Joãu 10:6 - Txa²wã¹sũ̱³na² Wãn³txa²

⁶ Nxe³jau³xai²na² ĩ³yau¹ũ³jau³xai²na², Je³su²jah³la² ĩ³ye³kxain¹ta¹hxai²hẽ¹la². Yxãn¹ta¹, a²si³yxau³tãu³a¹ a²nũ²a² nũ̱³ka̱³txa² ã³ne³wxe³ain¹ta¹hxai²nxa³hẽ¹la². — Txai²na² wi¹lhin¹te² wa³kxẽn³yah³lo²hũ̱³te²sa¹i¹. Nxe³jau³su²

Joãu 10:6 ပူးပေါင်းရင်းမြစ်များ

Mateus 13:34

Jã¹nxe³jut3su² wãn³txa² jau³jau¹xai²na² so¹lxi³ ĩ³yau¹ũ³jau³xai²na² so¹lxi³ e³ta¹hxai²hẽ¹la². E³lxah²lxi³jau³la³ ĩ³ye³kxi²ta¹hxai²nxa³hẽ¹la².

Mateus 13:51

Jã¹nxa¹jau³su² wãn³txa² ĩ³yau¹ũ¹nx2ta¹jau³su² a²yxo²ha³kxa¹ ã³ne³wxe²sa²sai¹yah³lxin¹ta¹ji¹wi¹? Je³su²jah³la² ta¹hxai²hẽ¹la². Nxa²ha¹te¹ ĩ³wã²lũ³xain¹te³nah¹lxi¹: — Kwa²nxi¹lxi¹. óne³wxe²sa²sai¹sĩ¹na¹wi¹. Nxain¹ta¹hxai²hẽ¹la².

Markos 4:34

Wãn³txa² ĩ³yau¹ũ³jau³xa² so¹lxi³ ĩ³ye³kxain¹ta¹hxai²hẽ¹la². Yxãn¹ta¹ a²si³yxau³tãu³khai³xai²na² sa²kxai³lu² a²sa³wi³ha³lxi³nãu³xa² so¹lxi³ wã²nxũ̱h¹ ĩ³yau¹ũ³hain¹ta¹hxai²hẽ¹la².

Joãu 16:25

A²wi¹lhĩ¹nãn²tu̱³, kxãn³su² wãn³txa² hãi³jau³xa² so¹lxi³ ĩ³ye³kxi¹nx2ti³to³hxai²na¹tai¹ti²ti¹. Yxãn¹ta¹, ha³lo²a² hau³kon³tu¹wi¹. Nxe³tãu³a¹, e³lẽ³na¹ ĩ³ye³kxi¹nx2ta¹tu¹wi¹. Na¹kxai²nãn²tu̱³, wãn³txa² si³ka³kan³jau³xa² so¹lxi³ ĩ³ye³kxi¹nx2ta¹tu¹wi¹. Txa²wĩ³na² wãn³txa² si³ka³kan³jau³xa² so¹lxi³ ĩ³ye³kxi¹nx2ta¹tu¹wi¹. Txa²wĩ³na² ĩ³yau¹ũ³nx2ti³te³lhxã³ ĩ³ye³kxi¹nx2ta¹tu¹wi¹.

Joãu 16:29

Nxe³nxa²ha¹te¹, a²sa³wi³ha³lxi³nãu³xai²na² wãn³txi³kxai³lu¹: — Hã³xã¹. Kwẽn¹tai²na² si³ka³ka³ni³ e³nhi¹lxi¹. Hai³txi³ hãi³jau³la² e³sĩn¹nxã̱³lxi¹.

Joãu 6:52

Nxe³jau³xai²na² Ju³te²a² nũ̱³ka̱³txa² ã³nhai¹tũn³te²nãu³xai²na² sa²kxai³lu² ain³kxi²yah³lxi³ka³tu̱³ ĩ³xa̱n³ta³kxah¹lxi³ta¹hxai²hẽ¹la². Ain¹ka³tu̱³ ã³kwa³lxi²wi²kxi² ĩ³wã̱³txa³kxi²nhah¹lxi³te³nah¹lxi¹: — Ko̱³txi³hi¹ki̱³sxa³nhai¹. Ĩh¹nxet3sxã³, Je³su²jah³lai²na² a²sĩ̱³na², ĩ³yain³si¹nhẽ³jau³su² ũ³hũ¹nẽ³lain¹te²la¹ku¹, ki̱³nhai¹. Yah³lxi³ta¹hxai²hẽ¹la².

Joãu 6:60

Nxe³jau³xai²na² sa²kxai³lu², Je³su²jah³la² ã³si³tẽ³la³kxain¹tũ̱³ka̱³txa² ã³nhai¹tũn³tũ̱³ka̱³txa² sa²kxai³lu² ka³lxa¹tũ̱³ka̱³txa² sa²kxai³lu² wãn³txai²na² ain³kxain¹ka³tu̱³, ĩ³xa̱n³ta³kxain¹sxã³ ĩ³ye³kxi²yhain¹te³nah¹lxi¹: — Je³su²jah³lai²na² wãn³txa² a̱n³txi³si¹nhẽ³jau³xai²la¹i¹. On³jau³sxa³i¹. Ain³kxa¹sah¹lxi³txa³hẽ¹li¹.

Joãu 8:27

Yxãn¹ta¹ hai³txi³ Ju³te²a² nũ̱³ka̱³txi³la³ ã³ne³wxe³ain¹ta¹hxai²nxa³hẽ¹la². Je³su²jah³la² ĩ³sa²si¹hã³jah¹la² a²ĩ³lxa², Ju³te²a² nũ̱³ka̱³txa² a²hxi²kan¹txi³nãu³xa² ã³ne³wxe³ain¹ta¹hxai²nxa³hẽ¹la². — Txa²wĩ³na² ĩ³sa²si¹hã³sa³na²hẽ³li¹. Je³su²jah³la² wãn³txa², yhain¹to³ta¹hxai²hẽ¹la². Nxe³jau³xai²na², kwẽn¹tai²na² ha³ta̱³nxãn²txi³, hai³txi³ Ju³te²a² nũ̱³ka̱³txa² a²hxi²kan¹ti³nãu³xa² ã³ne³to³hain¹ta¹hxai²nxa³hẽ¹la².

1 Korĩntios 2:14

Yxãn¹ta¹ a²nũ²ai²li² Txa²wã¹sũ̱³na² Yãu³ka³jxah¹la² nxũ²kwa̱i³yxau²nxa³jah¹la² sa²kxai³lu² hxi²kan¹txi³ Txa²wã¹sũ̱³na² wãn³txa² ã³ne³wxe³te²sxa³yu²hẽ³la². Hãi¹nxe³sxã³: — Kwa²toh³lxi³jau³syex1nx2na³li¹. Nxe³nyhu¹te²ju²hẽ³la². Txa²wã¹sũ̱³na² Yãu³ka³txai²na² nxũ²kwa̱i³yxau³jah¹la² so¹lxi³ oh³xai²nãn¹jau³xa² a³la³kxi²te²ju²hẽ³la².

2 Petro 2:22

Jã¹nxain¹jut3su² wãn³txa² tĩ³yau³xu¹tai²na² wãn³txa² yã¹nxain¹na³la². Nxe³jau³xa²sa¹: — Wai³a³lxa² ĩ³nih¹kxai²nãn²tu̱³ a³luh³te²ju²hẽ³li¹. Hã²wxãn³txa³ ye³jen¹na² ã³wa̱³li²sxã³ a³luh³jau³xai²li² ãh¹ ĩ³yai³nxi²te²ju²hẽ³li¹. Nxe³jau³jau¹xai²li² nxe³hxai²na²hẽ³la². Te²yãx1jau³xa² ãh¹lxi³jau³xa²sa¹: — Yxa³kxi³su² te²a² ha³lo²a² kwã¹kwãn¹ju³ta² kwa²sxa³te²ju²hẽ³li¹. Nxe³yãn¹ta¹ a²nũ²a² hi²sen³kxai³lu² yxa³kxai²na² tẽ³sxã³ wxa²hi̱³la³kxa² han³ka²txi³nũ¹hĩ̱³nx2na³li¹. Wxa²hi̱³la³kxi² han³ka²txi³nũ²la² hã²wxãn³txa³ ye³jen¹na² te²yxa³kxain²txi³ wa̱³li²sxã³ ha³lo²a² kwã¹kwãn¹ju³ta² ãh¹lxi³sxã³ kwa²sxa³xi²hĩ̱³nx2na³li¹. Nxe³jau³jau¹xai²li² nxe³hxai²na²hẽ³la². Jã¹nxe³jut3su² tũ̱¹ka̱³txai²na² ko̱³nxe³ti³ kãi³tũ̱³ka̱³txai²na² yxa³kxa² yã¹nxain¹na³la².

1 Joãu 5:20

Nxe³ki̱³sa²kxai³ Sũ̱³na² A²ta²ha² wxã³ye²nẽ³ju³ta² wi¹ko̱³nha²nũn³ki̱³tã³la². A²nxe³jah¹la² a³la³kxi²ti³hi¹tẽ³na³la². Txa²wã¹sũ̱³na² Si³yxau³tãu³a¹ wain³khai¹nxe³jah¹la² wi¹lĩ²ki̱³txai²la². Nxe³ki̱³sa²kxai³ wain³khaix1jah¹lain²txi³ ã³nũ²nxi²sxã³ yxau³ya³ki̱³sa²kxai³, a²ki³lha³lxa² Je³su²jah³la² Sũ̱³na² A²hxi²kan¹ta² Si³yxau³tãu³lo³kxah³lo²su² jah¹lain²txi³ ã³nũ²nxi²sxã³ yxau³ya³ki̱³sa²kxai³ nxe²yxau²xai³ki̱³tã³la². A²nxe³jah¹lai²na² Txa²wã¹sũ̱³nu²khai³xai²la¹wa². Ka³te̱³na² wi¹tãu³a¹ ũ³hũ¹nẽ³jah¹lai²la¹wa².