1 ᑯᕆᓐᑎᔭᓇ 15:45 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁴⁵ ᒥᓯᓇᑕᐤ ᐊᓐᑕ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᐊᑎᔅᑕᒡ, “ᐊᓐ ᓂᔅᑎᒻ ᓇᐸᐤ, ᐊᑕᒻ, ᒋ ᐅᓯᐊᑭᓄᐤ ᒐᒋ ᐱᒪᑎᓯᑦ᙮” ᐊᓐ ᒪᒃ ᒪᔅᑕᔾ ᐊᑕᒻ ᐊᐅᒄ ᙭, ᐊᒐᐧᑯᐤ ᐎᔾ, ᐎᔾ ᒥᔨᐛᐤ ᐱᒪᑎᓯᐅᓂᔪᐤ᙮

1 ᑯᕆᓐᑎᔭᓇ 15:45 ပူးပေါင်းရင်းမြစ်များ

ᒐᓂᓯᔅ 2:7

ᐊᑯ ᑎᐸᔨᒋᒐᓱᐤ ᒋᓴᒪᓂᑐᐤ ᒂ ᐅᑎᓇᑦ ᐊᓯᔅᒍᐛ ᑭᔭ ᒂ ᐅᓯᐊᑦ ᓇᐸᐛ, ᒋ ᐳᑕᑎᒧᐛᐤ ᐅᔭᔭᐅᓐ ᐅᔅᑯᑎᔨᒡ ᑭᔭ ᒂ ᐃᑐᑐᐛᑦ ᓇᐸᐛ ᒐᒋ ᐱᒪᑎᓯᔨᒋ᙮

ᒠᓐ 1:4

ᐎᔾ ᐊ ᑕᑦ ᐅᒋᐱᔪᐤ ᐱᒪᑎᓯᐅᓂᔪᐤ, ᐱᒪᑎᓯᐅᓂᒡ ᒪᒃ ᐊᑯᑕ ᑲ ᐅᒋ ᐛᐸᑕᒡ ᐊᐛᓐᒋ ᐛᔅᑕᐅᓂᔪᐤ᙮

ᒠᓐ 10:10

ᑲᒋᒧᑎᑦ ᑎᑯᓯᓄᐤ ᒥᒄ ᒐᒋ ᒋᒧᑎᑦ ᒪᒃ ᒐᒋ ᓂᐸᐃᐛᑦ ᒪᒃ ᒐᒋ ᓂᓱᐅᓇᒋᐃᐛᑦ᙮ ᓂᔾ ᒪᒃ ᐎ ᓂᒋ ᑎᑯᓯᓐ ᒐᒋ ᒥᔨᐛᔭᓐ ᐊᓐ ᐱᒪᑎᓯᐅᓐ ᐊᓐᑕ ᐊᑲ ᓂᑕ ᓄᑕᐱᔨᒡ ᒐᒂᓐ᙮”

ᒠᓐ 10:28

ᓂ ᒥᔭᐅᒡ ᑲᒋᒡ ᐱᒪᑎᓯᐅᓂᔪᐤ, ᓇᒪ ᒪᒃ ᓂᑕ ᒋᑭ ᐅᒋ ᓂᓱᐅᓇᑎᓯᐅᒡ᙮ ᑭᔭ ᓇᒪ ᐊᐛᓐ ᓂᑭ ᒋ ᒥᔅᑭᒧᒄ ᐊ ᑕᐧᑯᓂᒥᒋ᙮

ᒠᓐ 14:19

ᓇᒪ ᓇᔅᒡ ᓇᐅᔅ ᓂᑭ ᐅᒋ ᐛᐱᒥᑯᒡ ᐃᔪᒡ ᐅᑕ ᐊᔅᒋᒡ, ᒥᒄ ᒋᔨᐛᐤ ᒋᑭ ᐛᐱᒥᓇᐛᐤ᙮ ᒋᑭ ᐱᒪᑎᓯᓇᐛᐤ ᑭᔭ ᒋᔨᐛᐤ, ᐛᔅ ᓂᔾ ᓂ ᐱᒪᑎᓯᓐ᙮

ᒠᓐ 14:6

ᒋᓴᔅ ᒋ ᐃᓯ ᐎᑎᒧᐛᐤ ᐊ ᐃᑕᑦ, “ᓂᔾ ᐊᐅᒄ ᒪᔅᑭᓄᐤ ᑭᔭ ᑕᑈᐅᓐ ᑭᔭ ᐱᒪᑎᓯᐅᓐ, ᓇᒪ ᐊᐛᓐ ᒋᑭ ᒋ ᓇᑕᐤ ᐅᑕᐎᒪᐛ ᒥᒄ ᓂᔾ ᐅᒋ᙮

ᒠᓐ 4:10

ᒋ ᐃᑕᐤ ᒪᒃ ᒋᓴᔅ ᐊᓂᔭᔪᐛ ᐃᔎᐛ, “ᒋᔅᒐᔨᑎᒧᐱᓇ ᒐᒂᔪᐤ ᐊ ᐎ ᒥᔨᐛᑦ ᒋᓴᒪᓂᑐᐤ ᑭᔭ ᒋᔅᒐᔨᒥᔨᓐ ᐊᐛᓐ ᐊ ᐊᐎᔭᓐ, ᒋᔾ ᒋᐸ ᑯᒂᒋᒥᓐ ᒐᒋ ᒥᓇᐃᑕᓐ᙮ ᐊᓐ ᒪᒃ ᑲ ᐱᒪᒋᐃᐛᒥᑲᒡ ᓂᐱᔾ ᐊᐅᑯᓐ ᐊᓐ ᒋᐸ ᒥᓇᐃᑎᓐ᙮”

ᒠᓐ 4:14

ᐊᐛᓐ ᒪᒃ ᒐ ᒥᓐᑦ ᐊᓂᔭ ᓂᐱᔪᐤ ᒐ ᒥᔨᒃ ᒐᒋ ᒥᓐᑦ, ᓇᒪ ᓂᑕ ᒥᓐ ᒋᑭ ᐅᒋ ᐸᐧᑯᑕᑎᒻ᙮ ᐛᔅ ᐊᓂᔭ ᓂᐱᔪᐤ ᒐ ᒥᔨᒃ ᒋᑭ ᐱᒋᔅᑲᑯᐤ ᒧᔭᒻ ᐊ ᐅᒋ ᒧᔅᒋᒍᐅᓂᔨᒡ ᒋᑭ ᐃᓯᓇᑯᓂᔪᐤ, ᐊᐅᒄ ᒪᒃ ᐅ ᑲ ᐱᒪᒋᐃᐛᒥᑲᒡ ᓂᐱᔾ ᐊᓐᑕ ᒐᒋ ᐅᒋ ᐊᔭᑦ ᐊᐛᓐ ᑲᒋᒡ ᐱᒪᑎᓯᐅᓂᔪᐤ ᒥᓂᒐ᙮”

ᒠᓐ 5:21

ᐅᑕᐎᒪᐤ ᐅᓂᔅᑲᓇᐤ ᐊᐛᔪᐛ ᓂᐳᐅᓂᒡ ᐅᒡ ᑭᔭ ᒪᔭᑦ ᐱᒪᑎᓯᐅᓂᔪᐤ, ᐊᐅᑯᓐ ᑭᔭ ᐊᓐ ᐊ ᐃᑎᑦ ᐅᑯᓯᓯᒪᐤ, ᒥᔭᐤ ᐊᐛᔪᐛ ᐱᒪᑎᓯᐅᓂᔪᐤ ᐊᓂᔭ ᐛ ᒥᔭᑦ᙮

ᒠᓐ 6:33

ᐊᓐ ᒪᒃ ᐸᒂᓯᑭᓇ ᒋᓴᒪᓂᑐᐤ ᑲ ᒥᔨᐛᑦ ᐊᐅᑯᓐ ᐊᓐ ᒋᒋᒋᓯᑯᒡ ᑲ ᐅᒋᐱᔨᑦ, ᑭᔭ ᐊᐅᒄ ᑲ ᒥᔭᑦ ᐊᐛᔪᐛ ᐅᑕ ᐊᔅᒋᒡ ᑲ ᑕᔨᒋ ᐱᒪᑎᓯᐅᓂᔪᐤ,” ᒋ ᐃᑕᐤ ᒋᓴᔅ᙮

ᒠᓐ 6:54

ᐊᓐ ᒪᒃ ᐊᐛᓐ ᒐ ᒥᒋᒂ ᓂᔭᓯᔪᐤ ᑭᔭ ᒐ ᒥᓂᒂ ᓂᒥᐧᑯᔪᐤ ᐊᔭᐤ ᑲᒋᒡ ᐱᒪᑎᓯᐅᓂᔪᐤ, ᑭᔭ ᓂᔾ ᓂᑭ ᐅᓂᔅᑲᓇᐤ ᒪᔅᑕᔾ ᒋᓯᑲᔨᒐ᙮

ᒠᓐ 6:57

ᓄᑕᐎᔾ ᐊᓐ ᑲ ᒥᔨᐛᑦ ᐱᒪᑎᓯᐅᓂᔪᐤ ᓂᒋ ᐸᒋ ᐃᑎᓴᐅᒄ ᑭᔭ ᓂ ᒥᔨᒄ ᐱᒪᑎᓯᐅᓂᔪᐤ᙮ ᐊᐅᑯᓐ ᒪᒃ ᒧᔭᒻ ᑭᔭ ᐎᔾ ᐊᓐ ᐊᐛᓐ ᑲ ᒥᒋᑦ ᓂᔭᓯᔪᐤ, ᓂᑭ ᒥᔭᐤ ᒐᒋ ᐱᒪᑎᓯᑦ᙮

ᒠᓐ 6:63

ᒥᒄ ᑲ ᐸᔭᒋᓯᑦ ᐊᒐᐧᒄ ᒥᔨᐛᐤ ᑲᒋᒡ ᐱᒪᑎᓯᐅᓂᔪᐤ, ᓇᒪ ᐎ ᓇᐸᐤ ᒋᑭ ᒋ ᐃᑐᑎᒻ ᐅᔭ᙮ ᔅᒋ ᐎᑎᒪᑎᓇᐛᐤ ᒪᒃ ᑕᓐᑕ ᒐᒋ ᐅᒋ ᐊᔭᔭᒄ ᐅ ᐊᒐᐧᒄ ᐱᒪᑎᓯᐅᓐ᙮

ᒠᓐ 6:68

ᒂ ᐃᓯ ᐎᑎᒪᑯᑦ ᓴᐃᒥᓐ ᐱᑕᕋ ᐊ ᐃᑎᑯᑦ, “ᐅᑎᐸᔨᒋᒐᐤ, ᐊᐛᓐ ᒪᒃ ᒐ ᓂᑐᐛᐱᒥᒋᒡ ? ᒋᑦ ᐃᔨᒧᐅᓂᒡ ᐊᑯᑕ ᐛᒋ ᑎᒂᒡ ᑲᒋᒡ ᐱᒪᑎᓯᐅᓐ᙮

ᐊᑈᔅᑕᓇᒡ 3:15

ᑭᔭ ᔅᒋ ᐃᑐᑐᐛᐛᐤ ᒋᓴᔅ ᒐᒋ ᓂᐸᐊᑭᓄᐅᑦ ᐊᓐ ᑲ ᒥᔭᑦ ᐊᐛᔪᐤ ᐱᒪᑎᓯᐅᓂᔪᐤ᙮ ᒥᒄ ᒪᒃ ᒋᓴᒪᓂᑐᐤ ᒋ ᐃᑐᑐᐛᐤ ᒥᓐ ᑲᐤ ᒐᒋ ᐱᒪᑎᓯᔨᒋ᙮ ᐛᔅ ᓂᒋ ᐛᐱᒥᓇᓐ ᒥᓐ ᑲᐤ ᑲ ᐅᓂᔅᑲᑦ ᒋᓴᔅ᙮ ᓂ ᒋᔅᒐᔨᑕᓇᓐ ᒪᒃ ᐊ ᑕᑈᒥᑲᒡ ᐅ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 5:17

ᐛᔅ ᒋ ᒋᔅᒐᔨᑕᓇᓄᐤ ᐊᓂᔭ ᐅᒥᒋᑥᐅᓐ ᐊᓐ ᐸᐃᒄ ᓇᐸᐤ ᐊᑯᑕ ᑲ ᐅᒋ ᐃᓯᓇᒂᒡ ᒥᓯᐛ ᐊᐛᓐ ᒐᒋ ᑎᐸᔨᒥᑯᑦ ᓂᐳᐅᓂᔪᐤ᙮ ᑕᓐ ᒪᒃ ᐅᔅᑕ ᐊ ᐃᔅᐱᔅ ᒥᔽᔨᑕᑯᓂᔨᒡ ᑕᓐ ᑲ ᐃᓯ ᐃᑐᑎᒪᑕᐧᒄ ᐊᓐ ᑯᑎᒃ ᓇᐸᐤ, ᐊᐅᒄ ᒋᓴᔅ ᙭᙮ ᒥᓯᐛ ᒪᒃ ᐊᓐᒡ ᑲ ᐛᔪᒡ ᒋᔅᒐᔨᑎᒥᐊᑭᓄᐎᒡ ᒋᓴᒪᓂᑐᐛ ᐅᓱᐛᔨᒋᒐᐅᓂᔪᐤ ᐅᑯᐃᔅᑯᑕᑎᓯᐅᒡ ᐊ ᐃᓯ ᑭᓄᐛᐱᒧᑯᐅᒡ ᒋᓴᒪᓂᑐᐛ ᒧᔅ ᒋᑭ ᑕᐅᒡ ᑕᓐᑕ ᐊ ᑕᔨᒋ ᒋᓴᓴ ᑭᔭ ᒋᑭ ᐎᒋᐃᑯᐅᒡ ᒐᒋ ᓱᒋᑲᐳᐅᒡ ᐅᐱᒪᑎᓯᐅᓄᐛᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 5:21

ᑕᑈ ᑭᑈ ᓱᒋᐱᔪᐤ ᒥᒋᑥᐅᓐ᙮ ᐛᔅ ᓇᔅᒡ ᑎᐸᔨᒥᑯᐅᒡ ᐊᐛᓐᒋ ᐊᐅᒄ ᒪᒃ ᐛᒋ ᐃᑕᔨᑕᑯᓂᔨᒡ ᒐᒋ ᓂᐱᒡ᙮ ᐊᑐᐎᔅ ᒪᒃ ᒋᓴᒪᓂᑐᐤ ᐅᒋᓴᐛᑎᓯᐅᓐ ᓱᒐᔨᑕᑯᓂᔪᐤ᙮ ᐅᑯᐃᔅᑯᑕᑎᓯᐅᒡ ᒋ ᐊᑎ ᐃᓯ ᑭᓄᐛᐱᒥᑯᓄᐤ ᐊᓂᔭ ᐅᒋ ᑕᓐ ᑲ ᐃᓯ ᐃᑐᑎᒪᑎᔨᐧᑯ ᒋᓴᓴ ᒋᑎᐸᔨᒋᒐᓯᒥᓄᐛ᙮ ᐊᑯᑕ ᒪᒃ ᒐᒋ ᐅᒋ ᐊᔭᐛᐧᒄ ᑲᒋᒡ ᐱᒪᑎᓯᐅᓂᔪᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:2

ᐛᔅ ᒋᓴᒪᓂᑐᐤ ᐅᑦ ᐊᒐᒂ ᒋᑦ ᐃᑐᑕᑭᓄᐤ ᒐᒋ ᐱᒪᑎᓯᔭᐧᒄ ᙭ ᒋᓴᓴ ᐅᒡ᙮ ᐊᐅᒄ ᑲ ᐊᐱᐧᑯᓂᑦ ᑕᓐ ᑲ ᐃᓯ ᑎᐸᔨᒥᑯᐅᒡ ᒥᒐᑎᓯᐅᓂᔪᐤ ᑭᔭ ᓂᐳᐅᓂᔪᐤ᙮

1 ᑯᕆᓐᑎᔭᓇ 15:46

ᓂᔅᑎᒻ ᒥᔪᐤ ᒋ ᒥᔨᑯᓇᓄᐤ ᐅᑕ ᐊᔅᒋᒡ᙮ ᐊᑯ ᒪᒃ ᐸᑎᒪ ᒐ ᒥᔨᑯᐅᔭᐧᒄ ᐊᒐᐧᒄ ᒥᔪᐤ᙮

ᐱᓕᐱᔭᓇ 3:21

ᐊᔪᐛᒃ ᐊ ᐃᑕᔨᑕᑯᓂᔨᒋ ᒥᔪᐛ ᒋᑭ ᒥᔨᑯᓄᐤ᙮ ᓇᒪ ᓴᐱᓯᒥᑭᓇ ᐅᔭ ᒋᔪᓄᐛ ᑭᔭ ᒋᑭ ᓂᐱᒥᑭᓇ᙮ ᒪᒃ ᐊᓂᔭᔪᐤ ᒥᔅᑯᓯᐅᓂᔪᐤ ᑲ ᐊᔭᑦ ᒥᓯᐛ ᒐᒂᔪᐤ ᒐᒋ ᑎᐸᔨᑕᐧᒃ ᐅᔭ ᒐ ᐊᐱᒋᑕᑦ ᒐᒋ ᒂᔅᒋᓇᑯᑕᑦ ᒋᔪᓄᐛ᙮ ᒧᔭᒻ ᐎᔾ ᐎᔪᐤ ᑲ ᐃᔅᐱᔅ ᒥᔪᓇᑯᓂᔨᒡ ᐃᔅᐱ ᑲ ᐅᓂᔅᑲᑦ ᓂᐳᐅᓂᒡ ᐅᒋ ᐊᐅᑯᓐ ᒐ ᐃᓯᓇᑯᑕᑦ ᐅᔭ ᒋᔪᓄᐛ᙮

ᑯᓚᓯᔭᓇ 3:4

᙭ ᐊ ᐎᒐᐛᒄ ᒋᒋᐛ ᐱᒪᑎᓯᐅᓐ ᒋ ᑭᓄᐛᔨᑕᓇᐛᐤ᙮ ᑲᐤ ᒪᒃ ᑎᑯᓯᒐ ᐅᑕ ᐊᔅᒋᒡ ᐊᑯᑕ ᑭᔭ ᒋᔨᐛᐤ ᒐ ᐊᓯᒡ ᓄᑯᐃᑯᐅᔭᒄ ᑭᔭ ᒐ ᐊᓯᒡ ᒋᔅᑕᔨᑕᑯᐃᑯᐅᔭᒄ ᒋᔅᑕᔨᑕᑯᐊᑭᓄᐅᒐ᙮

ᐃᑉᕈᐛ 9:14

ᒧᔭᒻ ᒪᒃ ᐊᐛᓯᔅ ᐅᒥᐧᒄ ᐊ ᐸᔭᒋᑕᒐᒥᑭᓂᔨᒡ ᒪᒥᑐᓇᔨᑎᒧᒄ ᑕᓐ ᐊᔅᐱᔅ ᐊᑐᐎᔅ ᒐᒋ ᐃᓯ ᐎᒋᐃᑯᐛᐧᒄ ᙭ ᐅᒥᐧᒄ᙮ ᒋ ᐱᒪᑎᓯᐤ ᐅᑕ ᐊᔅᒋᒡ ᐊᑲ ᐛᐛᒡ ᐅᒋ ᒥᒋᑐᑕᐧᒃ᙮ ᑲ ᐸᔭᒋᓯᔨᒋ ᐊᒐᒂ ᑲᒋᒡ ᐊ ᑕᔨᒋ ᒋ ᐎᒋᐃᑯᐤ ᐃᔅᐱ ᑲ ᐱᔅᑕᔨᒥᑎᓱᑦ ᒋᓴᒪᓂᑐᐛ ᐃᔅ ᐊ ᑕᔨᒋ᙮ ᐅᒥᐧᒄ ᐊᐅᒄ ᒐ ᐸᔭᒋᐃᑯᐛᐧᒄ᙮ ᓇᒪ ᐎ ᐊᓂᔭᔪᐛ ᐊᑲ ᐅᔭᔅ ᐃᑕᐱᑎᓂᔨᒋ ᒐᒂᔪᐛ ᑲᒋ ᐃᑐᑎᒪᐧᒄ ᒋᑭ ᐅᒋ ᐱᒪᒋᐃᑯᓇᓄᐤ᙮ ᐊᑯ ᒪᒃ ᑲᒋᒡ ᒐᒋ ᐊᑐᔅᑯᐛᐧᒄ ᒋᓴᒪᓂᑐᐤ᙮

ᒋᔅᒐᔨᑕᑯᑕᒐᐅᓐ 16:3

ᐊᑯ ᒥᓐ ᑯᑎᒃ ᐊᓐᒋᓐ ᒂ ᑯᑎᐱᓇᐧᒃ ᐅᐎᔭᑭᓐ᙮ ᐊᓐᑕ ᐎᓂᐸᑯᒡ ᐊᑯᑕ ᑲ ᐃᓯ ᑯᑎᐱᓇᐧᒃ᙮ ᐊᑯ ᐊᓐ ᓂᐱᔾ ᑲ ᐊᑎ ᓱᐎᐧᑲᑭᒥᒡ ᒧᔭᒻ ᐅᒥᐧᒄ ᐊᐛᓐ ᐊ ᓂᐱᑦ ᐊᑯᓐ ᑲ ᐃᓯᓇᒂᒡ᙮ ᒥᓯᐛ ᒪᒃ ᒐᒂᓐ ᐊᓐᑕ ᐎᓂᐸᑯᒡ ᑲ ᑎᒂᒡ ᒋ ᓂᐱᒥᑭᓐ᙮

ᒋᔅᒐᔨᑕᑯᑕᒐᐅᓐ 21:6

ᐊᑯ ᒪᒃ ᒂ ᐃᔅᒋᔄᑦ, “ᓴᔅ ᒥᓯᐛ ᒐᒂᓐ ᓄᐅᔅᒋᑕᓐ᙮ ᐊᐅᒄ ᓂᔾ ᓴᔅ ᑲ ᑕᔭᓐ ᐊᔅᒄ ᐊᑲ ᓇᔅᒡ ᒐᒂᓐ ᐅᒋ ᑎᒂᒡ, ᑭᔭ ᐊᐅᒄ ᓂᔾ ᐊᔅᒄ ᒐ ᑕᔭᓐ ᐃᔅᐱ ᒥᓯᐛ ᒐᒂᓐ ᒋᑎᐱᔨᒐ᙮ ᐊᐅᒄ ᓂᔾ ᒥᓯᐛ ᒐᒂᔪᐤ ᑲ ᒋᒋᐱᔨᑕᑦ ᑭᔭ ᐊᐅᒄ ᓂᔾ ᒐ ᒋᔅᑕᔭᓐ ᒥᓯᐛ ᒐᒂᓐ᙮ ᐊᓐ ᐊᐛᓐ ᒐ ᓄᑕᔭᐸᒂᑦ ᓴᒐᔾ ᓂᑭ ᒥᓇᐊᐤ ᐊᓂᔭ ᓂᐱᔪᐤ ᐊᓐᑕ ᐊᓂᔭ ᐛᒋ ᒥᔭᑭᓄᐅᑦ ᐊᐛᓐ ᑲᒋᒡ ᐱᒪᑎᓯᐅᓂᔪᐤ ᑲ ᐅᒋ ᒧᔅᒋᒍᐅᓂᔨᒡ᙮

ᒋᔅᒐᔨᑕᑯᑕᒐᐅᓐ 22:1

ᐊᑯ ᐅ ᐊᓐᒋᓐ ᒂ ᐸᒋ ᐛᐸᑎᔨᑦ ᓯᐱᔪᐤ᙮ ᐊᓐ ᒪᒃ ᓂᐱᔾ ᐊᓐᑕ ᐊᓐ ᓯᐱᔾ, ᐊᑯᑕ ᐛᒋ ᒥᔭᑭᓄᐅᑦ ᐊᐛᓐ ᑲᒋᒡ ᐱᒪᑎᓯᐅᓂᔪᐤ᙮ ᓇᔅᒡ ᒋ ᐛᓴᔭᑭᒥᓱᐤ ᐊᓐ ᓂᐱᔾ ᒧᔭᒻ ᐊᓯᓂᔅ ᓯᐳᐛᔅᑕᔨᑕᑭᓇᐱᔅᒄ ᐊ ᐃᔅᐱᔅ ᓴᑈᐤ ᐛᔄᐛᐱᔅᒋᓯᑦ, ᐊᐅᑯᓐ ᑲ ᐃᑕᑭᒥᒡ ᐊᓐ ᓂᐱᔾ᙮ ᓯᐸ ᒋᓴᒪᓂᑐᐤ ᑭᔭ ᐊᓐ ᒪᔭᑕᓂᔅ ᐅᒋᓴᐅᒋᒪᐤ ᑕᑎᐳᐛᑭᓂᐛᒡ, ᐊᑯᑕ ᑲ ᐅᑕᒍᐅᒡ ᐅ ᓯᐱᔾ᙮

ᒋᔅᒐᔨᑕᑯᑕᒐᐅᓐ 22:17

ᑲ ᐸᔭᒋᓯᑦ ᐊᒐᐧᒄ ᑭᔭ ᐊᓐ ᐅᔅᒋᓂᒋᔎᐤ ᐃᔅᒋᔄᐅᒡ, “ᐊᔅᑎᒻ !” ᑭᔭ ᐊᓐ ᐊᐛᓐ ᑲ ᐸᑕᐧᒃ ᐊᑯᔅ ᑭᔭ ᐎᔾ ᒋᑭ ᐃᔅᒋᔄᐤ, “ᐊᔅᑎᒻ !” ᒥᓯᐛ ᒋᔨᐛᐤ ᑲ ᓄᑕᔭᐸᒂᔭᒄ, “ᐊᔅᑎᒧᒄ, ᓴᒐᔾ ᐸᒋ ᒥᓂᒄ ᐊᓐ ᓂᐱᔾ ᐊᓐᑕ ᐛᒋ ᐊᔭᑦ ᐊᐛᓐ ᐱᒪᑎᓯᐅᓂᔪᐤ᙮”