1 ᑯᕆᓐᑎᔭᓇ 10:8 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁸ ᑭᔭ ᐊᑲᐎᔾ ᐎᓂᓱᐤ ᐱᒪᑎᓯᑕᐤ ᒧᔭᒻ ᑲ ᐃᓯᓇᑯᓯᒡ ᐱᔅᒐ ᐊᓐᒡ ᐃᔪᒡ᙮ ᐊᓂᔭ ᒪᒃ ᐎᓂᓱᐅᓂᒡ ᐊᒋ ᐃᓯ ᐱᒪᑎᓯᒡ, ᓂᓱᔪᐤ ᐊᓱ ᓂᔍᐤ ᒐᓯᐱᔪᐤ ᒋ ᓂᐳᐅᒡ ᐊ ᐸᐃᑯᓂᔨᒡ ᐊ ᒋᓯᑲᔨᒡ᙮

1 ᑯᕆᓐᑎᔭᓇ 10:8 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 106:29

ᐊᑯ ᑲ ᒋᔄᐊᐛᒡ ᐅᒡ ᐊᓂᔭᔪᐤ ᑲ ᐃᓯ ᒥᔅᑯᐛᔭᔨᑕᒡ ᒐ ᐃᔨᑎᒡ: ᐊᑯ ᐛᑎᑎᑯᒡ ᐊᐧᑯᐃᑕᔅᐱᓇᐅᓂᔪᐤ᙮

ᒪᑎᔪᐤ 5:32

ᒥᒄ ᒪᒃ ᓂᔾ ᒋᑦ ᐃᑎᓇᐛᐤ, ᓇᐸᐤ ᐊ ᐛᐱᓇᑦ ᐎᐛ ᐊᑎ ᐊᑲ ᓂᑐᐎᔾ ᐃᑎᔨᒋ ᒥᒋᑐᑎᒻ ᐊᓐ ᓇᐸᐤ᙮ ᐃᑐᑐᐛᐤ ᐊᓂᔭ ᐎᐛ ᒐᒋ ᐎᒋ ᐱᓯᒂᑎᓯᒪᔨᒋ ᑯᑎᑲ ᐊᐛᔪᐛ᙮ ᑭᔭ ᓇᐸᐤ ᑲ ᐎᒋᒪᑦ ᐊᓂᔭ ᑲ ᐛᐱᓇᑭᓄᔨᒋ ᐃᔎᐛ ᐱᓯᒂᑎᓯᐤ᙮”

1 ᑯᕆᓐᑎᔭᓇ 6:18

ᒋᑎᓯᒧᑎᒥᒄ ᐎᓂᓱᐤ ᐱᒪᑎᓯᐅᓐ᙮ ᑯᑎᑲ ᒥᒋᑐᑎᒧᐅᓇ ᓇᒪ ᐎᔭᔅᑐᑕᒐᒥᑭᓇ ᒥᔭᒡ᙮ ᐎᓂᓱᐅᓂᒡ ᐊ ᐃᓯ ᐱᒪᑎᓯᑦ ᐊᐛᓐ ᐎᔾ ᑎᐱᔨᐛ ᐎᔪᐤ ᐅᓂᑐᑎᒻ᙮

1 ᑯᕆᓐᑎᔭᓇ 6:9

ᐊᑲᐎᔾ ᐎᔭᓯᐃᓱᒄ᙮ ᒋ ᒋᔅᒐᔨᑕᓇᐛᒐ ᐊᓐᒡ ᐊᐛᓐᒋ ᑲ ᒥᒐᑎᓯᒡ ᓇᒪ ᒋᑭ ᐅᒋ ᒥᔨᑯᐅᒡ ᒋᓴᒪᓂᑐᐛ ᐊᓐᑕ ᐅᒋᓴᐅᒋᒪᐅᓂᔨᒡ ᒐᒋ ᑕᒡ᙮ ᒪᒃ ᐊᓐᒡ ᐊᐛᓐᒋ ᒥᓯᐛ ᐎᓂᓱᐅᓂᒡ ᑲ ᐃᓯ ᐱᒪᑎᓯᒡ, ᑭᔭ ᒪᒃ ᐊᓐᒡ ᑲ ᐊᔭᒥᐊᔅᑐᐛᒡ ᒥᓂᑐᐧᑲᓇ, ᑭᔭ ᒪᒃ ᐊᓐᒡ ᑲ ᐅᓂᑐᑐᐛᒡ ᐅᐎᒋᒪᑭᓄᐛᐛ ᑭᔭ ᒪᒃ ᐊᓐᒡ ᑲ ᒋᓯᐧᑯᐛᑭᓄᐎᒡ ᓇᐸᐅᒡ ᐊ ᐎᐸᒪᑭᓄᐎᒡ ᑭᔭ ᒪᒃ ᐊᓐᒡ ᓇᐸᐅᒡ ᑲ ᐎᐸᒥᑐᒡ, ᑭᔭ ᐃᔎᐅᒡ ᑲ ᐎᐸᒥᑐᒡ᙮

ᒋᔅᒐᔨᑕᑯᑕᒐᐅᓐ 2:14

ᒋ ᐎ ᐊᔨᒧᑎᒪᑎᓇᐛᐤ ᒐᒂᔪᐛ ᐊᑲ ᒪᔽᔨᑎᒥᐃᑯᔭᓐ᙮ ᑕᐅᒡ ᐊᐛᓐᒋ ᐊᓐᑕ ᐊ ᑕᔭᒄ ᐊ ᓂᑐᑐᐛᒡ ᑕᓐ ᐊ ᐃᓯ ᒋᔅᑯᑎᒪᒐᔨᒋ ᐸᓚᒪ᙮ ᐅ ᐸᓚᒻ ᒋ ᒋᔅᑯᑎᒧᐛᐤ ᐸᓚᑲ ᑕᓐ ᒐᒋ ᐃᑐᑐᐛᔨᒋ ᐃᔅᕋᐃᓪ ᐃᔪᐛ ᒐᒋ ᒥᒋᑐᑎᒥᔨᒋ ᐊ ᒥᒋᔨᒋ ᒐᒂᔪᐤ ᐊᒋ ᒥᑐᔅᑕᐊᒧᐛᑭᓄᔨᒋ ᒥᓂᑐᐧᑲᓇ ᑭᔭ ᒐᒋ ᐎᓂᓱᐤ ᐱᒪᑎᓯᔨᒋ᙮