Mateus 25:42 - Txa²wã¹sũ̱³na² Wãn³txa²

⁴² Kxãn³nxai³tã² heh³sa³ha²kxai³ hai³txi³ yain³txi³la³ ũ³hũ¹sah¹lxan³nxãn³tai¹ti²tu³wi¹. Ya̱³lxu²sa³ha²kxai³ ĩ³na²kxi²jau³xa² ũ³hũ¹sah¹lxan³nxãn³tai¹ti²tu³wi¹.

Mateus 25:42 ပူးပေါင်းရင်းမြစ်များ

Mateus 12:30

Nxe³ain¹jut3su² a²nũ²ai²na² ã³ya̱³lxi²sai¹nxa³te²su² te²a² txa²ko̱¹ko̱¹sain¹na³li¹. Te²yã¹nxe³sxã³ o³ve²a² yã¹nxe² ã³nũ²kxi²sai¹nxa³te²su² te²a² ha³te̱n¹txi² aun³txi³si¹hain¹tu¹wi¹.

Mateus 25:35

Nxe³sxã³ kxã³nxai³tã² heh³sa³hẽ¹li¹. Yxãn¹ta¹ yain³txa² ũ³hũ¹sah¹lxin¹tai¹ti²tu³wi¹. Ya̱³lxu²sa³ha²kxai³ ĩ³na²kxi³jau³xa² ũ³hũ¹sah¹lxin¹tai¹ti²tu³wi¹. Txa²ya̱n³ta³ yũ³sa²nxa³ha²kxai³ sxi²ha² ũ³hũ¹sah¹lxin¹tai¹ti²tu³wi¹.

Mateus 25:41

Nxe³nũ²la² a²wã̱³tãu³a² sa²wxe³si¹hai¹na¹te²nãu³xa² yxo²ĩ²sai¹nxa³te²nãu³xa² ĩ³ye³kxai¹na¹tu¹wi¹. Ĩ³ye³kxai¹na¹te³nah¹lxi¹: “ówaix3sah¹lxi³hẽ¹li¹. Ko̱³nxe³thin¹yah³lxi¹lxi¹. Ha³lo²ai²li² ha³nxe²a² i̱³ju³ta² ã²la² ãu¹la³kxi³ko³xai²na² a²ta³a²nãu³xa² ũ³sa²tã³kxi²si¹ju³ta³nũ³a² ũ³sa²tã³nx2tain¹tu¹wi¹.

Mateus 25:43

Txa²ya̱n³ta³ yũ³sa²nxa³kxe³su² wxa²sxi²ha² ũ³hũ¹sah¹lxan³tai¹ti²tu³wi¹. Wã²la² txa²sa²ha²kxai³ wã²la² ũ³hũ¹sah¹lxan³tai¹ti²tu³wi¹. Ĩ³ton³ta̱³nxa² sxi²ha² kan²thĩ³na² ũ³tĩ¹kxi²sain¹ta̱³nxa² nxe³ha²kxai³ wxã³sĩ²sah²lxan³tai¹ti²tu³wi¹.” Nxai¹na¹jau³su² nxe² e³kxai¹na¹tu¹wi¹.

Mateus 4:2

Jã¹nxe³jut3su² Je³su²jah³lai²na² sa²kxai³lu² ye³ka³lxa¹txi³ a³lan²ta¹hxai²hẽ¹la². Hxi²ka² hxan³sxã³ wxa²sa²wa²la³kxi²sxã³ wxa²sa²wa²la³kxi²nũn³sxã³ te²yã¹nxe² wxa²sa²wa²la³kxi²nũn³sxã³ a³lan²ta¹hxai²hẽ¹la². 40 nxe² a³la²ni² 40 nxe² ka³nxa³hi² nxe³ta¹hxai²hẽ¹la². Nxe³tãu³a² yain³txa² kwa² ã³na¹ta¹hxai²hẽ¹la². Nxe³ka³tu̱³ heh³lxi³ yxau³ta¹hxai²hẽ¹la².

Joãu 14:21

A²nũ²a², txa²wãn³txa² ĩ³kwa³na³a¹jau³xa² ã³ne³wi¹sxã³ sa²yxo²wet1sa²jah¹lo²su² kxai²nãn²tu̱³, a³lxi²sa²jah¹lo²su² hĩ̱³nx2na³li¹. A³lxi²sa²ju³ta² nxe² ã³wxe²xai³nxa²ha¹te¹, Txa²wĩ³na² a²ẽ¹nãn¹jau³kxai³lu¹: “A²nũ²a², Txa²ki³lha³lxa² a³lxi²nyhu¹sa³nha¹. Nxe³ha²kxai³, Txai²na² a³lxi²yuh³na¹tũ¹xã¹.” Nxe³hĩ̱³nx2na³li¹. Nxe³kxai²nãn²tu̱³, Txai²na² sa²kxai³lu² Je³su²jah³lo²na¹xai²na² sa²kxai³lu² a³lxi²sa²jah¹lai²na² a³lxi²nũ³na¹tu¹wi¹. Na¹kxai²nãn²tu̱³, ĩ³yau¹ũ³nha²ye²na¹tu¹wi¹. Ta¹hxai²hẽ¹la².

Joãu 5:23

Na¹ha²kxai³ a²nũ²a² yxo²ha³kxa¹ ĩ³sa²nẽn¹kxi²sain¹tu¹wi¹. Txa²wĩ³na² ĩ³sa²nẽn¹kxain¹kxa² yã¹nxe³sain¹tu¹wi¹. Ju¹ta² Txa²wĩ³na² ten³na³li¹. Yxãn¹ta¹, a²nũ²a² ĩ²li³te²nãn²tu̱³, A²tah²na¹xai²na² ĩ³sa²nẽn¹kxi²sai¹nxa³kxai²nãn²tu̱³, te²yã¹nxe² Txa²wĩ³nãin²txi³ ĩ³sa²si¹hã³sa²jah¹lain²txi³ ĩ³sa²nẽn¹kxai¹nhĩ̱³nx2nxa³i¹.

1 Korĩntios 16:22

Wxa²nũ̱³ka̱³txi³ ĩ³nxa² ĩ²li³te²a² sa²kxai³lu² Txa²wã¹sũ̱³na² a³lxi²nxa³kxai²nãn²tu̱³ ko̱³nxe³ti³ ĩ³yĩ¹li²ũ¹jah¹lai²la¹wa². Txa²wã¹hxi²kan¹ta² Si³yxau³jah¹lai²na² a³ka³nxi²sxã³ wa̱³li²ju³ta³nũ³a² ya̱u³son³na³la².

2 Tesalonisẽnses 1:8

Nxe³hĩ¹na² Txa²wã¹sũ̱³na² wãn³txa² e²nain¹te²su² te²a² Je³su²jah³la² Txa²wã¹hxi²kan¹ta² Si³yxau³jah¹la² te²su² te²a² nxe³te²nãu³xa² ko̱³nxe³ti³ kãi³ain¹kxa²yo³ha² ko̱³nxe³te²lo³tain¹tu¹wa².

1 Joãu 4:20

A²nũ²a² ĩ²li³te²su² kxai²nãn²tu̱³: — Txa²wã¹sũ̱³na² a³lxi²na¹nhai¹. Nxe² e³kxai²nãn²tu̱³, yxãn¹ta¹ a²ẽ¹nãu³a¹ a̱u³ti³: — Txa²wã³tã̱³xa² yxo²kwĩn¹kxi²na¹nhã¹. Nxe³kxai²nãn²tu̱³ ki³han³jah¹lo²su² hĩ̱³nx2na³la². A²nxe³jah¹lo²su² te²an²tu̱³ a²wã³tã̱³xa² a²ye³na²ka³ya̱³la² yxau²xai³te²su² te²a² ĩ³ya³lxin²nxa³kxai²nãn²tu̱³, hai³txi³ Txa²wã¹sũ̱³nu²la³ txa²wã¹ye³na²ka³ya̱³la² ãn³tĩ̱¹kxi²nẽ³te²su² te²la³ ĩ³ya³lxi²ti³he¹nxe³lhĩ̱³nx2nxa³wa².