1 ᑯᕆᓐᑎᔭᓇ 11:19 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁹ ᔭᐃᑕᔾ ᒂᔄᓐ ᓂᑐᐛᔨᑕᑯᓂᔨᒐ ᒐᒋ ᑎᒂᒡ ᑎᐸᓂᐱᔪᐅᓐ ᐃᔭᒄ ᒐᒋ ᓂᔅᑐᓇᑯᓯᒡ ᑕᓐ ᐊᓐᒡ ᑎᔭᑈᒡ ᒋᓴᒪᓂᑐᐛ ᐃᔅ ᐊ ᑕᔨᒋ᙮

1 ᑯᕆᓐᑎᔭᓇ 11:19 ပူးပေါင်းရင်းမြစ်များ

ᒪᑎᔪᐤ 18:7

ᑕᑈ ᒪᔭᑎᓇ ᒐᒂᔪᐛ ᐊ ᐃᓯ ᑎᒂᒋ ᐅᑕ ᐊᔅᒋᒡ ᐊᓐᑕ ᒐᒋ ᐅᒋ ᒥᒋᑐᑕᒡ ᐊᐛᓐᒋ᙮ ᒧᔅ ᒋᑭ ᑎᑯᓂᔪᐛ ᒐᒂᔪᐛ ᒐ ᑯᒂᒋᐃᑯᒡ ᐊᐛᓐᒋ ᒐᒋ ᒥᒋᑐᑕᒡ, ᒥᒄ ᒪᒃ ᒋᓴᒪᓂᑐᐤ ᒋᑭ ᐛᐛᓯᐊᐤ ᐊᓂᔭ ᑲ ᐃᑐᑐᐛᔨᒋ ᑯᑎᑲ ᐊᐛᔪᐛ ᒐᒋ ᒥᒋᑐᑎᒥᔨᒋ᙮”

ᓗᒃ 17:1

ᒋᓴᔅ ᒋ ᐃᑕᐤ ᐅᒋᔅᒋᓄᐊᒧᐛᑭᓇ, “ᒧᔅ ᑕᑈ ᒋᑭ ᑎᑯᓂᔪᐤ ᒐᒂᔪᐤ ᒐ ᐃᑐᑕᑯᒡ ᐃᔪᒡ ᒐᒋ ᒥᒋᑐᑕᒡ᙮ ᒥᒄ ᒪᒃ ᒋᑭ ᒋ ᒥᒋᐱᔪᒡ ᐊᓐᒡ ᑲ ᐃᑐᑐᐛᒡ ᐊᐛᔪᐛ ᒐᒋ ᒥᒋᑐᑎᒥᔨᒋ᙮

ᓗᒃ 2:35

ᐊᑯᑕ ᒪᒃ ᒐ ᓄᑯᓂᔨᒡ ᑕᓐ ᐊᓐ ᐊ ᐃᓯᓇᑯᓂᔨᒋ ᐅᑕᑈᑎᒧᐅᓄᐛᐛ ᐊᐛᓐᒋ᙮ ᐊᑯ ᒪᒃ ᒋᔾ ᒪᕆ, ᒥᔅᑎ ᒋᑭ ᒥᓯᒪᔨᑎᒥᐃᑯᓐ ᒐ ᐃᑐᑐᐛᑭᓄᐅᑦ, ᒧᔭᒻ ᒧᐧᑯᒪᓐ ᐊ ᑕᐧᑲᒥᑯᔨᓐ ᒋᑦ ᐊᒐᐧᑯᒡ ᒋᑭ ᐃᑎᒪᒋᐅᓐ᙮”

ᐊᑈᔅᑕᓇᒡ 15:5

ᒥᒄ ᒪᒃ ᐱᔅᒐ ᐊᓐᒡ ᐸᕆᓯᔨᒡ ᑲ ᑕᑈᑕᒡ, ᐃᔅᐱ ᐱᔭᑐᐛᒡ ᑈᓚ ᐊ ᐎᑎᒥᔨᒋ ᐊ ᑕᑈᑎᒥᔨᒋ ᐊᓂᔭᔪᐛ ᐊᑲ ᒍᐤ ᑲ ᐃᑎᔅᑲᓇᓯᔨᒋ, ᒋ ᐅᒋ ᐱᓯᑯᐅᒡ ᐊ ᐃᔅᒋᔄᒡ, “ᐃᑕᔨᑕᑯᓂᔪᐤ ᑭᑈ ᐊᓐᒡ ᑲ ᑕᑈᑕᒡ ᐊᑲ ᒍᐤ ᐃᑎᔅᑲᓇᓯᒡ ᒐᒋ ᒋᔅᒋᓄᐛᒋᔄᑭᓄᐎᒡ ᑭᔭ ᐎᔨᐛᐤ ᑭᔭ ᒋᐸ ᐃᑕᑭᓄᐎᒡ ᒐᒋ ᓂᓇᐃᑎᒺᒡ ᒧᓱᓴ ᐅᐎᓱᐛᐅᓂᔪᐤ᙮”

ᐊᑈᔅᑕᓇᒡ 20:30

ᓂᐦᐃ, ᐛᐛᒡ ᑭᔭ ᐊᓐᑕ ᓇᓂᑎᒻ ᐊ ᑕᔭᒄ ᒋᑭ ᐅᒋ ᐎᔨᑲᐳᐅᒡ ᐊᐛᓐᒋ ᐊ ᑯᒂᔅᒋᐱᔨᑕᒡ ᑕᑈᐅᓂᔪᐤ ᑭᔭ ᐊ ᐎ ᐃᒐᐱᑕᒡ ᐊᐛᔪᐛ ᑲ ᑕᑈᔭᔨᒪᔨᒋ ᒋᓴᓴ ᐎᔨᐛᐤ ᒐᒋ ᓇᓴᐅᑯᒡ᙮

ᐊᑈᔅᑕᓇᒡ 24:14

ᒪᐅ ᒥᒄ ᒐᔅᑎᓇᔅ ᑯᐃᔅᒄ ᒐᒋ ᐃᓯ ᐎᑎᒪᑕᓐ᙮ ᐊᑯᑕ ᐊ ᐃᓯ ᐎᒋᐃᐛᔭᓐ ᑭᔭ ᓂᔾ ᐊᓐᒡ ᑲ ᐱᒧᑕᒡ ᐊᓂᔭ ᒪᔅᑭᓇᔪᐤ ᒋᓴᒪᓂᑐᐛ ᑲ ᐃᔅᒋᔄᔨᒋ ᒐ ᐃᓯ ᐱᒧᑕᓄᐎᒡ ᒐᒋ ᐅᒋ ᐱᒪᒋᐅᓇᓄᐎᒡ᙮ ᐊᐅᒄ ᐅᔭ ᓂᑎᒥᒄ ᐊ ᐃᓯ ᑕᑕᑈᑕᑭᓄᐅᒡ ᑲ ᐃᓯᓂᐧᑲᑕᒡ ᐎᔨᐛᐤ ᐅᒡ ᒍᐤ ᐃᔪᒡ᙮ ᐊᓐ ᒋᓴᒪᓂᑐᐤ ᐊᓂᔭᐧᑲ ᐊᓂᔅᒐ ᓂᐧᑲᓂᓯᓇᓂᒡ ᑲ ᐊᔭᒥᐊᔅᑐᐛᒡ ᐊᐅᑯᓐ ᐊᓐ ᐊ ᐊᔭᒥᐊᔅᑐᒃ ᑭᔭ ᓂᔾ᙮ ᓂᔾ ᒪᒃ ᐎ ᓂ ᑕᑈᑕᓐ ᒥᓯᐛ ᒐᒂᓐ ᑕᓐ ᐊ ᐃᓯ ᐎᑕᒂᒡ ᐊᓐᑕ ᒧᓱᔅ ᐅᐎᓱᐛᐅᓂᒡ ᑭᔭ ᒥᓯᐛ ᑕᓐ ᐊᑎᔅᑕᒡ ᐊᓐᑕ ᐊᓐᒡ ᐅᒋᔅᒋᐛᐃᒐᓱᒡ ᐅᒥᓯᓇᐃᑭᓂᐛᒡ᙮

ᐊᑈᔅᑕᓇᒡ 24:5

“ᓂ ᒋᔅᒐᔨᒪᓇᓐ ᐅ ᓇᐸᐤ, ᑈᓪ ᐊ ᒥᒋᐱᔨᑕᑦ᙮ ᑎᑯᓂᔪᐤ ᑕᓐ ᐊ ᐃᑎᑦ ᐊᑎ ᐛᒋ ᐃᑐᑐᐛᑦ ᐅᔭ ᒍᐤ ᑲ ᐃᑎᔅᑲᓇᓯᔨᒋ ᐃᔪᐛ ᒥᓯᐛ ᐅᑕ ᐊᔅᒋᒡ ᑲ ᑕᔨᒋ ᒐᒋ ᒪᒥᒋᐱᔨᑕᔨᒋ᙮ ᐎᒋᐃᐛᐤ ᑭᔭ ᐊ ᓂᑲᓂᔅᑯᐛᑭᓄᔨᒋ ᐊᓂᔭ ᓇᓴᕆᓐ ᑲ ᐃᓯᓂᐧᑲᑕᑭᓄᔨᒋ ᓇᔅᒡ ᓂᑎᒥᒄ ᑲ ᐃᓯ ᑕᑕᑈᑎᒥᔨᒋ᙮

ᐊᑈᔅᑕᓇᒡ 26:5

ᒧᔅ ᒋ ᐸᒋ ᒋᔅᒐᔨᑎᒧᒡ ᐅᒡ ᒍᐤ ᐃᔪᒡ, ᐸᕆᓯ ᐊ ᐊᐎᔭᓐ ᑭᔭ ᓇᔅᒡ ᓱᒃ ᐊᒋ ᐃᑕᔨᑎᒧᒡ ᐸᕆᓯ ᐊ ᑕᐅᒡ᙮ ᒋᐸ ᒋ ᐎᑎᒧᒡ ᑭᔭ ᐎ ᐎᑕᒡ ᐅᔭ᙮ ᐊᓐᒡ ᒪᒃ ᐸᕆᓯᔨᒡ ᐊᐅᑯᓐᒡ ᐊᓐᒡ ᒪᐅᒡ ᐃᔭᒂ ᐊ ᐃᓯ ᓂᓇᑭᑐᐛᔨᑕᒡ ᐅᔭ ᒍᐤ ᐎᓱᐛᐅᓂᔪᐤ᙮

ᐊᑈᔅᑕᓇᒡ 28:22

ᒥᒄ ᒪᒃ ᒋ ᐎ ᒋᔅᒐᔨᒥᑎᓇᓐ ᑕᓐ ᐊ ᐃᑕᔨᑎᒥᐃᑯᔨᓐ ᒋᔾ, ᐛᔅ ᒥᒐᑦ ᐊᐛᓐᒋ ᒥᓯᑕ ᐅ ᐊᔅᒋᔾ ᓇᒪ ᒥᔪᓯᓇᐊᒧᒡ ᐅᔭ ᑲ ᐃᓯ ᑕᑈᑎᒺᒄ᙮”

ᐊᑈᔅᑕᓇᒡ 5:17

ᐊᑯ ᐊᓐ ᒋᓴᐊᔭᒥᐊᐅᒋᒪᐤ, ᑭᔭ ᒥᓯᐛ ᐊᓂᔭᔪᐛ ᑲ ᐎᒋᐃᑯᑦ ᐊᓂᔭᔪᐛ ᓴᑎᔪᓯ ᑲ ᐃᓯᓂᐧᑲᑕᑭᓄᔨᒋ ᒋ ᐅᑕᔨᒪᐅᒡ ᐊᓂᔭᔪᐤ ᐊᑈᔅᑕᓇ ᐊᑯ ᑲ ᓇᓂᑐᐤ ᒥᔅᑲᒡ ᑕᓐᑕ ᒐᒋ ᐅᒋ ᒋᐱᒋᐊᒡ᙮

1 ᑯᕆᓐᑎᔭᓇ 11:20

ᐃᔅᐱ ᒥᔭᒧᐎᔭᑯᐤ ᒐ ᒪᒧᒥᒋᓱᔭᒄ ᒐᒋ ᒋᔅᒋᑐᐛᒄ ᐅᑎᐸᔨᒋᒐᐤ ᓇᒪ ᐛᐛᒡ ᒋ ᒪᒥᑐᓇᔨᒪᐛᐤ᙮

2 ᑯᕆᓐᑎᔭᓇ 12:20

ᓂᑯᔅᐱᓇᔨᑕᓐ ᐅᑎᑎᑎᑯᒐ ᐃᔭᒡ ᒐ ᐃᑕᔨᑕᑯᓯᔭᒄ ᑕᓐ ᑲ ᐃᓯ ᐱᑯᓴᔨᒧᔭᓐ ᒐ ᐃᑕᔨᑕᑯᓯᔭᒄ᙮ ᒂᔄᓐ ᑭᔭ ᒋᔨᐛᐤ ᐃᔭᒡ ᒋᑭ ᐃᑕᔨᒥᓇᐛᐤ ᑕᓐ ᑲ ᐃᓯ ᐱᑯᓴᔨᒧᔭᒄ ᒐ ᐃᑕᔨᑕᑯᓯᔭᓐ᙮ ᓂᑯᔅᐱᓇᔨᑕᓐ ᒥᒐᑦ ᐊᓐᑕ ᐊ ᑎᓯᔭᒄ ᒐᒋ ᐊᔅᑕᒥᑐᔭᒄ ᒐᒋ ᐅᑕᔨᒥᑐᔭᒄ ᒋᔄᓱᐅᓐ ᒐᒋ ᑎᒂᒡ ᒪᒃ ᒥᒋᐱᔨᑐᐅᓐ᙮ ᓂᑯᔅᐱᓇᔨᑕᓐ ᒥᒐᑦ ᐊᓐᑕ ᐊ ᑎᓯᔭᒄ ᒐᒋ ᐱᐳᑯᓄᒧᐛᔭᒄ ᒐᒋ ᒪᒪᔭᔨᒪᑯᒡ ᑯᑎᑭᒡ ᐊᐛᓐᒋ ᒪᒃ ᒋᒋᐛ ᒐᒋ ᐃᑕᔨᒥᓱᔭᒄ ᑭᔭ ᒐᒋ ᒥᒥᑯᔅᑲᒋᐊᑯᒡ ᑯᑎᑭᒡ ᐊᐛᓐᒋ᙮

ᑲᓚᓯᔭᓇ 5:20

ᑭᔭ ᒥᓂᑐᐧᑲᓇ ᐊ ᐊᔭᒥᐊᔅᑐᐛᑦ ᑭᔭ ᒪᒥᑕᐛᑎᓯᐅᓂᔪᐤ ᐊ ᒥᑯᔅᑲᒋᑲᐧᒄ᙮ ᐅᔭ ᐊ ᐃᓯ ᐱᒪᑎᓯᒡ ᐊᐛᓐᒋ ᐛᐧᑲᑕᔨᒥᑐᐅᒡ, ᒪᒥᒋᐱᔨᐧᑲᑕᑐᐅᒡ, ᓇᔅᒡ ᑕᑈ ᐎᒋ ᐛᐅᑕᔨᒪᐅᒡ ᐊᐛᔪᐛ, ᐊᐧᑯᔪᐛᓱᐅᒡ, ᑭᔭ ᒧᔅ ᐎ ᓇᓂᑲᓇᔨᑕᑯᐃᓱᐅᒡ᙮ ᑕᑎᐸᓂᐱᔭᐊᐅᒡ ᐊᐛᔪᐛ ᑭᔭ ᑎᐸᓂᐃᓱᐅᒡ ᐎᔨᐛᐤ ᑕᓐ ᐛ ᐃᑎᒡ ᒐᒋ ᐃᑎᒡ᙮

ᑕᐃᑕᔅ 3:10

ᑕᒐ ᐊᐛᓐ ᒧᔅ ᐊ ᐃᑐᑐᐛᑦ ᒐᒋ ᒥᒋᐱᔨᒋ ᐅᒪᒧᐊᔭᒥᐊᐛ ᑭᔭ ᒐᒋ ᐃᑐᑐᐛᑦ ᒐᒋ ᑎᐸᓂᐱᔨᒋ, ᐎᑎᒧᐤ ᐸᐃᒂᐤ ᑭᔭ ᒪᒃ ᓂᔄᐤ ᒐᒋ ᐳᓂᑦ ᐊᓂᔭ ᐊ ᐃᑎᑦ᙮ ᐊᑲ ᒪᒃ ᓂᑐᑕᔅᒐ ᐊᑯᔅ ᐊᑲ ᐱᒪᐃᒻ᙮

1 ᒠᓐ 2:19

ᐅᒡ ᒪᒃ ᐊᐛᓐᒋ ᓇᒪ ᒋᒋᐛ ᒋ ᐅᒋ ᐎᒐᐅᑯᓄᐅᒡ, ᐊᐅᒄ ᒪᒃ ᐅᔭ ᐛᒋ ᓂᑭᑎᑕᐧᑯᒡ᙮ ᐛᔅ ᑕᐸ ᒋ ᐛᐎᒐᐛᑭᓂᑕᑯᓄᐅᒡ, ᐊᔅᒄ ᒋᐸ ᐎᒐᐅᑯᓄᐅᒡ᙮ ᐊᓂᔭ ᒪᒃ ᑲ ᓂᑭᑎᑕᐧᑯᒡ, ᐊᑯᑕ ᑲ ᐅᒋ ᒥᔪ ᒋᔅᒐᔨᑕᑯᓂᔨᒡ ᐊᑲ ᒋᒋᐛ ᐅᒋ ᐎᒐᐅᑕᐧᑯᒡ᙮