1 Korĩntios 11:22 - Txa²wã¹sũ̱³na² Wãn³txa²

²² Wxa²sxi²khai³xa² yain³txi³su² ta̱³nxa² ĩ³na²kxi³jau³su² ta̱³nxa² yũ³nxa²lxi³ta²lu¹wa². Nxe³sxã³ nxe² o²la³kxi²yah³lxin¹kxai²nãn²tu̱³ Je³su²jah³lai²na² wãn³txa² yxo²ĩ²sxã³ yxau²xai³tũ̱³ka̱³txa² ko̱³nxe³ti³ kãi³ũ¹hah³lxi¹nhẽ³la². Te²yã¹nxe³sxã³ a²nũ²a² yain³kxi³txa²te²a² wxã³te²su² te²a² yai³nhxa³je²yah³lxi¹nha²kxai³ ãu²li²to³tain¹yah³lxi¹lxa². Nxe²kãi³yah³lxi¹nha²kxai³ hxi²kan¹txi³ wi¹le³kxi¹nx2ti³nxa³lho³la².

1 Korĩntios 11:22 ပူးပေါင်းရင်းမြစ်များ

Atos 20:28

A²nxe³ju³kxai³lu² wxãi²na² sa²kxai³lu² wxa²ẽ¹nãu³la³ wi¹lĩ²nha¹jah¹lxi³hẽ¹li¹. Je³su²jah³lai²na² wãn³txa² yxo²ĩ²sxã³ yxau²xai³te² nũ̱³ka̱³txa² wi¹lĩ³hau³ko³nha¹jah³lxi³hẽ¹li¹. Nxe³sih¹nx2ti³jau³su² Txa²wã¹sũ̱³na² Yãu³ka³txa² ũh³wxe³nx2ti³na²hẽ³li¹. Nxe³ju³kxai³la¹ tũ̱¹ka̱³txai²li² Txa²wã¹sũ̱³na² Ta²ha² ya³lu²hĩ¹nai³tã¹ju³ta³la² yxo²ĩ²te²a² Txa²wã¹sũ̱³na² nũ̱³ka̱³txi³sah²lxin¹tu¹wi¹. Nxe³tũ̱³ka̱³txai²li² Txa²wã¹sũ̱³na² a²sa³wi³ha³lxai²la¹wi¹.

1 Korĩntios 10:32

A²nũ²a² ko̱³nxe³ti³ kãi³ti³hi¹tain¹yah³lxi³txa³hẽ¹la². Ju³te²an¹te²su² ta̱³nxa² Ju³te²an¹te²sxa³te²su² ta̱³nxa² Je³su²jah³lai²na² wãn³txa² yxo²ĩ²sxã³ yxau²xai³tũ̱³ka̱³txi³su² ta̱³nxa² ĩ²li³te²hũ̱³te²a² ko̱³nxe³ti³ kãi³ti³hi¹tain¹yah³lxi³txa³hẽ¹la².

1 Korĩntios 11:17

Nxe³ha²kxai³ yu³tã̱³xai²li² e³kxi¹nx2ta¹tu¹wa². Nxe³ju³tai²li² wi¹kãi³yah²lxa³lxa². Txa²wã¹sũ̱³na² wãn³txa² ain³kxi²te³lhxã³ ã³yã³nũ²kxah¹lxin¹tãu³a¹ sa²nẽn¹kxi¹nx2ta¹ju³ta² hxi²kan¹sa²nxa³nha²wa². Ko̱³thi¹non³yah³lxi¹lxa².

1 Korĩntios 11:2

Ju¹ta³la³ nxa²ha²kxai³ wi¹lxo³kxi²sah¹lxi¹lxa². Wãn³txa² ĩ³yau¹ũ¹nx2ta¹jau³xai³tã² yxo²ha³kxa¹ sa²yxo²wet1sah¹lxi³ta¹hi¹nhẽ¹la². Nxe³wã²na³yah³lxi³ta¹hxã³nhẽ¹la². Nxe³ju³tai²li² sa²nẽn¹kxi¹nx2ta¹wa².

1 Korĩntios 11:34

Nxe³yãn¹ta¹ wxa²ha³tih³ ĩ³nxai²na²: — Heh³khaix1sa³nha¹. Yah³lxin¹kxai²nãn²tu̱³ wxa²sxi²khai³xa² yain³jah¹lxi³sã²nhẽ³la². Nxe³yah³lxin¹ka³tu̱³ wxã³sxã³ ã³yã³nũ²kxi²yah³lxin¹sxã³ Txa²wã¹sũ̱³na² yain³tũ̱³xai²li² ya³lu²kxi²nũ¹nhẽ³ju³ta² ĩ²xi²sa²sxã³ yain³ki̱³tũ̱³xai²li² ĩ³yai³ni² ĩ³na²jau³xai²li² ya³lu²kxi²nũ¹nhẽ³ju³ta² ĩ²xi²sa²sxã³ ĩ³na²ki̱³jau³xai²li² ĩ³na² nxe³jah³lxi³hẽ¹la², Txa²wã¹sũ̱³na² ko̱³nxe³ti³ ĩ³yĩ¹li¹nx2ti³kxa²ya̱n³txi³sa². Nxa²ha¹te¹ wãn³txa² yau³ã̱³xa² yũ³nũn³na¹wa². Yxãn¹ta¹ hãi¹nxa¹a¹tu¹wa². Wxã³na¹tãu³a¹ ĩ³yau¹ũ¹nx2ta¹tu¹wa².

1 Korĩntios 15:9

Ĩ³kaix1so¹sa²nũn³jah¹lo²sa¹wa². Txai²na² kãin²sa²nxa³jah¹lo²sa¹wa². Nxe³ha²kxai³ ĩ³kaix1so¹tũ̱³ka̱³txa² yxo²ha³kxa¹ ã³sen³sai¹sain¹nha²wa². Kxã³nhxĩ¹nãu³ai³tã² Je³su²jah³lai²na² wãn³txa² yxo²ĩ²tũ̱³ka̱³txa² khãuh³lxa³txai¹na¹hẽ³la². Nxe³na¹ju³ta²: — Wain³txa²na³nã¹. Txa²ẽ¹nãn¹jau³xa² te²sa¹wa².

1 Timoteo 3:15

Nxe³na¹ta¹ hxi²kan¹sa²nxa³ke³la³te²kxai³ wãn³txa² ĩ³yau¹ũ¹nxa²ha¹jau³xai²li² ã²la² a³la³kxi²hĩ̱³nxa¹lxa². Je³su²jah³lai²na² wãn³txa² yxo²ĩ²tũ̱³ka̱³txa² wain³txi³ yxau²xai³lain¹ju³ta² wi¹wi¹nxe² ĩ³hau³ko³tũ¹hai¹nhĩ̱³nxa¹lxa². A²nxe³tũ̱¹ka̱³txai²li² Txa²wã¹sũ̱³na² ka³te̱n³yah¹la² a²sa³wi³ha³lxai²la¹wa². Ya²la³lyau³xan²tu̱³ Sũ̱³na² wãn³txi³su² ye²ha²kxai³ a̱in³kxi²yxau²xai³tũ̱³ka̱³txai²la¹wa².

1 Timoteo 3:5

Nxe³ha²kxai³ txa²wã¹wẽ³ha³lxa² hxi²kan¹txi³ hau³ko³ki̱³sxa³kxai²nãn²tu̱³ yxo²ĩ²ki̱³tũ̱³ka̱³txi³ki̱³na¹xai²na² hxi²kan¹txi³ ĩ³hau³kot3hĩ̱³ki̱³sxa³wa².