1 ᑯᕆᓐᑎᔭᓇ 1:23 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²³ ᒋᔭᓄᐤ ᒪᒃ ᐎ ᙭ ᐊᒋ ᒋᔅᑕᔎᑕᑭᓄᐅᑦ ᐊᐅᒄ ᐊ ᐃᓯ ᐛᐎᑎᒪᐧᒄ ᐊ ᑭᒐᔅᒋᒧᔭᐧᒄ᙮ ᒥᒄ ᒪᒃ ᐊᓐᒡ ᒍᐤ ᑲ ᐃᑎᔅᑲᓇᓯᒡ ᓂ ᒪᔭᔨᒥᑯᐅᓇᓐ ᐃᑕᔨᑎᒧᒡ ᐅᔭ ᐊ ᐃᓯ ᑭᒐᔅᒋᒧᓇᓄᐎᒡ᙮ ᐊᑯ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᒋᔎ ᐃᔨᒧᐅᓐ ᐅᔭ ᐃᑕᔨᑎᒧᒡ᙮

1 ᑯᕆᓐᑎᔭᓇ 1:23 ပူးပေါင်းရင်းမြစ်များ

ᒪᑎᔪᐤ 11:6

ᓱᐛᔨᑕᑯᓱᐤ ᒪᒃ ᐊᓐ ᐊᐛᓐ ᒐ ᐊᑲ ᐊᑐᐛᔨᒥᒂ᙮” ᐊᐅᑯᓐ ᑲ ᐃᑕᑦ ᒋᓴᔅ ᐊᓂᔭᔪᐛ ᒠᓇ ᐅᒋᔅᒋᓄᐊᒧᐛᑭᓂᔪᐛ᙮

ᒪᑎᔪᐤ 13:57

ᒋ ᐊᑐᐛᔨᒪᐅᒡ ᒪᒃ ᐊᓂᔭ ᒋᓴᓴ᙮ ᒥᒄ ᒪᒃ ᒋᓴᔅ ᒋ ᐃᑕᐤ, “ᐊᓐ ᐊᐛᓐ ᑲ ᒋᔅᒋᐛᐃᒐᓱᐅᑦ ᒋᔅᑕᔨᒪᑭᓄᐤ ᐃᔭᒡ ᐅᑕᓇᒡ, ᐊᑯ ᐊᓐᑕ ᑎᐱᔨᐛ ᐅᑦ ᐊᔅᒋᒡ ᐊ ᑕᑦ ᓇᒪ ᐊᐱᑕᔨᒪᑭᓄᐤ᙮ ᐛᐛᒡ ᐊᓂᔭ ᐊᓐᑕ ᑲ ᐸᐃᑯᔅᑲᓇᓯᑦ ᑲ ᑕᔨᒋ ᓇᒪ ᒋᔅᑕᔨᒥᑯᐤ᙮”

ᓗᒃ 2:34

ᐊᑯ ᐊᓐ ᒋᓴᐃᔪᐤ ᓯᒥᐅᓐ ᒥᓯᐛ ᑲ ᓱᐛᔨᒪᑦ, ᐊᑯ ᒂ ᐃᑕᑦ ᐊᓂᔭ ᒪᕆᔨᒋ, ᒋᓴᓴ ᐅᑲᐎᔪᐛ, “ᐅ ᐊᐛᔅ ᒋ ᐅᑎᓂᑯᐤ ᒋᓴᒪᓂᑐᐛ, ᒋᑭ ᐃᑐᑐᐛᐤ ᐊᓂᔭ ᐃᔅᕋᐃᓪ ᐃᔪᐛ ᒐᒋ ᐸᒋᓯᓂᔨᒋ, ᐊᑯ ᐊᓂᔭᔪᐛ ᑲ ᑕᑈᔭᔨᒥᑯᑦ ᒋᑭ ᐅᐱᑲᐳᐛᐤ᙮ ᐅ ᐊᐛᔅ ᒋᑭ ᐛᐸᑎᔨᐛᐤ ᒋᓴᒪᓂᑐᐛ ᐅᐱᒪᒋᐃᑯᓯᐅᓂᔪᐤ, ᒥᒄ ᒪᒃ ᒥᒐᑦ ᐊᐛᔪᐛ ᒋᑭ ᓂᔅᑯᔅᑕᑯᐤ᙮

1 ᑯᕆᓐᑎᔭᓇ 1:18

ᐱᔅᒐ ᐊᐛᓐᒋ ᒋᔎ ᐃᔨᒧᐅᓐ ᐃᑕᔨᑎᒧᒡ ᐊ ᐊᔨᒧᑕᑭᓄᔨᒋ ᒋᓴᓴ ᑲ ᓂᐱᔨᒋ ᒋᐱᔭᑎᑯᒡ ᒐᒋ ᐅᒋ ᐱᒪᒋᐅᔨᒋ ᐅᒥᒐᑎᓯᐛ᙮ ᐊᐅᑯᓐᒡ ᒪᒃ ᐅᒡ ᐊᐛᓐᒋ ᐅᓂᓯᓄᐅᒡ ᐅᔭ ᑲ ᐃᑕᔨᑕᒡ᙮ ᒋᔭᓄᐤ ᒪᒃ ᐎ ᑲ ᐱᒪᒋᐅᔭᐧᒄ, ᒋ ᒋᔅᒐᔨᑕᓇᓄᐤ ᐊ ᐛᐎᑕᑭᓄᐎᔨᒡ ᙭ ᐊᒋ ᓂᐱᑦ ᒋᐱᔭᑎᑯᒡ ᐊᑯᑕ ᔭᐱᑎᓯᒥᑭᓂᔨᒡ ᒋᓴᒪᓂᑐᐤ ᐅᓱᐧᑲᑎᓯᐅᓐ᙮

1 ᑯᕆᓐᑎᔭᓇ 1:21

ᐊᑯ ᒪᒃ ᐊ ᐃᔅᐱᔅ ᑭᒐᑕᐛᔨᑕᐧᒃ ᒋᓴᒪᓂᑐᐤ ᒋ ᐃᑐᑎᒻ ᐊᑲ ᑭᒐᑕᐛᔨᑎᒧᐅᓂᒡ ᒐᒋ ᐅᒋ ᒋᔅᒐᔨᒥᑯᑦ ᐊᐛᔪᐛ᙮ ᐃᔭᐱᒡ ᒋ ᓇᐊᔨᑎᒥᐃᑯᐤ ᒐᒋ ᐱᒪᒋᐊᑦ ᐊᓂᔭ ᐊᐛᔪᐛ ᑲ ᑕᑈᑎᒥᔨᒋ ᐊᓂᔭ ᒋᔎ ᐃᔨᒧᐅᓂᔪᐤ ᑲ ᐃᓯᓂᐧᑲᑕᑭᓄᐎᒡ ᐊᓂᔭ ᐎᔭᐎᑎᒺᐧᒄ᙮

1 ᑯᕆᓐᑎᔭᓇ 1:28

ᐊᓂᔭᔪᐛ ᐊᑲ ᓇᔅᒡ ᑲ ᒋᐧᑲᔭᔨᑕᑯᓂᔨᒋ ᒐᒂᔪᐛ ᑭᔭ ᐊᑲ ᓇᔅᒡ ᑲ ᐊᐱᑕᔨᑕᑭᓄᔨᒋ ᐊᐅᑯᔪᐛ ᐅᔭ ᑲ ᐅᑎᓇᐧᒃ ᒋᓴᒪᓂᑐᐤ ᒐᒋ ᐅᒋ ᐊᑲ ᒐᒂᓐ ᐃᑕᔨᑕᑯᓂᔨᒋ ᐊᓂᔭᔪᐛ ᒐᒂᔪᐛ ᑲ ᒋᔅᑕᔨᑕᑯᓂᔨᒋ᙮

1 ᑯᕆᓐᑎᔭᓇ 2:14

ᐊᓐ ᐊᐛᓐ ᐊᑲ ᐊᔭᐛᑦ ᒋᓴᒪᓂᑐᐛ ᐅᑦ ᐊᒐᐧᑯᔪᐛ, ᓇᒪ ᒋᑭ ᒋ ᐅᑎᓂᒻ ᐊᓂᔭᔪᐛ ᒥᔨᐛᐅᓇ ᑕᓐ ᐊ ᐃᓯ ᒥᔨᐛᔨᒋ ᒋᓴᒪᓂᑐᐛ ᐅᑦ ᐊᒐᐧᑯᔪᐛ᙮ ᐅ ᐊᐛᓐ ᓇᒪ ᑕᑈ ᓂᔅᑐᑎᒻ ᒐᒂᔪᐛ ᐅᔭ, ᓇᒪ ᐎᔭᔅ ᐃᑕᐱᑎᓇ ᐃᑕᔨᑎᒻ᙮ ᐛᔅ ᒥᒄ ᐊᓐᒡ ᐸᔭᒋ ᐊᒐᒂ ᑲ ᐊᔭᐛᒡ ᒋᑭ ᒋ ᓂᔅᑐᑎᒧᒡ ᑕᓐ ᐊ ᐃᓯ ᒋᒋᐛ ᐃᑕᔨᑕᑯᓂᔨᒋ ᐅᔭ ᒥᔨᐛᐅᓇ᙮

1 ᑯᕆᓐᑎᔭᓇ 2:2

ᓂᒋ ᐎᔭᔨᑕᓐ ᒥᒄ ᐸᐃᒄ ᒐᒂᓐ ᒐ ᐊᔨᒧᑎᒪᓐ ᐊᐅᒄ ᒋᓴᔅ ᙭ ᑭᔭ ᐊᓂᔭ ᐊᒋ ᒋᔅᑕᔎᑕᑭᓄᐅᑦ᙮

1 ᑯᕆᓐᑎᔭᓇ 4:10

ᐛᔅ ᐊᓂᔭ ᐊ ᐊᑐᔅᑯᐅᒋᑦ ᙭, ᐊᐅᒄ ᐛᒋ ᐃᑕᔨᒥᑯᐅᔭᒡ ᐊ ᒋᔎᔭᒡ᙮ ᒋᔨᐛᐤ ᒪᒃ ᐎ ᒧᔭᒻ ᓇᔅᒡ ᐊ ᑭᒐᑕᐛᔨᑎᒪᒄ ᒋᑦ ᐃᑕᔨᒥᑯᐅᓇᐛᐤ ᐊ ᐊᑐᔅᑯᐛᒄ ᙭᙮ ᓂᔭᓐ ᐊᑈᔅᑕᓇᒡ ᓇᔅᒡ ᓇᒪ ᓂᓴᐱᓯᓇᓐ, ᒋᔨᐛᐤ ᐎ ᒪᒃ ᒋ ᓱᐧᑲᑎᓯᓇᐛᐤ᙮ ᓂ ᐛᐧᑲᑎᑯᐅᓇᓐ ᓂᔭᓐ᙮ ᒋᔨᐛᐤ ᒪᒃ ᒋ ᒋᔅᑕᔨᒥᑯᐅᓇᐛᐤ᙮

2 ᑯᕆᓐᑎᔭᓇ 4:5

ᐃᔅᐱ ᐊ ᑭᒐᔅᒋᒧᔭᒡ ᓇᒪ ᓂᔭᓐ ᓂᑦ ᐊᔨᒧᒥᓱᓇᓐ᙮ ᒋᓴᔅ ᙭ ᓂᑦ ᐊᔨᒧᒪᓇᓐ ᐎᔾ ᐊ ᑎᐸᔨᒋᒐᐅᑦ᙮ ᒋᓴᔅ ᓂᒋ ᐸᒋ ᐃᑎᓴᐅᑯᓇᓐ ᒐᒋ ᐊᑐᔅᑲᑕᒡ᙮

ᑲᓚᓯᔭᓇ 3:1

ᒋᔨᐛᐤ ᑲ ᑕᑈᑎᒪᒄ ᑲᓚᓯᔭ ᐊᔅᒋᒡ ᐊ ᑕᔭᒄ ᐊᔪᐛᒡ ᐊᑲ ᐃᑕᔨᑎᒪᒄ᙮ ᐊᐛᓐ ᐛᓴ ᑲ ᐃᓯ ᐎᔭᓯᒥᑕᒄ ? ᓇᔅᒡ ᐃᔭᒂ ᔅᒋ ᐎᑎᒪᑎᓇᐛᐤ ᒋᓴᔅ ᙭ ᐊᒋ ᒋᔅᑕᔎᑕᑭᓄᐅᑦ ᒋᐱᔭᑎᑯᒡ᙮

ᑲᓚᓯᔭᓇ 5:11

ᓂᐧᑲᓂᓯᑐᒄ, ᑕᐅᒡ ᐊᐛᓐᒋ ᐊ ᐃᔅᒋᔄᒡ ᐊ ᐃᔅᒋᔄᐅᒡ ᐊ ᓂᑐᐛᔨᑕᑯᓂᔨᒡ ᒐᒋ ᒋᔅᒋᓄᐛᒋᔄᑭᓄᐅᑦ ᐊᐛᓐ᙮ ᓇᒪ ᒪᒃ ᐅ ᓂᑦ ᐃᓯ ᑭᒐᔅᒋᒧᓐ᙮ ᐊᓂᔭ ᐊ ᐛᐎᑎᒧᒡ ᒋᓴᓴ ᐊᒋ ᓂᐱᔨᒋ ᒋᐱᔭᑎᑯᒡ ᐊᓐᑕ ᐅᑯᐃᔅᑯᑕᑎᓯᐤ ᒐᒋ ᐃᓯ ᑭᓄᐛᐱᒥᑕᒄ ᒋᓴᒪᓂᑐᐤ ᐊᐅᒄ ᐊᓂᔭ ᐛᒋ ᒋᔄᓯᒡ ᐊᐛᓐᒋ᙮ ᐊᐅᒄ ᐊᓂᔭ ᐛᒋ ᓂᓇᐧᑲᑕᔨᒧᐃᒡ᙮

ᑲᓚᓯᔭᓇ 6:14

ᓂᔾ ᒪᒃ ᐎ ᒥᒄ ᐸᐃᒄ ᒐᒂᓐ ᓂ ᒪᒥᒋᐃᑯᓐ, ᐊᐅᒄ ᐅᑎᐸᔨᒋᒐᐤ ᒋᓴᔅ ᙭ ᐅᒋᐱᔭᑎᑯᒪ᙮ ᐛᔅ ᐊᓂᔭ ᑕᓐ ᑲ ᐃᑎᑦ ᙭ ᒋᐱᔭᑎᑯᒡ ᐊᐅᒄ ᐛᒋ ᐊᑲ ᐊᐱᑕᔨᑎᒥᐃᑯᔭᓐ ᐊᓂᔭᔪᐛ ᒐᒂᔪᐛ ᐊᓐᒡ ᐊᑲ ᑕᑈᐅᒐᔨᒪᒡ ᒋᓴᓴ ᓇᔅᒡ ᒋᒋᐛ ᑲ ᐃᑕᔨᑎᒥᐃᑯᒡ᙮ ᑭᔭ ᐎᔨᐛᐤ ᒪᒃ ᓇᒪ ᓇᔅᒡ ᐊᐱᑕᔨᑎᒧᒡ ᐊᓂᔭᔪᐛ ᒐᒂᔪᐛ ᓇᔅᒡ ᒋᒋᐛ ᑲ ᐃᑕᔨᑎᒥᐃᑯᒡ᙮

ᐃᐱᓯᔭᓇ 3:8

ᐊᑎ ᒪᒃ ᓂᔾ ᒪᐅᒡ ᓄᑕᔭᔅ ᐊ ᐃᑕᔨᑕᑯᓯᔭᓐ ᐊ ᐃᑕᔨᑕᑯᓯᒡ ᑲ ᑕᑈᑕᒡ, ᐃᔭᐱᒡ ᓂᔾ ᓂᒋ ᓱᐛᔨᒥᒄ ᒋᓴᒪᓂᑐᐤ ᐊᒋ ᒥᔨᑦ ᒐᒋ ᐛᐎᑎᒪᒥᒋ ᐊᓂᔭᔪᐛ ᐊᑲ ᒍᐤ ᐃᑎᔅᑲᓇᓯᔨᒋ ᑕᓐ ᐊᔅᐱᔅ ᓇᔅᐱᒡ ᐛᔪᑎᓂᔨᒡ ᑭᔭ ᐊᔅᐱᔅ ᐊᑲ ᓂᑕ ᐳᓂᐱᔨᒡ ᑕᓐ ᐛ ᐃᓯ ᓱᐛᔨᒥᑕᒄ ᒋᓴᒪᓂᑐᐤ ᙭ᑕ ᐊ ᑕᔨᒋ ᐅᒋ᙮

ᐃᑉᕈᐛ 12:2

ᑭᔭ ᑭᓄᐛᐱᒪᑕᐤ ᒋᓴᔅ, ᐊᓐ ᑲ ᐃᑐᑕᑕᐧᒄ ᒐᒋ ᑕᑈᑎᒪᐧᒄ᙮ ᐎᔾ ᒋ ᐎᒋᐃᑯᓄᐤ ᐊᔭᔅᒃ ᒐᒋ ᓱᒋᑲᐳᐅᔭᐧᒄ ᒋᑕᑈᑎᒧᐅᓇᒡ ᐸᑐᔅ ᓇᔅᒡ ᒋ ᓂᓇᐃᑎᒪᐊᒂ ᒋᓴᒪᓂᑐᐤ᙮ ᒋ ᓴᐳᔅᑭᒻ ᓂᐳᐅᓂᔪᐤ ᒋᐱᔭᑎᑯᒡ ᑭᔭ ᓇᒪ ᐛᐛᒡ ᐅᒋ ᐊᐱᑕᔨᑎᒥᐃᑯᐤ ᐊᑎ ᐊᒋ ᒪᔭᔨᒪᑭᓄᐅᑦ ᑭᔭ ᐊᒋ ᓂᓇᐧᑲᑕᔨᒧᐊᑭᓄᐅᑦ ᐛᔅ ᒥᒄ ᐊᓂᔭ ᑕᓐ ᒐ ᐃᔅᐱᔅ ᒧᒋᒐᔨᑕᐧᒃ ᐃᔅᐱ ᐎᒪᐱᔨᒐ ᐊᓐᑕ ᐊ ᓂᓇᐧᑲᑕᔨᒧᑦ, ᐊᐅᑯᓐ ᐊᓂᔭ ᑲ ᒪᒥᑐᓇᔨᑎᒥᐃᑯᑦ᙮ ᐊᑯ ᒪᒃ ᐊᓄᒡ, ᐎᔾ ᒋ ᐅᒋᓴᐅᒋᒪᒥᓇᓄᐤ ᐊᓐᑕ ᒪᒃ ᐊᐳᐤ ᒋᓴᒪᓂᑐᐛ ᐅᒥᔪᓂᔨᒡ ᐃᑕᒐ᙮

1 ᐱᑕᕐ 2:8

ᐊᑯ ᒪᒃ ᒥᓐ ᐊᑎᔅᑕᒡ ᐊᓐᑕ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ᐅ ᐊᓯᓂᔾ ᒋᑭ ᐱᓱᔅᑭᒧᐛᐤ ᑭᔭ ᐊᐅᒄ ᑲ ᒥᒐᐱᔅᒋᓯᑦ ᐊᓯᓂᔾ ᒐ ᐸᒋᓯᒪᑦ ᐊᐛᔪᐛ᙮ ᐱᓱᔅᑯᐛᐅᒡ ᐅᔭ ᐊᓯᓂᔭ ᐛᔅ ᓇᒪ ᐅᒋ ᓂᓇᐃᑎᒺᐅᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ᙮ ᐊᐅᒄ ᒪᒃ ᐅᔭ ᒐ ᐅᒋ ᐛᐛᓯᐊᑭᓄᐎᒡ ᐛᔅ ᓴᔅ ᐊᐅᑯᓐ ᑲ ᐃᓯ ᐎᔭᔨᑎᒥᔨᒋ ᒋᓴᒪᓂᑐᐛ ᒐ ᐃᑐᑕᑯᒡ᙮