1 ᑯᕆᓐᑎᔭᓇ 14:39 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³⁹ ᐊᑯ ᒪᒃ ᓂᐧᑲᓂᓯᑐᒄ, ᓱᒃ ᒋᐸ ᐃᑕᔨᑕᓇᐛᐤ ᒐᒋ ᒋᔅᒋᐛᐃᒐᔭᒄ᙮ ᐊᑲᐎᔾ ᑭᔭ ᒋᑭ ᐅᒋ ᒋᐱᒋᐊᐛᐅᒡ ᐊᓐᒡ ᑲ ᒂᔅᒋᐃᔨᒥᒡ᙮

1 ᑯᕆᓐᑎᔭᓇ 14:39 ပူးပေါင်းရင်းမြစ်များ

1 ᑯᕆᓐᑎᔭᓇ 12:31

ᒋᐸ ᐱᑯᓴᔨᑕᓐ ᒐᒋ ᐊᔭᔨᓐ ᐊᓂᔭ ᒪᐅᒡ ᒪᔪᐊᐱᑎᓂᔨᒋ ᒋᓴᒪᓂᑐᐤ ᐅᒥᔨᐛᐅᓇ᙮ ᒥᒄ ᒪᒃ ᒋᑭ ᐛᐸᑎᔨᑎᓇᐛᐤ ᐊᓐ ᒐᒂᓐ ᒪᐅᒡ ᒐᔅᑕᔨᑕᒂᒡ ᐃᔅᐱᔅ ᐊᓂᔭᔪᐛ ᒐᒂᔪᐛ ᑲ ᐊᔨᒧᑎᒪᓐ᙮

1 ᑯᕆᓐᑎᔭᓇ 13:2

ᑭᔭ ᐊᑎ ᒥᔨᑯᐅᔭᓐ ᒐᒋ ᑭᔅᒋᐅᔭᓐ ᐊ ᒋᔅᒋᐛᐃᒐᔭᓐ, ᑭᔭ ᐊᑎ ᒥᓯᐛ ᒋᔅᒐᔨᑎᒪᓐ ᓂᔾ ᑕᓐ ᐊ ᐃᓯ ᐊᑲ ᒋᔅᒐᔨᑕᒡ ᑯᑎᑭᒡ ᐊᐛᓐᒋ, ᑭᔭ ᐊᑎ ᒥᔨᑯᐅᔭᓐ ᒥᓯᐛ ᒐᒋ ᒋᔅᒐᔨᑎᒪᓐ ᒐᒂᓐ ᐊᑲ ᐅᒋ ᒋᔅᒐᔨᑎᒥᐃᐛᓄᐅᒡ ᐊᓐᑕ ᐅᑕᒡ ᑭᔭ ᐊᑎ ᐊᔭᔭᓐ ᑕᑈᑎᒧᐅᓐ ᒐᒋ ᐊᑎᓂᒪᓐ ᐱᔅᑯᑎᓇᐛ ᐊᑲ ᒪᒃ ᐊᔭᔭᓐ ᓴᒋᐃᐛᐅᓐ ᐃᔭᐱᒡ ᓇᒪ ᓇᔅᒡ ᒐᒂᓐ ᓂᐸ ᐅᒋ ᐃᑕᔨᑕᑯᓯᓐ᙮

1 ᑯᕆᓐᑎᔭᓇ 14:1

ᓴᒋᐃᐛᐅᓂᒡ ᒪᐅᒡ ᒋᐸ ᐃᓯ ᐊᒋᔅᑕᓱᓇᐛᐤ ᒐᒋ ᐃᓯ ᐱᒪᑎᓯᔭᒄ᙮ ᓱᒃ ᐱᑯᓴᔨᑎᒧᒄ ᐊᒐᐧᒄ ᒥᔨᐛᐅᓇ ᒐᒋ ᐊᔭᔭᒄ᙮ ᐊᓐ ᒪᒃ ᒥᔨᐛᐅᓐ ᒪᐅᒡ ᒋᐸ ᓂᑐᐛᔨᑕᓇᐛᐤ ᐊᐅᒄ ᒐᒋ ᒋᔅᒋᐛᐃᒐᔭᒄ᙮

1 ᑯᕆᓐᑎᔭᓇ 14:3

ᐊᑯ ᐊᓐ ᐊᐛᓐ ᑲ ᒋᔅᒋᐛᐃᒐᑦ ᐎᒋᐊᐤ ᑯᑎᑲ ᐊᐛᔪᐛ, ᐅᐱᓇᐤ ᑭᔭ ᒥᔽᔨᒧᐊᐤ᙮

1 ᑯᕆᓐᑎᔭᓇ 14:38

ᐊᑯ ᒪᒃ ᐊᐛᓐ ᐊᑲ ᒋᔅᒐᔨᑕᒐ ᐅᔭ, ᐊᑯᑕ ᐊ ᓄᑯᓂᔨᒡ ᐊᑲ ᐅᒋᔅᒋᐛᐃᒐᓱᐅᑦ ᐊᑎ ᐊᒋ ᐃᔅᒋᔄᑦ ᐊ ᐅᒋᔅᒋᐛᐃᒐᓱᐅᑦ᙮

1 ᑯᕆᓐᑎᔭᓇ 14:5

ᒥᓯᐛ ᑭᑈ ᒋ ᓂᑐᐛᔨᒥᑎᓇᐛᐤ ᒐᒋ ᒂᔅᒋᐃᔨᒥᔭᒄ᙮ ᒥᒄ ᒪᒃ ᐃᐛᒃ ᒋ ᓂᑐᐛᔨᒥᑎᓇᐛᐤ ᒐᒋ ᒋᔅᒋᐛᐃᒐᔭᒄ᙮ ᐊᐅᒄ ᐅ ᐃᐛᒃ ᐊ ᐃᑕᔨᑕᒂᒡ ᒐᒋ ᐃᓯ ᐃᔨᒥᔭᒄ ᐃᔅᐱᔅ ᐎᔾ ᒐᒋ ᒂᔅᒋᐃᔨᒥᔭᒄ᙮ ᐛᔅ ᒥᒄ ᐸᑐᔅ ᐱᔭᑭᔅᒋᑕᑯᑕᑭᓄᔨᒐ ᐊᓂᔭ ᐊ ᒂᔅᒋᐃᔨᒥᑦ ᐊᐛᓐ ᐊᑯ ᐃᔭᒄ ᒐ ᐎᒋᐃᑯᒡ ᒥᓯᐛ ᐊᓐᒡ ᒪᒧᐤ ᑲ ᐊᔭᒥᐊᐛᑎᓯᒡ᙮

1 ᑕᓴᓗᓂᔭᓇ 5:20

ᐊᑲᐎᔾ ᒪᔭᔨᑎᒺᐧᒄ ᐊᓂᔭ ᑕᓐ ᐊ ᐃᓯ ᓂᑲᓐ ᐎᑕᐧᒃ ᐊᐛᓐ ᒋᓴᒪᓂᑐᐛ ᑲ ᐃᔨᒥᔅᑎᒧᐛᑦ᙮