2 Korĩntios 3:13 - Txa²wã¹sũ̱³na² Wãn³txa²

¹³ Moi³se²ah³lu¹tai²na² kãi³hxai²kxau³tẽx1 jãx1sĩ¹nxa³wa². Moi³se²ah³lu¹ta²kxai³lu² I³sa³e² a²nũ̱³ka̱³txa² ĩ³ye³kxi²te³lhxã³ ã³tĩ̱³ain¹kxai²nãn²tu̱³ jah¹lu¹ta²kxai³lu² wã²la²ka³lo³a² tẽ³sxã³ ũ³yhe³tĩ¹nha²ta¹hxai²ti¹ai¹ti²tu³wa². Yxãn¹ta¹ ũ³yhe³tĩ¹nhã²nxa³kxai²nãn²tu̱³ ĩ³ye³ha²te¹tẽ³ju³ta² ĩ³jũ¹nxon¹ju³ta² e³la¹ ĩ²ai¹nhĩ̱³nx2na³la².

2 Korĩntios 3:13 ပူးပေါင်းရင်းမြစ်များ

Markos 8:25

Nxe³nxa²ha¹te¹ Je³su²jah³lo²kxai³lu² jã¹nxe³sxã³ wxa²ye³wxai³ai¹nha²kxai³, wi¹ten³sa²tã³ain¹ta¹hxai²hẽ¹la². A²yen³kxa² yxo²ha³kxa¹ wi¹lĩ²ain¹ta¹hxai²hẽ¹la².

Romanos 10:4

Txa²wã¹sũ̱³na² wain³te²lo³tẽ³te³nah¹lxi¹: — A²nũ²a² Je³su² Kris²tu³jah¹la² hxi²ka² yxo²ĩ²a¹xã¹. A²nxe³jah¹lo²su² kxai²nãn²tu̱³, Sũ̱³na² Si³yxau³tãu³a¹ wain³te²lo³kah³lo²su² hĩ̱³nx2na³la². Nxe³ha²kxai³, Moi³se²ah³lu¹tai²na² ĩ³kwa³na³nẽ³jau³xu¹tai²na² Je³su²jah³la² hi²sen³su² sa²ha³ya̱³khit1sxã³ sa²sen³sai¹hĩ̱³nx2na³la².

2 Korĩntios 3:7

Moi³se²ah³lu¹tai²na² wãn³txu¹tai²na² au³jau³xu¹tai²na² hxi²kan¹ti³ sa²yxo²we¹thxa³ki̱³sxa³jau³xai²la¹wa², wi¹jau³su² kxan²ti³na³. Tah³lxi³ka³lo³a² tẽ³sxã³ ũ³wha²li¹ta¹hxai²ti³ai¹ti²tu³wa². Nxe³te³na¹ Moi³se²ah³lu¹tai²na² jau¹xu¹tai²na² so¹hĩ¹nu¹tai²na² ĩ³ye³ha²te¹ta³lxi³ta¹hxai²ti³ai¹ti²tu³wa². Nxe³ju³tan¹te²kxa³ya̱³lhu² a²sa³wi³ha³lxi³su² te²kxai³lu² hxi²kan¹txi³ a²ye³na² ten³sa²tã³ain¹ta¹hxai²nxa³ti³ai¹ti²tu³wa², a²wxi²kin³ti³ton³ju³ta² kãi²nha²kxai³la².

Kolosẽnses 2:17

A²nxe³jau³xai²na² ĩ³yain³ki̱³jau³nũ³su² ta̱³nxa² ĩ³na²ki̱³jau³nũ³su² ta̱³nxa² a²yxo²ha³kxa¹ hxi²kan¹jau³sxa³wa². Yãn³tai²na² Kris²tu³jah¹la² wxã²nxa³hĩ¹nãu³u¹tai²na² sa²yxo²we¹ki̱³jau³su² ta¹hxai²hẽ¹la². A²nxe³jau³xai²na² a²yen³kxa² a²yãu³ka³txi³hũ̱³jau³su² ha²kxai³ a²yen³kxa² ĩ²ki̱³sxa³kxa² wã²nã³ũ¹nhẽ³te³lhxã³ nxe³jau³su² ha²kxai³ ta¹hxai²hẽ¹la². Yxãn¹ta¹ a²hĩ¹nai²na¹ hũ̱³sxã³ Kris²tu³jah¹la² yũ³ki̱³tã³la². Jah¹la² so¹lxi³ hxi²kan¹khai¹nx2na³la². Nxe³ha²kxai³ tĩ³yau³xai²na² a²hxi²ka¹nxa³jau³xai²na² ã³na¹jah¹lxi³sxã³ Kris²tu³jah¹la² so¹lxi³ sa²yxo²we¹jah¹lxi³hẽ¹la².