Ebreus 3:13 - Txa²wã¹sũ̱³na² Wãn³txa²

¹³ Txa²wã¹sũ̱³nai²na² ũ³wha²li¹txã³nxa² ĩ³yau¹ũ³nhẽ³jau³xa² yũ³ki̱³tã³la². Txa²wã¹ẽ¹nãu³ai²na² e³kxi²nũ¹nhẽ³na³la². Nxe³nẽ³tãu³a² txa²wã¹nũ̱³ka̱³txai²na² ĩ³nxũ²kwa̱i³lxũ¹waun¹nha¹jah¹lxi³hẽ¹la². Nxe³yãn¹ta¹ a²hĩ¹nai²na² ĩ²li³te² ĩ³nxai²na² ko̱³nxe³ti³ a̱in³yah³lxin¹ju³ta² ĩ³ki³ha¹kxi¹sa²kex3so¹nx2ti³sxã³ Txa²wã¹sũ̱³na² wãn³txa²kxai³lu² ã³na¹yah³lxin¹kxa²ya̱n³txi³su² nxe³nx2ta¹wa².

Ebreus 3:13 ပူးပေါင်းရင်းမြစ်များ

Romanos 7:11

Nxe³ha²kxai³, txa²ko̱³nxa¹ju³ta² a̱u³txi³ yũ³sa²sxã³ ĩ³ki³ha¹ki²sa²sxã³, wãn³txa² wi¹jau³xa² Moi³se²ah³lu¹tai²na² ĩ³kwa³na³nẽ³jau³xa² ĩ³khot3sa³ha²kxai³, ko̱³nxe³ti³ kãi³ti³hit1sa²hxai²hẽ¹la². Sa³ha²kxai³, ya³lu²te³lhxã³ ti³hit1sa²hxai²hẽ¹la², ko̱³nxe³ti³ kãi³a¹ha²kxai³la².

Efesios 4:22

Jã¹nxe³sxã³ kxã³nxãn¹te² ĩ³nxai³tã² ko̱³nxe³ti³ kãi³yah³lxin¹te² ĩ³nxai³tã² ã³nã¹yah³lxin¹te²sin¹jai¹ti²tu³wa². Yah³lxi¹nha²kxai³ ha³ya³kxa²sin¹sxã³ kãi³yah³lxi³txa³hẽ¹la². Ĩ³ki³ha¹kxi²nx2ti³sxã³ ko̱³nxe³ti³ kãi²non³nxa²lxi³ha³ta²wa².

1 Tesalonisẽnses 2:11

A²wĩ³nu²su² a²wãi³lxi³khai³xa² wi¹lĩ³tih³nxe² ĩ³nxũ²kwa̱i³lxũ¹txi² nxe³ũh¹te²ju²hẽ³la². Nxe³kxa²yã¹nxe³sxã³ Sũ̱³na² wãn³txa² wi¹jau³xa² ĩ³tih³nxe³nx2ti³ha²kxai³ ĩ³nxũ²kwa̱i³lxũ¹jau³su² ĩ³ye³kxi¹nx2ti³ha²kxai³ wãn³txa² yxo²ha³kxa¹ sa²hxi²kãu²lxa³ki²la² ĩ³yau¹ũ¹nx2ti³ha²kxai³ nxe³jau³xai²na² whãi²na¹ nxe³sĩ¹na¹tai¹ti²tu³wa².

1 Tesalonisẽnses 4:18

Nxe³ju³tai²li² wãn³txi³khai³xai²la¹wa². Ki³han³nxa³wa². Nxe³jut3su² ĩ³nxũ²kwa̱i³lxũ¹nyhu¹te³lhxã³ ĩ³yau¹ũ³nha¹jah³lxi³hẽ¹la². Je³su²jah³la² wãn³txa² yxo²ĩ²te²na² ya³lu²ju³ta² ĩ³ãin²txi¹nx2ti³kxa²ya̱n³txi³su² jau¹xai²na² ĩ³yau¹ũ¹jah³lxi³hẽ¹la².

1 Tesalonisẽnses 5:11

Nxe³jut3su² ã³nxũ²kwa̱i³lxũ¹waun¹nyhu¹ah³lxi¹nha²kxai³ ã³non²ta³kxi²waun¹nyhu¹ah³lxi¹nha²kxai³ nxe³yah³lxin¹tai¹ti²tu³wa². Hĩ¹na² ã²la² kãi²non³jah¹lxi³hẽ¹la².

2 Timoteo 4:2

Nxe³ha²kxai³ Txa²wã¹sũ̱³na² wãn³txa² wi¹jau³xa² ya³lo³txi²sxã³ a²nũ²a² ĩ³yau¹ũ³tai¹nhẽ³la². Ain³kxi²te³lhxã³ wxã³ain¹kxai²nãn²tu̱³ ĩ³yau¹ũ³tai¹nhẽ³la². Yxãn¹ta¹ nxai¹nxa³kxan²ti³ ã³sxã³ ĩ³yau¹ũ³hain¹txa³hẽ¹la². Ko̱³nxe³ti³ kãi³ain¹kxai²nãn²tu̱³ ĩ³kwa̱i²kxi¹txai¹nhẽ³la². Yxo²ĩ²nxa²sxã³ hxi²tha³nhain¹kxai²nãn²tu̱³ ya³nãn³ta³ki²la²sxã³ ĩ³nxũ²kwa̱i³lxũ¹sxã³ ĩ³yau¹ũ³txai¹nhẽ³la².

Ebreus 13:22

Jã¹nxe³na¹jau³su² wãn³txa² ũ³wha²li¹la³kxi¹nx2ta¹jau³xa² a³lu²xa³wa². Yau³ka³lxa²jau³sxa³wa². Nxe³sxa³ha²kxai³ wi¹lain³kxi²sa²sxã³ sa²yxo²wet1sah¹lxi³hẽ¹la².

Tiako 1:14

Nxe³yãn¹ta¹ wã²nxũ̱h¹a̱in³nha²sxã³ yxo²kwa̱in³sãn²ki̱³ka³tu̱³ ko̱³nxe³ti³ kãi³hĩ̱³ki̱³tã³la². Nũ²la² hã²wxãn³txa³ kãi²not3sxã³ ko̱³nxe³ti³ kãi³hĩ̱³ki̱³tã³la². Nxe³te²kxa³ya̱n³tu̱³ti¹ hã²wxãn³txa³ ya³lu²nẽ³te³nãu³a¹ hxi²kan¹txi³ Txa²wã¹sũ̱³na² yxau³ju³ta³nũ³a² ã³wih¹sxã³ yxau³ki̱³sxa³lho³la². Nxe³tãu³ãn²tu̱³ti¹ Txa²wã¹sũ̱³nu²kxai³lu² nxe²e³kxi²te³nah¹lxi¹: — Ko̱³nxe³ti³ kãi³ĩ¹nhẽ³li¹. Nxĩ¹nha²kxai³ yxau³khai³nxĩn¹ju³ta² ã³wih¹sxã³ yxau²nxãn³so³li¹. Txa²wã¹sũ̱³na² nxe³hĩ̱³nx2na³la².