1 ᑯᕆᓐᑎᔭᓇ 14:20 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁰ ᓂᐧᑲᓂᓯᑐᒄ, ᐊᑲᐎᔾ ᐊᐛᓯᐤ ᒪᒥᑐᓇᔨᑎᒧᒄ᙮ ᒧᔭᒻ ᐅᔅᒋᐛᓴᒡ ᐊ ᐃᑕᔨᑕᑯᓯᒡ ᐊᑲ ᒋᔅᒐᔨᑕᒡ ᐊ ᐃᑕᔨᑕᑯᓂᔨᒡ ᒥᒋᑐᑎᒧᐅᓂᔪᐤ ᐊᐅᑯᓐ ᒧᔭᒻ ᑭᔭ ᒋᔨᐛᐤ ᒋᐸ ᐃᑕᔨᑕᑯᓯᓇᐛᐤ᙮ ᒧᔭᒻ ᐊᐛᓐ ᓴᔅ ᐊᒋ ᐃᓯ ᓂᑕᐅᒋᑦ ᐊᐅᑯᓐ ᒋᐸ ᐃᓯ ᒪᒥᑐᓇᔨᑕᓇᐛᐤ᙮

1 ᑯᕆᓐᑎᔭᓇ 14:20 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 119:99

ᐅᔅᑕ ᓂᑦ ᐅᓂᔅᑐᑎᒧᐅᓐ ᐃᔅᐱᔅ ᒥᓯᐛ ᑲ ᒋᔅᑯᑎᒧᐅᒡ: ᐛᔅ ᒋᑎᐸᒋᒧᐅᓇ ᐊᐅᑯᓂᐃ ᑲ ᒪᒥᑐᓇᔨᑎᒪᓐ᙮

ᒪᑎᔪᐤ 11:25

ᐊᑯᑕ ᒪᒃ ᒋᓴᔅ ᑲ ᐊᔭᒥᐊᑦ ᐊ ᐃᔅᒋᔄᑦ, “ᓄᑕ, ᒋ ᓂᓇᔅᑯᒥᑎᓐ ᐊᒋ ᐛᐸᑎᔨᑥᐤ ᐊᓐᒡ ᐊᐛᓐᒋ ᐊᑲ ᐅᒋ ᒋᔅᑯᑎᒧᐛᑭᓄᐎᒡ ᐊᓂᔭᔪᐛ ᒐᒂᔪᐛ ᑲ ᑲᑐᐅᑥᐤ ᑲ ᑭᒐᑕᐛᔨᑕᒡ᙮

ᒪᑎᔪᐤ 18:3

ᐊᑯ ᒂ ᐃᔅᒋᔄᑦ, “ᑕᑈ ᒋ ᐎᑎᒪᑎᓇᐛᐤ, ᒧᔭᒻ ᐊᑲ ᒂᔅᑲᑎᓯᔭᒂ ᐊᑲ ᐃᑕᔨᑕᑯᓯᔭᒂ ᒧᔭᒻ ᐊᐛᔅ ᐊ ᐃᑕᔨᑕᑯᓯᑦ, ᓇᒪ ᓂᑕ ᒋᑭ ᒋ ᐱᒐᓇᐛᐤ ᒋᒋᒋᓯᒄ ᒋᓴᐅᒋᒪᐅᓂᒡ᙮

ᒪᑎᔪᐤ 19:14

ᐊᑯ ᒋᓴᔅ ᒂ ᐃᑕᑦ, “ᐱᔅᑎᓇᐧᑯᒡ ᐊᐛᓯᒡ ᒐᒋ ᐸᒋ ᓇᓯᒡ ᐊᑲᐎᔾ ᐅᒋ ᒋᑕᐊᒧᐛᐧᑯᒡ, ᐛᔅ ᐅᔭ ᑲ ᐃᑕᔨᑕᑯᓯᒡ ᐊᐛᓐᒋ ᒋᒋᒋᓯᒄ ᐅᒋᒪᐅᓂᒡ ᐃᓯ ᑎᐸᔨᑕᑯᓱᐅᒡ᙮”

ᒪᑎᔪᐤ 19:4

ᐊᑯ ᒋᓴᔅ ᒂ ᐎᑎᒧᐛᑦ ᐊ ᐃᑕᑦ, “ᓇᒪᐎᔾ ᐊ ᒋ ᐅᒋ ᐃᔨᒥᑕᓇᐛᐤ ᒥᓯᓇᐃᑭᓂᒡ ᐊᓐᑕ ᑲ ᐃᑎᔅᑕᒡ, ᓂᔅᑎᒻ ᐃᔪᐛ ᑲ ᐅᓯᐊᑦ ᒋᓴᒪᓂᑐᐤ, ᓇᐸᐛ ᑭᔭ ᐃᔎᐛ ᒋ ᐅᓯᐊᐤ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 10:15

ᑕᑈ ᒋᑦ ᐃᑎᓇᐛᐤ, ᐛᔅ ᒧᔭᒻ ᐊᐛᓐ ᒐ ᐊᑲ ᑕᑈᐅᒐᔨᑎᒥᒂ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ ᐊ ᐃᓯ ᑕᑈᐅᒐᔨᑎᒥᔨᒋ ᐊᐛᓴ, ᓇᒪ ᒋᑭ ᒋ ᐱᒐᐤ ᐊᓐᑕ ᐛᒋᒪᐎᔨᒋ ᒋᓴᒪᓂᑐᐛ᙮”

ᓗᒃ 18:17

ᑕᑈ ᒋ ᐎᑎᒪᑎᓇᐛᐤ, ᒧᔭᒻ ᐊ ᐃᓯ ᑕᑈᑕᐧᒃ ᐊᐛᔅ ᑕᓐ ᐊ ᐃᓯ ᐎᑎᒧᐛᑭᓄᐅᑦ ᐊᐅᑯᓐ ᑭᔭ ᒋᔨᐛᐤ ᒋᐸ ᐃᓯ ᑕᑈᑕᓇᐛᐤ ᑕᓐ ᐊ ᐃᓯ ᐎᑎᒪᑯᔭᒄ ᒋᓴᒪᓂᑐᐤ ᐅᒋᓴᐅᒋᒪᐅᓐ ᑭᔭ ᒐᒋ ᐱᒐᔭᒄ ᐊᓐᑕ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:13

ᒐ ᐎ ᒋᔅᒋᓯᔭᒄ ᐅ ᓂᐧᑲᓂᓯᑐᒄ᙮ ᓴᔅ ᒥᒐᑥᐤ ᓂᒋ ᐎᔭᔨᑕᓐ ᒐᒋ ᓂᑐᐛᐱᒥᑎᑯᒡ ᒥᒄ ᒪᒃ ᒧᔅ ᒋ ᑎᑯᓐ ᒐᒂᓐ ᐊ ᓇᑲᐅᑯᔭᓐ᙮ ᐛᔅ ᓂ ᐱᑯᓴᔨᑕᓐ ᑭᔭ ᒋᔨᐛᐤ ᒐᒋ ᐎᒋᐃᑎᑯᒡ ᒐᒋ ᑕᑈᑎᒪᒄ ᒥᔽᒋᒧᐅᓐ ᒧᔭᒻ ᑲ ᐃᓯ ᐎᒋᐃᒂᐤ ᑯᑎᑭᒡ ᐊᑲ ᒍᐤ ᐃᑎᔅᑲᓇᓯᒡ ᒐᒋ ᑕᑈᑕᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 16:19

ᒋᔨᐛᐤ ᒪᒃ ᐎ ᒥᓯᐛ ᐊᐛᓐ ᒋ ᐸᑎᒻ ᑕᓐ ᐊ ᐃᓯ ᓂᓇᐃᑐᐛᒄ ᐅᑎᐸᔨᒋᒐᐤ᙮ ᐊᑯᑕ ᒪᒃ ᐛᒋ ᓇᔅᒡ ᒥᔽᔨᑎᒪᓐ ᐊ ᒋᔅᒐᔨᒥᑎᑯᒡ ᐅ ᐊ ᐃᑎᔭᒄ᙮ ᒋ ᓂᑐᐛᔨᒥᑎᓇᐛᐤ ᒐᒋ ᒥᔪ ᒋᔅᒐᔨᑎᒪᒄ ᑕᓐ ᐊᓐ ᒪᔽᓯᒡ ᑭᔭ ᐊᑲ ᓇᔅᒡ ᒐᒋ ᐃᑐᑎᒪᒄ ᐊᓐ ᑕᓐ ᐊ ᐃᓯ ᒪᔭᑎᒡ᙮

1 ᑯᕆᓐᑎᔭᓇ 13:11

ᑲ ᐊᐛᓯᐅᔭᓐ, ᒧᔭᒻ ᐊᐛᔅ ᐊ ᐃᓯ ᐃᔨᒥᑦ ᓂᒋ ᐃᓯ ᐃᔨᒥᓐ, ᑭᔭ ᒧᔭᒻ ᐊᐛᔅ ᐊ ᐃᓯ ᒪᒥᑐᓇᔨᑕᐧᒃ ᓂᒋ ᐃᓯ ᒪᒥᑐᓇᔨᑕᓐ, ᑭᔭ ᒧᔭᒻ ᐊᐛᔅ ᓂᒋ ᐃᑕᔨᑕᑯᓯᓐ᙮ ᒥᒄ ᒪᒃ ᐊᓄᒡ ᐊᑯ ᓂᔭᐸᐅᔭᓐ, ᓇᒪ ᐊᑯ ᓂᑦ ᐊᐛᓱᐛᔨᑕᑯᓯᓐ᙮

1 ᑯᕆᓐᑎᔭᓇ 14:19

ᒥᒄ ᒪᒃ ᐃᔅᐱᔅ ᐊ ᑕᔭᓐ ᐊᓐᑕ ᐊ ᐊᔭᒥᐊᒡ ᒪᒧᐤ ᑲ ᐊᔭᒥᐊᐛᑎᓯᒡ ᐃᐛᒃ ᓂᐸ ᒥᔽᔨᑕᓐ ᐊᑎ ᒥᒄ ᐊᐱᓯᔅ ᐃᔨᒥᔭᓐ ᒥᓯᐛ ᒐᒋ ᓂᔅᑐᑐᐅᒡ ᐊᓐᒡ ᑲ ᐃᔨᒥᐃᒂᐤ ᐃᔅᐱᔅ ᐎ ᒐᒋ ᒥᔅᑎ ᒂᔅᒋᐃᔨᒥᔭᓐ ᐊᑲ ᓂᔅᑐᑕᐅᒡ᙮

1 ᑯᕆᓐᑎᔭᓇ 2:6

ᐊᓐᒡ ᐊᐛᓐᒋ ᑲ ᒥᔪ ᓂᑕᐅᒋᒡ ᑕᑈᑎᒧᐅᓂᒡ ᓂ ᓂᔅᑐᑕᑯᓇᓂᒡ ᑭᒐᑕᐛᔨᑎᒧᓂᒡ ᐊ ᐃᓯ ᐃᔨᒥᐃᒋᒡ᙮ ᓇᒪᐎᔾ ᒪᒃ ᐊᓐ ᑭᒐᑕᐛᔨᑎᒧᐅᓐ ᐊᐛᓐᒋ ᐅᑕ ᐊᔅᒋᒡ ᒋᒋᐛ ᑲ ᐃᑕᔨᑕᒡ ᑲ ᐊᔨᒧᑎᒪᓐ᙮ ᓇᒪᐎᔾ ᑭᔭ ᐊᓐ ᑭᒐᑕᐛᔨᑎᒧᐅᓐ ᒋᒋᐛ ᒐᒂᓐ ᑲ ᐃᑕᔨᑕᒡ ᐊᓐᒡ ᐊᐛᓐᒋ ᑲ ᐅᒋᒪᐅᒡ᙮ ᐛᔅ ᐊᓂᔭ ᐎᔨᐛᐤ ᐅᑭᒐᑕᐛᔨᑎᒧᐅᓄᐛᐤ ᒋᑭ ᐃᔎᐱᔪᐤ᙮

ᐃᐱᓯᔭᓇ 4:13

ᐊᐅᒄ ᒪᒃ ᐅ ᒐ ᐃᓯ ᐎᒋᐃᑯᔭᐧᒄ ᐸᑐᔅ ᒥᓯᐛ ᒪᒧᐤ ᐸᐃᑯᓄᒡ ᐃᓯ ᑕᑈᑎᒪᒂ ᑭᔭ ᓇᔅᒡ ᒥᓯᐛ ᒋᔅᒐᔨᒪᒂ ᒋᓴᒪᓂᑐᐤ ᐅᑯᓴ ᑕᓐ ᐊ ᐃᑕᔨᑕᑯᓯᔨᒋ᙮ ᑭᔭ ᐸᑐᔅ ᓇᔅᒡ ᒋ ᐃᓯ ᓂᑕᐅᒋᔭᒂ, ᐊᓐ ᐊ ᐃᑕᔨᑕᑯᓯᑦ ᙭ ᐃᑕᔨᑕᑯᓯᔭᒂ᙮

ᐱᓕᐱᔭᓇ 1:9

ᒋᑦ ᐊᔭᒥᐊᔅᑎᒪᑎᓇᐛᐤ ᐊᐛᓯᑕ ᒐᒋ ᐊᑎ ᓴᒋᐃᑐᔭᒄ, ᑭᔭ ᐊᐛᓯᑕ ᒐᒋ ᐊᑎ ᑭᒐᑕᐛᔨᑎᒪᒄ ᑭᔭ ᐊᐛᓯᑕ ᒐᒋ ᒥᔪ ᑭᒐᔅᒐᔨᑎᒪᒄ ᒐᒂᓐ᙮

ᐱᓕᐱᔭᓇ 3:15

ᒥᓯᐛ ᒪᒃ ᒋᔭᓄᐤ ᑲ ᓂᔅᑐᑎᒪᒄ ᑕᓐ ᐊ ᐃᓯ ᑕᑈᑎᒪᒄ ᐊᐅᑯᐤ ᒋᐸ ᐃᑕᔨᑕᓇᓄᐤ ᑕᓐ ᑲ ᐃᓯ ᐊᔨᒧᑎᒪᓐ᙮ ᒧᔭᒻ ᐊᑲ ᑕᑈᑐᔭᒂ ᑕᓐ ᑲ ᐃᓯ ᐊᔨᒧᑎᒪᓐ, ᒋᓴᒪᓂᑐᐤ ᒋᑭ ᒥᔪ ᐛᐸᑎᔨᑯᐛᐤ᙮

1 ᐱᑕᕐ 2:2

ᒧᔅ ᐊᑐᐎᔅ ᒋᐸ ᓂᑐᐛᔨᑎᒺᓇᐛᐤ ᒋᓴᒪᓂᑐᐤ ᐅᑦ ᐃᔨᒧᐅᓐ᙮ ᐛᔅ ᓇᔅᒡ ᑕᑈ ᐱᔭᒐᔨᑕᑯᓂᔪᐤ᙮ ᑭᔭ ᐊᑯᑕ ᒐ ᐅᒋ ᒥᔪ ᓂᑕᐅᒋᔭᒄ ᑭᔭ ᐊᐅᑯᓐ ᒐ ᑭᓄᐛᔨᒥᑯᔭᒄ ᐊ ᐱᒪᒋᐅᔭᒄ᙮ ᒧᔭᒻ ᐊᐛᔅ ᐊ ᐅᔅᒋᓂᑕᐅᒋᑦ ᒧᔅ ᐊ ᓂᑐᐛᔨᒪᑦ ᒋᒋᓇᐳᔭ ᒐᒋ ᐅᒋ ᓂᑕᐅᒋᑦ, ᐊᐅᑯᓐ ᒋᐸ ᐃᓯᓇᑯᓯᓇᐛᐤ ᐊ ᓂᑐᐛᔨᑎᒺᒄ ᒋᓴᒪᓂᑐᐤ ᐅᑦ ᐃᔨᒧᐅᓐ ᒐᒋ ᐅᒋ ᓂᑕᐅᒋᔭᒄ ᐊᓐᑕ ᒋᑦ ᐊᒐᐧᑯᐛᒡ᙮

2 ᐱᑕᕐ 3:18

ᓱᒃ ᐊᑐᐎᔅ ᐎ ᐃᓯ ᓂᑕᐅᒋᒄ ᐅᓱᐛᔨᒋᒐᐅᓂᒡ ᒋᑎᐸᔨᒋᒐᓯᒥᓄᐤ ᑭᔭ ᒋᐱᒪᒋᐃᐛᓯᒥᓄᐤ ᒋᓴᔅ ᙭, ᑭᔭ ᓱᒃ ᐊᑐᐎᔅ ᐎ ᒋᔅᒐᔨᒪᐧᒄ ᒋᐱᒪᑎᓯᐅᓄᐛᒡ᙮ ᐎᔾ ᒪᒃ ᒋᑭ ᐎ ᒋᔅᑕᔨᑕᑯᐊᑭᓄᐤ ᐊᓄᒡ ᑭᔭ ᒧᔅ ᑲᒋᒡ᙮ ᐊᒥᓐ᙮