1 ᑯᕆᓐᑎᔭᓇ 12:25 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁵ ᐊᐅᒄ ᐅᔭ ᑲ ᐃᓯᑕᑦ ᒐ ᐊᑲ ᒋ ᑎᒂᒡ ᑎᐸᓂᐃᓱᐅᓐ ᒥᔭᒡ, ᒋᓴᒪᓂᑐᐤ ᒋ ᓂᑐᐛᔨᑎᒻ ᐊᓂᔭᔪᐛ ᐱᔅᒐᓯᐅᓇ ᐊᓐᑕ ᒥᔭᒡ ᑲ ᑎᑯᓂᔨᒋ ᒥᓯᐛ ᐸᐃᑯᓄᒡ ᒐᒋ ᐛᐎᒋᐃᑐᒥᑭᓂᔨᒋ, ᓇᒪ ᐎ ᒐᒋ ᑕᑎᐸᓂᐱᔨᐃᓱᒥᑭᓂᔨᒋ᙮

1 ᑯᕆᓐᑎᔭᓇ 12:25 ပူးပေါင်းရင်းမြစ်များ

1 ᑯᕆᓐᑎᔭᓇ 12:24

ᑎᑯᓇ ᑯᑎᑲ ᒐᒂᔪᐛ ᒥᔭᒡ ᐊᑲ ᒐᒂᓐ ᐊ ᐃᑕᔨᑎᒪᐧᒄ ᐊ ᓄᒂᒋ᙮ ᐊᐅᑯᓂ ᒪᒃ ᐅᔭ ᓇᒪ ᓂᑐᐛᔨᑕᑯᓐ ᒐᒋ ᐊᑯᐊᒪᐧᒄ᙮ ᒋᓴᒪᓂᑐᐤ ᒋ ᐅᓯᑕᐤ ᒥᔭᔪᐤ ᐃᔭᒂ ᒐᒋ ᐃᑐᑕᑭᓄᔨᒋ ᒥᓯᐛ ᐊᓂᔭ ᐱᔅᒐᓯᐅᓇ ᐛᔅ ᒥᓯᐛ ᓂᑐᐛᔨᑕᑯᓐ ᒐᒋ ᒥᔪᐱᔨᒡ ᒥᔪᐤ᙮

1 ᑯᕆᓐᑎᔭᓇ 12:26

ᑎᒂᒐ ᐊ ᐃᓯ ᐊᐧᑯᓯᒥᑲᒡ ᐊᓐ ᒥᔪᐤ, ᒥᓯᐛ ᐊ ᐃᔅᐱᓴᒡ ᒥᔪᐤ ᒋᑭ ᒧᓯᑕᒐᒥᑭᓐ᙮ ᑭᔭ ᐸᐃᒄ ᐱᔅᒐᓯᐅᓐ ᐊᓐᑕ ᒥᔭᒡ ᒥᔪᐧᑲᑭᓄᐅᒐ, ᒥᓯᐛ ᐊ ᐃᔅᐱᓴᒡ ᐊᓐ ᒥᔪᐤ ᒋᑭ ᒥᔽᔨᒧᒥᑭᓐ᙮

1 ᑯᕆᓐᑎᔭᓇ 3:3

ᐊᔅᒄ ᐊᐅᑯᓐ ᐊ ᐃᓯ ᐱᒪᑎᓯᔭᒄ ᐊ ᐃᓯ ᐱᒪᑎᓯᒡ ᐊᓐᒡ ᐊᔅᒄ ᐊᑲ ᐱᔅᑎᓇᒡ ᑲ ᐸᔭᒋ ᐊᒐᒂ ᒐᒋ ᐱᒥᐱᔨᑕᔨᒋ ᐅᐱᒪᑎᓯᐅᓄᐛᐛ᙮ ᐛᔅ ᒋ ᒪᒥᒐᔨᒥᑐᓇᐛᐤ ᑭᔭ ᒋ ᒪᒥᒋᐱᔨᐃᑐᓇᐛᐤ᙮ ᐊᑯᑕ ᒪᒃ ᐊ ᓄᒂᒡ ᐊᔅᒄ ᐊ ᐃᓯ ᐱᒪᑎᓯᔭᒄ ᐊᓂᔭ ᑕᓐ ᐊ ᐃᓯ ᐱᒪᑎᓯᒡ ᐊᓐᒡ ᐊᑲ ᑕᑈᑕᒡ᙮

2 ᑯᕆᓐᑎᔭᓇ 13:11

ᐊᑯ ᒪᒃ ᓂᐧᑲᓂᓯᑐᒄ, ᐛᒋᔭ ᒋᑦ ᐃᑎᓇᐛᐤ᙮ ᓱᒃ ᑯᒋᑕᒄ ᐊᓐ ᒐᒋ ᐃᑕᔨᑕᑯᓯᔭᒄ ᐊ ᐃᓯ ᓂᑐᐛᔨᒥᑕᒄ ᒋᓴᒪᓂᑐᐤ ᒐᒋ ᐃᑕᔨᑕᑯᓱᐛᒄ᙮ ᐃᔭᒂᐤ ᓂᑐᑎᒧᒄ ᑕᓐ ᐊ ᐃᓯ ᓯᒋᒥᑎᑯᒡ᙮ ᓱᒃ ᐸᐃᑯᓄᒡ ᐎ ᐃᓯ ᐱᒪᑎᓯᒄ᙮ ᓱᒃ ᒥᔪ ᐎᒐᐅᑐᒄ᙮ ᒋᓴᒪᓂᑐᐤ ᐊᓐ ᑲ ᓴᒋᐃᐛᑦ ᑭᔭ ᑲ ᐊᔭᑦ ᒋᔭᒪᔨᑎᒧᐅᓂᔪᐤ ᒋᑭ ᐎᒐᐅᑯᐛᐤ᙮

2 ᑯᕆᓐᑎᔭᓇ 7:12

ᓇᒪᐎᔾ ᐊᓐ ᐊᐛᓐ ᑲ ᒥᒋᑐᑕᐧᒃ ᒪᒃ ᐊᓂᔭᔪᐛ ᐊᐛᔪᐛ ᑲ ᐅᓂᑐᑕᑯᑦ ᐛᒋ ᒥᓯᓇᐊᒪᑎᑯᒡ᙮ ᔅᒋ ᒥᓯᓇᐊᒪᑎᓇᐛᐤ ᒐᒋ ᐛᐸᑎᔨᑕᒄ ᒋᓴᒪᓂᑐᐤ ᑕᓐ ᐊᔅᐱᔅ ᐊᐱᑕᔨᒥᔭᒡ᙮

2 ᑯᕆᓐᑎᔭᓇ 8:16

ᓂᓇᔅᑯᒪᐤ ᒋᓴᒪᓂᑐᐤ ᐊᒋ ᒥᔭᑦ ᑕᐃᑕᓴ ᒧᔭᒻ ᓂᔾ ᐊ ᐃᓯ ᓴᒋᐃᑎᑯᒡ ᒐᒋ ᐃᓯ ᓴᒋᐃᑕᒄ᙮