Joãu 19:14 - Txa²wã¹sũ̱³na² Wãn³txa²

¹⁴ Nxe³hĩ¹na², Pas²kwa²nxe³je³na³kxa² a³lan²ti³hĩ¹nai³tã² ĩ³yũ¹li²nxa³ta̱³lxa² ta¹hxai²hẽ¹la². Nxe³nxa²ha¹te¹, Pi³la²jah³lai²na² wãn³txi³kxai³lu¹, Ju³te²a² nũ̱³ka̱³txai²na² ĩ³ye³kxain¹te³nah¹lxi¹: — Wxa²hxi²kan¹txa² si³yxau³ka̱³txa² ĩ²jah¹lxi³hẽ¹li¹. Ta¹hxai²hẽ¹la².

Joãu 19:14 ပူးပေါင်းရင်းမြစ်များ

Mateus 27:45

Nxa²ha¹te¹ ha³lo²a² whãi²na¹ ka³nxa³hi²khai¹nxe³ta¹hxai²hẽ¹la². A³lan²ta² ne³ka³ka³thĩ¹nãn¹tu̱³ ã³ka³nxa³hi²ta¹hxai²hẽ¹la². ósa²ti¹tã³xi²tãu³a² so¹lxi³ ha²te¹ti³ye²ta¹hxai²hẽ¹la².

Mateus 27:62

Nxa²ha¹te¹ a²lan²nũ³tãu³a¹ pas²kwa² yain³txa² hau³ko³ta³lun²ti³xa² ha³nau³hĩ²na³na¹ ãh¹a³la²ni²tãu³a¹ wã³nxĩn¹ta² si³yxau³ka³ta²nãu³xa² fa³ri³se²a² nũ̱³ka̱³txa² ain¹sxã³ Pi³la²jah³la² sxi²ha² ã³yã³sa²kxi³nũ²kxain¹ta¹hxai²hẽ¹la². Sa²ba³to³ nxe³kxan²ti³nũ¹ wxã³sxã³ ã³yã³sa²kxi³nũ²kxain¹ta¹hxai²hẽ¹la².

Markos 15:25

U³je³na³ka² wxa²ki³ka³la³nũ²la² ĩ³hxi²kĩ¹la³kxain¹ta¹hxai²hẽ¹la².

Markos 15:42

Nxe³hĩ¹na² sa²ba³to³ nxe³ju³ta² ye³ka³na³ka³nat3sxã³ a³la²ni²hĩ¹nai³kxai³ Ju³te²a² nũ̱³ka̱³txa² a²yain³txa² wet1sxã³ ãu¹la³kxain¹to³tãu³a¹ ta¹hxai²hẽ¹la². A²nxe³tãu³a¹ sũ²ni²khai¹nxe³tãu³a¹ Jo³se²ah³la² A³ri³ma³te²a³thĩ³nãn¹jah¹la² Ju³te²a² nũ̱³ka̱³txa² hxi²kan¹jah¹la²nãu³xa² ka³na³ka³na³jah¹la² wi¹lhin¹khaix1jah¹la² ta¹hxai²hẽ¹la². A²nxe³jah¹la² Txa²wã¹sũ̱³na² A²hxi²kan¹ta² Si³yxau³tãu³lo³ju³ta² wahx3nxe³jah¹lo²su² ta¹hxai²hẽ¹la². Jah¹lai²na² sa²kxai³lo³ ya³lo³txi²sxã³ Pi³la²jah³lai²na² ã³nxai³sxĩ²ka³tu̱³ Je³su²jah³la²nũ²a² ĩ³wã̱³txi³ta¹hxai²hẽ¹la².

Lukas 23:44

Nxa²ha¹te¹ ha³lo²a² whãi²na¹ ka³nxa³hi²khai¹nxe³ta¹hxai²hẽ¹la². A³lan²ta² ne³ka³ka³nhĩ¹nãn¹te²tu̱³ ã³ka³nxa³hi²ta¹hxai²hẽ¹la². óki³kan³tãu³a¹ so¹lxi³ ĩ³ha²te¹txi²ye²ta¹hxai²hẽ¹la².

Lukas 23:54

Nxa²ha¹te¹ txu¹ti³nãu³xa² Ka³li³le²an¹ta¹ka³lxu³nãu³xa² a²sa³wi³ha³lxi³su² ha²kxai³ Jo³se²ah³la²kxai³ ã³si³tẽ³kxi²nũ²la² txah³lxa³kxẽ¹na² ĩ²ha²kxai³ Je³su²jah³la² ũ³whih¹wxe³je³na² ĩ²ain¹ta¹hxai²hẽ¹la². Ĩ²ain¹nũ²la² ã³ya³wa²lain¹ta¹hxai²hẽ¹la². Hã²wxãn³txa³ a²nũ²a² ya³lu²te²a² wxa²to̱¹la³kxi²jau³nũ³a² hau³ko³tain¹ta¹hxai²hẽ¹la³, txu¹ti³nãu³xa²sa³. Nxai¹nha²kxai³ ka³nxa³ha²ta² Ju³te²a² nũ̱³ka̱³txa² a²sa²ba³to³ nxe³nha²kxai³ Txa²wã¹sũ̱³na² ũ³wha²li¹txã³nxa² wet1si¹nyhain¹jau³su² hãi¹sxã³ ĩ³ye¹nxi²sxã³ yxau³ain¹ta¹hxai²hẽ¹la².

Joãu 19:3

Ain¹ka³tu̱³, ã³ya̱u³son³kxain¹ka³tu̱³, ĩ³sa²nẽn¹kxi²ki³lxot3sxã³ ĩ³wai³ka³si³xain¹te³nah¹lxi¹: — Wi¹lhin¹te²si¹lxi¹. Ju³te²a² nũ̱³ka̱³txa² a²hxi²kan¹te² si³yxau³ka̱t3si¹lxi¹. Ain¹ta¹hxai²hẽ¹la². Ain¹ka³tu̱³, ye³ka³lxa¹txi³ wxa²ne³su²lain¹to³ta¹hxai²hẽ¹la².

Joãu 19:42

— Ka³nxa³ha²txai²na², Pas²kwa²nxe³je³na³kxa² wa³kxẽ³no̱n³ki̱³tu¹wi¹. Tẽ¹nai²na² u²lxa³tẽ³na² sa²wi¹yha³sẽ¹li¹. Ain¹sxã³, Je³su²jah³la² sa²nĩ̱³kxi²ya³ta¹hxai²hẽ¹la².

Joãu 19:5

Ain¹ka³tu̱³, Je³su²jah³lai²na² a³li³ye²ta¹hxai²hẽ¹la². Wai³lxa³ka³lo³ai²na² ne³hẽ¹nha²sxã³, wã²la² sau¹saun¹ka³lo³a² wi²kxi²nha²sxã³, a³li³ye²ta¹hxai²hẽ¹la². Nxe³te³nah¹lxi¹, Pi³la²jah³lai²na² wãn³txi³kxai³lu¹, Ju³te²a² nũ̱³ka̱³txai²na² ĩ³ye³kxain¹te³nah¹lxi¹: — Nxe³jah³lxi³hẽ¹li¹. Jah¹lai²na² wi¹lĩ²jah¹lxi³hẽ¹li¹. Ta¹hxai²hẽ¹la².