Mateus 26:27 - Txa²wã¹sũ̱³na² Wãn³txa²27 Nxe³nũ²la² ĩ³na²tẽ³na² hxi²tẽ³nha²nũ²la² Sũ̱³na² ĩ³wi¹lxon³kxi²si¹jau³xa² ĩ³ye³kxi²sxã³ ũ³hũ²xai³ain¹ta¹hxai²hẽ¹la². Nxe³te³nah¹lxi¹: — Ĩ³na²xai³jxah³lxi³hẽ¹li¹. အခန်းကိုကြည့်ပါ။ |
Mateus 26:27
12 ပူးပေါင်းရင်းမြစ်များ
Nxa²ha¹te¹ yai³nain¹tãu³a² Je³su²jah³la² hi²sen³su² yain³tũ̱³xa² hxi²tẽ³sãn²nũ²la² Sũ̱³na² ĩ³wi¹lxon³kxi²si¹jau³xa² ĩ³ye³kxi²sãn²sxã³ wxa²nãu²lxi³sxã³ a²sa³wi³ha³lxa² ũ³hũ²xai³lain¹ta¹hxai²hẽ¹la². Ũ³hũ²xai³lain¹sxã³ ĩ³ye³kxi²te³nah¹lxi¹: — Yain³tũ̱³xai²li² Txa²nũ²ai²yã¹nx2na³li¹. So¹kxi²sa²sxã³ yain³jah¹lxi³hẽ¹li¹. Je³su²jah³la² ta¹hxai²hẽ¹la².
Te²yã¹nxe³sxã³ yain³ta³lun²ka̱³tu̱³ hã²wxãn³txa³ ĩ³na²kxẽ¹na² ũ³hũ¹ain¹te³nah¹lxi¹: — Ĩ³na²xai³jxah³lxi³hẽ¹li¹. A²nxe³jau³jau¹xai²na² Txa²ti³ha²yau³xa² yã¹nx2na³li¹. Wãn³txa² tah²yau³xa² ĩ³ye³kxi¹nx2ta¹jau³xai³ jã¹nxe² kãi³ũh¹nx2ta¹jau³nũ³ai²la¹wi¹. A²nũ²a² ko̱³nxe³ti³ kãi³ju³ta² ã³wa²sut1si¹ha¹jau³nũ³su² Txa²ti³ha²yau³xa² ha³li³hxan³sa³tu¹wi¹.
Je³su² Kris²tu³jah¹la² ya³lu²kxi²nẽ³lhĩ¹nai³tãn¹jau³xa² ĩ²xi²nha¹jah³lxi³hẽ¹la². A²sa³wi³ha³lxa² ĩ³kaix1sxã³ ã³yã³nũ²kxi²sãn²nũ²la² yain³jau³xa² na²sxã³ sa²ni²lhon¹ta³kxi²xai³ain¹na²hẽ³la². Nxe³ki̱³jau³xa² yã¹nxe² na²sxã³ sa²ni²lhon¹ta³kxi²xai³ki̱³tãu³a² Kris²tu³jah¹la² a²ti³ha²yau³xa² ha³li³ũ¹nhẽ³ju³tai³tã² ĩ²xi²ki̱³tã³la². Te²yã¹nxũn³sxã³ yain³tũ̱³xa² yain³yah³lxi³na²hẽ³la². Yain³tũ̱³xa² yã¹nxe² yain³ki̱³te³na¹ Kris²tu³jah¹la² ya³lu²kxa²nu¹nhẽ³ju³ta² ĩ²xi²ki̱³tã³la².
Nxe³ha²kxai³ yain³tũ̱³xai²li² ya³lu²kxi²nũ¹nhẽ³ju³ta² ĩ²xi²sa²sxã³ yain³ki̱³tũ̱³xai²li² ĩ³yain³yah³lxan³ta̱³lxa¹ ĩ³na²jau³xai²li² ya³lu²kxi²nũ¹nhẽ³ju³ta² ĩ²xi²sa²sxã³ ĩ³na²ki̱³jau³xai²li² ĩ³na²yah³lxan³ta̱³lxa¹ wxa²ẽ¹nãu³xai²na² wã²nxũ̱h¹ a̱in³nha¹jah³lxi³hẽ¹la², kwa²to³toh³lxi³ e³kxi²nyhah¹lxin¹kxa²ya̱n³ti³su².
ကြော်ငြာတွေ