Markos 13:35 - Txa²wã¹sũ̱³na² Wãn³txa²

³⁵ Jã¹nxe³te²nũ³nhũ̱³yah³lxi¹lxi¹. Nxe³ha²kxai³ wi¹lĩ²jah¹lxi³hẽ¹li¹. Sxi²hai²na² a²wa³kxẽn³yah³lai¹ta³lxi²: “Ĩh¹nxe³hĩ¹na¹ ĩ³xain¹te³ji¹ku¹. Ko̱³nhain¹ki̱³sxa³nhai¹.” Nxe³te²nũ³nhũ̱³yah³lxi¹lxi¹. “Sũ²ni²khaix1tãu³a¹ ta̱³nxa², ka³nxah³ti² wi³te²lon³ta̱³nxa², ka³la³ka³la²a² ĩ³yai²lxi²tãu³a¹ ta̱³nxa², a³lan²tin³ti² ten³sa²tã³xi²tãu³a¹ ta̱³nxa² ĩ³xain¹te³ji¹ku¹. Ain¹ki̱³nhai¹.” Nxe³te²nũ³nhũ̱³yah³lxin¹nha²wi¹.

Markos 13:35 ပူးပေါင်းရင်းမြစ်များ

Mateus 14:25

Nxa²ha¹te¹ ka³la³ka³la²a² ĩ³yxai²lxi²ti³xa² Je³su²jah³lo²kxai³lu² ĩ̱³yau³xa² a²ne³ka³na²ha² ti³ne³wxe³ yxau²xai³sxã³ wxã³yain¹ta¹hxai²hẽ¹la².

Mateus 24:42

Nxe³ha²kxai³ ha³lo²a² nũ¹hĩ²jah¹lxi³hẽ¹li¹, wa̱³li²na¹je³nãu³wa³kxa² ko̱³yah³lxa³nha²kxai³lu¹.

Mateus 24:43

Te²yã¹nxe³ju³kxai³lu² ka³nxah³ti³na² so¹lxi³ yen³kxa² kãi³jah¹la² hãi³a² wxã³te²ju²hẽ³li¹. Nxe³kxi³sa²kxai³ sxi²ha² wa³kxẽn³yah³lai²na² sa²kxai³lu² yen³kxa² kãi³jah¹la² wxã³je³nãu³wa³kxa² a³la³kxi²ke³la³te²kxai³ ye³ten³nha²sxã³ wah³nxe³hĩ̱³nx2na³li¹. Sxih²yxo²a² yxo²ĩ¹in¹kxe³su² yen³kxa² tĩ¹kxi¹nxa²hĩ̱³nx2nxa³wi¹.

Mateus 24:44

Jã¹nxe³jut3su² ye³ten³nha²kxi³hũ̱³nxe² wahx3nxe³jah³lxi³hẽ¹li¹. Nxe³sxã³ wxa²ẽ¹nãn¹jau³kxai³: “Hĩ¹na² wxã²nxa³lho³na¹.” Nxe³yah³lxin¹jau³su² nxe³ti³wa³kxa² wxã³na¹ha³ta²wi¹.

Markos 13:33

Nxe³ha²kxai³, ha³lo²a² nũ¹hĩ²jah¹lxi³hẽ¹la², wa̱³li²na¹je³nãu³wa³kxa² ko̱³yah³lxa̱³nha²kxai³lu¹.

Markos 13:37

Nxe³jau³xai²na² ĩ³ye³kxi¹nx2ta¹jau³xai²na² a²nũ²a² yxo²ha³kxa¹ ĩ³ye³kxai¹na¹wi¹. “Wi¹lĩ²jah¹lxi³hẽ¹li¹.” Nxe³ai¹na¹wi¹. Je³su²jah³la² nxe³ta¹hxai²hẽ¹la².

Markos 14:30

Nxa²ha¹te¹ Je³su²jah³la² ĩ³wa²lũ³xi²te³nah¹lxi¹: — A²ya³la³tu̱³ ĩ³ye³kxi¹nx2ta¹wi¹. Ka³nxah³tai²nãn²tu̱³ ka³la³ka³la²su² ye³ha¹li¹ ĩ³yai²lxi²nxa³ta̱³lxa¹ wxãi²na² sa²kxai³lu² Pe²jah³lo² ĩ̱³nxai²na² sa²kxai³lu² ten³si¹sa²nxãn³jau³nũ³su² ye³ha¹li¹ ka³na³ki¹ ĩ³ye³kxi²xin¹tu¹wi¹. “Je³su²jah³lai²na² ĩ²te²txã³wi¹.” Nxẽn¹jau³xai²na², ye³ha¹li¹ ka³na³ki¹ ĩ³ye³kxi²xin¹tu¹wi¹. Je³su²jah³la² ta¹hxai²hẽ¹la².

Markos 6:48

Nxe³tãu³a¹ i³txa² nũ̱³kxũn³txi³ ka²no¹a²ka³lo³ai²na² sa²ne³khau²kxain¹ju³ta²kxai³ a²sa³wi³ha³lxi³nãu³xa² hxi²kan¹ti³ ũ³kwa³lxĩ¹nha²sxã³ ai³ai¹nxa³ju³ta²kxai³ nxe³ta¹hxai²hẽ¹la². Nxe³ju³tai²na² a²yxo²ha³kxa¹ Je³su²jah³lai²na² sa²kxai³lu² ĩ²ta¹hxai²hẽ¹la². Nxe³te³nah¹lxi¹ ka³la³ka³la²a² ĩ³yxai²lxi²ti³xa² Je³su²jah³la² ĩ̱³yau³xa² a²ne³ka³na²ha² wxã³yain¹ta¹hxai²hẽ¹la². A²yu³kxa² wxã³ta¹hxai²hẽ¹la². — Ã³wa²to¹tai¹na¹tũ¹xã¹. Ta¹hxai²hẽ¹la².