“Wãn³txa² wi¹lhin¹jau³xa² ĩ³hain³sih¹nx2ti³sĩ¹na¹tai¹ti²tu³wi¹. Yxãn¹ta¹ ĩ³ka³li³kxi²ya³sai¹nxãn³tai¹ti²tu³wi¹. Hã²wxãn³txa³nũ² ĩ³ãin²ta³kxi²jau³xa² ĩ³hain³sih¹nx2ti³sĩ¹na¹tai¹ti²tu³wi¹. Yxãn¹ta¹ nã̱n³kxi²ya³sai¹nxãn³tai¹ti²tu³wi¹.” Nxe³kxe³hũ̱³sxã³ a²nũ²a² a²hĩ¹nãn¹te² nũ̱³ka̱³txi³nãu³xa² kã³nxai³tãn¹tũ̱³ka̱³txa² yã¹nxain¹na³li¹. Txa²wã¹sũ̱³na² wãn³txa² ĩ³hen³txi³tũ̱³ka̱³txa² e²nain¹na³li¹.
1 Korĩntios 14:7 - Txa²wã¹sũ̱³na² Wãn³txa²7 Nxa²ha¹te¹ yau³tã̱³xa²sa¹, yen³kxa² ka³te̱³nxa³te²na²sa¹, wãi²lhũ̱³ka³txa² ta̱³nxa² ar²pa²kax3su² ta̱³nxa² hain³kxai²nãn²tu̱³ wain³txi³ wxa²hai³nxa³kxai²nãn²tu̱³ a²nũ²a² ã̱³xa² ain³kxi²nẽ³jah¹la² hxi²kan¹ti³ a²si³yxau³tãu³khai³xa² ain³kxai¹nhĩ̱³nx2nxa³wa². အခန်းကိုကြည့်ပါ။ |
1 Korĩntios 14:7
7 ပူးပေါင်းရင်းမြစ်များ
Wẽ³ha³lxa² yã¹nxain¹na³li¹. Sxi²je³na² kwa² wa³ni̱³lo³nain¹te²ju²hẽ³li¹. Wa³ni̱³lon³sxã³ kaix1nyhu¹ain¹te³nah¹lxi¹: “Wãn³txa² wi¹lhin¹jau³xa² ĩ³hain³kxi²sĩn¹nx2ta¹tai¹ti²tu³wi¹. Yxãn¹ta¹ ĩ³ka³li³kxi²ya³sai¹nxãn³tai¹ti²tu³wi¹. Hã²wxãn³txa³nũ² ĩ³ãin²ta³kxi²jau³xa² ĩ³hain³kxi²sĩn¹nx2ta¹tai¹ti²tu³wi¹. Yxãn¹ta¹ nã̱n³kxi²ya³sai¹nxãn³tai¹ti²tu³wi¹.” Nxe³kxe³hũ̱³sxã³ a²nũ²a² a²hĩ¹nãn¹te² nũ̱³ka̱³txi³nãu³xa² kã³nxai³tãn¹tũ̱³ka̱³txa² yã¹nxain¹na³li¹. Txa²wã¹sũ̱³na² wãn³txa² ĩ³hen³txi³tũ̱³ka̱³txa² en²tain¹na³li¹.
Ĩ³yau¹ũ¹nx2ta¹jau³xa²sa¹, a²nũ²a² nũ̱³ka̱³txi³nãu³xai²na² wãn³txa² yxo²ha³kxa¹ hxi²kan¹txi³ ĩ³ye³kxi²na¹ha²kxai³ na¹kxa²yu³su² oh³xan¹te²nãu³xai²na² wãn³txa² yxo²ha³kxa¹ hxi²kan¹txi³ ĩ³ye³kxi²na¹ha²kxai³ nxe³na¹kxan²ti³ txa²ẽ¹nãu³ai²na² a³lxi²waun¹nyhu¹ju³ta³la³ yũ³sa²nxa³ke³la³te²kxai³ txa²wãn³txa² e³a¹jau³xai²na² kwa²wãn³txa² toh³lxi³jau³su² hĩ̱³nx2na³la². Kwa³thi³la³ka³txa² ĩ³su²ki̱³sa²kxai³ kwa²nxon³nẽ³te²jai¹ti²tu³wa². Jã¹nxe³hĩ̱³na¹wa².
Nxa²ha¹te¹ txa²wã³tã̱³nãu³xa² yã¹yxah³lxi¹lxa². Nxe³sxã³ wxã³sĩ²nx2ta¹tãu³a¹ wãn³txa² yau³ã̱³lxa³ti² jau³jau¹xai²na² so¹lxi³ e³kxi¹nx2ta¹kxai²nãn²tu̱³ hxi²kan¹ti³ ã³non²ta³kxi¹nx2ti³nxa³lho³la². Yxãn¹ta¹ Txa²wã¹sũ̱³na² wãn³txa² ĩ³yau¹ũ¹nx2ta¹jau³su² ta̱³nxa² a²hoh³lxi³sa²jau³su² ta̱³nxa² wãn³txa² wi¹jau³su² ĩ³hen³txi³nx2ta¹jau³su² ta̱³nxa² nxe³nx2ta¹kxai²nãn²tu̱³ ĩ³hxi²ka¹txa²lxi³hĩ̱³na¹wa².
Te²yã¹nxũn³sxã³ kwa³jan³ta² so³ta²to² nũ̱³ka̱³txa² he¹li³te³lhxã³ ai³ain¹te²ju²hẽ³la². Nxe³te³na¹ wãi²lhũ̱³ka³txa² trũ³be²ta²kax3su¹ nxe³ka³txa² tẽ³sxã³ ĩ³hain³te²ju²hẽ³la². Wi¹lhain³kxai²nãn²tu̱³ a²si³yxau³tãu³a² ã³ne³wxe³ha²kxai³ he¹lain¹te²ju²hẽ³la². Yxãn¹ta¹ wain³txi³ hai³nxa³kxai²nãn²tu̱³ ko̱³nhai¹nxa³ha²kxai³ hãi¹sxã³ he¹lai¹nxa³ka³tu̱³ yxau³ain¹te²ju²hẽ³la².
ကြော်ငြာတွေ