Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 Korĩntios 3:17 - Txa²wã¹sũ̱³na² Wãn³txa²

17 A²nxe³sxã³ Txa²wã¹hxi²kan¹ta² Si³yxau³jah¹lain²txi³ Txa²wã¹sũ̱³na² Yãu³ka³jxah¹lain²txi³ te²ain²txi²na³la². Jã¹nxe³ha²kxai³ Txa²wã¹sũ̱³na² Yãu³ka³txa² nxũ²kwa̱i³yxau³nẽ³nha²kxai³ ã³wa²sut1sxã³ yxau³ki̱³tã³la².

အခန်းကိုကြည့်ပါ။ ကော်ပီ




2 Korĩntios 3:17
13 ပူးပေါင်းရင်းမြစ်များ  

Jã¹nxa¹jau³su² e³a¹i¹. Txa²wã¹sũ̱³na² Yãu³ka³jxah¹la² so¹lxi³ a²ka³te̱³na² wi¹tãu³a¹ ũ³hũ¹nx2ti³jah¹lai²la¹i¹. Yxãn¹ta¹, txa²wã¹sĩ̱³na² so¹lxi³ a²ka³te̱³na² wi¹tãu³a¹ yũ²nxa³i¹. Ya³nx2ta¹i¹. Yah³lxin¹kxai²nãn²tu̱³, txa²wãn³txa² ĩ³ye³kxi¹nx2ta¹jau³xai²na² yxo²ĩ²sah²lxin¹kxai²nãn²tu̱³, Txa²wã¹sũ̱³na² Yãu³ka³jxah¹la² yxau³ya³nx2ti³ha²kxai³, ka³te̱³na² wi¹tãu³a¹ yxau³yah³lxin¹tu¹wi¹.


Yah³lxin¹kxai²nãn²tu̱³, a²ya³la³tu̱³khai³nxe² ã³ne³wxe³yah³lxin¹tu¹wi¹. Yah³lxin¹kxai²nãn²tu̱³, wa²su¹wa²su¹ yxau²xai³yah³lxin¹tu¹wi¹. Ta¹hxai²hẽ¹la².


Nxe³ju³ta² Txa²wã¹sũ̱³na² Yãu³ka³jxah¹la² ka³te̱n³su² ti³hi¹tẽ³jah¹lo²su² na³la². — Je³su² Kris²tu³jah¹la² ã³nũ²nxi²sxã³ yxau²xai³la¹tũ¹xã¹. Nxe³ki̱³kxai²nãn²tu̱³, Sũ̱³na². Yãu³ka³jxah¹la² hxi²kan¹ti³hi¹tẽ³lhĩ̱³nx2na³la². Ko̱³nxe³ti³ kãi³sxã³ yxau²xai³ki̱³kxai²nãn²tu̱³ ya³lu²ki̱³tu¹wa². Yxãn¹ta¹, Sũ̱³na² Yãu³ka³jxah¹la² hxi²kan¹txi³ wxa²wa²su¹tẽ³na³la². Nxe³nẽ³lha²kxai³ ko̱³nxe³ti³ kãi³ki̱³ju³ta² ã³wa²su¹ti² ya³lu²nẽ³ju³ta² ã³wa²su¹ti² nẽ³lha²kxai³ ka³te̱n³su² ti³hi¹tẽ³lhĩ̱³nx2na³la².


Nxe³sxã³ Txa²wã¹sũ̱³na² ũ³wha²li¹txã³nxai³tãn¹jau³xa² e³te³nah¹lxi¹: — A²wi¹lhĩ¹nãn¹jah¹lai²na² A³tãu²ah³lo²su² ha²kxai³ a²nũ²khai³xa² ka³te̱n³su² sa²we¹ta¹hxai²ti³ai¹ti²tu¹wi¹. Yxãn¹ta¹ ã³ta³lo³hẽ¹tãu³a¹ ye³jen¹nũ³nãn¹jah¹la² Kris²tu³jah¹lo²su² ha²kxai³ a²ka³te̱n³yu³ta² ã²la² yũ³jah¹lai²la¹wi¹. A²nũ²a² ĩ³ka³te̱n³su² ti³hi¹jah¹lai²la¹wi¹. Oh³xan¹te²a² wxã³jah¹lai²la¹wi¹. Nxe³ta¹hxai²hẽ¹la².


Wã²la²ka³lo³a² yen³kxa² ĩ³tĩ¹kxi²ka³lo³a² yã¹nx2na³la². Nxe³ta³ka³lo³ai²na² sa²than²kxi²kxai²nãn²tu̱³ yen³kxai²na² e³lxah¹ ĩ²ki̱³te²jai¹ti²tu³wa². Nxe³kxa² yã¹nxe³sxã³ Je³su²jah³lai²na² wãn³txa² yxo²ĩ²te²ki̱³na¹xai²na² sa²kxai³lu² Sũ̱³na² a²wi¹ju³ta² e³lxah¹ ũ³ka̱¹nha²ye²ki̱³tã³la². Te²yã¹nxe³sxã³ es³pe²ya²ka³lo³a² ĩ²nha²ki̱³jut3sũ̱³nxe² Txa²wã¹sũ̱³na² a²wi¹ju³ta² e³lah²lxi³ ye²ki̱³tã³la². Nxe³ki̱³sa²kxai³ Sũ̱³na² Yãu³ka³jxah¹lai²li² nxu²kwa̱i³yxau³nũ¹nhẽ³na³la². Nxe³ki̱³ju³tan¹te²kxa³ya̱n³tu̱³ti¹ Txa²wã¹sũ̱³na² yã¹nxe³ki̱³tã³la².


A²nxe³jah¹lai²na² hi²sen³kxai³lu² wãn³txa² tah²yau³xa² ĩ³ye³ĩ³yxo²ka²la¹hũ³nyhu¹kxi³jau³xa² ĩ³yau¹ũ¹nhẽ³na²hẽ³la². Nxe³jau³xai²na² a²nũ²a² a²ẽ¹nãu³ai²na² ã³wa²su¹tũ¹nhẽ³jau³xai²la¹wa². A²nxe³jau³xai²na² a²nũ²a² yxo²ha³kxa¹ ĩ³yau¹ũ³nyhu¹si¹ja³ki̱³jau³nũ³su² ĩ³hxi²ka¹tẽ³na²hẽ³la². Kxã³nxai³tãn¹jau³xai³tã² wãn³txa² yxo²ha³kxa¹ sa²yxo²we¹thxa³ki̱³sxa³kxai²nãn²tu̱³ ya³lu²ju³ta² so¹lxi³ yũ³nẽ³lhĩ̱³nx2na³la². Yxãn¹ta¹ wãn³txa² tah²yau³xai²li² yxo²ĩ²ki̱³kxai²nãn²tu̱³ ka³te̱³na² wi¹tãu³la³ yũ³ki̱³tã³la².


Nxe³ti³hi¹tẽ³lha²kxai³ Je³su²jah³la² Yãu³ka³txa² nxũ²kwa̱i³yxau³nẽ³lhi¹jau³su² ĩ³sa²si¹hã³ũ¹nhẽ³ta¹hxai²ti³ai¹ti²tu³wa². — Wĩ³nãi³. Txa²wĩ³nu³sa²nhĩ¹lxi¹. Yxo²ĩ²nxa²ha¹kxe³su² nhi¹lxi¹. Nxe³hĩ̱³ki̱³tã³la².


Jã¹nxe³jut3su² Kris²tu³jah¹la² ĩ³hxi²ka¹tẽ³tai¹ti²tu³wa². Moi³se²ah³lu¹tai²na² kwa³na³jau³xai³tã² sa²yxo²we¹ki̱³ju³ta² ne³ki³so³nha²kxai³ wxa²wa²sut1sxã³ yxau³ki̱³tã³la². Nxe³ha²kxai³ hãi¹sxã³ wxa²wa²sut1sxã³ yxau²sa²tẽ³a³sah¹lxi³hẽ¹la². Yxah³lxin¹kxai²nãn²tu̱³ kwa²wa³ka³li³lot3sxã³ yxau³ju³ta² ã³wa̱³li²yah³lxi³txa³hẽ¹la².


Nxe³yãn¹ta¹ txa²wã³tã̱³syah¹lxi¹lxa². Wxa²wa²sut1sxã³ yxau³yah³lxi¹lxa². Yxah³lxi¹nha²kxai³ nxe³yah³lxin¹te³nah¹lxi¹: — Wxa²wa²su¹khaix1na¹wi¹. Nxa¹ha²kxai³ ĩ²li³ju³ta² wi¹lĩ²ye²na¹ha²kxai³ o²la³kxi²na¹tu¹wi¹. Yah³lxin¹jau³su² yah³lxi³txa³hẽ¹la². A³lxi²nhyah¹lxi¹nha²kxai³ ã³non²ta³kxi²nyha¹yu³sxã³ yxau³jah¹lxi³hẽ¹la².


Txa²wã¹sũ̱³na² Yãu³ka³jxah¹la² nxũ²kwa̱i³yxau³nẽ³na³la². Nxe³ha²kxai³ a²nũ²a² yuh³lxain¹ki̱³ju³ta² yũ²nxa³wa². Te²yã¹nxe³sxã³ ĩ³nũ̱³kxũn³txi³nẽ³na²hẽ³la². A²nũ²a² yxo²ha³kxa¹ a³lxi²wa²so³tẽ³na²hẽ³la². Wi¹la̱in³nha²ti³hit1sain¹na²hẽ³la².


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ