2 Korĩntios 9:5 - Txa²wã¹sũ̱³na² Wãn³txa²

⁵ Jã¹nxe³na¹jut3su² txa²wã³tã̱³nãu³xa² ĩ³sa²si¹hã³ ne³ka²ta¹hai¹na¹hẽ³la². Yen³kxa² wã²nhũ¹yah³lxin¹ki³nũ³a² hau³ko³te³lhxã³ wxã³ain¹tu¹wa². A²kxã³nxai³tã² e³kxain¹yah³lxin¹kxa² hau³ko³je²yah³lxin¹kxai²nãn²tu̱³ ta³lun²ye²yah³lxi¹nha²kxai³ ũ³wha¹yah³lxin¹tu¹wa². Yah³lxin¹kxai²nãn²tu̱³ wxã³na¹hĩ¹na² ũ³nhũ²ka̱¹yah³lxi³hĩ̱³nxa¹lxa². Nxe³yah³lxin¹kxai²nãn²tu̱³ wã²nxũ̱h¹lxi³sxã³ ũ³nhũ²kxi²yah³lxin¹ju³ta² hxi²kxã̱u³sxã³ wã²nhũ¹yah²lxan³ju³ta² e³lxah²lxi³tu¹wa². Kwa³na³nx2ti³nxa³ju³ta² e³lxah²lxi³tu¹wa².

2 Korĩntios 9:5 ပူးပေါင်းရင်းမြစ်များ

1 Korĩntios 16:2

To³mĩn²ko³ nxe³hĩn¹ta² yxo²ha³kxa¹ ã³nũn¹yah³lxin¹tau³a¹ yen³kxa² so¹kxi²txã³nxa² wã²nhũh¹yah³lxin¹ta³nxã³nxũ³a² wxa²hau³kot3sxã³ ũ³wha¹jah¹lxi³hẽ¹la². Ta³nxã¹nxai²li² yũ³yah³lxin¹kxa² a²wã³kxi³kxai³ ũ³wha¹i² a²wã³kxi³kxai³ sa²so² nxe³jah³lxi³hẽ¹la². Yxah³lxin¹kxai²nãn²tu̱³ ye³jen¹na² wxã³na¹tãu³a¹ ta³nxã¹nxai²li² ũ³wha¹ta³lun²yah³lxi³hĩ̱³nxa¹lxa².

2 Korĩntios 8:6

Nxa²ha¹te¹ nxai¹nha²kxai³ Ti²to³jah¹la² sa²kxai³lu² yen³kxa² ĩ³sa²si¹hã³ ã³si³wxe³jah¹lai²na² ĩ³ye³kxi²na¹te³nah¹lxi¹: — Ko³rĩn²to²thĩ³na² ã³nxai³txu¹li¹. Yen³kxa² wã²nhũh¹sxã³ ũ³hũ¹nyhain¹te³na³li¹. Yen³kxi³ txa²te²nãu³xa² a³lxi²nũn²ta³kxi²tũ̱³ka̱³txi³su² ha²kxai³ ũ³hũ¹nyhain¹te³na³li¹. Nxe³ha²kxai³ ã³nxai³sxã³ ĩ²txai¹nũ¹li¹. Nxe³na¹hẽ³la².

2 Korĩntios 9:3

Jã¹nxa¹jut3su² txa²wã³tã̱³nãu³xai³tã² ũ³sa²si¹hã³ũ¹nx2ta¹tu¹wa². Nxe³na¹ju³tan¹te²kxa³ya̱³tu̱³ta¹ wãn³txa² wi¹le³kxi¹nx2ta¹jau³xai³tã²: — Ya²la³tu̱³tã³li¹. Nxe³yah³lxin¹tu¹wa². Nxe³ha²kxai³ ũ³yho³hi²ki̱³ki³nũ³a² wã²nhũ¹yah³lxin¹ki³nũ³a² ãu¹la³kxi²ta³lun²yah³lxin¹tu¹wa². Ju¹tai²li² nxe² yxo²ĩ²nx2ta¹wa².

2 Korĩntios 9:6

Txa²wã¹e³kxi²nyhu¹kxi³jau³xai³tã³ ain³kxi¹xi²nha¹jxah³lxi³hẽ¹la². Ain³kxi¹xi²nhyah¹lxin¹te³nah¹lxi¹: — Yain³txa³ki³a² tẽ³sxã³ hxi²kxã̱u³txi³ ũ³whĩ̱¹ki̱³kxai²nãn²tu̱³ kxã³nãu³a¹ jũ¹nxa² so¹hĩ̱³ki̱³tã³li¹. Yxãn¹ta¹ yain³txa³ki³a² hxi²kxã̱u³ki̱³sxa³kxe³tu̱³ ũ³whĩ̱¹ki̱³kxai²nãn²tu̱³ kxã³nãu³a¹ yain³txa² kãin² so¹hĩ̱³ki̱³tã³li¹. Nxe³hxai²tai¹tu³wa². Nxe³kxa² yã¹nxe³sxã³ jũ¹nxa² so¹lxi³ wã²nhũ¹yah³lxin¹kxai²nãn²tu̱³ kxã³nãu³a¹ jũ¹nxa² so¹lxi³ so¹yah³lxin¹tu¹wa².

Filipẽnses 4:17

— Kwa²hãi¹te³lhxã³ yen³kxa² yxo²kwa̱in³kxai¹na¹nha¹. Hai³txi³ te²txã³wa². Wi¹kãi³sa²tot1jah³lxin¹ju³ta³nũ³a² ten³sa³nha²wa². Yxah³lxin¹kxai²nãn²tu̱³ ka³lih³khaix1sah¹lxin¹tu¹wa².