Mateus 25:6 - Txa²wã¹sũ̱³na² Wãn³txa²

⁶ Nxa²ha¹te¹ ka³nxah³ta² wi³ta³lon³sxã³ ĩ³kaix1tain¹jau³su² ain³kxain¹nũ²nhai¹. Ain³kxain¹te³nah¹lxi¹: “In³txa² wẽ³sãi¹ah³lai²na² wxã²na³ni¹. óne³khauh²kxi¹jah³lxi³hẽ¹ni¹.” Nxe³nũ²nhai¹.

Mateus 25:6 ပူးပေါင်းရင်းမြစ်များ

Mateus 24:31

Nxa¹kxai²nãn²tu̱³ oh³xan¹ta² hxi²kan¹jah¹la² wãi²lhũ̱³ka³txa² wxa²no²la³kxi²si¹hai¹na¹jau³su² ĩ³sa²si¹hã³ai¹na¹tu¹wi¹. Nxe³sxã³ wxa²no²la³kxi²hĩ¹na¹ oh³xan¹ta² nũ̱³ka̱³txa² ka³lxa²te² nũ̱³ka̱³txa² ĩ³sa²si¹hã³ai¹nũ³na¹tu¹wi¹. Nxe³ai¹na¹kxai²nãn²tu̱³ a²nũ²a²nãu³xa² Txa²wã¹sũ̱³na² ã³yũ³so¹kxe³so¹lxi³kxe³nãu³xa² nxe³te²nãu³xa² yuh³xan¹ko³nãu³xa² u²lxi³ yxau³yah³lxi³kxan²ti³ ãn³sa²so¹sxã³ ã³sa²ki³nũ²kxai¹na¹tu¹wi¹.

Mateus 24:44

Jã¹nxe³jut3su² ye³ten³nha²kxi³hũ̱³nxe² wahx3nxe³jah³lxi³hẽ¹li¹. Nxe³sxã³ wxa²ẽ¹nãn¹jau³kxai³: “Hĩ¹na² wxã²nxa³lho³na¹.” Nxe³yah³lxin¹jau³su² nxe³ti³wa³kxa² wxã³na¹ha³ta²wi¹.

Mateus 25:1

Jã¹nxa¹jau³su² a²nũ²a² a²ẽ¹na² sa²hau³ko³te²nũ³a² ĩ³yau¹ũ³hi² a²ẽ¹na² sa²hau³ko³txa³te²nũ³a² ĩ³yau¹ũ³hi² nxe³nx2ta¹tu¹wi¹. A²nxe³te²na² wãin²te²nãu³xa² yã¹nxe³ti³hĩ̱³nx2na³li¹. A²nxe³te²nãu³xai²na² in³txa² kwẽn¹tai²na² txu¹ha² so¹te³lhxã³ jah¹la² wahx3nxain¹nũ²nhai¹. Wi¹lxon³kxi²jau³nũ³a² ĩ³ye³kxi²te³lhxã³ wahx3nxain¹nũ²nhai¹. Nxe³sxã³ ka³nxa³hi²ha²kxai³ lã³pi³ãu²tẽ³na² tẽ³sxã³ a³li³ain¹ka³tu̱³ wahx3nxain¹nũ²nhai¹.

Mateus 25:31

Nxa²ha¹te¹ yan¹nãu³a¹ Txa²wã¹sũ̱³na² A²hxi²kan¹ta² Si³yxau³tãu³lot3sa²tu¹wi¹. Nxe³sa²hĩ¹na¹ a³ka³nxi²sxã³ wa̱³li²na¹tu¹wi¹. Nxa¹kxai²nãn²tu̱³ oh³xan¹ta² nũ̱³ka̱³txa² tẽ³lĩ³xi²na¹tu¹wi¹.

Mateus 25:5

Jã¹nxe³jut3su² in³txai²na² txu¹ha² so¹nh³jah¹la² wa³su³txi³ wa̱³li²nxa³ha²kxai³ wãin²te²nãu³xai²na² wah³nxa² hxi²tha³nhai¹nha²kxai³ ãu³xi² ã³si³wxe³ain¹nũ²nhai¹.

Mateus 25:7

Nxe² ain³kxi²nyhu¹te³na¹ wãin²te²nãu³xa² a²yxo²ha³kxa¹ ĩ³sa²yxau³nũ²la² a²lã³pi³ãu²khai³xai³tã² wxa²hau³kot3sxã³ tẽ³sxã³ ai³ain¹nũ²nhai¹.

Lukas 12:20

Nxa²ha¹te¹ Txa²wã¹sũ̱³na² ĩ³wa²lũ³xi²te³nah¹lxi¹: “Wxãi²na² ã³ne³wxe²nxa³lxi¹. Ka³nxah³tai²na² ya²lu¹nxa²tu¹wi¹. Nxãn¹kxai²nãn²tu̱³ ĩh¹te²ta̱³ wxa²yen³kxa² so¹kxi¹nxain¹te³ji¹wi¹?” Txa²wã¹sũ̱³na² nxe³nũ²nhai¹.

Lukas 12:46

Nxe³tãu³a² ko̱³nha²nxa³ku¹ha² a²si³yxau³jah¹la² ĩ³xi²tu¹wi¹. Nxe³kxai²nãn²tu̱³ jah¹lai²li² ũn³txi³ ĩ³wait1sãn²ka³tu̱³ ko̱³nxe³thin¹tũ̱³kxa³txa² ha³lo²a² ũ³tĩ̱³kxa² wxe³kxai¹nhĩ̱³nx2na³li¹.

1 Tesalonisẽnses 4:16

Jã¹nxe³ju³kxai³lu² Txa²wã¹hxi²kan¹ta² Si³yxau³jah¹la² kãin² ĩ³kaix1sxã³ a³ka³nxi² oh³xan¹jah¹la² a²hxi²kan¹te²su² te²a² kãin² wxa¹ni² Txa²wã¹sũ̱³na² wãi²lhũ̱³ka³txa² wxa²no²la³kxi² nxe³sxã³ a³ka³nxi²tu¹wa². Je³su²jah³lai²na² wãn³txa² yxo²ĩ²sxã³ ya²lun¹ti³tũ̱³ka̱³txa² ka³te̱n³su² ĩ³sa²yxau³sxã³ ka³la³nũ¹hain¹sãn²tu¹wa².

2 Petro 3:10

Nxe³ha²kxai³ Txa²wã¹hxi²kan¹ta² Si³yxau³jah¹la² wxã³ju³ta²nũ³a² wa³su¹txi³ wxã³tu¹wa². A²nũ²a² kuh³lxa³sin¹jah¹lai²li² yen³kxa² kãi³kxi²te³lhxã³ wa³su³txi³ wxã³ti³hũ̱³nxe³ Txa²wã¹hxi²kan¹ta² Si³yxau³jah¹la² wxã³ju³ta²nũ³a² wa³su¹txi³ wxã³tu¹wa². Nxe³kxai²nãn²tu̱³ o³sĩ̱³nai²li² kãin²nxon³sãn²sxã³ ne³ki³son³tu¹wa². U³je³na³kai²na² i³la³kxai²na² hi³ka²ta³ai²na² nxe³sxã³ kãin² ĩ³lat1sa²kxai³ i̱³hxa³nain¹tu¹wa². Yuh³xai²nãn¹ta² ko̱³xa² te²na² yuh³xan¹ta² yen³kxa² te²na² a²yxo²ha³kxa¹ ũ³thũ²ha²kxai³ i̱³hxan³tu¹wa².

Apokalipse 16:15

Nxa²ha¹te¹ O³ve²a² Wẽn³sũ̱³jah¹la² yxo²ĩ²ain¹tũ̱³ka̱³txa² e³kxi²te³nah¹lxi¹: — Nxe³jah³lxi³sa²lxi¹. A³ka³nxi²sxã³ wxã³na¹tu¹wi¹. A²nũ²ai²li² a²yen³kxa² kãi³kxi²te³lhxã³ wxã³jah¹la² wa³su³txi³ wxã³te²ju²hẽ³li¹. Ye³te³nxa² yxau³sxã³ wah³nxe³yah³lxan³kxai²nãn²tu̱³ wxa²wã²la² whãi²na¹ so¹hxa³kxi¹nx2ti³ha³ta²wi¹. Nxe³nx2ti³kxai²nãn²tu̱³ ĩ³tu¹lxi²yah³lxi¹nhĩ¹na¹ wã²la²txa²nx2ti³kxe³su² ãu²li²nx2ti³ha³ta²wi¹. Nxe³kxa²yã¹nxe³sxã³ Txa²wãn³txa² yxo²ĩ²sxã³ ã³yah³lxin¹kxai²nãn²tu̱³ hã²wxãn³txa³ wxã³na¹hĩ¹na¹ wah³nxe³sah¹lxan³kxe³tu̱³ wxã³na¹hĩ¹na¹ ĩ³ãu²lxi²to³nx2ti³ha³ta²wi¹. O³ve²a² Wẽn³sũ̱³jah¹la² nxe³na²hẽ³la².