1 ᑯᕆᓐᑎᔭᓇ 14:2 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

² ᐛᔅ ᐊᓐ ᐊᐛᓐ ᑲ ᒂᔅᒋᐃᔨᒥᑦ ᒋᓴᒪᓂᑐᐛ ᒥᒄ ᐃᔨᒪᐊᐤ, ᐛᔅ ᑕᐸ ᓂᔅᑐᑕᑯᐤ ᑯᑎᑲ ᐊᐛᔪᐛ ᑕᓐ ᐊ ᐃᓯ ᐃᔨᒥᑦ᙮ ᒋᓴᒪᓂᑐᐛ ᐅᑦ ᐊᒐᐧᑯᔪᐛ ᐅᒋ ᐊᔨᒧᑎᒻ ᒐᒂᔪᐛ ᐊᑲ ᐊᐛᔪᐛ ᒋᔅᒐᔨᑎᒥᔨᒋ᙮

1 ᑯᕆᓐᑎᔭᓇ 14:2 ပူးပေါင်းရင်းမြစ်များ

ᒐᓂᓯᔅ 11:7

ᐊᔅᑎᒻ ᔭᓯᑕᐤ ᑭᔭ ᒐ ᐃᑐᑐᐛᐧᑯᒡ ᑕᑎᐸᓐ ᒐ ᐃᓯ ᐃᔨᒥᒡ ᐃᔨᒧᐅᓇ ᒐ ᐊᑲ ᒋ ᓂᔅᑐᑕᑐᒡ᙮”

ᒐᓂᓯᔅ 42:23

ᒪᒂᒡ ᐅᑦ ᐃᔨᒥᑐᑕᐤ, ᐎᐧᑲᓂᓯᒪᐅᒡ ᓇᒪ ᐅᒋ ᒋᔅᒐᔨᑎᒧᒡ ᓇᔅᑐᑕᑯᒡ ᒍᓯᐸ ᒐᒂᔪᐤ ᐊᔅᒋᔄᒡ᙮ ᐛᔅ ᑲ ᐅᑐᓂᑲᒐᔨᒋ ᒋ ᐊᐱᒋᐊᔪᐛ ᒐᒋ ᐃᔨᒥᑯᒡ᙮

ᑎᐱᑦ ᐅᓂᑭᒧᐅᓇ 78:2

ᓂᑭ ᐸᔅᒋᑐᓇᔨᓐ ᐊ ᓂᔅᐱᑐᐛᐤ ᐊᑎᔪᒐᔭᓐ: ᓂᑭ ᐎᑕᓐ ᐎᐱᒡ ᐅᓂᑎᐱᔅᑲᐤ ᐃᔨᒧᐅᓇ;

ᒪᑎᔪᐤ 13:11

ᐊᑯ ᒋᓴᔅ ᐊᑕᑦ, “ᔅᒋ ᒥᔨᑯᓇᐛᐤ ᒋᔨᐛᐤ ᒐᒋ ᒋᔅᒐᔨᑎᒪᒄ ᐊᓐ ᒐᒂᓐ ᑯᑎᑭᒡ ᐊᐛᓐᒋ ᐊᑲ ᒪᔭᑭᓄᐎᒡ ᒐᒋ ᒋᔅᒐᔨᑕᒡ, ᐊᐅᒄ ᒐᒋ ᒋᔅᒐᔨᑎᒪᒄ ᒋᒋᒋᓯᒄ ᐅᒋᒪᐅᓐ᙮ ᐎᔨᐛᐤ ᒪᒃ ᓇᒪ ᐅᒋ ᐱᔅᑎᓇᑭᓄᐎᒡ ᐊᓂᔭ ᒐᒋ ᐃᓯ ᒋᔅᒐᔨᑕᒡ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 16:17

ᑲ ᑕᑈᑕᒡ ᒋᑭ ᒥᔭᑭᓄᐎᒡ ᓱᐧᑲᑎᓯᐅᓂᔪᐤ ᒐᒋ ᐃᑐᑕᒡ ᓂᓇᐧᑯᐤ ᒪᒥᔅᑲᒡ ᐛᐸᑎᔨᐛᐅᓇ᙮ ᒥᒋ ᐊᒐᒂ ᒋᑭ ᐎᐎᑎᓴᐛᐅᒡ ᓂᑦ ᐃᓯᓂᐧᑲᓱᐅᓂᔪᐤ ᐊ ᐊᐱᒋᑕᒡ ᑭᔭ ᓂᓇᐧᑯᐤ ᐃᔨᒧᐅᓇ ᒋᑭ ᐃᓯ ᐃᔨᒧᐅᒡ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 4:11

ᐊᑯ ᒂ ᐃᑕᑦ, “ᔅᒋ ᒥᔨᑯᓇᐛᐤ ᒋᔨᐛᐤ ᒐᒋ ᒋᔅᒐᔨᑎᒪᒄ ᐊᓐ ᒐᒂᓐ ᑯᑎᑭᒡ ᐊᐛᓐᒋ ᐊᑲ ᒥᔭᑭᓄᐎᒡ ᒐᒋ ᒋᔅᒐᔨᑕᒡ, ᐊᐅᒄ ᒐᒋ ᒋᔅᒐᔨᑎᒺᒄ ᒋᓴᒪᓂᑐᐤ ᐅᒋᓴᐅᒋᒪᐅᓐ᙮ ᑯᑎᑭᒡ ᐊᐛᓐᒋ ᐊ ᐊᔨᒧᑎᒧᐛᑭᓄᐎᒡ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ᙮ ᒋᔅᑯᑎᒪᒐᐤ ᑎᐸᒋᒧᐅᓇ ᐎᑎᒧᐛᑭᓄᐎᒡ ᒐᒋ ᑎᐱᐱᔨᒡ ᐅ ᑲ ᐃᑎᔅᑕᒡ ᒋᓴᒪᓂᑐᐤ ᐅᑦ ᐃᔨᒧᐅᓂᒡ,

ᐊᑈᔅᑕᓇᒡ 10:46

ᒋ ᒋᔅᒐᔨᑎᒧᒡ ᐊᒋ ᒥᔭᑭᓄᐎᒡ ᑲ ᐸᔭᒋᓯᔨᒋ ᐊᒐᒂ, ᐛᔅ ᒋ ᐸᑐᐛᐅᒡ ᐊ ᒂᔅᒋ ᐃᔨᒥᔨᒋ ᑭᔭ ᐊ ᒪᒥᒋᒪᔨᒋ ᒋᓴᒪᓂᑐᐛ᙮ ᐊᑯ ᐱᑕᕐ ᒂ ᐃᔅᒋᔄᑦ,

ᐊᑈᔅᑕᓇᒡ 19:6

ᐊᑯ ᑈᓪ ᒂ ᑕᒋᓇᑦ, ᒂ ᐱᒋᔅᑲᑯᒡ ᑲ ᐸᔭᒋᓯᔨᒋ ᐊᒐᒂ, ᑭᔭ ᒋ ᒂᔅᒋᐃᔨᒧᐅᒡ, ᑭᔭ ᒋ ᐃᔨᒥᔅᑎᒧᐛᐅᒡ ᒋᓴᒪᓂᑐᐛ᙮

ᐊᑈᔅᑕᓇᒡ 22:9

ᐊᓐᒡ ᒪᒃ ᓇᐸᐅᒡ ᑲ ᐎᒐᐅᒡ ᒋ ᐛᐸᑎᒧᒡ ᐊᓂᔭ ᑲ ᒋᐧᑲᔭᔅᑕᔨᒡ, ᓇᒪ ᒥᒄ ᐅᒋ ᐸᑐᐛᐅᒡ ᐊᓂᔭ ᑲ ᐸᒋ ᐃᔨᒥᔨᒋ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 16:25

ᒪᒥᒋᒪᑕᐤ ᒋᓴᒪᓂᑐᐤ᙮ ᐛᔅ ᐎᔾ ᐊᐅᒄ ᑲᔅᒋᐅᑦ ᒐᒋ ᐊᔨᒋᑲᐳᐃᑕᒄ ᒋᐱᒪᑎᓯᐅᓄᐛᒡ ᐊᓐᑕ ᐅᒋ ᑕᓐ ᑲ ᐃᓯ ᐛᐎᑎᒪᑎᑯᒡ ᒥᔽᒋᒧᐅᓐ᙮ ᐊᑯᑕ ᐊ ᐊᔨᒧᒪᑭᓄᐅᑦ ᐅ ᒋᓴᔅ ᙭ ᑲ ᑎᐸᒋᒥᒃ᙮ ᐊᐅᒄ ᒪᒃ ᐅᔭ ᒥᔽᒋᒧᐅᓂᔪᐤ ᓇᒪ ᐅᒋ ᐱᔅᑎᓂᒻ ᒋᓴᒪᓂᑐᐤ ᒐᒋ ᒋᔅᒐᔨᑕᑭᓄᐎᒡ ᐊᓐᑕ ᐸᒋ ᐛᔅᑭᒡ᙮

1 ᑯᕆᓐᑎᔭᓇ 12:10

ᑯᑎᑲ ᐊᐛᔪᐛ ᓱᐧᑲᑎᓯᐅᓂᔪᐤ ᒥᔭᐤ ᒐᒋ ᒪᒥᔅᑲᒡ ᐃᑎᔨᒋ᙮ ᒥᓐ ᑯᑎᑲ ᐊᐛᔪᐛ ᒥᔭᐤ ᒐ ᒋᔅᒋᐛᐃᒐᔨᒋ᙮ ᐊᑯ ᒥᓐ ᑯᑎᑲ ᒪᔭᑦ ᓇᔅᒡ ᒐᒋ ᒐᔅᑎᓇᐅᔨᒋ ᒋᓴᒪᓂᑐᐛ ᐅᐸᔭᒋ ᐊᒐᐧᑯᔪᐛ ᐊ ᐊᑐᔅᒐᔨᒂᓂ ᒪᒃ ᒥᒋ ᐊᒐᒂ ᐊ ᐊᑐᔅᒐᔨᒂᓂ᙮ ᐊᑯ ᒥᓐ ᑯᑎᑲ ᒪᔭᑦ ᒐᒋ ᒂᔅᒋᐃᔨᒥᔨᒋ᙮ ᐊᑯ ᑯᑎᑲ ᐊᐛᔪᐛ ᒪᔭᑦ ᒐᒋ ᐱᔭᑭᔅᒋᑕᑯᑕᔨᒋ ᑕᓐ ᑲ ᐃᔅᒋᔄᔨᒋ ᐊᓂᔭᔪᐛ ᑲ ᒂᔅᒋᐃᔨᒥᔨᒋ᙮

1 ᑯᕆᓐᑎᔭᓇ 12:28

ᑕᔪᐛ ᒪᒃ ᐅᒪᒧᐊᔭᒥᐊᐛ ᒋᓴᒪᓂᑐᐤ ᐊᒋ ᐅᑎᓇᑦ ᑕᓐ ᒐ ᐃᑕᐱᑎᓯᔨᒋ᙮ ᐊᓂᔭᔪᐛ ᓂᔅᑎᒻ ᑲ ᐅᑎᓇᑦ ᐊᐅᒄ ᐅᔭ ᐊᑈᔅᑕᓇ ᐊᑯ ᒥᓐ ᐅᒋᔅᒋᐛᐃᒐᓱᐛ, ᐊᑯ ᒥᓐ ᒋᔅᑯᑎᒪᒐᓱᐛ, ᑭᔭ ᐊᐛᔪᐛ ᒪᒥᔅᑲᒡ ᒐᒂᔪᐤ ᒐ ᐃᑐᑎᒥᔨᒋ᙮ ᒋ ᐅᑎᓇᐤ ᑭᔭ ᐊᐛᔪᐛ ᒐ ᒥᓏᒋᐃᐛᔨᒋ, ᑭᔭ ᐊᓂᔭᔪᐛ ᓂᓇᐧᑯᐤ ᒐ ᐃᓯ ᐎᒋᐊᔨᒋ ᐊᐛᔪᐛ᙮ ᒋ ᐅᑎᓇᐤ ᑭᔭ ᐊᐛᔪᐛ ᐊ ᐛᐎᐱᔨᑕᔨᒋ ᒐᒂᔪᐤ ᒐ ᐃᑕᐱᑎᓯᔨᒋ, ᑭᔭ ᐊᐛᔪᐛ ᒐ ᒂᔅᒋᐃᔨᒥᔨᒋ᙮

1 ᑯᕆᓐᑎᔭᓇ 13:1

ᐊᑎ ᒥᔨᑯᐅᔭᓐ ᒐᒋ ᐃᓯ ᐃᔨᒥᔭᓐ ᐊ ᐃᓯ ᐃᔨᒥᒡ ᑯᑎᑭᒡ ᐊᐛᓐᒋ ᑭᔭ ᐊ ᐃᓯ ᐃᔨᒥᒡ ᐊᓐᒋᓐᒡ, ᐊᑲ ᒪᒃ ᐊᔭᔭᓐ ᓴᒋᐃᐛᐅᓐ ᓇᒪᐎᔾ ᒐᒂᓐ ᒋᐸ ᐅᒋ ᐃᑕᐱᑎᓐ ᐊᓐ ᑲ ᐃᓯ ᒥᔨᑯᐅᔭᓐ ᒐᒋ ᐃᓯ ᐃᔨᒥᔭᓐ ᐛᔅ ᒧᔭᒻ ᒥᒄ ᐊ ᒪᒥᑥᔭᐱᔅᑲᐃᑭᓄᐅᒡ ᐃᓴᒄ ᓂᐸ ᐃᑎᑕᑯᓯᓐ᙮

1 ᑯᕆᓐᑎᔭᓇ 13:2

ᑭᔭ ᐊᑎ ᒥᔨᑯᐅᔭᓐ ᒐᒋ ᑭᔅᒋᐅᔭᓐ ᐊ ᒋᔅᒋᐛᐃᒐᔭᓐ, ᑭᔭ ᐊᑎ ᒥᓯᐛ ᒋᔅᒐᔨᑎᒪᓐ ᓂᔾ ᑕᓐ ᐊ ᐃᓯ ᐊᑲ ᒋᔅᒐᔨᑕᒡ ᑯᑎᑭᒡ ᐊᐛᓐᒋ, ᑭᔭ ᐊᑎ ᒥᔨᑯᐅᔭᓐ ᒥᓯᐛ ᒐᒋ ᒋᔅᒐᔨᑎᒪᓐ ᒐᒂᓐ ᐊᑲ ᐅᒋ ᒋᔅᒐᔨᑎᒥᐃᐛᓄᐅᒡ ᐊᓐᑕ ᐅᑕᒡ ᑭᔭ ᐊᑎ ᐊᔭᔭᓐ ᑕᑈᑎᒧᐅᓐ ᒐᒋ ᐊᑎᓂᒪᓐ ᐱᔅᑯᑎᓇᐛ ᐊᑲ ᒪᒃ ᐊᔭᔭᓐ ᓴᒋᐃᐛᐅᓐ ᐃᔭᐱᒡ ᓇᒪ ᓇᔅᒡ ᒐᒂᓐ ᓂᐸ ᐅᒋ ᐃᑕᔨᑕᑯᓯᓐ᙮

1 ᑯᕆᓐᑎᔭᓇ 14:16

ᐊ ᒪᒥᒋᒥᑦ ᒋᓴᒪᓂᑐᐤ ᐊ ᒂᔅᒋᔨᒥᔨᓐ, ᑯᑎᒃ ᐊᐛᓐ ᐊᑲ ᐊᔅᒄ ᐅᒋ ᒥᔭᑭᓄᐅᑦ ᐊᒐᐧᑯᐤ ᒥᔨᐛᐅᓇ ᓇᒪ ᒋᑭ ᒋ ᐎᒋᐃᒄ ᐊ ᒪᒥᒋᒥᑎ ᒋᓴᒪᓂᑐᐛ ᐛᔅ ᓇᒪ ᒋᑭ ᐅᒋ ᓂᔅᑐᑕᒄ᙮

1 ᑯᕆᓐᑎᔭᓇ 14:26

ᓂᐧᑲᓂᓯᑐᒄ, ᒪᐅ ᒋᐸ ᐃᑎᓇᐛᐤ᙮ ᐊ ᓇᒋ ᐊᔭᒥᐊᔭᒄ, ᐱᔅᒐ ᐊᐛᓐᒋ ᒋᑭ ᓂᑭᒧᐅᒡ, ᐱᔅᒐ ᐊᐛᓐᒋ ᒋᑭ ᒋᔅᑯᑎᒪᒐᐅᒡ, ᐊᑯ ᐱᔅᒐ ᒋᑭ ᐎᑎᒧᒡ ᑕᓐ ᑲ ᐃᓯ ᐛᐸᑎᔨᑯᒡ ᒋᓴᒪᓂᑐᐛ᙮ ᐱᔅᒐ ᒋᑭ ᒂᔅᒋᐃᔨᒧᐅᒡ, ᐊᑯ ᑯᑎᑭᒡ ᒐ ᐸᔭᑭᔅᒡ ᐎᑎᒪᒐᒡ ᐊ ᒂᔅᒋᐃᔨᒥᓇᓄᐎᒡ᙮ ᒥᒄ ᒪᒃ ᑕᓐ ᒥᒄ ᒐ ᐃᑎᓇᓄᒂ ᐊᓐᑕ ᐊ ᐊᔭᒥᐊᓄᐅᒡ ᔭᐃᑕᔾ ᒐᒋ ᐎᒋᐃᑯᒡ ᐊᓐᒡ ᑲ ᑕᑈᑕᒡ ᐊᓐᑕ ᐊ ᑕᒡ ᐊᐅᑯᓐ ᒋᐸ ᐃᑐᑕᑭᓄᐤ᙮

1 ᑯᕆᓐᑎᔭᓇ 15:51

ᒋ ᐎᑎᒪᑎᓇᐛᐤ ᒐᒂᓐ ᐊᑲ ᒋᔅᒐᔨᑕᑭᓄᐅᒡ᙮ ᓇᒪ ᒥᓯᐛ ᒋᑭ ᐅᒋ ᓂᐱᓇᓄᐤ᙮ ᒥᒄ ᒪᒃ ᒥᓯᐛ ᐊ ᑎᓯᔭᐧᒄ ᓯᔅᒋᑯᒡ ᒋᑭ ᒂᔅᒋᓇᑯᐃᑯᐅᓇᓄᐤ᙮

1 ᑯᕆᓐᑎᔭᓇ 2:10

ᒋᓴᒪᓂᑐᐤ ᒪᒃ ᔅᒋ ᒋᔅᒐᔨᑎᒥᐃᑯᓄᐤ ᐅᔭ ᐅᑦ ᐊᒐᒂ ᐅᒡ᙮ ᐛᔅ ᐅᑦ ᐊᒐᒂ ᒥᓯᐛ ᒐᒂᔪᐤ ᓇᓂᑐ ᒋᔅᒐᔨᑎᒥᔪᐛ, ᐛᐛᒡ ᐊᓂᔭ ᑕᓐ ᐊᓐ ᐊ ᐃᑕᔨᑕᑯᓯᔨᒋ ᒋᓴᒪᓂᑐᐛ᙮

1 ᑯᕆᓐᑎᔭᓇ 2:7

ᒋᓴᒪᓂᑐᐤ ᐅᑭᒐᑕᐛᔨᑎᒧᐅᓐ ᐊᐅᒄ ᑲ ᐊᔨᒧᑎᒪᑕᒡ ᐊᓐ ᐊᑲ ᐅᒋ ᒋᔅᒐᔨᑕᑯᑕᑭᓄᐅᒡ ᐅᑕ ᐸᒋ ᐅᑕᒡ᙮ ᐊᔅᒄ ᐊᑲ ᐅᒋ ᐅᓯᑕᑦ ᒋᓴᒪᓂᑐᐤ ᐅᔭ ᐊᔅᒋᔪᐤ, ᓴᔅ ᒋ ᐎᔭᔨᑎᒻ ᑕᓐ ᒐ ᐃᑎᑦ ᐊᓐᑕ ᓂᔅᑕᒥᒡ ᐊᓐᑕ ᒐᒋ ᐅᒋ ᒋᔅᑕᔨᑕᑯᐃᑕᐧᒄ᙮

ᐃᐱᓯᔭᓇ 6:19

ᐸᒋ ᐊᔭᒥᐊᔅᑎᒧᐅᒄ ᑭᔭ ᓂᔾ ᒐᒋ ᐸᒋ ᒥᔨᑦ ᒋᓴᒪᓂᑐᐤ ᑕᓐ ᒐ ᐃᔅᒋᔄᐅᒡ ᐊ ᐛᐎᑎᒧᒡ ᒥᔽᒋᒧᐅᓂᔪᐤ ᐊᓂᔭ ᑕᓐ ᐊ ᐃᓯ ᐊᑲ ᐅᒋ ᒋᔅᒐᔨᑕᑯᓂᔨᒡ ᐊᓐᑕ ᐅᑕᒡ ᑭᔭ ᐊᔭᒥᐊᔅᑎᒧᐅᒄ ᒐ ᐊᑲ ᒋ ᑯᔅᑕᒋᔭᓐ᙮

ᑯᓚᓯᔭᓇ 2:2

ᐊᐅᒄ ᐊ ᐃᑎᔭᓐ ᐊ ᐱᑯᓴᔨᒧᔭᓐ ᒐᒋ ᓱᒋᑕᐊᔭᒄ ᑭᔭ ᒐᒋ ᒪᒧᐱᔪᐅᔭᒄ ᐊ ᓴᒋᐃᑐᔭᒄ᙮ ᒋ ᓂᑐᐛᔨᒥᑎᓇᐛᐤ ᓇᔅᒡ ᒐᒋ ᓂᔅᑐᑎᒪᒄ ᒥᔽᒋᒧᐅᓐ ᒐᒋ ᓱᐛᔨᒥᑯᐅᔭᒄ ᐊ ᒋᔅᒐᔨᑎᒪᒄ ᐊ ᑕᑈᒥᑲᒡ᙮ ᓇᔅᒡ ᓂᔅᑐᑎᒪᒂ ᐊᑯᑕ ᒐ ᐅᒋ ᒋᔅᒐᔨᒪᒄ ᒋᓴᔅ ᙭, ᐊᓐ ᐊᑲ ᓂᑕ ᐅᒋ ᒋᔅᒐᔨᒪᑭᓄᐅᑦ ᐊᓐᑕ ᐅᑕᒡ᙮ ᒋ ᐃᑐᑎᒻ ᒪᒃ ᐊᑯ ᒋᓴᒪᓂᑐᐤ ᒐᒋ ᒋᔅᒐᔨᒪᑯ ᙭ᑕ᙮

1 ᑎᒧᑎ 3:16

ᐊᔪᐛᒡ ᑭᑈ ᒋᔅᑕᔨᑕᑯᓐ ᐊᓐ ᑕᓐ ᐊ ᐃᓯ ᒥᔅᑲᑕᔨᑕᒂᒡ ᒋᑕᑈᑎᒧᐅᓄᐤ᙮ ᒋᓴᒪᓂᑐᐤ ᐎᔭᓱᐅᓂᒡ ᐊᒋ ᐃᓯ ᓄᑯᐃᓱᑦ᙮ ᒋ ᒐᔅᑎᓇᑕᔨᑕᑯᐃᑯᐤ ᑲ ᐸᔭᒋᓯᔨᒋ ᐊᒐᒂ ᑕᑈ ᒋᓴᒪᓂᑐᐛ ᐊᒋ ᐸᒋ ᐃᑎᓴᐅᑯᑦ᙮ ᒋ ᐛᐱᒥᑯᐤ ᐊᓐᒋᓇ᙮ ᒋ ᐊᔨᒧᒪᑭᓄᐤ ᐊ ᑭᒐᔅᒋᒧᓇᓄᐎᒡ ᐊᓐᑕ ᓂᓇᐧᑯᐤ ᐊ ᐃᑎᔅᑲᓇᓯᓇᓄᐎᒡ᙮ ᒋ ᑕᑈᔭᔨᒥᑯᐤ ᐊᐛᔪᐛ ᐅᑕ ᐊᔅᒋᒡ᙮ ᐊᑯ ᒪᒃ ᒋᒋᒋᓯᑯᒡ ᑲ ᐃᓯ ᐅᐱᔨᑦ ᒐᒋ ᒋᔅᑕᔨᑕᑯᐊᑭᓄᐅᑦ᙮

1 ᑎᒧᑎ 3:9

ᓱᒃ ᒋᐸ ᐎ ᒥᒪᒋᒥᓂᒧᒡ ᑕᓐ ᐊ ᐃᓯ ᑕᑈᒥᑭᓂᔨᒡ ᐊᓂᔭ ᐊ ᐃᓯ ᑕᑈᑎᒺᐧᒄ ᐊᓂᔭ ᑭᑈ ᑲ ᐃᓯ ᒋᔅᒐᔨᑎᒥᐃᑯᐛᐧᒄ᙮ ᒋᐸ ᒐᔅᑎᓇᑕᔨᒥᓱᐅᒡ ᑯᐃᔅᒄ ᐊ ᐃᓯ ᐱᒪᑎᓯᒡ᙮

ᒋᔅᒐᔨᑕᑯᑕᒐᐅᓐ 10:7

ᐃᔅᐱ ᒪᒃ ᐊᓐ ᓂᔄᐅᑕᒡ ᐊ ᑕᑦ ᐊᓐᒋᓐ ᐳᑕᑕᒐ ᐅᐳᑕᒋᑭᓐ, ᐊᑯ ᒐ ᒋᔅᑕᑦ ᒋᓴᒪᓂᑐᐤ ᐊ ᑎᐸᑐᑕᐧᒃ ᑕᓐ ᑲ ᐃᑕᔨᑎᒥᐃᑯᑦ ᒐᒋ ᐃᑐᑕᐧᒃ ᐊᓂᔭ ᒐᒂᔪᐤ ᐊᑲ ᐊᐛᔪᐛ ᐅᒋ ᒋᔅᒐᔨᑎᒥᔨᒋ, ᐊᓂᔭ ᑲ ᐃᓯ ᐎᑎᒧᐛᑯᐱᓇ ᐊᓂᔭᐧᑲ ᐅᑦ ᐊᐱᒋᐊᑭᓇ ᑲ ᒋᔅᒋᐛᐃᒐᔨᒋ᙮”