1 ᑯᕆᓐᑎᔭᓇ 15:6 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁶ ᒐᒃ ᒪᒧᐤ ᒂ ᓄᑯᓯᔅᑐᐛᑦ ᐅᔅᑕ ᐱᑕᑕᒡ ᑕᑐᐤ ᒥᑕᓯᒥᑎᓄᐤ ᐊᑎᓯᔨᒋ ᐊᓂᔭᔪᐛ ᑲ ᑕᑈᔭᔨᒥᑯᑦ᙮ ᐊᔅᒄ ᒥᒐᑦ ᐱᒪᑎᓯᔪᐛ ᐅᔭ ᑲ ᓄᑯᓯᔅᑐᐛᑦ᙮ ᐱᔅᒐ ᓴᔅ ᒋ ᐳᓂᐱᒪᑎᓯᔪᐛ᙮

1 ᑯᕆᓐᑎᔭᓇ 15:6 ပူးပေါင်းရင်းမြစ်များ

ᒪᑎᔪᐤ 28:10

ᐊᑯ ᒋᓴᔅ ᒂ ᐃᑕᑦ, “ᐊᑲᐎᔾ ᑯᔅᑕᒋᒄ, ᐎᑎᒪᐧᑯᒡ ᓂᐧᑲᓂᓯᒡ ᑲᓕᓕᒡ ᒐᒋ ᐃᑐᑕᒡ, ᐊᑯᑕ ᐊᓐᑕ ᒐ ᐛᐱᒥᒡ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 16:7

ᒪᒋᒄ ᒪᒃ, ᐎᑎᒧᒪᐧᑯ ᐅᒋᔅᒋᓄᐊᒧᐛᑭᓇ ᑭᔭ ᐱᑕᕐ ᐎᑎᒧᐛᐧᒄ, ᐊ ᓂᑲᓄᑕᔨᒋ ᒋᓴᓴ ᑲᓕᓕᒡ ᐊ ᐃᑐᑕᔨᒋ᙮ ᐊᑯᑕ ᐊᓐᑕ ᒐ ᐛᐱᒪᒄ, ᒧᔭᒻ ᑲ ᐃᑎᑕᒄ᙮”

ᐊᑈᔅᑕᓇᒡ 13:36

ᐛᔅ ᑎᐱᑦ ᒋ ᐊᑐᔅᑯᐛᐤ ᒋᓴᒪᓂᑐᐛ ᑭᔭ ᒧᔅ ᒋ ᐃᑐᑎᒧᐛᐤ ᒋᓴᒪᓂᑐᐛ ᐅᑦ ᐃᑕᔨᑎᒧᐅᓂᔪᐤ ᑲ ᐃᔅᐱᔅ ᐱᒪᑎᓯᑦ᙮ ᐊᑯ ᒂ ᓂᐱᑦ, ᒂᒋ ᓇᐃᐧᑯᐛᑭᓄᐅᑦ ᐊᓐᑕ ᑲ ᐱᒥᓯᒪᑭᓄᔨᒋ ᐊᓂᔭᐧᑲ ᐎᐧᑲᓂᓴ, ᐎᔪᐤ ᒪᒃ ᒋ ᐃᔭᔪᓂᔪᐤ᙮

ᐊᑈᔅᑕᓇᒡ 7:60

ᔅᑎᐱᓐ ᒋ ᓂᐱᔅᑯᐳᐤ, ᐊ ᒋᔄᐛ ᑕᑈᑦ ᐊ ᐃᔅᒋᔄᑦ, “ᐅᑎᐸᔨᒋᒐᐤ, ᐛᐸᔨᑎᒧᐅᒡ ᐅᒥᒋᑥᐅᓄᐛᐤ᙮ ᐅᔭᔪᐤ ᑲ ᐃᑐᑐᐅᒡ ᐊᑲᐎᔾ ᒋᑭ ᐎ ᒪᑎᑯᔅᑲᑯᐅᒡ᙮” ᐊᐅᑯᐤ ᐅᔭ ᑲ ᐃᔅᒋᔄᑦ, ᐊᑯ ᒪᒃ ᒂ ᓂᐱᑦ᙮

1 ᑯᕆᓐᑎᔭᓇ 15:18

ᑎᔭᑈᒥᑭᓂᒂ ᐊᑲ ᑲᐤ ᐅᓂᔅᑲᓇᑭᓄᐅᒡ ᐊᓐᒡ ᑲ ᓂᐱᒡ ᑭᑈ ᐊᓐᒡ ᓴᔅ ᑲ ᓂᐱᒡ ᐊᒋ ᑕᑈᐅᒐᔨᒪᒡ ᙭ᑕ ᐅᓂᓯᓄᒐᓂᒋ᙮

1 ᑯᕆᓐᑎᔭᓇ 15:20

ᒥᒄ ᒪᒃ ᑕᑈᒥᑭᓐ ᙭ ᑲᐤ ᐊᒋ ᐅᓂᔅᑲᓇᑭᓄᐅᑦ ᑲ ᓂᐱᑦ᙮ ᐊᑯᑕ ᒪᒃ ᐛᒋ ᒐᔅᑎᓇᑕᔨᑕᒂᒡ ᑭᔭ ᐎᔨᐛᐤ ᒐ ᐅᓂᔅᑲᓇᑭᓄᐅᒡ ᐊᓐᒡ ᑲ ᓂᐱᒡ ᐊᒋ ᑕᑈᔭᔨᒪᒡ ᙭ᑕ᙮

1 ᑕᓴᓗᓂᔭᓇ 4:13

ᓂᐧᑲᓂᓯᑐᒄ ᒋ ᓂᑐᐛᔨᒥᑎᓇᓐ ᒐᒋ ᒋᔅᒐᔨᑎᒪᒄ ᑕᓐ ᐊ ᐃᔅᐱᔨᑦ ᐊᐛᓐ ᐊ ᐳᓂᐱᒪᑎᓯᑦ ᐊᒋ ᒪᒃ ᑕᑈᑕᐧᒃ ᒥᔽᒋᒧᐅᓂᔪᐤ᙮ ᐊᑯ ᒪᒃ ᓇᒪ ᒋᑭ ᐅᒋ ᐃᓯ ᒥᓯᒪᔨᑕᓇᐛᐤ ᐊ ᐃᓯ ᒥᓯᒪᔨᑕᒡ ᐊᓐᒡ ᐊᑲ ᐊᔭᒡ ᐊᔅᐸᔨᒧᐅᓂᔪᐤ᙮

1 ᑕᓴᓗᓂᔭᓇ 4:15

ᒋᔭᓄᐤ ᐊᔅᒄ ᒐ ᐱᒪᑎᓯᔭᐧᒄ ᑎᑯᓯᒐ ᒋᓴᔅ ᓇᒪ ᓂᑲᓐ ᒋᑭ ᐅᒋ ᓂᒋᔅᑯᐛᓄᐤ ᐊᔅᒄ ᐊᑲ ᓂᒋᐊᒡ ᐊᓐᒡ ᓴᔅ ᑲ ᓂᐱᒡ ᑲ ᑕᑈᑕᒡ᙮ ᐅ ᑲ ᐃᓯ ᐎᑎᒪᑕᒡ ᐎᔾ ᐅᑎᐸᔨᒋᒐᐤ ᒋ ᐃᑕᐤ ᐅᔭ᙮

2 ᐱᑕᕐ 3:4

ᒋᑭ ᐃᔅᒋᔄᐅᒡ ᒪᒃ ᐊ ᒪᔭᔨᒥᑕᑯᒡ, “ᑕᓐ ᒪᒃ ᐅ ᒐ ᑎᑯᓯᐧᒃ ᐅᑎᐸᔨᒋᒐᐤ ᒧᔅ ᑲ ᐸᒋ ᐊᔨᒧᒪᒄ᙮ ᑲ ᐃᔅᐱᔅ ᒋ ᐸᒋ ᑎᒂᒡ ᐅ ᐊᔅᒋᔾ ᒥᓯᐛ ᒐᒂᓐ ᒧᔅ ᐸᐃᑯᓄᒡ ᐃᔅᐱᔪᐤ᙮”