1 Korĩntios 13:6 - Txa²wã¹sũ̱³na² Wãn³txa²

⁶ A²nũ²a² ã̱³xa² ko̱³nxe³ti³ kãi³kxai²nãn²tu̱³ ĩ³ka³li³kxi²ki̱³te²sxa³yu²hẽ³la². Hãi¹sxã³ ya²la³lhi²ju³ta² wi¹kãi³kxai²nãn²tu̱³ ĩ³ka³li³ki̱³te²ju²hẽ³la².

1 Korĩntios 13:6 ပူးပေါင်းရင်းမြစ်များ

Mateus 18:13

Hã²wxãn³txa³ o³ve²a² ã³nxai³sa³tĩ¹te²nãn²tu̱³ ĩ³ha¹txi²kxai²nãn²tu̱³ kãin² ka³lxi³lhain¹nũ²nhai¹. A²ka³lxa¹tũ̱³ka̱³txa² ka³li³lhai¹nha²kxai³ ã³nxai³sa³tĩ¹te²li² kãin² ka³li³lha²kxai³ nxain¹nũ²nhai¹.

Lukas 22:5

Nxa²ha¹te¹ jau³jau¹xai²na² ain³kxain¹nxa²ha¹te¹ ka³li³hai¹nha²kxai³ ũ³yho³hi²txã³nxa² ũ³hũ¹kxi³nũ³su² e³hau³ko³nye²nyhain¹ta¹hxai²hẽ¹la².

Romanos 1:32

Tũ̱¹ka̱³txai²na², Txa²wãn³txa² ĩ³tih³nxai¹na¹jau³xa² ã³ne³wxe³ain¹tũ̱³ka̱³txai²la¹xã¹. “A²nũ²a² te²yã¹nxe³sxã³ ko̱³nxe³ti³ kãi³yxau²xai³te²su² te²a² ya³lu²tu¹wi¹. Ju¹ta² wain³na³li¹.” Nxe³ai¹na¹jau³xai²na² ã³ne³wxe³ta³lu²nain¹na³na¹. Nain¹kxa²ha³ta̱³nxãn²ti³, ã³na¹ai¹nxa³kxe³su², hãi¹nxe³sxã³ ko̱³nxe³ti³ kãi³sa²tẽ³i², a²nũ²a² ã̱³xa² ko̱³nxe³ti³ kãi³nũn³tũ̱³ka̱³txa² ĩ³sa²nẽn¹kxi² ain¹na³na¹. Txa²wã¹sũ̱³na² a²ẽ¹nãn¹jau³su² hĩ̱³nx2na³la².

Romanos 12:9

A²nũ²a² ã̱³xa² a³lxi²waun¹nha¹jah³lxi³hẽ¹la². — Txa²wã¹yxo²ka³nãu³ai²na² whãi²na¹ wi¹la̱in³nha²sxã³, a³lxi²khaix1na¹nha¹. Nxe³sxã³ a³lxi²waun¹nha¹jah³lxi³hẽ¹la². Hai³txi³ a³lxi²ki³lxo³xah³lxi³txa³hẽ¹la². Jã¹nxe³sxã³, ha³lo²a² ko̱³nxe³ju³ta² ã³na¹jah¹lxi³hẽ¹la². — Ko̱³nxe³ju³ta² yxo²kwĩn¹kxi²na¹nhã¹. Yah³lxin¹jau³su², ã³na¹jah¹lxi³hẽ¹la². Yah³lxin¹ka³tu̱³, wi¹ju³ta² so¹lxi³ i³jah¹lxi³sxã³ ã³tẽ³sxã³ ã³kãi³jah¹lxi³hẽ¹la².

Filipẽnses 1:18

Nxe³sain¹kxan²ti³ ĩ³ãin²ta³kxi²nhã²nxa³wa². Je³su²jah³lai²na² wãn³txa² ã²la² kãi²non³sxã³ ha³ta̱³nxe³ju³ta² ten³sa³nha²wa². Ko̱³te³ain¹ta̱³nxa² wain³txi³ e³ain¹ta̱³nxa² nxe³kxan²ti³ Je³su²jah³lai²na² wãn³txa² ha³ta̱³nxe³na³la². Ju³tai²li² ka³li³sa³nha²wa². Ka³li³sxã³ yxau²xai³la¹tu¹wa².

Filipẽnses 1:4

Txa²wã¹sũ̱³na² e³kxi²na¹tãu³a² wxa²nũ̱³ka̱³txi³ ĩ³nxai²na² hãi¹nxe³ti³ ĩ³nxai²na² e³kxi²to³ha¹wa². Txa²wã¹sũ̱³na² e³kxi²na¹tãu³a² ka³lih³kxi²la²nha²sxã³ e²kxi³to³ha¹wa².

Filipẽnses 3:18

Txa²wã¹sũ̱³na² wãn³txa² yxo²ĩ²ki³lxo³te²a² yũ²na³la². Nxe³te²na² sa²kxai³lu² Kris²tu³jah¹lai²na² ĩ³hxi²kĩ¹la²kxi²sxã³ ĩ³ya²lut1jah¹lai¹tã² yxo²kwĩn¹kxain¹na³la². Ko̱¹ko̱¹so¹nain¹na³la². Nxe³nx2ti³to³ha¹tai¹ti²tu³wa². Nxe³ju³tai²li² ĩ³ãin²ta³kxi²nha²khaix1nxe³sxã³ nã̱n³sxã³ ĩ³hen³txi¹nx2ta¹wa².

2 Tesalonisẽnses 2:12

Nxain¹ka³tu̱³ tũ̱¹ka̱³txai²na² yxo²ha³kxa¹ ya²la³tu̱³jau³xa² te³nai¹nxa³te²na² a²yxo²ha³kxa¹ ko̱³nxe³ti³ kãi³ki̱³ju³ta² te³nain¹te²na² a²yxo²ha³kxa¹ nxe³sxã³ Txa²wã¹sũ̱³na² hi²sen³su² ã³na¹ain¹tu¹wa². A³ka³nxi²sxã³ wxã³hĩ¹na¹ ã³na¹ain¹tu¹wa². Hãi¹sxã³ ko̱³nxe³ti³ ĩ³yĩ¹li²hai¹nha²kxai³ ko̱³nxe³ti³ kãi³ain¹kxa² yo³ha² ũ³yho³hi²hain¹tu¹wa², Txa²wã¹sũ̱³na² hxi²ka²sa³.

2 Joãu 1:4

Wxa²wẽ³ha³lxa² ka³na³ki²te²na² wãn³txa² ya²la³lyau³xa² ã³si³tẽ³la³kxi²nyhain¹ta¹hẽ¹na². Txa²wã¹wĩ³na² wãn³txa² ĩ³kwa³na³nẽ³jau³xa² ain³kxi²sĩ¹na¹kxaix3 jã¹nxain¹ta¹hẽ¹na². Ju¹tai²li² wi¹lxon³kxi²khaix1sa³nha².