1 ᑯᕆᓐᑎᔭᓇ 15:36 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³⁶ ᐊᔪᐛᒡ ᓇᒪ ᒋᑦ ᐃᑕᔨᑕᓇᓄᐤ ᐊᓐ ᑲ ᐃᓯ ᑯᒂᒋᒐᒧᔭᒄ᙮ ᒪᒥᑐᓇᔨᑎᒧᒄ ᒪ ᒐᒂᓐ ᐊ ᓂᑕᐅᒋᑕᑭᓄᐅᒡ᙮ ᓂᔅᑎᒻ ᐊᓐᑕ ᑕᒥᒡ ᐊᔅᒋᒡ ᐊᔅᑕᑭᓄᐤ ᓂᑕᐅᒋᑕᑭᓐ ᐊᑎ ᐛᒋ ᒋᒋ ᓂᑕᐅᒋᒡ ᒐᒂᓐ᙮ ᐊᓐ ᒪᒃ ᑲ ᐊᔅᑕᑭᓄᐅᒡ ᐊᓐᑕ ᐸᑎᒪ ᒋᑭ ᓂᐱᒥᑭᓐ᙮ ᐊᑯ ᒪᒃ ᐃᔭᒄ ᒐ ᐱᒪᑎᓯᒥᑲᒡ, ᐊᑯ ᐃᔭᒄ ᒐ ᓂᑕᐅᒋᑦ᙮

1 ᑯᕆᓐᑎᔭᓇ 15:36 ပူးပေါင်းရင်းမြစ်များ

ᓗᒃ 11:40

ᓇᒪᐎᔾ ᐊ ᒋ ᓂᔅᑐᑕᓇᐛᐤ, ᒋᓴᒪᓂᑐᐤ ᑲ ᐅᓯᑕᑦ ᒥᔭᔪᐤ ᒋ ᐅᓯᑕᐤ ᑭᔭ ᐊᓂᔭ ᐱᒡ ᑕᓐ ᐊ ᐃᓯᓇᑯᓂᔨᒡ᙮

ᓗᒃ 12:20

“ᐊᑯ ᒋᓴᒪᓂᑐᐛ ᒂ ᐃᑎᑯᑦ, ‘ᑕᑈ ᒋᐎᔭᓯᒥᑎᓱᓐ, ᐊᓄᒡ ᐅ ᒐ ᑎᐱᔅᑲᒡ ᒋᐱᒪᑎᓯᐅᓐ ᒋᑭ ᐅᑎᓇᑭᓄᐤ᙮ ᐊᐛᓐ ᒪᒃ ᒐ ᐊᔭᑦ ᒥᓯᐛ ᐊᓂᔭ ᑲ ᓇᐅᔅᑕᒪᓱᔨᓐ ᒐᒂᔪᐛ ?’ ”

ᓗᒃ 24:25

ᐊᑯ ᐊᓐᒡ ᒋᔅᒋᓄᐊᒧᐛᑭᓐᒡ ᒂ ᐃᑎᑯᒡ ᒋᓴᓴ, “ᒋᔨᐛᐤ ᓇᐸᑐᒄ, ᑕᑈ ᐊᑲ ᐃᑕᔨᑎᒪᒄ, ᑕᓐᑕ ᐛᒋ ᐊᑲ ᐅᒋ ᑕᑈᑐᐛᑯᒡ ᑕᓐ ᑲ ᐃᓯ ᓂᑲᓐ ᐎᑕᒡ ᐊᓂᔭᐧᑲ ᐅᒋᔅᒋᐛᐃᒐᓱᒡ᙮

ᒠᓐ 12:24

ᑯᐃᔅᒄ ᒋ ᐎᑎᒪᑎᓇᐛᐤ ᒧᔭᒻ ᐊᑲ ᐊᓐᑕ ᐊᔅᒋᒡ ᐊᔅᑕᑭᓄᒐ ᐸᐃᑯᒥᓐ ᓂᑕᐅᒋᑕᑭᓐ ᓇᒪ ᒋᑭ ᐅᒋ ᓂᑕᐅᒋᓐ ᒥᒄ ᒪᒃ ᐊᔅᑕᑭᓄᒐ ᐊᓐᑕ ᐊᔅᒋᒡ ᐊᑎ ᓂᐱᒥᑲᒐ ᒪᒃ ᐊᑯᑕ ᒐ ᐅᒋ ᓂᑕᐅᒋᒋ ᒥᒐᑦ ᓂᑕᐅᒋᑕᑭᓇ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:22

ᒧᔭᒻ ᓇᔅᒡ ᐊ ᑭᒐᑕᐛᔨᑕᒡ ᒋ ᐃᑕᔨᑕᑯᐃᓱᐅᒡ ᒥᒄ ᒪᒃ ᓇᔅᒡ ᒋᔎᐧᑲᓐᒡ ᐃᑕᔨᑕᑯᓱᐅᒡ᙮

1 ᑯᕆᓐᑎᔭᓇ 15:37

ᐊᓐ ᒪᒃ ᓂᑕᐅᒋᑕᑭᓐ ᑲ ᐊᔭᑭᓄᐅᑦ ᐊᓐᑕ ᐊᔅᒋᒡ ᓇᒪ ᓇᔅᒡ ᒋᔅᒐᔨᑕᑯᓐ ᑕᓐ ᐊᓐ ᒐ ᐃᓯᓇᒂᒡ ᐃᔅᐱ ᒋ ᐃᓯ ᓂᑕᐅᒋᒐ᙮

ᐃᐱᓯᔭᓇ 5:15

ᓱᒃ ᐃᔭᒂᒥᒄ ᑕᓐ ᐊ ᐃᓯ ᐱᒪᑎᓯᔭᒄ᙮ ᓇᒪ ᒋᐸ ᐅᒋ ᐃᓯ ᐱᒪᑎᓯᓇᐛᐤ ᑕᓐ ᐊ ᐃᓯ ᐱᒪᑎᓯᒡ ᐊᓐᒡ ᐊᑲ ᐊᔭᒡ ᑭᒐᑕᐛᔨᑎᒧᐅᓂᔪᐤ᙮ ᐊᐛᓐᒋ ᑲ ᐊᔭᒡ ᑭᒐᑕᐛᔨᑎᒧᐅᓂᔪᐤ ᐊᐅᒄ ᑕᑈ ᒋᐸ ᐃᓯ ᐱᒪᑎᓯᓇᐛᐤ᙮

ᒋᒥᔅ ᐅᒥᓯᓇᐊᒪᒐᐅᓐ 2:20

ᒋ ᓂᑐᐛᔨᑕᓐ ᐊ ᒐᒋ ᐛᐸᑎᔨᑯᔨᓐ, ᒋᔾ ᒋᔎᐧᑲᓐ, ᐊᑲ ᒐᒂᓐ ᐃᓯᓇᑯᓂᔨᒡ ᐊᐛᓐ ᐅᑕᑈᑎᒧᐅᓐ ᐊᑲ ᓄᑯᓂᔨᒐ ᐅᑦ ᐊᑐᔅᒐᐅᓐ ?