2 Joãu 1:10 - Txa²wã¹sũ̱³na² Wãn³txa²

¹⁰ Nxe³ha²kxai³ a²nũ²a² ĩ²lu³te²lxi³ wxã³kxai²nãn²tu̱³ wãn³txai²na² nxe³jau³jau¹xain²txi³ ĩ³tih³nxe³nx2ti³xa³kxai²nãn²tu̱³ wxa²sxi²ha² yxau³kxain¹yah³lxi³txa³hẽ¹na². Txa²wã¹sũ̱³na² wi¹lĩ²nx2ti³si¹jau³nũ³a² e³kxain¹yah³lxi³txa³hẽ¹na².

2 Joãu 1:10 ပူးပေါင်းရင်းမြစ်များ

Atos 15:23

Nxe³ha²kxai³ ha³te̱h³nxã³nxa² ũ³wha²li¹lhũ³ain¹te³nah¹lxi¹: — Nxe³jah³lxi³wxi¹. A³pos²to³lo² nũ̱³ka̱³txi³su² te²a² a²hxi²kan¹txi³su² te²a² nxe³te²a² txa²wã³tã̱³xi²nyhain¹na³li¹. Nxe³ha²kxai³ Ju³te²a² nũ̱³ka̱³txi³sxa³te²nãu³xa² Ãn³ti³o³ki²a²thĩ³na² yxau³ta̱³nxa² Si²ri³a³ko³xa² yxau³ta̱³nxa² Si³li²si²a²ko³xa² yxau³ta̱³nxa² nxe³yah³lxin¹te² ĩ³nxai²na² txa²wã¹wã³tã̱³sah¹lxi¹lxi¹.

1 Korĩntios 16:22

Wxa²nũ̱³ka̱³txi³ ĩ³nxa² ĩ²li³te²a² sa²kxai³lu² Txa²wã¹sũ̱³na² a³lxi²nxa³kxai²nãn²tu̱³ ko̱³nxe³ti³ ĩ³yĩ¹li²ũ¹jah¹lai²la¹wa². Txa²wã¹hxi²kan¹ta² Si³yxau³jah¹lai²na² a³ka³nxi²sxã³ wa̱³li²ju³ta³nũ³a² ya̱u³son³na³la².

1 Korĩntios 5:11

Nxe³yãn¹ta¹ a²nũ²a² nxe²e³kxi²te³nah¹lxi¹: — Txai²li² Je³su²jah³lai²na² wãn³txa² yxo²ĩ²jah¹lo²sa¹wi¹. Nxe³jau³su² ko̱³nxe³thin¹sxã³ o²la³kxi²ta̱³nxa² a²nũ²xã̱³xa² yen³kxa² kãin² yxo²kwa̱in³ta̱³nxa² txah³lxa³kxai²li² tẽ³sxã³ txa²wã¹sũ̱³nu²su² ki³lxo³sxã³ sa²yxo²we¹ta̱³nxa² a²nũ²a² ã̱³xa² ĩ³wa³ka³si³nyhu¹te²la³ ta̱³nxa² ĩ³na²jau³xa² ũ̱n³jau³xa² ĩ³na²sxã³ wen¹ta̱³nxa² a²nũ²a² ã̱³xa² ã³xa² ã³ke³tũ¹sxã³ yen³kxa² so¹kxi²ta̱³nxa² nxe³sxã³ nxe³te²he³la³ka² Txa²wã¹sũ̱³na² wãn³txa² yxo²ĩ²te²a² so¹lxi³ a³li³si¹jah³lxi³hẽ¹la². Ĩ³yain³kxi²ti³hex1nyhu¹ah³lxi³txa³hẽ¹la².

2 Tesalonisẽnses 3:14

Yah³lxin¹ju³ta² a²nũ²a² ĩ²li³te²a² ta²nxã¹nxai²na² wãn³txa² sa²yxo²wet1sah¹lxi³sĩ¹nxãn³kxai²nãn²tu̱³ ĩ²khai¹nxe³tai¹yah³lxi³hẽ¹la². Sa²ye³ya̱¹not3sxã³ ã³jxah¹lxi³hẽ¹la². Ain¹yah³lxin¹kxai²nãn²tu̱³ ãu²li²to³nha²hĩ̱³nx2na³la².

2 Tesalonisẽnses 3:6

Txa²wã³tã̱³nãu³xãi³. Wxa²nũ̱³ka̱³txa² ha³tih³ ĩ³nxai²na² u̱³txi³ wa³ko³nain¹te²su² ta¹hẽ¹la². Te²yã¹xah³lxi³txa³hẽ¹la². A²nxe³jah¹lai²li² txa²wã³tã̱³su² kxan²ti³ te²yã¹nxe² kãi³yah³lxi³txa³hẽ¹la². Nxe³jah¹lai²li² ã³sxã³ u²lxi³ ã³si³tu³lxi²sxã³ yxau³jah¹lxi³hẽ¹la². Te²yã¹nxe³jau³xa² e³kxi¹nx2ti³to³nha¹tai¹ti²tu³wa². Je³su² Kris²tu³jah¹la² Txa²wã¹hxi²kan¹ta² Si³yxau³jah¹lo²kxai³lu² jau³jau¹xai²na² ĩ³kwa³na³sain¹jau³jau¹xain²txi³ ĩ³kwa³na³nx2ti³nha¹wa².

Tito 3:10

A²nũ²a² wxa²nũ̱³ka̱³txa² kwa²ĩ³ha³te̱²ta³lxi³tain¹te²a² ye³ha¹lo³txa³lxi³sxã³ ĩ³kwa̱i²kxi¹txai¹nhẽ³la². Nxẽ¹ka³tu̱³ ã³sxã³ ã³waix3txai¹nhẽ³la².

2 Joãu 1:11

Nxe³sxã³ wxa²wãn³txai²na² nxe² e³yah³lxin¹kxai²nãn²tu̱³, yah³lxin¹te³nah¹lxi¹: — Ko̱³nxe³ti³ kãi³yah³lxin¹kxan²ti³ Txa²wã¹sũ̱³na² wi¹lĩ²nx2ti³ju³ta² ten³sa³nhai¹. Yah³lxin¹jau³su² yxah³lxin¹kxai²nãn²tu̱³ ko̱³nxe³ti³ kãi³ain¹kxa² yã¹yxah³lxi³hĩ̱³nxa¹nxa².

3 Joãu 1:10

Nxe³ha²kxai³ wxã³na¹kxai²nãn²tu̱³ ko̱³nxe³ti³ kãi³ain¹ju³ta² ĩ³ye³kxai¹na¹tu¹wa². Ko̱³nxe³ti³ e³ti³hit1sain¹ta¹hẽ¹la². Ki³ha¹kxi²sxã³ e³kxi²ta¹hẽ¹la². Nxe³kxa²yu³su² txa²wã¹wã³tã̱³nãu³xa² Sũ̱³na² wãn³txa² yxo²ĩ²te²nãu³xan²tu̱³ ã³wxã³ain¹kxai²nãn²tu̱³ wi¹le³kxi²nũ¹hai¹nxa³ha²kxai³ yen³kxa² ãu¹la³kxi²nũ¹hai¹nxa³ha²kxai³ nxain¹ta¹hẽ¹la². Nxe³yãn¹ta¹ a²nũ²a² ã̱³xai²na²: — Ãu¹la³kxai¹na¹tũ¹xã¹. Ain¹jau³su² kxan²ti³ hãi¹nxã¹si¹hain¹jau³su² kwa³na³ain¹ta¹hẽ¹la². Nxe³sxã³ ã³nũ²kxi²sxã³ yxau³te²ki̱³na¹xa² ã³waix3si¹hain¹jau³su² kwa³na³kxain¹ta¹hẽ¹la².