1 Timoteo 3:7 - Txa²wã¹sũ̱³na² Wãn³txa²

⁷ Nxe³kxa²yu³su² a²nũ²a² yxo²ĩ²ai¹nxa³te²a² wi¹le³ai¹nxa³kxai²nãn²tu̱³ Sa³ta³na²jah¹la² hi²sen³su² yxo²ĩ²tũ̱³ka̱³txai²na² ko̱³nxe³te²lo³jau³su² ha³ta̱³nxe³ha³ta²wa².

1 Timoteo 3:7 ပူးပေါင်းရင်းမြစ်များ

Markos 4:11

Nxe³nxa²ha¹te¹ Je³su²jah³la² a²wãn³txi³kxai³lu¹ ĩ³ye³kxain¹te³nah¹lxi¹: — Wxa²yu³tai²na² so¹lxi³ wãn³txai²na² tah²yau³xai²na² Txa²wã¹sũ̱³na² hi²sen³kxai³lu² a²nũ²a² ẽ¹nãu³a² sa²hau³ko³jau³nũ³su² nxe³jau³jau¹xai²na² txa²nũ² ã³ne³wxe³yah³lxin¹tu¹wi¹. Yxãn¹ta¹ tũ̱¹ka̱³txai²na² hĩ¹na² ti³he¹xai¹nxa³wi¹.

Atos 10:22

Nxa²ha¹te¹ ĩ³wa²lũ³xain¹te³nah¹lxi¹: — Txa²hxi²kan¹jah¹la² Ko³ne²lah³la² sa²si¹hã³sa²sĩn¹na²hẽ³li¹. A²nxe³jah¹la² wi¹lhin¹jah¹lo²su² sĩn¹na³li¹. Txa²wã¹sũ̱³na² wãn³txa² sa²yxo²wet1sĩ¹nhxai²na²hẽ³li¹. Nxe³ka³tu̱³ Ju³te²a² nũ̱³ka̱³txa² yxo²ha³kxa¹ ã³nũ¹ti³te²syu¹hain¹sĩn¹na³li¹. A²nxe³jah¹lai²na² sa²kxai³lu² oh³xan¹jah¹lai²na² wãn³txa² ain³kxi²te³nah¹lxi¹: “Si³mãu² Pe²jah³la² ĩ³kaix1so¹si¹jau³su² sa²si¹hã³txa²hẽ³li¹. Nĩn¹kxai²nãn²tu̱³ ĩ³ye³kxi¹nxain¹jau³xa² wi¹lain³kxi¹txai¹yah³lxi³hẽ¹li¹.” Nxe³na²hẽ³li¹. Nxe³ta¹hxai²hẽ¹la².

Atos 22:12

Nxe³nxa²ha¹te¹ sxi²je³na² A³na³ni²ah³la² yxau³hxai²na²hẽ³li¹. A²nxe³jah¹la² Ju³te²a² wãn³txu¹txai²na² yxo²ha³kxa¹ sa²yxo²wet1hxai²na²hẽ³li¹. Nxe³ka³tu̱³ Ju³te²a² nũ̱³ka̱³txa² yxo²ha³kxa¹ wi¹le³kxi²nyhain¹na²hẽ³li¹.

Atos 6:3

Nxe³sa²sĩ¹nxa³ha²kxai³ wxãi² ĩ³nxai²na² txa²wã³tã̱³sah¹lxi¹nha²kxai³ ain³kxi²sah¹lxi³hẽ¹li¹. In³txa² ha¹li¹ ha¹li¹ ha¹li¹ ka³na³ki¹ wã²nxa³kxa² so¹jah³lxi³hẽ¹li¹. Nxe³te²a² Txa²wã¹sũ̱³na² Yãu³ka³jxah¹la² nxũ²kwa̱i³yxau³te²a² so¹lxi³ a²hoh³lxi³su² te²a² so¹lxi³ wã²nxa³kxa² so¹jah³lxi³hẽ¹li¹. Ah³lxin¹kxai²nãn²tu̱³ yen³kxa² wã²nhũ¹nyhain¹te²nũ³su² ũh³wxe³ki̱³tu¹wi¹.

1 Korĩntios 10:32

A²nũ²a² ko̱³nxe³ti³ kãi³ti³hi¹tain¹yah³lxi³txa³hẽ¹la². Ju³te²an¹te²su² ta̱³nxa² Ju³te²an¹te²sxa³te²su² ta̱³nxa² Je³su²jah³lai²na² wãn³txa² yxo²ĩ²sxã³ yxau²xai³tũ̱³ka̱³txi³su² ta̱³nxa² ĩ²li³te²hũ̱³te²a² ko̱³nxe³ti³ kãi³ti³hi¹tain¹yah³lxi³txa³hẽ¹la².

1 Korĩntios 5:12

Nxe³na¹jut3su² a²nũ²a² ã̱³xai²li² yxo²ĩ²xa³te²a² ko̱³nxe³ti³ ĩ³yĩ¹li²hai¹na¹ju³ta² hxi²kan¹sa²nxa³nha²wa². Txa²wã¹sũ̱³na² hi²sen³kxai³lu² ko̱³nxe³ti³ ĩ³yĩ¹li²hain¹tu¹wa². Yxãn¹ta¹ wxa²nũ̱³ka̱³txi³ ĩ³nxai²na² Je³su²jah³lai²na² wãn³txa² yxo²ĩ²tũ̱³ka̱³txi³ ĩ³nxa² ko̱³nxe³ti³ ĩ³yĩ¹li²waun¹nyhu¹ah³lxi¹lxa². Nxe³yah³lxi¹nha²kxai³ a²nũ²ai³ta³lxi³ ko̱³nxe³ti³ kãi³jah¹lai¹ta³lxi³ ã³na¹sxã³ wxa²li³ti³hi¹jah¹lxi³hẽ¹la².

2 Korĩntios 6:3

Jã¹nxe³jut3su² ha²kxai³ ko̱³nxe³ti³ o²la³kxi³na¹ju³ta² a³ya³ti³kxa²ya̱n³txi³su² wi¹ju³ta² so¹lxi³ kãi³a¹wa². Nxe³ha²kxai³ Txa²wã¹sũ̱³na² wãn³txa² ĩ³wã̱³wã̱³txi²si¹hai¹na¹ju³ta² ten³sa²nxa³nha²wa².

2 Korĩntios 8:21

Wain³txi³ kãi³ũ¹nha¹ju³ta² ten³sa²sĩ¹nha²wa². Txa²wã¹sũ̱³na² ye³nãin²txi³ a²nũ²a²nãu³xa² ye³nãin²txi³ e³la¹ wain³txi³ kãi³ũ¹sĩ¹na¹ju³ta² ten³sa²sĩn¹nha²wa².

Kolosẽnses 4:5

Ju¹ta³la³ na¹ha²kxai³, a²nũ²a² Sũ̱³na² wãn³txa² yxo²ĩ²ai¹nxa³tũ̱³ka̱³txa² yxau³yain¹yah³lxi¹lxa². Nxe³ha²kxai³ a³la³kxi²khai¹nxe³sxã³ yxau³je¹txain¹yah³lxi³hẽ¹la². Yah³lxin¹kxai²nãn²tu̱³: — Je³su²jah³la² ĩ³yau¹ũ³hai¹na¹txai²lã¹, kwẽn¹tai²na²sã¹. Yxan¹nãu³a¹ sa²hxi²kat1sa²nxa³kxa²ya̱n³ti³sã¹. Yain¹yah³lxin¹jau³su² Sũ̱³na² wãn³txa² ĩ³yau¹ũ³txain¹yah³lxi³hẽ¹la².

1 Tesalonisẽnses 4:12

Jã¹nxe³sxã³ nxe³yah³lxin¹kxai²nãn²tu̱³ Txa²wã¹sũ̱³na² wãn³txa² yxo²ĩ²xa³te²a² sa²nẽn¹ki¹nx2tain¹tu¹wa². Nxe³nx2tai¹nha²kxai³ wxa²yen³kxa² hxan³kxi¹nx2ti³xa³lho³la².

1 Tesalonisẽnses 5:22

Yxãn¹ta¹ a²ko̱³nxe³ju³ta² yxo²ha³kxa¹ ã³na¹hxa³jah¹lxi³hẽ¹la². Yu³ka³na³ka³na³kxan²ti³ ko̱³nxe³ti³ kãi³yah³lxi³txa³hẽ¹la².

1 Timoteo 3:6

A²nxe³jah¹la² kwẽn¹tai²na¹ yxo²ĩ² ã³si³wxe³kxai²nãn²tu̱³ hxi²kan¹txi³ ĩ³hau³ko³tẽ³lxa³lho³la². Nxe³ke³la³te²kxai³: — Kãin² yxo²ĩ²te²sa¹wi¹. Ain¹jau³su² nxe³kxai²nãn²tu̱³ a²ẽ¹nãu³a² ĩ³yxo²kãin²ti³nha²sxã³ ko̱³nxe³ti³ kãi³hĩ̱³nx2na³la². Nxe³ju³tan¹te²kxa³ya̱³lhu² Sa³ta³na²jah¹la² ko̱³nxe³ti³ ĩ³yĩ¹li²kxa² yã¹nxe³sxã³ ko̱³nxe³ti³ ĩ³yĩ¹li²nũn³tu¹wa², Txa²wã¹sũ̱³na² hxi²ka²sa³.

1 Timoteo 5:14

Nxe³jut3su² ha²kxai³ wã³ha³te³sa³ka³lxa² a̱³ka³lxo¹nxa³te²a² e³kxai¹na¹te³nah¹lxi¹: — In³txa² ã¹so¹txu¹ni¹. Wẽ³nhĩn¹kxai²nãn²tu̱³ wẽ³sa² wi¹we¹txa²hẽ³ni¹. Wxa²sxi²ha² wi¹lhau³ko³txa²hẽ³ni¹. Nĩn¹kxai²nãn²tu̱³ hxi²kan¹txi³ ko̱³nxe³te²lo³txa²nxa³lho³ni¹. Nxai¹nhĩ̱³na¹wa².

1 Timoteo 6:9

Yxãn¹ta¹ yen³kxa² yxo²kwa̱in³jah¹la² sa²kxai³lu² ko̱³nxe³ti³ wã²nxũ̱¹ha̱in³nha² ã³si³wxe³hĩ̱³nx2na³la². Nxain¹kxai²nãn²tu̱³ hã²wxãn³txa³ tĩh³nai²li² ko̱³nxe³ti³ a̱in³nhain¹tĩh³na² ai³kxai²nãn²tu̱³ khãuh³lxa³thin¹sa²tẽ³tu¹wa².

2 Timoteo 2:26

Nxain¹kxai²nãn²tu̱³ Sa³ta³na²jah¹la² tĩh³na² ã³ai¹nhĩ̱³nx2na³la². Nxain¹kxai²nãn²tu̱³ sa²yxo²ã³sain¹te²a² ĩ²ã³nha²sxã³ wi¹lhin¹sxã³ ã³wa̱³li²hĩ̱³nx2na³la², Txa²wã¹sũ̱³na² wãn³txa² sa²yxo²we¹te³lha³ka².

Tito 2:5

A²hoh³lxi³su² wain³txi³ a̱in³nha¹jah³lxi³hẽ¹ni¹. A²ẽ¹nãu³ai²na² ko̱³nxe³thin¹yah³lxin¹ju³ta² a̱in³yah³lxi³txa³hẽ¹ni¹. Sxi²ha² wa³ka³li³yu³ta² wi¹lo²la³kxi² wxa²sxih²yu³tai²na² yxo²ha³kxa¹ ã³non²ta³kxi² wxa²wẽ³sãi¹ah³la² sa²yxo²we¹ti² nxe³jah³lxi³hẽ¹ni¹. Yah³lxin¹kxai²nãn²tu̱³ a²nũ²a² ĩ²li³te²a² Txa²wã¹sũ̱³na² wãn³txa² ko̱³nxe³te²lo³te²a² yũ²nxa³lho³la².

Tito 2:8

Nxe³sxã³ wãn³txa² ya²la³lyau³xa² wain³jau³xan²tu̱³ nxe³jau¹xai²na² so¹lxi³ e³txa²hẽ³la². Nxĩn¹kxai²nãn²tu̱³ ko̱³nxe³ti³ kãi³jah¹la² e³kxi²hĩ̱³te³nah¹lxi¹: — Jah¹lai²li² wain³txi³ e³ha²kxai³ hxi²kan¹txi³ ko̱³te³kxain¹nxa³nha²wi¹. Wxa²ko̱¹ko̱n¹so²kxi¹nxa²jah¹la² nxe² e³hĩ̱³nx2na³la². Nxe³sxã³ ĩ³ãu²lxi²to³tai¹nhĩ̱³nx2na³la².

3 Joãu 1:12

Nxa²ha¹te¹ Te³me²tri³o³jah¹lai²na² sa²kxai³lu² a²nũ²a² a²yxo²ha³kxa¹ wi¹le³kxain¹ta¹hẽ¹la². Ya²la³lyau³xa² wi¹le³kxi²ta¹hẽ¹la². Te²yã¹nxe³jau³xa² wi¹le³ũ¹nhũ³na¹wa². Ya²la³lyau³xa² so¹lxi³ e³a¹tai¹ti²tu³wa². Jã¹nxa¹wa².