1 ᑯᕆᓐᑎᔭᓇ 15:24 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁴ ᐊᑯ ᒪᒃ ᙭ ᒐ ᓂᓱᐅᓇᒋᑕᑦ ᒥᓯᐛ ᐅᒋᒪᐅᓂᔪᐤ, ᒥᓯᐛ ᑎᐸᔨᒋᒐᐅᓂᔪᐤ ᑭᔭ ᓱᐧᑲᑎᓯᐅᓂᔪᐤ᙮ ᐊᑯ ᒪᒃ ᒐ ᐃᔎᐱᔨᒡ ᐊᔅᒋᔾ᙮ ᐃᔅᐱ ᒪᒃ ᐅ ᒋ ᐃᔅᐱᔨᒐ ᐊᑯ ᙭ ᒐ ᒥᔭᑦ ᒋᓴᒪᓂᑐᐛ ᐅᑕᐎᒪᐛ ᒋᓴᐅᒋᒪᐅᓂᔪᐤ᙮

1 ᑯᕆᓐᑎᔭᓇ 15:24 ပူးပေါင်းရင်းမြစ်များ

ᒪᑎᔪᐤ 10:22

ᒥᓯᐛ ᐊᐛᓐᒋ ᒋᑭ ᐛᐧᑲᑎᑯᐛᐅᒡ ᐊ ᓇᓴᐅᐎᔭᒄ᙮ ᐊᓐ ᒪᒃ ᐊᐛᓐ ᐊᑲ ᓴᐧᑯᒋᐊᑭᓄᐅᑦ ᐊ ᐸᒋ ᓇᓴᐅᑦ ᐊᐅᒄ ᐊᓐ ᒐ ᐱᒪᒋᐊᑭᓄᐅᑦ᙮

ᒪᑎᔪᐤ 11:27

ᐊᑯ ᐃᔅᐱ ᑲᒋ ᐃᓯ ᐊᔭᒥᐊᑦ ᒋᓴᔅ ᒋ ᐃᑕᐤ, “ᓄᑕᐎᔾ ᒥᓯᐛ ᒐᒂᔪᐤ ᓂᒋ ᒥᔨᒄ ᒐᒋ ᓂᓇᑭᑐᐛᔨᑎᒧᒡ᙮ ᐛᔅ ᓇᒪ ᐊᐛᓐ ᒋᔅᒐᔨᒪᐤ ᐅᑯᓯᓯᒪᐛ, ᒥᒄ ᐅᑕᐎᒪᐤ ᒋᔅᒐᔨᒪᐤ᙮ ᑭᔭ ᓇᒪ ᐊᐛᓐ ᒋᔅᒐᔨᒪᐤ ᐅᑕᐎᒪᐛ, ᒥᒄ ᐅᑯᓯᓯᒪᐤ ᒋᔅᒐᔨᒪᐤ, ᑭᔭ ᒥᒄ ᐎᔾ ᐅᑯᓯᓯᒪᐤ ᒋᑭ ᐅᑎᓇᐤ ᐊᐛᔪᐛ ᐊᓂᔭᔪᐛ ᒐᒋ ᒋᔅᒐᔨᒪᔨᒋ ᐅᑕᐎᒪᐛ᙮”

ᒪᑎᔪᐤ 24:13

ᒥᒄ ᒪᒃ ᐊᓐ ᐊᐛᓐ ᒐ ᐊᔨᒋᑲᐳᐅᒂ ᒐ ᐃᔅᐱᔅ ᐱᒪᑎᓯᒂ ᐊᐅᒄ ᒐ ᐱᒪᒋᐊᑭᓄᐅᑦ᙮

ᒪᑎᔪᐤ 28:18

ᐊᑯ ᒂ ᓇᑎᑯᒡ ᒋᓴᓴ ᒂ ᐃᑎᑯᒡ, “ᓂᒋ ᒥᔨᑯᐅᓐ ᓂᔾ ᓇᔅᒡ ᒐᒋ ᐅᒋᒪᐧᑲᑎᒪᓐ ᒋᒋᒋᓯᒄ ᑭᔭ ᐊᔅᒋᔾ᙮

ᓗᒃ 10:22

ᐊᑯ ᒋᓴᔅ ᐃᔅᐱ ᑲᒋ ᐃᓯ ᐊᔭᒥᐊᑦ ᒂ ᐃᑕᑦ ᐊᓂᔭ ᐊᓐᑕ ᐊ ᑕᔨᒋ, “ᓄᑕᐎᔾ ᒥᓯᐛ ᒐᒂᔪᐤ ᓂᒋ ᒥᔨᒄ ᒐᒋ ᓂᓇᑭᑐᐛᔨᑎᒪᓐ᙮ ᐛᔅ ᓇᒪ ᐊᐛᓐ ᒋᔅᒐᔨᒪᐤ ᐊᐛᔪᐛ ᐅᑯᓯᓯᒪᐛ, ᒥᒄ ᐅᑕᐎᒪᐤ ᒋᔅᒐᔨᒪᐤ᙮ ᑭᔭ ᓇᒪ ᐊᐛᓐ ᒋᔅᒐᔨᒪᐤ ᐊᐛᔪᐛ ᐅᑕᐎᒪᐛ, ᒥᒄ ᐅᑯᓯᓯᒪᐤ, ᑭᔭ ᐎᔾ ᐅᑯᓯᓯᒪᐤ ᒋᑭ ᐅᑎᓇᐤ ᐊᐛᔪᐛ ᐊᓂᔭᔪᐛ ᒐᒋ ᒋᔅᒐᔨᒪᔨᒋ ᐅᑕᐎᒪᐛ᙮”

ᒠᓐ 13:3

ᒋᓴᔅ ᒋ ᒋᔅᒐᔨᑎᒻ ᐅᑕᐎᒪᐛ ᐊᒋ ᒥᔨᑯᑦ ᓱᐧᑲᑎᓯᐅᓂᔪᐤ ᒥᓯᐛ ᒐᒂᔪᐤ ᒐᒋ ᐃᑐᑕᐧᒃ, ᑭᔭ ᒋ ᒋᔅᒐᔨᑎᒻ ᒋᓴᒪᓂᑐᐛ ᐊ ᑕᔨᒋ ᐊ ᐅᒋᑦ ᑭᔭ ᒥᓐ ᑲᐤ ᐊᓐᑕ ᒋᓴᒪᓂᑐᐛ ᐊ ᑕᔨᒋ ᒐ ᐃᑐᑕᑦ᙮

ᒠᓐ 3:35

ᐅᑕᐎᒪᐤ ᓴᒋᐊᐤ ᐅᑯᓯᓯᒪᐛ᙮ ᒋ ᒥᔭᐤ ᒥᓯᐛ ᒐᒂᔪᐤ ᒐᒋ ᐎᓱᑎᒥᔨᒋ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:38

ᓂ ᒐᔅᑎᓇᐅᓐ ᐊᑲ ᒐᒂᓐ ᑎᒂᒡ ᒐᒋ ᐃᒐᑕᐃᑯᔭᐧᒄ ᙭ ᐅᓴᒋᐃᐛᐅᓂᒡ ᐅᒡ᙮ ᐳᓂᐱᒪᑎᓯᔭᐧᒄ ᑭᔭ ᒪᒃ ᐱᒪᑎᓯᔭᐧᒄ ᐃᔭᐱᒡ ᒋᐸ ᓴᒋᐃᑯᓄᐤ᙮ ᓇᒪ ᐛᐛᒡ ᐊᓐᒋᓐᒡ ᒪᒃ ᒥᒋ ᐊᒐᐧᑯᒡ ᒋᑭ ᒋ ᐃᒐᑕᐃᑯᓄᐅᒡ ᙭ᑕ ᐅᓴᒋᐃᐛᐅᓂᔨᒡ ᐅᒡ᙮ ᓇᒪ ᒐᒂᓐ ᒋᑭ ᒋ ᐃᔅᐱᔪᐤ ᐊᓄᒡ ᒪᒃ ᐊᓐᑕ ᓂᔅᑕᒥᒡ ᒐᒋ ᐃᒐᑕᐃᑯᔭᐧᒄ ᐅᓴᒋᐃᐛᐅᓂᒡ ᐅᒡ᙮

ᐃᐱᓯᔭᓇ 5:20

ᒧᔅ ᓂᓇᔅᑯᒪᐧᒄ ᒋᓴᒪᓂᑐᐤ ᒍᑕᐎᓄᐤ ᒥᓯᐛ ᒐᒂᔪᐤ ᑕᓐ ᐊ ᐊᑎ ᐃᔅᐱᔨᒡ ᒋᓴᔅ ᙭ ᒋᑎᐸᔨᒋᒐᓯᒥᓄᐤ ᐅᒡ᙮

ᑯᓚᓯᔭᓇ 2:10

ᒋᔨᐛᐤ ᒪᒃ ᔅᒋ ᑐᑕᑯᓇᐛᐤ ᒐᒋ ᒥᑐᓄᓯᔭᒄ ᙭ ᐊ ᐎᒐᐛᒄ᙮ ᐎᔾ ᙭ ᒥᓯᐛ ᑎᐸᔨᒐᐅᓂᔪᐤ ᑭᔭ ᐊ ᓂᑲᓇᔨᑕᑯᓂᔨᒡ ᓱᒐᔨᑕᑯᓱᐅᓂᔪᐤ ᐅᑕ ᐊᔅᒋᒡ ᑭᔭ ᒋᓯᑯᒡ ᑎᐸᔨᑎᒻ᙮

ᑯᓚᓯᔭᓇ 2:15

ᐊᓂᔭ ᒋᐱᔭᑎᑯᒡ ᑲ ᓂᐱᑦ ᙭ ᐊᑯᑕ ᓇᔅᒡ ᑲ ᓴᒂᐊᑦ ᒥᓯᐛ ᐊᓂᔭᔪᐛ ᓱᒐᔨᑕᑯᓱᐅᓂᔪᐤ ᑭᔭ ᑎᐸᔨᒋᒐᐅᓂᔪᐤ ᑲ ᐊᔭᔨᒋ᙮ ᑭᔭ ᒥᓯᐛ ᐊᓂᔭᔪᐛ ᐊᒐᐧᑯᐤ ᓱᒐᔨᑕᑯᓱᐅᓂᔪᐤ ᑲ ᐊᔭᔨᒋ ᑭᔭ ᐊᓂᔭ ᑲ ᓂᔅᑯᔅᑕᑯᑦ᙮ ᒥᓯᐛ ᐊᐛᔪᐛ ᒋ ᐛᐸᑎᔭᐤ ᓇᔅᒡ ᐊ ᓴᒂᐊᑦ ᐊᓂᔭᔪᐛ᙮

1 ᑎᒧᑎ 6:15

ᐎᔾ ᒪᒃ ᒋᓴᒪᓂᑐᐤ ᒋᑭ ᒋᔅᒐᔨᑎᒻ ᒐ ᐃᔅᐱᔅ ᐅᑎᒋᐱᔨᑕᑦ ᐅᔭ ᒐ ᑎᑯᓯᓂᔨᒋ ᒋᓴᓴ᙮ ᐎᔾ ᒋᓴᒪᓂᑐᐤ ᑕᑈ ᐃᑕᔨᑕᑯᓂᔪᐤ ᒐᒋ ᒪᒥᒋᒪᑭᓄᐅᑦ ᑭᔭ ᐎᔾ ᒋᒋᐛ ᐱᒥᐱᔨᑕᐤ ᒥᓯᐛ ᒐᒂᔪᐤ᙮ ᐊᐅᒄ ᐅᔭ ᒥᓯᐛ ᒋᓴᐅᒋᒪᐅᒡ ᐅᒋᓴᐅᒋᒪᒧᐛᐛ ᑭᔭ ᒥᓯᐛ ᑲ ᑎᐸᔨᒐᒡ ᐅᑎᐸᔨᒋᓯᒧᐛᐛ᙮

1 ᐱᑕᕐ 4:7

ᓴᔅ ᐸᓱᓇᑯᓐ ᒥᓯᐛ ᒐᒂᓐ ᒐ ᐃᔎᐱᔨᒡ᙮ ᒋ ᓂᑐᐛᔨᑕᑯᓯᓇᐛᐤ ᒐᒋ ᐃᓯ ᓂᓇᑭᑐᐛᔨᑎᒪᒄ ᑕᓐ ᐊ ᐃᑎᔭᒄ ᑭᔭ ᐊᓱᐛᐱᒄ ᐊ ᐊᔭᒥᐊᔭᒄ᙮

2 ᐱᑕᕐ 1:11

ᐊᑯᑕ ᑭᔭ ᒐᒋ ᐅᒋ ᒥᒄ ᐃᓯ ᐱᑎᑲᐃᑯᐅᔭᒄ ᒋᑎᐸᔨᒋᒐᓯᒥᓄᐤ ᑭᔭ ᒋᐱᒪᒋᐃᐛᒥᓄᐤ ᒋᓴᔅ ᙭ ᐅᒋᒪᐅᓂᒡ, ᐊᓂᔭ ᑲᒋᒡ ᒐ ᑎᑯᓂᔨᒡ᙮