1 ᑯᕆᓐᑎᔭᓇ 3:8 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁸ ᐊᓐ ᐊᐛᓐ ᑲ ᓂᑕᐅᒋᑕᑦ ᑭᔭ ᐊᓐ ᑲ ᓱᒋᔅᑕᑦ ᐊᓂᔭ ᓂᑕᐅᒋᑕᑭᓂᔪᐤ, ᓂᓱ ᐊᑐᔅᒐᐅᒡ᙮ ᑕᐱᔅᑯᓐ ᐊᑐᔅᒐᔅᑎᒧᒡ ᐊᓂᔭ ᓂᑕᐅᒋᑕᑭᓂᔪᐤ᙮ ᒋᓴᒪᓂᑐᐛ ᒪᒃ ᒋᑭ ᑎᐸᐊᒪᑯᐅᒡ ᑕᓐ ᒐ ᐃᓯ ᐊᑐᔅᒐᔅᑎᒺᒂ᙮

1 ᑯᕆᓐᑎᔭᓇ 3:8 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 62:12

ᒋᔾ ᑭᔭ, ᐅ ᑎᐸᔨᒋᒐᓱᐤ, ᒋ ᑎᐱᔽᐅᓯᓐ ᓱᐛᔨᒋᒐᐅᓐ; ᐛᔅ ᒋᑦ ᐃᓯ ᒥᔭᐤ ᒥᓯᐛ ᑕᑐᐤ ᐃᔪᐤ ᑲ ᐃᓯᓇᒂᓂᔨᒡ ᐅᑦ ᐊᑐᔅᒐᐅᓐ᙮

ᒪᑎᔪᐤ 16:27

ᐛᔅ ᐃᔪᐤ ᐅᑯᓯᓴᓇ ᒋᑭ ᑎᑯᓯᓂᔪᐛ ᐅᑕᐎᒪᐛ ᐅᒋᔅᑕᔨᑕᑯᓱᐅᓂᔨᒡ ᑭᔭ ᐊᓐᒋᓇ ᐊ ᐸᒋ ᐎᒐᐅᑯᔨᒋ, ᑭᔭ ᒐ ᑎᐸᐊᒧᐛᑦ ᒥᓯᐛ ᐊᐛᔪᐛ ᑕᓐ ᑲ ᐃᓯ ᐃᑐᑎᒥᔨᒋ᙮

ᓗᒃ 19:19

“ᒋ ᐃᑎᑯᐤ ᒪᒃ ᐊᓂᔭ ᐅᒋᒪᐛ, ‘ᒋᑭ ᐅᒋᒪᐅᓐ ᐱᑕᑕᒡ ᐅᑕᓇᐛ᙮’ ”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 2:6

ᐛᔅ ᒥᓯᐛ ᐊᐛᔪᐛ ᐊᓂᔭ ᑕᓐ ᑲ ᐊᐃᑎᔨᒋ ᒋᑭ ᑎᑯᓂᔪᐤ ᑕᓐ ᒐ ᐃᓯ ᑎᐸᔅᑯᓇᑦ᙮

1 ᑯᕆᓐᑎᔭᓇ 15:58

ᐊᐅᒄ ᒪᒃ ᐅ ᐛᒋ ᓯᒋᒥᑎᑯᒡ ᓂᐧᑲᓂᓯᑐᒄ ᑲ ᓴᒋᐃᑎᑯᒡ, ᐊᔨᒋᑲᐳᐅᒄ ᐊ ᐱᒪᑎᓯᔅᑐᐛᒄ ᐅᑎᐸᔨᒋᒐᐤ᙮ ᐊᑲᐎᔾ ᓄᑎᐳᓂᒄ᙮ ᓱᒃ ᒧᔅ ᐊᑐᔅᒐᔅᑐᐛᐧᒄ ᐅᑎᐸᔨᒋᒐᐤ᙮ ᐛᔅ ᒋ ᒋᔅᒐᔨᑕᓇᐛᐤ ᒐᔅᑎᓇᔅ ᐊᑲ ᒐᔅᑲ ᔭᐱᑎᓯᔅᑎᐛᒄ ᐅᑎᐸᔨᒋᒐᐤ᙮

1 ᑯᕆᓐᑎᔭᓇ 3:14

ᐊᑯ ᒪᒃ ᐊᓂᔭ ᑕᓐ ᑲ ᐃᓯ ᐊᑐᔅᑯᐛᒂ ᐊᐛᓐ ᐅᑎᐸᔨᒋᒐᐛ ᐊᑲ ᓂᓱᐅᓇᑎᓂᔨᒐ, ᒋᑭ ᒥᔭᑭᓄᐤ ᐅᑎᐸᐊᒪᑯᓯᐅᓐ᙮

1 ᑯᕆᓐᑎᔭᓇ 3:7

ᓇᒪ ᒪᒃ ᒐᒂᓐ ᐃᑕᔨᑕᑯᓱᐤ ᐊᓐ ᐊᐛᓐ ᑲ ᓂᑕᐅᒋᑕᑦ ᑭᔭ ᐊᓐ ᐊᐛᓐ ᑲ ᓱᒋᔅᑕᑦ ᐊᓂᔭ ᓂᑕᐅᒋᑕᑭᓂᔪᐤ᙮ ᒋᓴᒪᓂᑐᐤ ᐊᐅᒄ ᒋᒋᐛ ᐊ ᐃᑕᔨᑕᑯᓯᑦ ᐊᓐ ᑲ ᐃᑐᑕᐧᒃ ᒐᒋ ᓂᑕᐅᒋᓂᔨᒡ ᐊᓂᔭ ᓂᑕᐅᒋᑕᑭᓂᔪᐤ᙮

1 ᑯᕆᓐᑎᔭᓇ 3:9

ᑕᐱᔅᑯᓐ ᓂ ᐎᒋ ᐊᑐᔅᒐᒪᓇᓐ ᒋᓴᒪᓂᑐᐤ᙮ ᒋᔨᐛᐤ ᒪᒃ ᒧᔭᒻ ᓂᑕᐅᒋᑕᑭᓐ ᐊᔅᒋᔾ ᒋᑦ ᐃᓯᓇᑯᓯᓇᐛᐤ᙮ ᒪᒃ ᐅᑕ ᒋᐸ ᒋ ᐃᓯ ᑭᓄᐛᐸᑕᓇᐛᐤ᙮ ᒧᔭᒻ ᒋᓴᒪᓂᑐᐤ ᐅᐛᔅᑲᐃᑭᓂᒻ ᒋᑦ ᐃᓯᓇᑯᓯᓇᐛᐤ᙮

1 ᑯᕆᓐᑎᔭᓇ 4:15

ᐊᑎ ᒪᒃ ᓇᔅᒡ ᐊ ᒥᔅᑎ ᒥᒐᑎᒡ ᐊᓐᒡ ᑲ ᒋᔅᑯᑎᒪᑕᑯᒡ ᐊ ᐛᐎᑎᒪᑕᑯᒡ ᑕᓐ ᒐ ᐃᓯ ᐱᒪᑎᓯᐛᒄ ᐊ ᓇᓴᐅᒪᑯ ᙭ᑕ᙮ ᓂᔾ ᐊ ᐸᐃᑯᓯᔭᓐ ᔅᒋ ᐎᑎᒪᑎᓇᐛᐤ ᒥᔽᒋᒧᐅᓐ᙮ ᐊᑯ ᒪᒃ ᐊ ᐃᓯᓇᒂᒡ ᒧᔭᒻ ᓂᔾ ᐊᒋ ᐊᑎ ᐅᑕᐎᑐᐅᔭᒄ ᙭ ᒋᓴᔅ ᐅᒋ᙮

1 ᑯᕆᓐᑎᔭᓇ 9:7

ᓇᒪ ᐊᐛᓐ ᓴᒐᔾ ᐊᓯᒪᑭᓂᓯᐤ ᐊᑐᔅᒐᐤ᙮ ᔭᐃᑕᔾ ᑎᐸᐊᒧᐛᑭᓄᐤ ᐊᓂᔭ ᐊ ᐃᑕᐱᑎᓯᑦ᙮ ᑭᔭ ᐊᐛᓐ ᑲ ᓂᑕᐅᒋᑕᑦ ᓇᒪᐎᔾ ᐊ ᒥᒍᐤ ᐊᓂᔭᔪᐛ ᑲ ᓂᑕᐅᒋᑕᑦ᙮ ᓇᒪ ᑭᔭ ᐊᐛᓐ ᓂᓇᑭᑐᐛᔨᒪᐤ ᒪᔭᑕᓂᓴ, ᒐ ᐊᑲ ᒋ ᐅᒋ ᒥᓄᐛᑦ ᐅᒋᒋᓇᐳᐃᒥᔪᐛ᙮

ᑲᓚᓯᔭᓇ 6:4

ᒥᓯᐛ ᐸᐸᐃᒄ ᐊᐛᓐ ᒋᐸ ᓇᓂᑐ ᒋᔅᒐᔨᒥᓱᐤ ᑯᐃᔅᒄ ᑲ ᑎᒂ᙮ ᑯᐃᔅᒄ ᒪᒃ ᑲ ᑎᒂ, ᑭᑈ ᒐ ᒪᒥᒋᐃᓱᑦ, ᓇᒪ ᐛᐛᒡ ᒋᑭ ᐅᒋ ᑭᓄᐛᐸᑎᒺᐤ ᑯᑎᑲ ᐊᐛᔪᐛ ᑕᓐ ᑲ ᐃᑎᔨᒋ᙮

ᑲᓚᓯᔭᓇ 6:5

ᐛᔅ ᒥᓯᐛ ᐊᐛᓐ ᑎᐸᓐ ᒋᐸ ᐃᑐᑎᒻ ᑕᓐ ᐊᓂᔭᔪᐛ ᑲ ᐃᑎᓱᒥᑯᑦ ᒋᓴᒪᓂᑐᐛ ᐎᔾ ᒐ ᐃᑐᑕᐧᒃ᙮

ᐃᑉᕈᐛ 6:10

ᓂᐦᐃ, ᒋᑕᑈᐅᒐᔨᒥᑎᓇᐛᐤ ᐊᒋ ᐱᒪᒋᐅᔭᒄ᙮ ᓂ ᒋᔅᒐᔨᒪᐤ ᒋᓴᒪᓂᑐᐤ ᑯᐃᔅᒄ ᐊ ᐃᑐᑐᐛᑦ ᒥᓯᐛ ᐊᐛᔪᐛ᙮ ᒋ ᒋᔅᒐᔨᒥᑯᐛᐤ ᑕᓐ ᑲ ᐃᓯ ᒥᔪᑐᑎᒺᒄ ᑭᔭ ᑕᓐ ᑲ ᐃᓯ ᓄᑯᑐᐛᒄ ᐊ ᓴᒋᐊᒄ ᐊᒋ ᐎᒋᐃᒪᑯ ᑲ ᑕᑈᑎᒥᔨᒋ ᑭᔭ ᐊᔅᒄ ᐊ ᐎᒋᐃᒪᑯ᙮ ᓇᒪ ᒪᒃ ᒋᑭ ᐅᒋ ᐅᓂᒋᔅᒋᓱᐤ ᐅᔭ᙮

1 ᐱᑕᕐ 5:4

ᐊᑯ ᒪᒃ ᐃᔅᐱᔅ ᐸᒋ ᓄᑯᓯᒐ ᐊᓐ ᒪᐅᒡ ᑲ ᓂᑲᓇᔨᑕᑯᓯᑦ ᒪᔭᑕᓂᓯᐅ-ᐃᔪᐤ, ᒐ ᒥᔨᑯᐅᔭᒄ ᐊᓐ ᒪᐅᒡ ᐊ ᒋᔅᑕᔨᑕᒂᒡ ᑲᓂᔪᐅᓐ ᐊᓐ ᒐ ᐊᑲ ᓂᑕ ᐅᒋ ᐸᓯᑯᓇᒂᒡ᙮

2 ᒠᓐ 1:8

ᐃᔭᒂᒥᒄ ᒪᒃ ᒐ ᐊᑲ ᒋ ᐅᓂᑕᔭᒄ ᐊᓐ ᑎᐸᐊᒪᑯᓯᐅᓐ ᑲ ᐊᑐᔅᒐᔅᑎᒪᒄ ᒐᒋ ᐊᔭᔭᒄ, ᑕᑈ ᒐᒋ ᒥᔅᑭᒪᒄ ᒥᓯᐛ ᑕᓐ ᐊ ᐃᓯ ᐊᔭᔅᑯᔅᑎᒪᑕᒄ ᒋᓴᒪᓂᑐᐤ᙮

ᒋᔅᒐᔨᑕᑯᑕᒐᐅᓐ 2:23

ᓂᑭ ᓂᐸᐃᒪᐛ ᐊᓂᔭ ᑲ ᓇᓴᐅᑯᑦ᙮ ᐊᑯ ᒪᒃ ᒥᓯᐛ ᐊᓐᒡ ᒪᒧᐤ ᑲ ᐊᔭᒥᐊᐛᑎᓯᒡ ᒐ ᒋᔅᒐᔨᒥᒡ ᓂᔾ ᐊ ᐊᐎᔭᓐ ᐊᓐ ᑲ ᒋᔅᒐᔨᒪᑦ ᐊᐛᔪᐛ ᑕᓐ ᐊᓐ ᐊ ᐃᑕᔨᑎᒥᔨᒋ ᑭᔭ ᑕᓐ ᐊᓐ ᐊ ᐃᓯ ᑕᐊᔨᒋ᙮ ᒥᓯᐛ ᐊ ᑎᓯᔭᒄ ᒋᑭ ᐛᐛᓯᐃᑎᓇᐛᐤ ᑕᓐ ᒥᒄ ᑲ ᐃᓯ ᒥᒋᑐᑎᒧᐛᒂ᙮

ᒋᔅᒐᔨᑕᑯᑕᒐᐅᓐ 22:12

ᒋᓴᔅ ᐃᔅᒋᔄᐤ, “ᓂᑐᑎᒧᒄ, ᓴᔅ ᐎᐱᒡ ᓂᑭ ᑎᑯᓯᓐ᙮ ᓂᑭ ᐸᑕᓐ ᒪᒃ ᑕᓐ ᒐ ᐃᓯ ᑎᐸᐊᒧᐅᒃ ᒥᓯᐛ ᐊᐛᓐ ᒥᒄ ᑕᓐ ᑲ ᑎᒂ᙮