Markos 14:30 - Txa²wã¹sũ̱³na² Wãn³txa²

³⁰ Nxa²ha¹te¹ Je³su²jah³la² ĩ³wa²lũ³xi²te³nah¹lxi¹: — A²ya³la³tu̱³ ĩ³ye³kxi¹nx2ta¹wi¹. Ka³nxah³tai²nãn²tu̱³ ka³la³ka³la²su² ye³ha¹li¹ ĩ³yai²lxi²nxa³ta̱³lxa¹ wxãi²na² sa²kxai³lu² Pe²jah³lo² ĩ̱³nxai²na² sa²kxai³lu² ten³si¹sa²nxãn³jau³nũ³su² ye³ha¹li¹ ka³na³ki¹ ĩ³ye³kxi²xin¹tu¹wi¹. “Je³su²jah³lai²na² ĩ²te²txã³wi¹.” Nxẽn¹jau³xai²na², ye³ha¹li¹ ka³na³ki¹ ĩ³ye³kxi²xin¹tu¹wi¹. Je³su²jah³la² ta¹hxai²hẽ¹la².

Markos 14:30 ပူးပေါင်းရင်းမြစ်များ

Mateus 26:34

Nxa²ha¹te¹ Je³su²jah³la² ĩ³wa²lũ³xi²te³nah¹lxi¹: — Wãn³txi³su² e³kxi¹nx2ta¹wi¹. Ka³nxah³tai²nãn²tu̱³ ka³la³ka³la²a² ĩ³yxai²lxoh³lxi²nxa³ta̱³lxa¹ wxãi²na² Pe²jah³lo² ĩ³nxai²na² sa²kxai³lu² ten³si¹sa²nxãn³jau³su² ye³ha¹li¹ ka³na³ki¹ ĩ³ye³kxi²xin¹tu¹wi¹. “Je³su²jah³la² ĩ²te²txã³wi¹.” Nxẽn¹jau³su² e³ye³kxi²xi¹nĩn¹tu¹wi¹. Je³su²jah³la² ta¹hxai²hẽ¹la².

Markos 13:35

Jã¹nxe³te²nũ³nhũ̱³yah³lxi¹lxi¹. Nxe³ha²kxai³ wi¹lĩ²jah¹lxi³hẽ¹li¹. Sxi²hai²na² a²wa³kxẽn³yah³lai¹ta³lxi²: “Ĩh¹nxe³hĩ¹na¹ ĩ³xain¹te³ji¹ku¹. Ko̱³nhain¹ki̱³sxa³nhai¹.” Nxe³te²nũ³nhũ̱³yah³lxi¹lxi¹. “Sũ²ni²khaix1tãu³a¹ ta̱³nxa², ka³nxah³ti² wi³te²lon³ta̱³nxa², ka³la³ka³la²a² ĩ³yai²lxi²tãu³a¹ ta̱³nxa², a³lan²tin³ti² ten³sa²tã³xi²tãu³a¹ ta̱³nxa² ĩ³xain¹te³ji¹ku¹. Ain¹ki̱³nhai¹.” Nxe³te²nũ³nhũ̱³yah³lxin¹nha²wi¹.

Markos 14:29

Nxe³nxa²ha¹te¹ Pe²jah³la² a²wãn³txi³kxai³lu¹ Je³su²jah³la² ĩ³ye³kxi²te³nah¹lxi¹: — Kwa²nxi¹lxi¹. Ãu²li¹nxa²sxã³ ã³nih²nxã²nxa³lho³li¹. A²nũ²a² ã̱³xa² ãu²li¹hxan³txain¹kxan²ti³nũ¹ txai²li² ti³he¹nxẽ²nxa²hxa³lho³li¹. Ta¹hxai²hẽ¹la².

Markos 14:31

Yxãn¹ta¹ Pe²jah³lai²na² yxo²xũ̱n³txi³ ĩ³ye³kxi²te³nah¹lxi¹: — Kox1ko¹su² ĩ³su²lhã³sain¹kxa² ha³ta̱³nxãn²txi³ hai³txi³ ten³nxa²hxa³jau³nũ³su² ĩ³ye³ti³he¹nxe²nxa³lho³li¹. Pe²jah³la² ta¹hxai²hẽ¹la². Te²yã¹nxe³sxã³ a²sa³wi³ha³lxa² hãi¹nxe³ti̱³xa¹ ĩ³ye³kxu¹jã¹xain¹ta¹hxai²hẽ¹la².

Lukas 22:34

Nxa²ha¹te¹ Je³su²jah³la² ĩ³ye³kxi²te³nah¹lxi¹: — Pe²jah³lãi³. Ne³ka²sa²sa²lxi¹. Ka³nxah³tai²na² ka³la³ka³la²a² ĩ³yxai²lxi²nxa³ta̱³lxa¹ jau³nũ³a² nxe²e³in¹te³nah¹lxi¹: “Je³su²jah³la² ĩ²ti³hex1te²txã³wi¹.” Nxe²ĩ³ki³ha¹kxi²san¹jau³xa² ye³ha¹li¹ ka³na³ki¹ ĩ³ye³kxi²xin¹tu¹wi¹. Je³su²jah³la² ta¹hxai²hẽ¹la².

Joãu 13:38

Nxe³nxa²ha¹te¹, Je³su²jah³la² wãn³txi³kxai³lu¹: — “A³lxi¹nxa²ha¹jau³su² su²lhã³sain¹kxan²ti³ ã³nã¹nxa²hxa³lho³li¹.” Sah¹lxi¹lxi¹. Yxãn¹ta¹, ko̱³nhxa²sxã³ e³xa̱³lxi¹. A²ya³la³tu̱³, wãn³txi³tu̱³ e³kxi¹nxa²ha¹i¹. Ka³la³ka³la²a² ĩ³yai²li²nxa³ta̱³lxa¹, wxãi²na² ten³si¹sa²nxãn³jau³nũ³su² ye³ha¹li¹ ka³na³ki¹ nxe² ĩ³ye³xi²to³hin¹tu¹wi¹: “Je³su²jah³la² ĩ²ti³hex1te²txã³i¹.” Nxe³kxi²san¹tu¹wi¹. Jau³su² ya³nxa²ha¹i¹. Ta¹hxai²hẽ¹la².

Joãu 18:17

ówi¹hain¹ka³tu̱³, wãi²ta¹ka³lxai²na² sxih²yxo²a² wxa²hau³ko³ta¹ka³lxai²na² wãn³txi³kxai³lu¹, Pe²jah³lai²na² ĩ³ye³kxain¹te³nah¹lxi¹: — Wxãi²na², Je³su²jah³lai²na² a²sa³wit3sxan³ji¹wi¹? Ta¹hxai²hẽ¹la². Nxe³nxa²ha¹te¹, ki³han³jau³su² ĩ³wa²lũ³xain¹te³nah¹lxi¹: — Nxe²nxa³xĩ¹. Je³su²jah³la² a²sa³wit3sin²nxa³xĩ¹, txai²li¹. Pe²jah³la² wãn³txa², ta¹hxai²hẽ¹la².

1 Korĩntios 10:12

Jã¹nxe³jut3su² ĩ²li³te²a² a²wãn³txi³kxai³lu¹ a²ẽ¹na² e³kxi²nha²te³nah¹lxi¹: — A³la³kxi²khaix1na¹xã¹. Hai³txi³ ko̱³nxe³ti³ kãi³nxa³lho³nã¹ txai²lã¹. Nxe³kxai²nãn²tu̱³ wi¹lĩ²nha²khai¹nxe³jah¹lxi³hẽ¹la². Ko̱³nxe³ti³ ã³ni²lhxã³ ã³wi¹hã³sxã³ ko̱³nxe³ti³ kãi³yah³lxi¹nha³ta²wa².