Filipẽnses 1:23 - Txa²wã¹sũ̱³na² Wãn³txa²

²³ Ju³tha¹li¹ ĩ²sxã³ sa²so¹na¹ju³ta² yũ²na³la². Txa²hi¹nxai³la¹ju³ta² ã³na¹sxã³ Kris²tu³jah¹la² yxau³ju³ta² ã³wi¹hũ³ha¹ju³ta² ten³khaix1sa³nha²wa². Wi¹kãi²no³nhĩ̱³nx2na³la².

Filipẽnses 1:23 ပူးပေါင်းရင်းမြစ်များ

Lukas 12:50

Te²yã¹nxe³sxã³ ĩ̱³yau³xa² ũ³hũ̱¹kxi²sa²sai¹kxi³jut3sũ̱³nxe² ya³lu²na¹ju³ta² yũ³tu¹wi¹. Nxe³na¹ju³kxai³lu² ta³lun²kxi³sxa³ta̱³lxa¹ hxi²ka̱u³ka̱u³nha²te³lxa¹nhai¹.

Lukas 23:43

Nxa²ha¹te¹ Je³su²jah³la² ĩ³wa²lũ³xi²ti³an¹jau³kxai³lu¹: — Hĩ¹na² Txa²wã¹sũ̱³na² yxau³ju³ta² ĩ³na¹tu¹wi¹. Nxa¹kxai²nãn²tu̱³ ã³sa²so¹nxa²ha¹tu¹wi¹. Ta¹hxai²hẽ¹la².

Lukas 8:38

Nxa²ha¹te¹ in³txai²na² ko̱³nxe³te²a² yãu³ka³txa² a³li³xain¹jah¹la² Je³su²jah³lo²su² te²kxai³ win¹ta²te²lxi³ ĩ³ye³kxi²ti³ãn¹jau³kxai³lu¹: — Ã³si³tẽ³kxi¹nxa²ha³la²wi¹. Ta¹hxai²hẽ¹la².

Joãu 12:26

Jã¹nxa¹jau³su², a²nũ²a² ĩ²li³te²su² te² ĩ³nxãn²tu̱³: “Je³su²jah³la² a²sa³wit3so¹na¹tũ¹xã¹.” Nxe³yah³lxin¹kxai²nãn²tu̱³, sa²wai³wait3sxã³ ã³si³tẽ³la³kxi²sah¹lxi³hẽ¹li¹. Sah²lxin¹kxai²nãn²tu̱³, ha³lo²a² ĩ²li³jut3sũ̱³ju³ta² he¹a¹kxai²nãn²tu̱³, txa²sa³wi³ha³lxi³ ĩ³nxai²na² whãi²na¹ ã³nho³yha³sah¹lxin¹tu¹wi¹. A³sah¹lxin¹kxai²nãn²tu̱³, sa²yxo²wet1sah²lxin¹kxai²nãn²tu̱³, Txa²wĩ³na² wi¹lhin¹si¹nx2ti³jau³la³ ĩ³ye³kxi¹nx2ti³tu¹wi¹.

Joãu 13:1

Nxe³nxa²ha¹te¹ Pas²kwa²nxe³je³na³kxa², Ju³te²a² nũ̱³ka̱³txai²na² ã³yãn³ki³nũ²kxain¹sxã³ kãin² ĩ³yain³tai¹ni² Txa²wã¹sũ̱³na² Si³yxau³tãu³a¹ ĩ³ka³li³si¹hain¹jau³su² ĩ³ye³kxai¹ni², nxe³je³na³kxa² ya̱u³son³kxain¹ta¹hxai²hẽ¹la². Nxe³hĩ¹na², Je³su²jah³la² a²sa³wi³ha³lxa² whãi²na¹ sxi²ha² thĩ³nãu³xã¹ yxau³ain¹ta¹hxai²hẽ¹la². Yxau³ain¹nxa²ha¹te¹, Je³su²jah³lai²na² sa²kxai³lu² a²ẽ¹nãn¹jau³kxai³lu¹: — Txa²hxi²kĩ³la², Txa²wĩ³na² ĩ³yĩ¹li²nũ¹sa²ju³ta² hau³kon³na³na¹. Yuh³xai²nãn¹ko³xai²na² wa²li³sxã³ Txa²wĩ³na² yxau³tãu³a¹ ĩ³na¹ju³ta³nũ³a² ya̱u³son³kxi²na³na¹. Na¹ha²kxai³, txa²sa³wi³ha³lxai²na² yuh³xai²nãn¹ko³xa² a²sa³wi³ha³lxi³ye²te²nũ̱³ka̱³txai²na² kxãn³su² a³lxi²hxai²na¹hẽ³nã¹. Ka¹txi³ a³lxi²sa²tẽ³hxai²na¹hẽ³na¹. Na¹ha²kxai³, kãin² a³lxai¹na¹ju³ta² txa²sa³wi³ha³lxai²na² ĩ³yau¹ũ³hai¹na¹tũ¹xã¹. Ta¹hxai²hẽ¹la².

Joãu 14:3

Na¹kxai²nãn²tu̱³, ĩ³na¹kxai²nãn²tu̱³, wxa²ha³lo²a² sa²hau³ko³ta³lun²kxi¹nx2ta¹kxai²nãn²tu̱³, ã³wa̱³li¹xi²na¹tu¹wi¹. Na¹kxai²nãn²tu̱³, ã³sa²so¹nx2ta¹tu¹wi¹. Kan²txi³ yxau³ya³sa²si¹nx2ta¹jau³su² nx2ta¹tu¹wi¹. Na¹kxai²nãn²tu̱³, ha³lo²a² ĩ²li³jut3sũ̱³ju³ta² he¹a¹tãu³a¹ yxau³ya³sah¹lxin¹tu¹wi¹.

Joãu 17:24

Wĩ³na², nxe³txi¹. Ũ³hũ¹san¹tũ̱³ka̱³txai²na² kan²txi³ ãn³si³tẽ³la³kxi²sain¹ju³ta² ten³sa²nũn³nhai¹. Txai²nãn²tu̱³ wxa²ha³lo²a² oh³xan¹ko³nãu³a² ha³lo²lot3sxã³ he¹a¹kxai²nãn²tu̱³, ãn³si³tẽ³la³kxi²sain¹ju³ta³nũ³a² ten³sa³nhai¹. Sain¹kxai²nãn²tu̱³, txa²wxi²kin³ti³to³na¹ju³ta² ũ³hũ¹san¹kxa² ĩ²ain¹tu¹wi¹. Nxe³ti³ten³sa³nhai¹. Ha³lo²ai²na² yuh³xai²nãn¹ko³xai²na² ã³si³wxe³ti³he¹nxa³hĩ¹nũ¹tai²nãn²tu̱³ a³lxi²sa²to³hxain¹tai¹ti²ti¹. San¹jau³su² wxi²kin³ti³to³ti³hit1san¹tai¹ti²ti¹. Nxe³na¹ju³ta², txa²nũ̱³ka̱³txai²na² yxo²ha³kxa¹ ĩ²ain¹kxai²nãn²tu̱³, ka³lih³khaix1sa³tu¹wi¹. Ju¹ta² ten³sa³nhai¹.

Atos 7:59

Ya³lu²nxa³ta̱³lxa¹ Es³te³vãu²ah³lo²nu¹ta²kxai³lu² ĩ³kaix1sxã³ ĩ³ye³kxi²te³nah¹lxi¹: — Je³su²jah³lãi³. Txa²yãu³ka³txa² sa²so¹sẽ¹li¹.

2 Korĩntios 5:8

Nxe³ha²kxai³ ya³lo³txi³khaix1sa³nha²wa². Yuh³xan¹ta³sĩ̱³na² sĩ̱n³nxe³ha¹ju³ta² ã³na¹sxã³ ã³tĩ¹kxi²nha²ti³ten³sa³nha²wa². Na¹kxai²nãn²tu̱³ nxe³hĩ¹na² Txa²wã¹sũ̱³na² yxau³ju³ta² ai³sxã³ yxau²xai³la¹ju³ta² so¹lxi³ ten³sa³nha²wa².

2 Korĩntios 6:12

Txa²ẽ¹nãu³ai²na² a̱u³txi³ a³lxi¹nx2ta¹ju³ta² ũh³wxe³nũh¹nx2ta¹nha²wa². Jã¹nxe³sa²sxã³ wxãi²na² sa²kxai³lu² a³lxi²syah¹lxin¹ju³ta² ũh³wxe³nũ¹syah¹lxa³lxa².

Filipẽnses 1:24

Nxe³yãn¹ta¹ ã³non²ta³kxi¹nx2ta¹ju³ta³nũ³a² yuh³xai²nãn¹ko³xai²na² ãh¹ hi¹nxai³la¹tu¹wa².

1 Tesalonisẽnses 2:1

Jã¹nxe³ju³kxai³la¹ wxã³sĩ¹na¹hĩ¹nai³tã² ĩ³tih³nxe³nx2ti³sĩ¹na¹tai¹ti²tu³wa². Kwa²wãn³ti³su² ĩ³tih³nxe³nx2ti³sĩn¹nxa³tai¹ti²tu³wa². Nxe³sxã³ ain³kxi²sah¹lxi³nhĩ¹nha²kxai³ sa²yxo²wet1sah¹lxi³nhĩ¹nhẽ³la².

1 Tesalonisẽnses 2:13

Sũ̱³na² wãn³txa² wi¹jau³xa² ĩ³yau¹ũ¹nx2ti³sĩ¹na¹hĩ¹nai³tã² nxe²e³kah¹lxin¹te³nah¹lxi¹: — Jau¹xai²na² a²nũ²a² wãn³txi³sxa³wi¹. Sũ̱³na² wãn³txi³khai³xai²la¹wi¹. Yxo²ĩ²nha¹nhai¹. Nxe²e³kxah¹lxin¹jau³su² ha²kxai³ Sũ̱³na² sa²nẽn¹kxi²to³nha¹hẽ³la². Jau¹xai²na² yxo²ĩ²yah³lxi¹nhĩ¹nãn¹te²tu̱³ wxa²ẽ¹nãu³ai²na² nũ̱³kxũn³txi³ sa²hau³ko³txa²lxi³na³la².

1 Tesalonisẽnses 4:17

Nxe³hĩ¹na¹ txa²wã¹ki̱³nãu¹xai²na² yxo²ĩ²ki̱³tũ̱³ka̱³txi³ki̱³nãu¹xai²na² yuh³xan¹ko³xa² ka³te̱n³su² yxau³tũ̱³ka̱³txi³ki̱³nãu¹xai²na² sa²so¹xi²nẽ³lha²kxai³ ĩ³ka³la³si¹nhẽ³tu¹wa². Nxe³ti̱³kxai³lu² oh³sĩ̱³nãu³a¹ yxo²ĩ²sxã³ ya²lun¹ti³tũ̱³ka̱³txai²na² kwẽn¹ta¹ a²nũ²khai³su² ka³te̱n³su² ĩ³sa²yxau³sxã³ ka³la³nũ¹hain¹tũ̱³ka̱³txai²na² Txa²wã¹hxi²kan¹ta² Si³yxau³jah¹la² kwẽn¹ta² a³ka³nxi²ya³hain¹tũ̱³ka̱³txai²na² ĩ³ha¹txain¹ki̱³tu¹wa². Nxe³ki̱³sĩ¹nãn¹te²tu̱³ Txa²wã¹hxi²kan¹ta² Si³yxau³jah¹la² yxau²xai³la³kxi²ki̱³tu¹wa². ósxã³ yxau²xai³ti³hex1ki̱³sxa³lho³la².

2 Timoteo 4:6

Nĩ¹nha²kxai³ txai²na² sa²kxai³lu² ya³lu²te³lhxã³ nxa¹wa². Hai³txi³ kxã³non³nxa³lho³la². Je³su²jah³la² wãn³txa² sa²yxo²we¹te²sa¹wa². Nxa¹ha²kxai³ ka³te̱n³su² yxau²xai³la¹ju³ta² sa²so¹kxi²sai¹nha²kxai³ ya³lu²na¹kxan²ti³ hai³txi³ ka³te̱n³sa¹ju³ta² a³lxi²sa²nxa³nha²wa².

Apokalipse 14:13

Nxa²ha¹te¹ oh³nãu³an¹jau³xa² ain³kxi²na¹hẽ³la². Ain³kxi²na¹te³an¹jau³kxai³lu¹: — Nxex3sa²lxi¹. Ũ³wha²li¹txa²hẽ³li¹. A²nũ²ai²li² a²kxã³nxa² Je³su²jah³la² a³ya³txi²sxã³ yxau³jah¹lo²su² a²nxe³jah¹lo²su² jah¹la² ya³lu²kxai²nãn²tu̱³ wi¹lhin¹khai¹nxe² wi¹lxon³kxi²khaix1nxe² nxe³jah¹lo²su² tu¹wi¹. Nxe³na²hẽ³la². Nxe³nxa²ha¹te¹ Txa²wã¹sũ̱³na² Yãu³ka³jxah¹lai²na² wãn³txi³kxai³lu¹: — Wain³na³li¹. Nũ³kxũn³txi³ Txa²wã¹sũ̱³na² wa³ka³la² o²la³kxain¹tai¹ti²tu³wi¹. Nxe³ai¹nha²kxai³ hĩ¹na² oh³nãu³nũ¹ka³na¹ ĩ³ye¹nxain¹tu¹wi¹, wi¹kãi³ain¹ju³ta² yo³ha²su¹. Nxe³na²hẽ³la².