅ ᒥᒄ ᐃᓯ ᐃᑐᑎᒥᓇ ᒋᔾ ᑕᓐ ᐊ ᐃᓯ ᒋᔅᒐᔨᑎᒥᓐ ᒐᒂᓐ ᐊᑲ ᒪᒃ ᒪᒥᑐᓇᔨᒥᑕ ᐊᓐ ᒋᐧᑲᓂᔅ ᐊᑲ ᐊᔨᒋᑲᐳᐅᑦ, ᒋᑭ ᒋ ᐃᓯᓇᑯᓐ ᒐᒋ ᓂᓱᐅᓇᒋᑕᐅᑦ ᐅᑕᑈᑎᒧᐅᓐ᙮ ᒋᔅᒋᓯ ᒪ ᑭᔭ ᐎᔾ ᐊᒋ ᓂᐱᔅᑎᒪᑯᑦ ᙭ᑕ᙮

ᑲᓚᓯᔭᓇ 2:12

ᒪᐅ ᑲ ᐃᑎᑦ᙮ ᑲ ᑎᑯᓯᐧᒃ ᐊᓐᑕ ᐊᓐᑎᔭᑭᒡ ᓇᒪᐎᔾ ᒐᒂᔪᐤ ᐅᒋ ᐃᑕᔨᑎᒻ ᐊ ᐎᒋᒥᒋᓱᒪᑦ ᒪᓐ ᐊᓂᔭᔪᐛ ᐊᑲ ᒍᐤ ᐃᑎᔅᑲᓇᓯᔨᒋ ᑲ ᑕᑈᑎᒥᔨᒋ᙮ ᒐᒃ ᒋᒥᔅ ᒋ ᐸᒋ ᐃᑎᓴᐛᐤ ᐱᔅᒐ ᒍᐤ ᐃᔪᐛ ᑲ ᑕᑈᑎᒥᔨᒋ᙮ ᓇᔅᒡ ᐃᔭᒂ ᒋ ᐃᑕᔨᑎᒥᐃᑯᐅᒡ ᒍᐤ ᐊᔭᒥᐊᐅ ᐎᓱᐛᐅᓇ ᐅᒡ᙮ ᒥᓯᐛ ᐊᐛᔪᐛ ᑲ ᑕᑈᑎᒥᔨᒋ ᒋ ᐃᑕᐅᒡ ᒐᒋ ᒋᔅᒋᓄᐛᒋᔄᑭᓄᔨᒋ᙮ ᐱᑕᕐ ᒪᒃ ᒋ ᑯᔅᑕᐤ ᐅᔭ ᒍᐤ ᐃᔪᐛ ᐊᑯ ᓇᒪ ᒥᓐ ᐅᒋ ᐎᒋᒥᒋᓱᒪᐤ ᐊᓂᔭᔪᐛ ᐊᑲ ᒍᐤ ᐃᑎᔅᑲᓇᓯᔨᒋ᙮

ᐃᐱᓯᔭᓇ 5:18

ᐊᑲᐎᔾ ᒋᔎᐸᒄ ᐊ ᒥᓂᔭᒄ ᓱᒥᓇᐳᔾ, ᐛᔅ ᐊᐅᒄ ᒐ ᓂᓱᐅᓇᒋᐃᑯᔭᒄ᙮ ᐃᔭᐱᒡ ᐱᔅᑎᓇᐧᒄ ᐸᔭᒋ ᐊᒐᐧᒄ ᒐᒋ ᓴᑭᔅᒋᓇᔅᑲᑕᒄ᙮

ᐃᐱᓯᔭᓇ 5:5

ᒋ ᓂᑐᐛᔨᒥᑎᓇᐛᐤ ᒐᒋ ᒋᔅᒐᔨᑎᒪᒄ ᐊᓐ ᐊᐛᓐ ᐎᓂᓱᐅᓂᒡ ᑲ ᐃᓯ ᐱᒪᑎᓯᑦ ᑭᔭ ᓂᑎᒥᒄ ᑲ ᐊᐃᑎᑦ ᑭᔭ ᒧᔅ ᑲ ᒧᔅᑕᓇᔨᑕᐧᒃ ᒐᒂᔪᐤ ᒐᒋ ᐊᔭᑦ ᓇᒪ ᒋᑭ ᒋ ᐎᒋᐃᐛᐤ ᒋᓴᒪᓂᑐᐛ ᑭᔭ ᙭ᑕ ᐅᒋᒪᐅᓂᔨᒡ᙮ ᐊᓐ ᐊᐛᓐ ᒧᔅ ᑲ ᒧᔅᑕᓇᔨᑕᐧᒃ ᒧᔭᒻ ᒥᓂᑐᐧᑲᓇ ᐊ ᐊᔭᒥᐊᔅᑐᐛᑦ ᐃᓯᓇᑯᓂᔪᐤ ᐅᔭ ᐊ ᐃᑎᑦ᙮

ᑯᓚᓯᔭᓇ 3:5

ᓂᓱᐅᓇᒋᑕᒄ ᒥᒐᑎᓯᐅᓐ ᑕᓐ ᐊ ᐃᓯ ᑎᒂᒡ ᒋᐱᒪᑎᓯᐅᓄᐛᒡ᙮ ᓂᓱᐅᓇᒋᑕᒄ ᐎᓂᓱᐤ ᐱᒪᑎᓯᐅᓐ, ᐎᓂᓱᐤ ᒪᒥᑐᓇᔨᑎᒧᐅᓐ, ᒥᒋ ᓂᑐᐛᔨᑎᒧᐅᓐ, ᑭᔭ ᐊᓐ ᐊ ᒧᔅᑕᓇᔨᑎᒪᒄ ᒐᒋ ᐛᔪᐅᒡ ᐊᔭᔭᒄ ᒐᒂᓐ ᐅᑕ ᐊᔅᒋᒡ᙮ ᐊᓐ ᐊᐛᓐ ᒧᔅ ᑲ ᒧᔅᑕᓇᔨᑕᐧᒃ ᒐᒋ ᐛᔪᐅᒡ ᐊᔭᑦ ᒐᒂᔪᐛ ᒧᔭᒻ ᐊ ᐅᒥᓂᑐᐧᑲᓂᒥᑦ ᐊᓂᔭ ᒐᒂᔪᐛ ᐃᓯᓇᑯᓂᔪᐤ᙮

2 ᑕᓴᓗᓂᔭᓇ 3:14

ᐊᐛᓐ ᐊᑕᒂ ᐊᓐᑕ ᐊ ᑕᔭᒄ ᐊᑲ ᐎ ᓂᓇᐃᑕᐧᒃ ᑕᓐ ᑲ ᐃᓯ ᒥᓯᓇᐊᒪᑕᒡ ᒋᔅᒋᓯᑐᑐᐛᐧᒄ᙮ ᐊᑲᐎᔾ ᐊᐱᑕᔨᒪᐧᒄ ᑭᔭ ᒐ ᓯᓴᒂᔨᒧᑦ᙮

2 ᑕᓴᓗᓂᔭᓇ 3:6

ᓂᐧᑲᓂᓯᑐᒄ, ᒋᑦ ᐃᑎᓱᒥᑎᓇᓐ ᐅᑎᐸᔨᒋᒐᐤ ᒋᓴᔅ ᙭ ᐅᑦ ᐃᓯᓂᐧᑲᓱᐅᓐ ᐅᒋ, ᐊᑲᐎᔾ ᐊᐱᑕᔨᒪᐧᑯᒡ ᐊᓐᒡ ᐊᐛᓐᒋ ᐊᑲ ᓇᔅᒡ ᒐᒂᓂᒡ ᐃᑕᐱᑎᓯᒡ ᑭᔭ ᐊᑲ ᐊᐱᑕᔨᑕᒡ ᑕᓐ ᑲ ᐃᓯ ᒋᔅᑯᑎᒪᑕᒡ᙮

1 ᑎᒧᑎ 3:3

ᐊᑯ ᒪᒃ ᓇᒪᐎᔾ ᑲ ᐎᒋᐸᑦ ᐊᐛᓐ ᒋᐸ ᐅᒋ ᐃᑕᔨᑕᑯᓱᐤ᙮ ᓇᒪ ᑭᔭ ᒋᐸ ᐅᒋ ᐅᐛᓴᒪᔨᑕᑯᓱᐤ ᐊᑎ ᐊᑲ ᐛ ᓂᓇᐊᔨᑎᒥᐃᑯᒋ ᒐᒂᔪᐤ, ᒋᐸ ᒋᔭᒪᔨᑕᑯᓱᐤ᙮ ᓇᒪ ᑭᔭ ᒋᐸ ᐅᒋ ᐛᒋᐱᔪᐤ ᒐᒋ ᒥᒋᐱᔭᐊᑦ ᐊᐛᔪᐛ, ᑭᔭ ᓇᒪ ᒋᐸ ᐅᒋ ᐃᑕᔨᑎᒥᐃᑯᐤ ᒐᒋ ᒥᔅᑎ ᐛᔪᐅᒡ ᐊᔭᑦ ᓱᓇᔭᔪᐤ᙮

1 ᑎᒧᑎ 6:5

ᐅᒡ ᒪᒃ ᑲ ᒪᒥᒋᐱᔨᑕᒡ ᓇᒪ ᒋᔅᒐᔨᑎᒧᒡ ᑕᑈᐅᓂᔪᐤ ᑭᔭ ᓇᒪ ᑯᐃᔅᒄ ᒋ ᐃᓯ ᓂᔅᑐᑎᒧᒡ ᑕᑈᐅᓂᔪᐤ᙮ ᑭᔭ ᐃᑕᔨᑎᒧᒡ ᐊ ᒋᓴᒪᓂᑐᐛᑎᓯᓇᓄᐎᒡ ᐊᑯᑕ ᒐᒋ ᐅᒋ ᐅᑎᓯᒡ᙮

2 ᒠᓐ 1:10

ᓂᑐᐛᐱᒥᔅᒐ ᒪᒃ ᐊᐛᓐ ᐊᑲ ᒋᔅᑯᑎᒪᒐᑦ ᑕᓐ ᐊ ᐃᓯ ᒋᔅᑯᑎᒪᒐᔨᒋ ᙭ᑕ, ᐊᑲᐎᔾ ᐱᑎᑲᐃ ᒋᒋᒡ᙮ ᐊᑲᐎᔾ ᐛᐛᒡ ᒋᑭ ᐅᒋ ᐛᒋᔭᒪᐤ᙮

ᒋᔅᒐᔨᑕᑯᑕᒐᐅᓐ 2:14

ᒋ ᐎ ᐊᔨᒧᑎᒪᑎᓇᐛᐤ ᒐᒂᔪᐛ ᐊᑲ ᒪᔽᔨᑎᒥᐃᑯᔭᓐ᙮ ᑕᐅᒡ ᐊᐛᓐᒋ ᐊᓐᑕ ᐊ ᑕᔭᒄ ᐊ ᓂᑐᑐᐛᒡ ᑕᓐ ᐊ ᐃᓯ ᒋᔅᑯᑎᒪᒐᔨᒋ ᐸᓚᒪ᙮ ᐅ ᐸᓚᒻ ᒋ ᒋᔅᑯᑎᒧᐛᐤ ᐸᓚᑲ ᑕᓐ ᒐᒋ ᐃᑐᑐᐛᔨᒋ ᐃᔅᕋᐃᓪ ᐃᔪᐛ ᒐᒋ ᒥᒋᑐᑎᒥᔨᒋ ᐊ ᒥᒋᔨᒋ ᒐᒂᔪᐤ ᐊᒋ ᒥᑐᔅᑕᐊᒧᐛᑭᓄᔨᒋ ᒥᓂᑐᐧᑲᓇ ᑭᔭ ᒐᒋ ᐎᓂᓱᐤ ᐱᒪᑎᓯᔨᒋ᙮

ᒋᔅᒐᔨᑕᑯᑕᒐᐅᓐ 2:20

ᒥᒄ ᒪᒃ ᒋ ᐎ ᐎᑎᒪᑎᓇᐛᐤ ᒐᒂᓐ ᐊᑲ ᒥᔽᔨᑎᒥᐃᑯᔭᓐ᙮ ᒋᓂᑐᑐᐛᐛᐤ ᐊᓐ ᐃᔎᐤ ᒐᓯᐸᓪ ᑲ ᐃᓯᓂᐧᑲᓱᑦ ᒧᔭᒻ ᐅᒋᔅᒋᐛᐃᒐᓱᐤ ᑲ ᐃᑕᐃᓱᑦ᙮ ᐎᔭᓯᐊᐤ ᓂᑦ ᐊᐱᒋᐊᑭᓇ ᐊ ᒋᔅᑯᑎᒧᐛᑦ ᐎᓂᓱᐅᓂᒡ ᒐᒋ ᐃᓯ ᐱᒪᑎᓯᔨᒋ ᑭᔭ ᐊ ᐃᑐᑐᐛᑦ ᒐᒋ ᒥᒋᔨᒋ ᒐᒂᔪᐤ ᒥᓂᑐᐧᑲᓇ ᐊᒋ ᒥᑐᔅᑕᐊᒧᐛᑭᓄᔨᒋ᙮

ᒋᔅᒐᔨᑕᑯᑕᒐᐅᓐ 21:8

ᐊᑯ ᐊᓐᒡ ᐊᐛᓐᒋ ᐊᑲ ᓱᒋᔅᑕᐊᒡ ᒐᒋ ᐎᑕᒡ ᐊ ᑕᑈᔭᔨᒪᒡ ᒋᓴᓴ, ᐊᓐᒡ ᑲ ᒋᐛᑲᐳᔅᑕᒡ ᑕᓐ ᑲ ᐃᓯ ᑕᑈᔭᔨᒪᒡ ᒋᓴᓴ, ᐊᓐᒡ ᓇᔅᒡ ᑲ ᒥᒐᑎᓯᒡ, ᐊᓐᒡ ᑲ ᓂᐸᐊᒡ ᐊᐛᔪᐛ, ᐊᓐᒡ ᓂᓇᐧᑯᐤ ᑲ ᐃᓯ ᐎᓂᓱᐤ ᐱᒪᑎᓯᒡ, ᐊᓐᒡ ᑲ ᒥᑕᐛᑎᓯᒡ, ᐊᓐᒡ ᑲ ᐊᔭᒥᐊᔅᑐᐛᒡ ᒥᓂᑐᐧᑲᓇ ᑭᔭ ᐊᓐᒡ ᑲ ᐎᒋ ᑭᑭᒋᔭᒡ, ᒥᒋ ᐃᔅᑯᑕᐤ ᓴᑲᐃᑭᓂᒡ ᒋᑭ ᐃᓯ ᐛᐱᓇᑭᓄᐎᒡ᙮ ᐊᐅᒄ ᐅ ᓂᓱ ᓂᐳᐅᓐ᙮”

ᒋᔅᒐᔨᑕᑯᑕᒐᐅᓐ 22:15

ᐊᓐᒡ ᒪᒃ ᑲ ᐎᓂᓱᐤ ᐱᒪᑎᓯᒡ, ᐊᓐᒡ ᑲ ᒥᑕᐅᒡ, ᐊᓐᒡ ᐎᓂᓱᐅᓂᒡ ᑲ ᐃᓯ ᐱᒥᐧᑯᐛᒡ ᐊᐛᔪᐛ, ᐊᓐᒡ ᑲ ᓂᐸᐃᐛᒡ ᑭᔭ ᐊᓐᒡ ᑲ ᐊᔭᒥᐊᔅᑐᐛᒡ ᒥᓂᑐᐧᑲᓇ, ᑭᔭ ᐊᓐᒡ ᑲ ᐎᒋ ᑭᑭᒋᔭᒡ, ᓇᒪ ᒋᑭ ᒋ ᐱᒐᐅᒡ ᐊᓂᔭᔪᐤ ᐅᑕᓇᔪᐤ᙮