1 ᑯᕆᓐᑎᔭᓇ 15:42 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁴² ᐊᐅᑯᓐ ᒧᔭᒻ ᐊ ᐃᓯᓇᒂᒡ ᒥᔪᐤ, ᐃᔅᐱᔅ ᑲ ᓇᐃᐧᑲᑭᓄᐅᒋ ᐊᑎ ᐃᔭᔪᐅᓐ ᐊᓐ ᒥᔪᐤ᙮ ᐃᔅᐱ ᒪᒃ ᐅᓂᔅᑲᓇᑭᓄᐅᒐ ᓂᐳᐅᓂᒡ ᐅᒡ, ᐊᓂᔭ ᐎᔪᐤ ᑲᒋᒡ ᒋᑭ ᐱᒪᑎᓯᒥᑭᓂᔪᐤ᙮

1 ᑯᕆᓐᑎᔭᓇ 15:42 ပူးပေါင်းရင်းမြစ်များ

ᒐᓂᓯᔅ 3:19

ᒋᒋᐛ ᒋᑭ ᐅᔅᑯᔨᓐ ᐊᑐᔅᒐᔨᓐ ᒐ ᐅᒋ ᑲᔅᑎᓂᒥᓐ ᒥᒋᒻ ᒐ ᒥᒋᔨᓐ ᐃᔅᐱᔅ ᐅᑎᒋᐱᔨᒐ ᒐ ᐳᓂᐱᒪᑎᓯᔨᓐ ᑭᔭ ᒥᓄᐛᒡ ᒧᔅᑎᔅᑭᒥᓇᑯᓯᔨᓇ᙮ ᒐ ᒋᔅᒋᔨᓐ ᐊᓯᔅᒍᒡ ᑲ ᐅᒋ ᐅᓯᐃᑯᔨᓐ, ᒋᔾ ᐅ ᐊᓯᔅᒍᐤ ᒥᒄ, ᑭᔭ ᐳᓂᐱᒪᑎᓯᓇ, ᐊᓯᔅᒍᐤ ᒥᓐ ᑲᐤ ᒐ ᐃᓯᓇᑯᓯᔨᓐ᙮”

ᑎᐱᑦ ᐅᓂᑭᒧᐅᓇ 16:10

ᐛᔅ ᓇᒪᐎᔾ ᒋᑭ ᓂᑭᑕᐤ ᓂᑦ ᐊᒐᐧᒄ ᒋᐱᔾ ᐊᔅᒋᒡ; ᓇᒪ ᑭᔭ ᒋᑭ ᓇᐊᔨᒪᐤ ᒋ ᐸᔭᒋᓯᒻ ᒐᒋ ᐛᐸᑕᐧᒃ ᓂᓱᐅᓇᑎᓯᐅᓂᔪᐤ᙮

ᑎᐱᑦ ᐅᓂᑭᒧᐅᓇ 49:14

ᒧᔭᒻ ᒪᔭᑕᓂᓯᒡ ᐱᒥᓯᒪᑭᓄᐅᒡ ᓂᒂᔅᑲᓂᒡ; ᒋᑭ ᒧᑯᐅᒡ ᓂᐳᐅᓂᔪᐤ; ᒋᑭ ᑎᐸᔨᒥᑯᐅᒡ ᒪᒃ ᐅᑯᐃᔅᑯᑐᐛ ᒐᒋᓴᐸᔭᔨᒐ; ᑭᔭ ᐅᒥᔪᓇᑯᓯᐅᓄᐛᐤ ᒋᑭ ᐃᔭᔪᓂᔪᐤ ᓂᒂᔅᑲᓂᒡ, ᐎᒋᐛᐛᒡ ᐅᒡ᙮

ᑎᐱᑦ ᐅᓂᑭᒧᐅᓇ 49:9

ᐃᔭᐱᒡ ᑲᒋᒡ ᒐᒋ ᐱᒪᑎᓯᔨᒋ, ᐊᑲ ᑭᔭ ᒐᒋ ᐛᐸᑎᒥᔨᒋ ᓂᓱᐅᓇᑎᓯᐅᓂᔪᐤ᙮

ᒪᑎᔪᐤ 13:43

ᐊᑯ ᒪᒃ ᒋᓴᒪᓂᑐᐤ ᐅᑦ ᐃᔨᒪ ᒐ ᒋᐧᑲᔭᔅᑐᐛᔨᒋ ᐊᓐᑕ ᐅᑕᐎᒪᐛ ᐅᒋᓴᐅᒋᒪᐅᓂᔨᒡ ᒧᔭᒻ ᐱᓯᒻ ᐊ ᐃᓯ ᒋᐧᑲᔭᔅᑐᐛᑦ᙮ ᐊᓐ ᐊᐛᓐ ᑲ ᐸᑕᐧᒃ ᓱᒃ ᐎ ᓂᔅᑐᑎᒻ ᐅᔭ᙮”

ᐊᑈᔅᑕᓇᒡ 2:27

ᒐ ᐊᑲ ᐅᒋ ᓂᑭᑎᑦ ᓂᑦ ᐊᒐᐧᒄ ᐊᓐᑕ ᑲ ᓂᐱᒡ ᐊ ᑕᒡ, ᓇᒪ ᒋᑭ ᐅᒋ ᐱᔅᑎᓇᐤ ᑲ ᐸᔭᒋᓯᑦ ᒋᑦ ᐊᐱᒋᐊᑭᓐ ᒐᒋ ᐎᓂᓯᓂᑦ ᐊᓐᑕ ᑲ ᓇᐃᐧᑯᐛᑭᓄᐅᑦ᙮

ᐊᑈᔅᑕᓇᒡ 2:31

ᑎᐱᑦ ᒪᒃ ᒋ ᐛᐸᑎᔭᑭᓄᐤ ᑕᓐ ᒐ ᐃᑎᔨᒋ ᒋᓴᒪᓂᑐᐛ ᐊᓐᑕ ᐃᔅ ᓂᑲᓄᒡ, ᐊᑯ ᒪᒃ ᑲ ᓂᑲᓐ ᐊᔨᒧᑕᐧᒃ ᑲᐤ ᒐ ᐅᓂᔅᑲᔨᒋ ᙭ᑕ ᓂᐳᐅᓂᒡ ᐅᒡ᙮ ᒋ ᐃᔅᒋᔄᐤ ᒪᒃ, ᓇᒪ ᓇᐅᔅ ᐅᒋ ᐱᔅᑎᓇᑭᓄᐤ ᐊᓐᑕ ᑲ ᓂᐱᔨᒋ ᐊ ᑕᔨᒋ ᒐᒋ ᑕᑦ, ᑭᔭ ᓇᒪ ᐅᒋ ᐃᔭᔪᓂᔨᔪᐤ ᐎᔪᐤ᙮” ᐊᐅᒄ ᐅᔭ ᑲ ᐃᓯ ᐎᑕᐧᒃ ᐱᑕᕐ ᐊᒋ ᐃᔅᒋᔄᔨᒂᓂ ᒋᓴᐅᒋᒪᐛ ᑎᐱᑕ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:23

ᐃᔅᐱᔅ ᐎ ᒐᒋ ᐊᔭᒥᐊᔅᑐᐛᒡ ᑲ ᒋᔅᑕᔨᑕᑯᓯᔨᒋ ᒋᓴᒪᓂᑐᐛ ᐊᓂᔭ ᑲᒋᒡ ᒐ ᑕᔨᒋ, ᐃᔭᐱᒡ ᐊᓂᔭᔪᐛ ᒥᓂᑐᐧᑲᓇ ᒐ ᓂᓱᐅᓇᑎᓯᔨᒋ ᐊᔭᒥᐊᔅᑐᐛᐅᒡ, ᐊᓂᔭᔪᐛ ᐎᔨᐛᐤ ᑎᐱᔨᐛ ᐊᒋ ᐅᓯᐊᒡ ᒥᔅᑎᑯᒡ ᑭᔭ ᐊᓯᓂᒡ ᐅᒡ᙮ ᐊᓂᔭᔪᐛ ᒪᒃ ᒥᓂᑐᐧᑲᓇ ᑲ ᐅᓯᐊᒡ ᒧᔭᒻ ᓇᐸᐛ ᒪᒃ ᐱᔭᓯᓴ ᒪᒃ ᐊᐛᓯᓴ ᒪᒃ ᓂᓇᐧᑯᐤ ᐊ ᐃᓯᓇᑯᓯᔨᒋ ᒥᓐᑐᓴ ᐊᐅᑯᓐ ᑲ ᐃᓯᓇᑯᐊᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 2:7

ᐊᓂᔭᔪᐛ ᐊᐛᔪᐛ ᒧᔅ ᑲ ᒥᔪᑐᑎᒥᔨᒋ ᐊ ᐱᑯᓴᔨᒧᔨᒋ ᒐᒋ ᒥᔪ ᑭᓄᐛᐱᒥᑯᔨᒋ ᒋᓴᒪᓂᑐᐛ ᑭᔭ ᒐᒋ ᒥᔽᒋᒥᑯᔨᒋ ᑭᔭ ᒐᒋ ᒥᔨᑯᔨᒋ ᑲᒋᒡ ᒐᒋ ᐱᒪᑎᓯᔨᒋ, ᒋᑭ ᒥᔭᐤ ᑲᒋᒡ ᒐᒋ ᐱᒪᑎᓯᔨᒋ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:21

ᐃᔭᐱᒡ ᒪᒃ ᒋ ᐃᑕᔨᑎᒻ ᐊᔅᒄ ᐸᐃᒂᐤ ᐊ ᒋᓯᑲᔨᒡ ᑲᐤ ᒐ ᐃᓯᑕᑦ ᒥᓯᐛ ᑕᓐ ᑲ ᐃᓯ ᐅᓯᑕᑦ ᐊᑲ ᓂᑕ ᒐᒋ ᐅᓂᑎᓂᔨᒡ ᑭᔭ ᐊᑲ ᐊᑯ ᓂᓱᐅᓇᑎᓯᐅᓂᒡ ᒐᒋ ᐃᓯ ᑎᐸᔨᑕᑯᓂᔨᒡ᙮ ᒋ ᐃᑕᔨᑎᒻ ᒐᒋ ᐊᓯᒡ ᒋᔅᑕᔨᑕᑯᑕᑭᓄᔨᒋ ᐅᔭ ᒋᔅᑕᔨᑕᑯᐊᑭᓄᔨᒐᓂ ᐅᑦ ᐊᐛᓯᒪ᙮

1 ᑯᕆᓐᑎᔭᓇ 15:41

ᑎᑯᓂᔪᐤ ᐊ ᐃᓯ ᒥᔽᔅᑐᐛᑦ ᐱᓯᒻ᙮ ᑎᐱᔅᑲᐤ ᐱᓯᒻ ᑭᔭ ᑎᑯᓂᔪᐤ ᐊ ᐃᓯ ᒥᔽᔅᑐᐛᑦ᙮ ᑭᔭ ᐅᒐᑭᑕᐧᑯᒡ ᑎᑯᓂᔪᐤ ᐊ ᐃᓯ ᒥᔽᔅᑐᐛᒡ᙮ ᐊᓐᒡ ᐅᒐᑭᑕᐧᑯᒡ ᓂᓇᐧᑯᐤ ᐃᓯᓇᑯᓂᔪᐤ ᐊ ᐃᓯ ᒥᔽᔅᑐᐛᒡ᙮

ᑲᓚᓯᔭᓇ 6:8

ᐊᐛᓐ ᒪᒃ ᐱᓯᒄ ᓂᑎᒥᒄ ᑲ ᐃᓯ ᐱᒪᑎᓯᑦ ᒋᑭ ᐃᓯᓇᑯᓂᔪᐤ ᒐᒃ ᒐ ᐊᑎ ᓂᓱᐅᓇᒋᑕᑦ ᐅᐱᒪᑎᓯᐅᓐ᙮ ᐊᑯ ᒪᒃ ᐊᐛᓐ ᒥᒄ ᐊ ᐃᓯ ᓂᑐᐛᔨᒥᑯᑦ ᑲ ᐸᔭᒋᓯᔨᒋ ᐊᒐᒂ ᐃᓯ ᐱᒪᑎᓯᒐ ᒋᑭ ᐊᔭᐤ ᑲᒋᒡ ᐱᒪᑎᓯᐅᓂᔪᐤ᙮

1 ᐱᑕᕐ 1:4

ᑭᔭ ᐸᑯᓴᔨᒧᔭᐧᒄ ᒐᒋ ᐊᔭᔭᐧᒄ ᐊᓐ ᑕᓐ ᐊ ᐃᓯ ᐊᔭᑦ ᒋᓴᒪᓂᑐᐤ ᒐ ᐃᓯ ᒥᔭᑦ ᐅᑦ ᐃᔨᒪ ᒐᒋ ᑎᐱᔨᐛᐅᓯᔨᒋ᙮ ᒋᒋᒋᓯᑯᒡ ᒪᒃ ᔅᒋ ᑭᓄᐛᔨᑎᒪᑯᐛᐤ ᐊᓐᑕ ᒐ ᐊᑲ ᓂᑕ ᐎᓂᐱᔨᒡ, ᑭᔭ ᒐ ᐊᑲ ᓂᑕ ᐅᓂᑎᓂᔨᒡ ᒪᒃ ᒐᒋ ᐸᓯᑯᓇᑯᓂᔨᒡ᙮