2 Korĩntios 12:6 - Txa²wã¹sũ̱³na² Wãn³txa²

⁶ Nxe³yãn¹ta¹ yxo²kãin² e³ti³ten³sa³ke³la³te²kxai³ hai³txi³ kwa²toh³lxi³jau³su² hĩ̱³nx2nxa³wa². Ya²la³lyau³su² ha²kxai³ kwa²toh³lxi³jau³su² hĩ̱³nx2nxa³wa². Yxãn¹ta¹ yxo²kãin² e³ũh¹nha²sa²nxa³nha²wa². Ha³lo²a² ĩ²a¹ju³ta² so¹lxi³ wãn³txa² ain³kxi²na¹jau³xa² so¹lxi³ e³a¹tu¹wa². Na¹kxai²nãn²tu̱³ a²nũ²a² ĩ²sain¹kxai²nãn²tu̱³ kãi³a¹ju³ta² wain³txi³ a³la³kxi²nũh¹sain¹tu¹wa². Ju¹tai²li² ten³sa³nha²wa².

2 Korĩntios 12:6 ပူးပေါင်းရင်းမြစ်များ

Romanos 9:1

A²ya³la³tu̱³ wãn³txi³tu̱³ e³a¹wa². Ki³han³nxa³wa². Txai²na¹xai²na² Je³su² Kris²tu³jah¹la² ã³nũ²nxi²sxã³ ĩ³ye³i², txa²ẽ¹nãu³a¹ a̱u³txi³ Txa²wã¹sũ̱³na² Yãu³ka³jxah¹la² e³ki²nũ¹sxã³ ĩ³ye³i², na¹wa². Na¹ha²kxai³, ki³han³nxa³wa².

1 Korĩntios 3:5

Nxe³ha²kxai³ A³po²lah³lai²li² hxi²kan¹jah¹lo²sxa³wa². Te²yã¹nxe³sxã³ txai²li² Pau²lah³lo²na¹xai²li² hxi²kan¹jah¹lo²su²nũ³nxa³wa². Hãi¹sxã³ Txa²wã¹sũ̱³na² a²sa³wi³ha³lxi³su² sĩ¹na¹wa². Txa²wã¹sũ̱³na² wãn³txa² ĩ³yau¹ũ¹nx2ti³sĩ¹na¹ha²kxai³ yxo²ĩ² ã³si³wxe³yah³lxin¹tai¹ti²tu³wa². Txa²wã¹sũ̱³nai²li² ĩ³kwa³na³sa²sĩ¹nha²kxai³ ju¹tai²li² ĩ³yau¹ũ²xai³nxa²lxi³sĩ¹na¹wa².

2 Korĩntios 1:18

Hai³txi³ nxe³te²txã³wa². Txa²wã¹sũ̱³na² ĩ²sa²ha²kxai³ wãn³txi³khai³xa² so¹lxi³ e³a¹wa². Yxo²ĩ²ki̱³jau³xai²la¹wa².

2 Korĩntios 11:16

Jã¹nxa¹jut3su² we¹na¹ki³lxo³syah¹lxi³txa³hẽ¹la². Yxãn¹ta¹ nxe² e³yah³lxin¹kxai²nãn²tu̱³ toh³lxi² e³kxi¹nx2ta¹ha³ta²wa². Ain³kxi²sah¹lxi³hẽ¹la². Yxo²kãin²txi³ e³kxi¹nx2ta¹tu¹wa².

2 Korĩntios 11:31

Txa²wã¹sũ̱³na² sa²kxai³lu² ĩ³ki³ha¹kxi¹nx2ti³nxa³ju³ta² ĩ²sa³jah¹lai²la¹wa². A²nxe³jah¹lai²li² Je³su²jah³la³ Txa²wã¹hxi²kan¹ta² Si³yxau³jah¹lo²su² ha²kxai³ a²nxe³jah¹la² A²wĩ³na² Si³yxau³jah¹lo²su² na³la². A²nxe³jah¹la² sa²nẽn¹kxi²sa²tẽ³to³ha¹wa².

2 Korĩntios 12:11

Nxa²ha¹te¹ toh³lxa³ti³yah³la² yã¹nxe² e³a¹wa². Yxãn¹ta¹ wxãi² ĩ³nxa² wã²nxũ̱h¹lxi³yah³lxi¹lxa². Wi¹le³kxi²nũh¹sah²lxin¹ke³la³te²kxai³ wai³nhĩ̱³nx2na³la². Yxãn¹ta¹ sah²lxa³lxa². Tũ̱¹ka̱³txain²txi³ Txa²wã¹sũ̱³na² wãn³txi³su² ki³lxo³tũ̱³ka̱³txain²txi³ hai³txi³ ne³ka³ta²sai¹nxa³wa², txai²li² kãi²ti³he¹nxẽ²nxa³kxan²ti³na².

2 Korĩntios 12:7

Nxe³na¹ta¹ yen³kxa² wi¹khai¹nxe³te²a² ĩ²nha¹hẽ³la². Nxe³na¹ha²kxai³ yxo²kãin²khaix1nxe³sxã³ e³a¹kxa²ya̱n³txi³su² txa²sĩ̱³na² ã³nĩx3ton³sa²ju³ta² yũ³nha¹nha²wa². Sa³ta³na²jah¹la² hxi²ka² ĩ³tot3sa³na²hẽ³la². Yxo²kãin²khaix1nxe³sxã³ e³a¹kxa²ya̱n³txi³su² ĩ³ton³sxã³ yxau²xai³la¹wa².

2 Korĩntios 5:13

A²nxe³tũ̱³ka̱³txai²na² a²ha³tih³xai²na² wãn³txi³kxai³lu¹: — Pau²lah³lai²li² wen¹te²hũ̱³jah¹lai²la¹wi¹. A²hoh³lxi³su² nxa³wi¹. Nxain¹jau³su² ta¹hẽ¹la². Nxe³to³ta¹ wen¹te²hũ̱³jah¹lo²sa¹kxan²ti³ Txa²wã¹sũ̱³na² a²ten³jau³su² kãi³a¹wa². Jã¹nxe³sxã³ tũ̱¹ka̱³txai²na² wxa²nũ̱³ka̱³txi³ ã̱³xai²na² ã¹ha² ha³tih³xai²na² wãn³txi³kxai³lu¹: — Pau²lah³lai²li² kheh¹khai¹nxe³ha²kxai³ a²nũ²a² ã³ke³tũ¹ain¹na³li¹. Nxain¹jau³su² ta¹hẽ¹la². Nxe³ain¹kxan²ti³ wã²nxũ̱h¹ o²la³kxin²nxa³wa². Hxi²nũ¹nx2ti³te³lhxã³ o²la³kxi²na¹wa².

2 Korĩntios 7:14

A²kxã³nxa² wxa²ha³ta̱³nxa² wi¹le³kxi²khai¹nxũ¹hai¹na¹hẽ³la². Nxe³na¹kxan²ta² ĩ³ãin²ta³kxi²si¹sah¹lxa³nhẽ¹la². Wãn³txa² e³kxi¹nx2ta¹jau³xai³tã² ya²la³lyau³xa² so¹lxi³ e³kxi¹nx2ta¹tai¹ti²tu³wa². Te²yã¹nxe³sxã³ ĩ³hen³txi³nũh¹nx2tai¹na¹jau³xa² ya²la³tu̱³je¹nx2ti³na³la².