Mateus 18:35 - Txa²wã¹sũ̱³na² Wãn³txa²

³⁵ Jã¹nxe³kxa²yã¹nxe³kxe³hũ̱³nxe² wxa²wã³tã̱³xai²na² ko̱³nxe³ti³ kãi³ũh¹nx2ti³kxai²nãn²tu̱³ wxa²ẽ¹nãu³ai²na² a̱u³txẽ¹nãu³ai²na² ne³wã²na¹ain¹yah¹lxan³kxai²nãn²tu̱³ Txa²wĩ³na² oh³na² yxau³jah¹lai²na² sa²kxai³lu² nxe²kãi³ũh¹nx2ti³tu¹wi¹. Yxãn¹ta¹ wxa²wã³tã̱³xai²na² ko̱³nxe³ti³ kãi³ũh¹nx2ti³kxai²nãn²tu̱³ wxa²ẽ¹nãu³ai²na² a̱u³txẽ¹nãu³ai²na² ne³wã²na³ain¹yah³lxin¹kxai²nãn²tu̱³ Txa²wĩ³na² oh³na² yxau³jah¹lai²na² sa²kxai³lu² nxe²kãi³ũh¹nx2ti³tu¹wi¹. Je³su²jah³la² ta¹hxai²hẽ¹la².

Mateus 18:35 ပူးပေါင်းရင်းမြစ်များ

Mateus 18:34

Nxe²e³ta³lun²ka³tu̱³ a²wa̱³kxẽn³yah³lai²na² sa²kxai³lu² ĩ³a̱n³ta³kxi²nha²sxã³ ũ³yho³hi²txã³nxai³ta³lxi³ kwa²sa²so¹kxi²txã³nxai³tã² ũ³yho³hi¹xi²si¹jau³su² kwa³na³kxi²nũ²nhai¹. Nxe³kxa²yo³su² nxe³ti̱³kxai³la² ye³khãuh³lxa³ti³si¹sa²jau³su² a²sa³wi³sa² kwa³na³nũ²nhai¹.

Mateus 6:12

A²nũ²a² ã̱³xai²na² ko̱³nxe³ti³ kãi³ũ¹sain¹sĩn¹kxai²nãn²tu̱³ ne³wã²na³ũ¹hain¹sĩ¹na¹wi¹. Nxe³ain¹sĩ¹na¹kxa²yã¹nxe³sxã³ ko̱³nxe³ti³ kãi³ũh¹nxa²sĩ¹na¹ju³ta² ne³wã²na³ũ¹sa²sĩ¹nhẽ³li¹.

Markos 11:25

Jã¹nxa¹jau³su² e³a¹wi¹. Ĩ³sa²yxau³sxã³ Txa²wã¹sũ̱³na² ĩ³ye³kxi²yah³lxin¹kxai²nãn²tu̱³ a²nũ²a² ĩ²li³te²hũ̱³te²su² te²a² ko̱³nxe³ti³ kãi³ũh¹nx2ti³kxai²nãn²tu̱³, nxe³ju³tai²na² wi¹lhin¹sxã³ ne³wã²na³txain¹yah³lxi³hẽ¹li¹. Nain¹yah³lxin¹kxai²nãn²tu̱³, Wxa²wĩ³na² oh³na² yxau³jah¹la² ko̱³nxe³ti³ kãi³yah³lxin¹ju³ta² ne³wã²na³nx2ti³nũn³tu¹wi¹.

Markos 11:26

Yxãn¹ta¹ wxa²ẽ¹nãn¹jau³su² nxe³ke³la³te²kxai³ te³nah¹lxi¹: “Jah¹lai²li² ko̱³nxe³ti³ kãi³ũ¹sain¹na²hẽ³na¹. Ne³wã²na³ũ¹hain¹nxa³lho³na¹.” Yah³lxin¹ke³la³te²kxai³ Wxa²wĩ³na² oh³na² yxau³jah¹la² ko̱³nxe³ti³ kãi³yah³lxin¹ju³ta² ne³wã²na³ũh¹nx2ti³hĩ̱²nxa³wi¹. Je³su²jah³la² ta¹hxai²hẽ¹la².

Lukas 16:15

Nxa²ha¹te¹ Je³su²jah³lai²na² wãn³txi³kxai³lu¹: — Ko̱³nxe³ti³ o²la³kxah³lxi¹lxi¹. Yah³lxi¹nha²kxai³ a²nũ²a² wi¹le³kxi¹nx2tain¹ju³ta² ya³ni̱³li³yah³lxi¹lxi¹. Nxe² wi¹le³kxi¹nx2tain¹te³nah¹lxi¹: “Wain³txi³ o²la³kxah³lxi¹lxi¹.” Nxe³jau³xa² ya³ni̱³li³yah³lxi¹lxi¹. Yxãn¹ta¹ wi¹lhin¹ki³lxo³nyhah³lxi¹lxi¹. Nxe³ju³tai²li² Txa²wã¹sũ̱³na² hi²sen³kxai³lu² a²ẽ¹na² e³yah³lxin¹jau³xa² yxo²ha³kxa¹ a³la³kxi¹nxa²lxi³na³li¹. A³la³kxi²ha²kxai³ ten³nxa²lxi³xa³wi¹.

Tiako 2:13

Nxe³ha²kxai³ kxã³nãu³a¹ Txa²wã¹sũ̱³nai²li² a²nũ²a² ĩ³yĩ¹li²nhẽ³te³lhxã³ a³ka³nxi²tu¹wa². Nxe³ha²kxai³ wxa²ẽ¹nãu³ai²na² sa²kxai³lu² a²nũ²a² ã̱³xa² wi¹lhin¹sxã³ thãi³ti³la² sa²hau³ko³nyhu¹xan³kxai²nãn²tu³ kxãn³nãu³a¹ Txa²wã¹sũ̱³na² wi¹lhin¹sxã³ thãi³ti³la² sa²hau³ko³txa²nxa³lho³la². Yxãn¹ta¹ a²nũ²a² ã̱³xa² wi¹lhin¹sxã³ thãi³ti³la² sa²hau³ko³nyhu¹in¹kxai²nãn²tu̱³ kxã³nãu³a¹ Txa²wã¹sũ̱³na² wi¹lhin¹sxã³ thãi³ti³la² sa²hau³ko³txa²tu¹wa². Nxe³sxã³ Txa²wã¹sũ̱³na² wi¹lhin¹sxã³ thãi³ti³la² sa²hau³ko³tẽ³kxai²nãn²tu̱³ ko̱³nxe³ti³ ĩ³yĩ¹li²nẽ³ju³ta² yũ²nxa³lho³la².

Tiako 3:14

Yxãn¹ta¹ a²nũ²a² a²hoh³lxi³su² te²a² ĩ³a̱n³ta³kxi²yah³lxi¹nha²kxai³ a²nũ²a² hãi¹nxe³ti³xa¹ ne³ka³ta²si¹hain¹yah³lxin¹jau³nũ³a² so¹lxi³ o²la³kxi²yah³lxi¹nha²kxai³ nxe³yah³lxin¹kxai²nãn²tu̱³ wxa²ẽ¹nãu³ai²na² ã³ke³tũ¹kxi²nyha¹lxi¹nha³ta²wa². Wãn³txa² ya²la³lyau³xa² sa²yxo²ã³yah³lxi¹nha³ta²wa². Nxe³yah³lxi³txa³hẽ¹la². Yxo²kãi²non³sxã³ e³yah³lxi³txa³hẽ¹la².

Tiako 4:8

Txa²wã¹sũ̱³na² ĩ²sa²tẽ³kxi¹jah³lxi³hẽ¹la². Yxah³lxin¹kxai²nãn²tu̱³ Txa²wã¹sũ̱³na² ĩ²sa²tẽ³nxa²lxi³nũn³tu¹wa². Nxe³ha²kxai³ ko̱³nxe³ti³ kãi³yah³lxin¹kxai²nãn²tu̱³ wxa²hxi²khai²lxa²lxin¹kxa² yã¹nxe³sxã³ ko̱³nxe³ju³ta² ã³na¹jah¹lxi³hẽ¹la². Te²yã¹nxe³sxã³ Txa²wã¹sũ̱³na² wãn³txa² wã̱³jah³lxin¹kxai²nãn²tu̱³ wxa²ẽ¹nãu³ai²na² ĩ³ha³na³ti³nha¹jah³lxi³hẽ¹la². Txa²wã¹sũ̱³na² wãn³txa² so¹lxi³ yxo²ĩ²jah³lxi³hẽ¹la².

Apokalipse 2:23

Te²yã¹nxe³sxã³ ta¹ka³lxai²na² sa³wi³ha³lxi³nãu³xai²na² sun²tã¹ai¹na¹tu¹wi¹. Jã¹nxa¹jut3su² na¹kxai²nãn²tu̱³ Je³su²jah³lo²na¹xai²na² wãn³txa² yxo²ĩ²sxã³ yxau²xai³lhain¹tũ̱³ka̱³txi³nãu³xai²na² wi¹ko̱³nxẽn²tain¹tu¹wi¹. A²nũ²a²nãu³xai²na² a²ẽ¹nãn¹jau³su² wã³ko³nxa³te²tu̱³ a³la³kxi²jah¹lo²sa¹wi¹. Nxe³na¹jut3su² a²nũ²a² yxo²ĩ²sxã³ yxau²xai³lya³sain¹te² ĩ³nxa² a²yxo²ha³kxa¹ wi¹lĩ²sah¹lxin¹tu¹wi¹. Nxe³sah¹lxi¹nha²kxai³ kãi³yah³lxin¹kxa² yo³ha² wain³txi³ ĩ³hau³ko³nh²sãn²sxã³ wi¹ta̱³nxa² ko̱³nxe³ ta̱³nxa² kãi³yah³lxin¹kxa² yo³ha² wain³txi³ ũ³yho³hi¹nx2ta¹tu¹wi¹.