Nxa²ha¹te¹ Ko³ne²lah³lo²nu¹ta²kxai³lu² ten³sa²tã³sxã³ yu̱h³lxi³tẽn³txi³ ĩ³ye³kxi²te³nah¹lxi¹: — Txa²hxi²kan¹jah¹lãi³. Ĩh¹nxe³tin¹ji¹wi¹? Ta¹hxai²hẽ¹la². Nxa²ha¹te¹ oh³xan¹jah¹lo²nu¹tai²na² wãn³txi³kxai³lu¹: — Txa²wã¹sũ̱³na² hi²sen³kxai³lu² wxa²wãn³txa² ĩ³ye³kxai¹nĩn¹jau³xa² ain³kxi²ha²kxai³ wi¹lo²la³kxin¹ju³ta² ĩ²ha²kxai³ nxe³ju³tan¹te²kxa³ya̱³lhu² wi¹kãi³ũh¹nx2ti³tu¹wi¹.
Filipẽnses 4:18 - Txa²wã¹sũ̱³na² Wãn³txa²18 Jã¹nxa¹jut3su² ũ³yho³hi²ki³a² ũ³sa²si¹hã³sah¹lxin¹kxa² a²yxo²ha³kxa¹ so¹kxi¹nx2ta¹hẽ³la². So¹kxi¹nx2ta¹ha²kxai³ yen³kxa² wã³kon³kxi²sa³ju³ta² yũ³na¹wa². E³pa³fro³ti²jah³la² wxã³na²hẽ³la². Wxã³nũ²la² wxa²yen³kxa² ũ³hũ¹ah³lxin¹kxa² ũ³hũ¹sa³na²hẽ³la². Nxe³ha²kxai³ hĩ¹nai²li² yen³kxa² tau³ton³nha²wa². Nxe² kãi³ũ¹sah¹lxin¹ju³tai²li² ha³nxe²a² wi¹lũ³tho³xa² yã¹nxe³hĩ̱³nx2na³la². Txa²wã¹sũ̱³na² ĩ³nxũ̱n³so¹nũh¹nx2ti³kxa² yã¹nx2na³la². Nxe³tho³xa² Txa²wã¹sũ̱³na² ĩ³nxũ̱n³so¹kxai²nãn²tu̱³ ĩ³ka³li³lhxun¹na³la². Te²yã¹nxe³sxã³ wi¹kãi³ũh¹sah¹lxin¹ju³tai²li² ĩ³ka³li³lhxun¹nũn³na³la². Ĩ³ka³li³lhxu¹nha²kxai³ wi¹lhit1sxã³ ĩ²nxa²lxi³na³la². အခန်းကိုကြည့်ပါ။ |
Filipẽnses 4:18
15 ပူးပေါင်းရင်းမြစ်များ
Txa²wã³tã̱³nãu³xãi³. Ne³ka²ki²sah¹lxi³hẽ¹la². Txa²yxo²ka³nãu³ai²na² whãi²na¹ wi¹la̱in³nha²sxã³ ĩ³ye³kxi¹nx2ta¹wa². Txa²wã¹sũ̱³na² Si³yxau³tãu³a¹ wi¹lhin¹sxã³ thãi³ti³la² sa²hau³ko³tẽ³na³la². Nxe³nẽ³lha²kxai³, wxa²nũ²nãu³ai²na² a²wi¹tãu³a¹ Txa²wã¹sũ̱³na² hxi²ka²nãu³a¹, ã³wxe³je¹jxah³lxi³hẽ¹la². Wxa²nũ²nãu³ai²na² ka³te̱n³su² tãu³a¹ wi¹lhin¹sxã³ Txa²wã¹sũ̱³na² ĩ³ka³li³txai²lã¹. Yah³lxin¹jau³su² wxa²nũ²nãu³a¹ a²wi¹tãu³a¹ ã³wxe³je¹jxah³lxi³hẽ¹la². Yah³lxin¹kxai²nãn²tu̱³, a³la³kxi²khai¹nxe³sxã³ Txa²wã¹sũ̱³na² sa²yxo²we¹jah³lxi³hĩ̱³nxa¹lxa². Jã¹nxe³si¹nx2ta¹jau³nũ³su² ye¹nx2ta¹wa².
Nxe³sxã³ Txa²wã¹sũ̱³na² wãn³txa² ĩ³hen³txi³nx2ta¹hĩ¹nai³tã² yxo²ĩ²tũ̱³ka̱³txi³nãu³xa² ã̱³xa³ a²yen³kxa² wã²nhũh¹sain¹na²hẽ³la². Yxau³ya³sain¹sxã³ Txa²wã¹sũ̱³na² wãn³txa² ĩ³hen³txain¹nxa³kxan²ti³ a²yen³kxa² wã²nhũh¹sain¹na²hẽ³la². Wxa²nũ̱³ka̱³txi³ ĩ³nxai²na² a²yen³kxa² wã²nhũh¹sah²lxan³tai¹ti²tu³wa². Nxe³sxã³ a²nũ²a² ã̱³xa² a²yen³kxa² so¹kxai¹na¹ha²kxai³ wxa²nũ̱³ka̱³txa² Sũ̱³na² wãn³txa² ĩ³hen³txi¹nx2ta¹ha²kxai³ nxe³ye¹nx2ta¹tai¹ti²tu³wa².
Yen³kxa² yũ³sa²nxa³kxe³su² ĩ²a¹ha²kxai³ yen³kxa² tau³ton³kxi²sa²kxe³su² ĩ²a¹ha²kxai³ te²sa¹wa². Nxe³ha²kxai³ ha³lo²a² ĩ²li³je³na² hi¹na¹kxan²ti³ ha³lo²a² ĩ²li³ju³ta² ĩ³ha¹txi²na¹ha²kxai³ ka³lih³kxi²nha¹nha²wa², ũ³kxi²sa²jut3su² ta̱³nxa² he³ja³lu²sa²jut3su² ta̱³nxa² yen³kxi³ha¹kxe³su² ta̱³nxa² yen³kxi³txa²sa²kxe³su² ta̱³nxa² nxe³kxan²ti³ ka³lih³kxi²la²nha¹nha²wa².
Txa²wã³tã̱³nãu³xãi³. Ka³li³sa²sĩn¹nha²wa². Txa²wã¹sũ̱³na² wãn³txa² ã²la² nũ̱³kxũn³sxã³ sa²yxo²we¹ti² wxa²nũ̱³ka̱³txai²na² ã²la² kãin² a³lxi²waun¹nyhu¹i² nxe³yah³lxi³sĩn¹ta¹hi¹nhẽ¹la². Yah³lxi¹nha²kxai³ Txa²wã¹sũ̱³na² nxe³sĩ¹na¹te³nah¹lxi¹: — Sũ̱³nãi³. Tũ̱¹ka̱³txai²li² wxa²wãn³txa² kxan²ti³ sa²yxo²we¹txai¹nha²kxai³ ĩ³sa²nẽn¹kxi¹nxa²sĩ¹na¹nhai¹. Nxe³sĩ¹na¹jau³xa² wain³na³la². Jã¹xah³lxin¹ju³kxai³lu² wxa²nũ̱³ka̱³txa² kãin²khãu³nha² a²nũ²a² ã̱³xa² ĩ³ko̱x1ko̱¹son²ki² nxe³nx2ti³ta¹hai¹nhẽ¹la². Nxe³nx2tain¹kxan²ti³ ha³ya³kxa² Txa²wã¹sũ̱³na² wãn³txa² sa²yxo²we¹txa³i² ĩ³nxũ²kwa̱i³lxũ¹nyhu¹i² yah³lxi³sĩn¹ta¹hi¹nhẽ¹la². Nxe³ju³ta² Txa²wã¹sũ̱³na² wãn³txa² yxo²ĩ²tũ̱³ka̱³txi³nãu³xa² ĩ³hen³txain¹sĩ¹nhxai²na¹hẽ³la². Ju¹tai²li² Txa²wã¹sũ̱³na² sa²nẽn¹kxi²sĩn¹to³ha¹wa².
Nxe³lya³ki̱³sa²kxai³ sxi²ha² txo³nain¹kat3sũ̱³ki̱³tã³la². Yxãn¹ta¹ txah³lxa² ka³te̱n³kax3su² nxẽ²nxa³kxa²ha³ta̱³nxãn²txi³ ka³te̱n³su² yxau²xai³lya³ki̱³tã³la². Txa²wã¹sũ̱³na² Yãu³ka³jxah¹la² hi²sen³su² Je³su² Kris²tu³jah¹la² yxo²ĩ²ti³hit1tẽ³ti³ai¹ti²tu³wa². Nxe³sxã³ Sũ̱³na² wa³ka³li³lo³tẽ³lha²kxai³ sa²yxo²wet1sxã³ yxau²xai³ki̱³tã³la². Je³su² Kris²tu³jah¹la² ĩ³hxi²ka¹tẽ³lha²kxai³ Sũ̱³na² ĩ³ka³li³ki̱³ju³ta² o²la³kxi²nũ¹sxã³ yxau²xai³ki̱³tã³la².
ကြော်ငြာတွေ