Atos 2:20 - Txa²wã¹sũ̱³na² Wãn³txa²

²⁰ Jã¹nxe³tãu³a² u³je³na³kai²li² ka³nxah¹ha²kxai³ i³lxai²li² ki³he³hen³ka²to̱³nha²kxai³ nxe³tu¹wi¹. Nxe³sãn²kxa²yu³su² hã²wxãn³txa³ Txa²wã¹hxi²kan¹ta² Si³yxau³ka³jah³la² wxã³tu¹wi¹. Wxi²kin³ti³ton³sxã³ wxi²kan¹sxã³ a²nũ²a²nãu³xa² kãi³sxã³ yxau²xai³lain¹kxa² yã¹nxe² ũ³yho³hxain¹tu¹wi¹.

Atos 2:20 ပူးပေါင်းရင်းမြစ်များ

Mateus 24:29

Yxan¹nãu³a¹ a²ko̱³nxe³ju³tai²nãn²tu̱³ ne³ki³son³kxai²nãn²tu̱³ a³lan²tan¹ta³ki³ain²ti³ ĩ³ka²nxa¹hi²ha²kxai³ ka³nxah³txan¹ta³ki³ain²txi³ ĩ³ka²nxa¹hi²ha²kxai³ i³la³kxa² wẽ³ha³lxa² whãi²na¹ oh³sĩ̱n³nãu³a¹ ã³nhait1sa²kxai³ oh³nãu³a¹ yxau³te²su² te²a² hxi²ka̱u³ka̱un³ti³ ã³nxai³lai¹nha²kxai³ nxe³ain¹tu¹wi¹. Nxe³sxã³ o³sĩ̱³na² whãi²na¹ ĩ³ã̱³lxi³ton³tu¹wi¹.

Mateus 27:45

Nxa²ha¹te¹ ha³lo²a² whãi²na¹ ka³nxa³hi²khai¹nxe³ta¹hxai²hẽ¹la². A³lan²ta² ne³ka³ka³thĩ¹nãn¹tu̱³ ã³ka³nxa³hi²ta¹hxai²hẽ¹la². ósa²ti¹tã³xi²tãu³a² so¹lxi³ ha²te¹ti³ye²ta¹hxai²hẽ¹la².

Markos 13:24

Yxan¹nãu³a¹ a²ko̱³nxe³ju³tai²nãn²tu̱³ ne³ki³son³kxai²nãn²tu̱³ a³lan²tan¹ki³ain²ti³ ĩ³ka³nxa³hi²ha²kxai³, ka³nxah³tan¹ki³ain²ti³ ĩ³ka³nxa³hi²ha²kxai³ nxe³ain¹tu¹wi¹.

Lukas 21:25

Jã¹nxe³ju³kxai³lu² u³je³na³ki³su² te²a² i³la³kxi³su² te²a² hi³ka²ta³su² te²a² sa²ne³yax1tain¹tu¹wi¹. Ĩ̱³ye³na² kãin² hxa³lxi²ha²kxai³ a²nũ²a² hxi²ka̱u³ka̱u³nhain¹tu¹wi¹.

Atos 2:19

Nxe³na¹ha²kxai³ oh³sĩ̱³nãu³a² wã³nxĩn¹sxã³ o²la³kxi² yuh³nãu³a² wã³nxĩn¹sxã³ kãi³i² nxe³na¹tu¹wi¹. A²ti³ha²yau³xa² yũ³ha²kxai³ ha³nxe²a² yũ³ha²kxai³ ha³nxe²a² wha³lxin¹txa² yũ³ha²kxai³ nxe³tu¹wi¹.

Atos 2:21

A²nxe³hĩ¹na² a²nũ²ai²na² ĩ²li³te²lxi³ ko̱³nxe³ti³ kãi³sxã³ yxau²xai³lain¹ju³tai²li² Txa²wã¹sũ̱³na² ĩ³ãin²ta³kxi²nha²sxã³ ĩ³hen³txain¹kxai²nãn²tu̱³ nxe³te²na² a²hãi¹nxe³ti³xa¹ ko̱³nxe³ti³ kãi³ain¹kxa² yo³ha² ne³wã²na³ain¹sxã³ wi¹lhin¹ti³hi¹tain¹tu¹wi¹.’ Nxe³jau³xai²na² Txa²wã¹sũ̱³na² nxe³sain¹na²hẽ³li¹.” Jo³e³lah³lu¹tai²na² nxe³ta¹hxai²hẽ¹li¹.

1 Korĩntios 5:5

A²nxe³jah¹lai²na² sa²kxai³lu² ko̱³nxe³thin¹sxã³ kãi³jah¹lai²na² sa²kxai³lu² ĩ³ye³kxi¹jah³lxi³hẽ¹la². Ĩ³ye³kxah²lxin¹te³nah¹lxi¹: — Ko̱³nxe³ti³ kãi³i¹nhẽ³li¹. Sa³ta³na²jah¹la² a²wa³kxẽn³sye¹txai¹li¹. Yah³lxin¹jau³su² ĩ³ye³kxi¹jah³lxi³hẽ¹la². Ko̱³nxe³ti³ kãi³jah¹lo²kxai³lu² Txa²wã¹sũ̱³na² ã³yxo²o³tũ¹si¹yhah³lxin¹jau³su² ĩ³ye³kxi¹jah³lxi³hẽ¹la². Nxe³kxai²nãn²tu̱³ a²nũ²khai³xa² ã³kho³kxan²ti³ Je³su²jah³la² Txa²wã¹hxi²kan¹ta² Si³yxau³jah¹la² a³ka³nxi²sxã³ wxã³hĩ¹na¹ a²wi¹tãu³khai³xa² ã³wa²sut1sxã³ yxau³tu¹wa².

1 Tesalonisẽnses 5:2

Nxe³jut3su² a²nũ²ai²li² yen³kxa² kãi³kxi²te²la³ wxã³kxai²nãn²tu̱³ wa³su¹txi³ wxã³te²ju²hẽ³la². Nxe³kxa² yã¹nxe³te²hũ̱³nxe² Txa²wã¹hxi²kan¹ta² Si³yxau³jah¹la² wa³su³txi³ wxã³tu¹wa². Ka³nxah³ti³na² ta̱³nxa² a³lan²tãu³ai²la² ta̱³nxa² wa³su³txi³ wxã³tu¹wa². Nxe³jut3su² ha²kxai³ wi¹lĩ²jah¹lxi³hẽ¹la². A²nxe³jau³xai²na² ha³kxa¹ ã²la² ĩ²yah³lxin¹jau³su² te²jai¹ti²tu³wa². Ne³wãn²yah³lxi³txa³hẽ¹la².

2 Petro 3:10

Nxe³ha²kxai³ Txa²wã¹hxi²kan¹ta² Si³yxau³jah¹la² wxã³ju³ta²nũ³a² wa³su¹txi³ wxã³tu¹wa². A²nũ²a² kuh³lxa³sin¹jah¹lai²li² yen³kxa² kãi³kxi²te³lhxã³ wa³su³txi³ wxã³ti³hũ̱³nxe³ Txa²wã¹hxi²kan¹ta² Si³yxau³jah¹la² wxã³ju³ta²nũ³a² wa³su¹txi³ wxã³tu¹wa². Nxe³kxai²nãn²tu̱³ o³sĩ̱³nai²li² kãin²nxon³sãn²sxã³ ne³ki³son³tu¹wa². U³je³na³kai²na² i³la³kxai²na² hi³ka²ta³ai²na² nxe³sxã³ kãin² ĩ³lat1sa²kxai³ i̱³hxa³nain¹tu¹wa². Yuh³xai²nãn¹ta² ko̱³xa² te²na² yuh³xan¹ta² yen³kxa² te²na² a²yxo²ha³kxa¹ ũ³thũ²ha²kxai³ i̱³hxan³tu¹wa².

2 Petro 3:7

Jã¹nxe³jut3su² oh³xan¹ko³xai²na² hĩ¹na² ĩ²ki̱³ko³xai²na² yuh³xai²nãn¹ko³xai²na² hĩ¹na² ĩ²ki̱³ko³xai²na² nxe³sxã³ te²yã¹nxe³sxã³ hũx1sxã³ hxat3sih¹xah³lho³la². Txa²wã¹sũ̱³na² a²yxo²wãn³txu¹txai²na² e³ju³tan¹te²kxa³ya̱³lhu² ko̱³nxe³te²la³ a³ya³txi²kxe³nũ³a² ũh³wxe³na²hẽ³la². Nxe³te³na¹ ha³lo²ai²na² whãi²na¹ Txa²wã¹sũ̱³na² wãn³txu¹tai²na² we¹ta³lun²si¹ja³kxa³nũ³su² ha³nxe²a² i̱³ju³ta² i̱³hxan³si¹tu¹wa². Nxe³tãu³ãn²tu̱³ a²nũ²a² ko̱³nxe³thin¹te²nãu³xai²na² a²yxo²ha³kxa¹ ko̱³nxe³ti³ ĩ³yĩ¹li²ha²kxai³ ko̱³nxe³thin¹kxa² yo³ha² ũ³hũ¹ai¹nha²kxai³ nxe³ain¹tu¹wa².

Apokalipse 16:8

Nxa²ha¹te¹ oh³xan¹jah¹la²nãu³xa² ã³ta³lo³hẽt1tũ³jah¹lai²na² sa²kxai³lu² a²ka³te̱³hai²li² tẽ³sxã³ u³je³na³ka²yen³nãu³a² a²yxu¹kxa̱³na²hẽ³la². Nxe³nxa²ha¹te¹ u³je³na³kai²li² kãin² a³lan²nha²kxai³ a²nũ²a² yuh³xan¹ko³xai²nãn¹te²nãu³xa² wã²nain¹na²hẽ³la².

Apokalipse 6:12

Nxa²ha¹te¹ nxe³nũ²la² ha³te̱h³nxã³nxa² ã³tã̱x1ta³kxi²txã³nxai²na² ã̱³nxã³nxai²na² wxa²hai¹tã³kxi²na²hẽ³la². Wxa²hai¹tã³kxi²ka³tu̱³ kĩ̱h³nũ̱³xa² yuh³xai²nãn¹ko³xai²na² kãin² ka³ta̱³ta̱³tũ²na²hẽ³la². U³je³na³ka² ĩ³ka²nxa¹hi²na²hẽ³la². Wã²la²ka³lo³a² ti̱³ti̱n³ka³lo³a² a̱u³ka³lo³a² tẽ³kxai²nãn²tu̱³ ũn³tĩ¹kxi²nẽ³kxai²nãn²tu̱³ ka³nxah¹te²ju²hẽ³la². Jã¹nxe³jut3sũ̱³nxe² u³je³na³kai²li² ĩ³ka²nxa¹hi²na²hẽ³la². Ka³nxah³ta² i³lxai²li² a²ti³ha²yau³hũ̱³sxã³ ĩ³ã̱³lxa³ti³na²hẽ³la².